រយៈពេលជិតមួយឆ្នាំមកនេះ មហាសេដ្ឋីពិភពលោកមានសំងំកើបលុយច្រើនសន្ធឹក ដោយក្នុងនោះទីភ្នាក់ងារសារព័ត៌មាន Bloomberg បានសម្រិតសម្រាំងបុគ្គលចំនួន ១០រូប ដែលមានកំណើនទ្រព្យសម្បត្តិច្រើនបំផុត។

មហាសេដ្ឋីដែលកើបលុយបានច្រើនជាងគេ គឺមេធំក្រុមហ៊ុន Tesla លោក Elon Musk ប្រធានក្រុមហ៊ុន Oracle លោក Larry Ellison នាយកប្រតិបត្តិក្រុមហ៊ុន Nvidia លោក Jensen Huang និងស្ថាបនិកក្រុមហ៊ុន Meta Platforms លោក Mark Zuckerberg។

សារព័ត៌មាននិយាយពីមនុស្សកំពូលលុយ Bloomberg បានអះអាងថា សរុបទ្រព្យសម្បត្តិរបស់មហាសេដ្ឋី ១០រូប ដែលកើបលុយច្រើនជាងគេក្នុងឆ្នាំ២០២៤ គឺមានទំហំដល់ទៅ ៥៨៥ពាន់លានដុល្លារឯណោះ។

ខាងក្រោមនេះ គឺជាបញ្ជីឈ្មោះកំពូលមហាសេដ្ឋី ១០រូប ដែលមានកំណើនទ្រព្យសម្បត្តិច្រើនបំផុត គិតត្រឹមថ្ងៃទី២៦ ខែវិច្ឆិកា៖

ឈ្មោះ	កំណើនទ្រព្យសម្បត្តិ (ពាន់លានដុល្លារ)	ទ្រព្យសម្បត្តិសរុប (ពាន់លានដុល្លារ)	ប្រភពចំណូល
Elon Musk	119	348	Tesla, SpaceX
Larry Ellison	83,2	206	Oracle, Tesla
Jensen Huang	79,9	124	Nvidia
Mark Zuckerberg	70	198	Meta Platforms
Jeff Bezos	41,7	219	Amazon
Michael Dell	40,8	119	Dell Technologies
Jim Walton	40,1	113	Walmart
Alice Walton	39,5	110	Walmart
Rob Walton	39	110	Walmart
Thomas Peterffy	31,7	57,4	Interactive Brokers

អត្ថបទ៖ Luffy រូបភាព៖ Bloomberg