សាកល​វិទ្យាល័យ Malaysia – South India បាន​ប្រគល់​សញ្ញាបត្រ​បណ្ឌិត​កិត្តិយស​ផ្នែកធុរកិច្ច ជូន​ដល់សាស្ត្រាចារ្យ Dato Sri Dr គឹម សុខអេង។ ពិធីប្រគល់ធ្វើឡើងនៅប្រទេសសិង្ហបុរី។

តាមដានជាមួយយើង៖ Million Times

មិន​ត្រឹម​តែ​ជា​ម្ចាស់​បុរី KC ប៉ុណ្ណោះ​ទេ សេដ្ឋីវ័យក្មេង គឹម សុខអេង ក៏​មាន​អាជីវកម្ម​ជាច្រើន​ទៀត​ដែរ​នៅក្នុងដៃ ដូចជាអគ្គនាយក Eng Design & Construction, ស្ថាបនិក​ក្លិប​ហាត់ប្រាណ​ បឹងកេងកង និង​ជា​សហ​ស្ថាបនិក​ក្រុមហ៊ុន​ពុះ​ដីឡូត៍ នៅ​ខេត្ត​កោះកុងផងដែរ។

ថ្មី​ៗ​នេះ​ម្ចាស់​បុរី KC ក៏​បាន​ចូលរួម​ការងារ​សង្គម​ច្រើន​ថែម​មួយ​កម្រិត​ទៀត ដែល​នេះ​ក៏​ជា​គំរូ​មួយ​ដ៏​ល្អ​ផង​ដែរ។ លោក សុខអេង ក៏សមាជិកសមាគមឧកញ៉ាកម្ពុជា សមាជិកសមាគមសហគ្រិនវ័យក្មេងកម្ពុជា និងសមាជិកសមាគមអភិវឌ្ឍន៍លំនៅដ្ឋានកម្ពុជា។

គួរ​បញ្ជាក់​ថា កាលពី​ឆ្នាំ​ ២០២៣ នៅថ្ងៃទី​០៦ ខែកក្កដា លោក គឹម សុខអេង ទទួល​បាន​គោរមងារ​ឧកញ៉ា និងទទួលបានគោរមងារ​ «អ្នកឧកញ៉ា» ​​ថ្ងៃទី​១៥ ខែសីហា ឆ្នាំ២០២៣ តាមរយៈព្រះរាជក្រឹត្យលេខ នស/រកត/០៨២៣/១៨៧៤៕

អត្ថបទ៖ មេរ៉ា, រូបភាព៖ FB KIM SOK ENG

The post ម្ចាស់បុរី KC និង KK The Residence ទទួលបានសញ្ញាបត្របណ្ឌិត​កិត្តិយស​ផ្នែកធុរកិច្ចពីប្រទេសម៉ាឡេស៊ី appeared first on Millions times.

ភរិយាលោក សុខ សូកាន ទទួលបានការចាប់អារម្មណ៍ពីសំណាក់ភ្ញៀវចូលរួមក្នុងកម្មវិធីជយមង្គលលោក សុខ សប្បាយណា ដែលជាសាច់ញាតិជិតស្និទ្ធនៃស្វាមីលោកស្រី នៅ OCIC។

តាមដានជាមួយយើង៖ Million Times

ដូចដឹងហើយថា នាថ្ងៃមង្គលការរបស់លោក សុខ សប្បាយណា ដែលជាប្អូនប្រុសលោក សុខ សូកានរដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ និងជាប្អូនជីដូនមួយដែលធ្លាប់រស់នៅជាមួយគ្នាតាំងពីតូចៗដែរនោះទាំងលោក សុខ សូកាន លោក សុខ សូកេន លោក សុខ សង្វារ និងគ្រួសារ ត្រូវតែរៀបចំខ្លួនជាម្ចាស់កម្មវិធីមួយ។ ព្រោះតែបែបនោះហើយ ស្ត្រីត្រកូលមានមុខមាត់ក្នុងសង្គមដែលជាបងថ្លៃស្រី បានប្រុងប្រៀបរៀបចំតុបតែងខ្លួនឲ្យស័ក្តិសមនឹងឋានៈជាក់ជាមិនខាន។

