នៅថ្ងៃចន្ទនេះ សមត្ថកិច្ចបានធ្វើការឃាត់ខ្លួនបុរសជនជាតិចិនម្នាក់ដែលសង្ស័យថា ជាមេខ្លោងឆបោកតាមទូរស័ព្ទធំបំផុតក្នុងប្រទេសថៃនៅជិតព្រំដែនជាមួយប្រទេសកម្ពុជា។
ឧត្តមសេនីយ៍ទោ Montree Theskhan មេបញ្ជាការផ្នែកបង្រ្កាបបទល្មើសបានឲ្យដឹងថា លោក Demin Wen អាយុ ៣៥ឆ្នាំ ត្រូវបានឃាត់ខ្លួននៅលើផ្លូវឆ្ពោះទៅប្រទេសកម្ពុជា ក្នុងភូមិ Ban Non Sao Ae ឃុំ Phan Suek ស្រុក Aranyaprathet ខេត្តស្រះកែវ។
Million Times 
បើតាមមេបញ្ជាការ លោក Demin ត្រូវបានគេសង្ស័យថា ទទួលបានប្រអប់ស៊ីមកាត ស៊ីមកាត និងឧបករណ៍ពាក់ព័ន្ធមួយចំនួនធំ ដែលត្រូវបានដំឡើងនៅផ្ទះជួលជាច្រើនក្នុងខេត្តឈៀងម៉ៃ និងប្រើប្រាស់ដើម្បីជួយសម្រួលដល់ប្រតិបត្តិការឆបោក។
ថ្មីៗនេះ ប៉ូលិសបានឆ្មក់ចូលផ្ទះក្នុងខេត្តភាគខាងជើង និងឃាត់ខ្លួនប្រពន្ធជនជាតិថៃដែលត្រូវបានចោទថា ជាអ្នកចាត់តាំងឲ្យមើលការខុសត្រូវក្នុងផ្ទះ។ នៅពេលនោះ ប៉ូលីសបានរកឃើញស៊ីមកាតចំនួន ៦៤២ ស៊ីមកាតចំនួន ៥៩០,០០០ កុំព្យូទ័រចំនួន ៧២ គ្រឿង និងទូរស័ព្ទដៃចំនួន ១,៤៥៥ គ្រឿង។ ក្នុងការវាយឆ្មក់លើកមុន បុរសជនជាតិចិនរូបនេះបានបើកឡានគេចខ្លួនពីខេត្ត Chiang Mai ទៅខេត្ត Nakhon Sawan ជាកន្លែងដែលលោកបានបោះបង់រថយន្តចោល ហើយជិះរថយន្តក្រុងទៅបាងកក។
ភរិយាជនជាតិចិនរបស់លោក យិន ស៊ាវយីង ត្រូវបានគេចោទថាបានរៀបចំការរត់គេចខ្លួនបន្ថែមទៀតពីទីក្រុងបាងកកទៅខេត្តស្រះកែវ ដែលជាប់ព្រំដែនកម្ពុជា។
លោក Demin បានប្រាប់ប៉ូលីសថា គាត់មិនបានដឹងថាប្រពន្ធរបស់គាត់ជាជនជាតិថៃត្រូវបានចាប់ខ្លួនទេ ហើយគាត់គ្រាន់តែមានគម្រោងទៅលេងផ្សាររោងក្លឿក្នុងខេត្តស្រះកែវប៉ុណ្ណោះ។ ប៉ូលិសបានចាប់ប្រពន្ធជនជាតិចិនអាយុ ៣៧ឆ្នាំរបស់លោកនៅអាកាសយានដ្ឋានសុវណ្ណភូមិកាលពីថ្ងៃអាទិត្យ៕
អត្ថបទ៖ សារ៉ាយ រូបភាព៖ Bangkok Post