មិនថាស្ថិតក្នុងការរៀបចំតុបតែងខ្លួនបែបធម្មតាៗយ៉ាងណា តែរឿងកាបូបដៃមួយ លោកស្រី លាង ធារ៉ា មិនសាមញ្ញឡើយ ដោយមួយៗសុទ្ធតែជាម៉ាកយីហោល្បីៗ។
Million Times 
លោកស្រី លាង ធារ៉ា ជាអ្នកជំនួញស្រីដែលមានរូបសម្រស់ស្រស់ស្អាត មានសមត្ថភាព និងពោរពេញដោយការច្នៃប្រតិដ្ឋក្នុងរបររកស៊ី ព្រមទាំងរឿងតុបតែងខ្លួន។ ជានិច្ចកាលពេលបង្ហាញខ្លួនម្ចាស់ប្រេន T&L លោកស្រីតែងតែបង្ហាញពីសម្រស់ល្អឥតខ្ចោះ។
បើទោះជាស្ថិតក្នុងឈុតធម្មតាយ៉ាងណា ក៏មិនអាចបិទបាំងពីភាពស្រស់ស្អាតបានដែរ មួយវិញទៀតលោកស្រីតែងតែមកជាមួយកាបូបដៃប្រេនល្បីជាប់ខ្លួនជានិច្ច។
ជាក់ស្ដែងកាលពីមុនពេលចូលឆ្នាំ លោកស្រី លាង ធារ៉ា បានទៅចូលរួមមង្គលការតាមខេត្ត និងស្លៀកពាក់ឈុតសាមញ្ញៗសិន។ ប៉ុន្តែមិនភ្លេចឡើយកាបូបប្រេន Chanel ដែលជាយីហោសំណព្វចិត្ត។
សម្លៀកបំពាក់កីឡា និងកាបូបដៃ Chanel Beaute Makeup Crossbody Bag ដែលមានតម្លៃរាប់ពាន់ដុល្លារ។ គួរបញ្ជាក់ថាលោកស្រី លាង ធារ៉ា ភរិយា ឧកញ៉ា ឌី ជោត ជាអ្នកជំនួញវ័យក្មេងមានភាពល្បីល្បាញខ្លាំងទាំងផលិតផលល្អ និងរូបសម្ផស្សផូរផង់៕
អត្ថបទ៖ ឆដា, រូបភាព៖ Ti Meng និង KimSroy Seng