បរិយាយពីលោកស្រី សំអាង លក្ខិណា ក្នុងសម្លៀកបំពាក់ប្រពៃណីខ្មែរយ៉ាងសមសួន បូករួមរូបសម្រស់ស្រស់ស្អាតមិនប្រែ ព្រមទាំងមុខមានមន្តស្នេហ៍ បញ្ចេញស្នាមញញឹមជាប់ជានិច្ច មើលទៅមិនចេះជិនណាយ។

គួរឲ្យដឹងផងដែរថា លោកស្រី សំអាង លក្ខិណា ទទួលបរិញ្ញាបត្រកិត្តិយសផ្នែកសេដ្ឋកិច្ចពីសាកលវិទ្យាល័យ Nottingham ចក្រភពអង់គ្លេស ហើយភរិយាលោករដ្ឋលេខាធិការក្រសួងរៀបចំដែនដីរូបនេះ គឺជានាយកផ្នែកអភិវឌ្ឍន៍អាជីវកម្មនៃក្រុមហ៊ុន វឌ្ឍនៈ ប្រូភើធី អិលធីឌី និងក្រុមហ៊ុនវឌ្ឍនៈ អ៊ិនវេសមេន លីមីធីត ជាសហស្ថាបនិក ភាគទុនិក និងជាអភិបាលនៃក្រុមហ៊ុនវឌ្ឍនៈ ប្រូវើរី ឯ.ក និងក្រុមហ៊ុន វឌ្ឍនៈ ហ្គោល រីហ្សត ឯ.ក៕

អត្ថបទ៖ សុរ៉ាវី រូបភាព៖ FAST

The post កូនស្រីពៅមហាសេដ្ឋី សំអាង វឌ្ឍនៈ ផូរផង់ក្នុងចំណោមកូនអភិជនៗ ថ្ងៃមង្គលការប្អូនថ្លៃប្រុស appeared first on Millions times.

ដោយសារមានការព្យាករណ៍ពីទិន្នផលស្រូវកើនឡើង កសិករ និងអ្នកនាំចេញអង្ករនាពេលថ្មីៗនេះបានជំរុញឱ្យរដ្ឋាភិបាលឥណ្ឌា បើកឲ្យមានការនាំចេញអង្ករសឡើងវិញ បង្កើនការផ្គត់ផ្គង់អង្ករសកល ដោយបានកំណត់តម្លៃអប្បបរមាសម្រាប់ការនាំចេញអង្ករសចំនួន ៤៩០ដុល្លារក្នុងមួយតោន។ ការកំណត់នេះបាន​ធ្វើឱ្យតម្លៃអង្ករ​​ស វៀតណាម ថៃ ប៉ាគីស្ថាន និងមីយ៉ានម៉ា ​ធ្លាក់ចុះ។

សារព័ត៌មាន Reuter បានចុះផ្សាយថា មន្ត្រីពាណិជ្ជកម្ម និងឧស្សាហកម្មបាននិយាយថា ការនាំចេញអង្ករកាន់តែខ្ពស់ពីប្រទេសឥណ្ឌា ដែលជាអ្នកនាំចេញអង្ករធំបំផុតរបស់ពិភពលោកនឹងជំរុញការផ្គត់ផ្គង់សកល និងធ្វើឱ្យតម្លៃអន្តរជាតិធ្លាក់ចុះ ដោយបង្ខំឱ្យប្រទេសនាំចេញសំខាន់ៗផ្សេងទៀត ដូចជា ប៉ាគីស្ថាន ថៃ និងវៀតណាម ធ្លាក់ចុះ។

តាមដានជាមួយយើង៖ Million Times

លោក Dev Garg អនុប្រធានសហព័ន្ធអ្នកនាំចេញអង្ករឥណ្ឌា បាននិយាយថា ដោយសារតែតម្លៃខ្ពស់នេះ កសិករ និងអ្នកនាំចេញរបស់ឥណ្ឌាត្រូវបានហាមឃាត់មិនឱ្យលក់ប្រភេទអង្ករដែលមានតម្លៃថោកនៅលើទីផ្សារពិភពលោក។ លោក Garg បន្តថា ជាមួយនឹងការសម្រេចចិត្តនេះ នឹងមិនមានការរឹតបន្តឹងពេកនោះទេ។

លោក B.V. Krishna Rao ប្រធានសមាគមអ្នកនាំចេញអង្ករបាននិយាយថា ការផ្គត់ផ្គង់របស់ឥណ្ឌានឹងមានភាពប្រកួតប្រជែងជាងមុន ដោយសារប្រទេសឥណ្ឌាអាចផ្គត់ផ្គង់អង្ករសចំនួន ៥% របស់ខ្លួនក្នុងតម្លៃប្រហែល ៤៦០ដុល្លារក្នុងមួយតោន។ ពាណិជ្ជករបាននិយាយថា ប្រទេសឥណ្ឌានឹងអាចផ្គត់ផ្គង់អង្ករសកើន ២៥% ដោយកន្លងមកបានត្រឹមតែ ៥% សម្រាប់នាំចេញទៅកាន់ប្រទេសអាហ្រ្វិកមួយចំនួន។

កាល​ពី​ថ្ងៃ​អង្គារ ប្រទេស​ឥណ្ឌា​បាន​លុប​ចោល​ពន្ធ​នាំ​ចេញ​លើ​អង្ករ​ស ខណៈ​នៅឃ្លាំងបាន​កើន​ឡើង ហើយ​ប្រទេស​នេះ​គ្រោង​នឹង​ផលិត​ដំណាំ​ដែល​មាន​លក្ខណៈ​ធូរស្រាល​ បន្ទាប់​ពី​មាន​ភ្លៀង​ធ្លាក់​ខ្លាំង។ នៅពេលដែលអាកាសធាតុ El Nino ក្នុងឆ្នាំ២០២៣ បានបង្កើនការរំពឹងទុកនៃភ្លៀងមូសុង ឥណ្ឌាបានដាក់ការទប់ស្កាត់ផ្សេងៗលើការនាំចេញអង្ករ ហើយបន្តរហូតដល់ឆ្នាំ២០២៤ ដើម្បីរក្សាតម្លៃក្នុងស្រុកនៅមុនការបោះឆ្នោតជាតិខែមេសាដល់ខែមិថុនា៕

អត្ថបទ៖ សារ៉ាយ រូបភាព៖ Reuters

The post ឥណ្ឋា បើកឲ្យនាំចេញអង្ករសឡើងវិញ ធ្វើឲ្យតម្លៃអង្ករវៀតណាម ថៃ បាគីស្ថាន និងមីយ៉ានម៉ាធ្លាក់ចុះ appeared first on Millions times.

ដំបូង​ឡើយ​មិន​មាន​អ្នក​ស្គាល់​ជាង​កាត់​សក់​លំដាប់​សេដ្ឋី​ៗ​នេះ​ទេ តែ​ក្រោយ​ពី​មាន​ការ​បង្ហាញ​ក្នុង​វីដេអូ​ ក៏​ដូចជា​តិកតុក​មក គឺ​គេ​បាន​ស្គាល់​គ្រប់​គ្នា​ថា​ ម្នាក់​កាត់​សក់​នេះ​គឺ JB ​ដែល​ទើប​មាន​វ័យ​២០​ឆ្នាំ​ប៉ុណ្ណោះ តែ​ក្លាយ​ទៅ​ជា​សេដ្ឋី​ម្នាក់​ទៅ​ហើយ។

JB ​ជា​ជនជាតិ​កាណាដា ​កើត​ក្នុង​គ្រួសារ​លំបាក​មួយ​មិន​ធូរធា​ខ្លាំង​នោះ​ទេ។ តែ​បុរស​វ័យ​ក្មេង​រូប​នេះ​ជម្នះ​ខ្លាំង​មែនទែន​ជាមួយ​គ្រួសារ​រហូត​សម្រេច​បំណង​ក្លាយ​ជា​ជាង​កាត់​សក់​នេះ​បាន។ 

តាមដានជាមួយយើង៖ Million Times

JB ​ចាប់​អារម្មណ៍​ការ​កាត់​សក់​នេះ​តាំង​ពី​អាយុ​៨​ឆ្នាំ ​ហើយ​ដំបូង​ឡើយ​គេ​តែងតែ​កាត់​សក់​ឱ្យ​មិត្ត​នៅ​សាលា​របស់​ខ្លួន​ដោយ​មិន​យក​ប្រាក់​ទេ។ ​ដោយសារ​តែ​មាន​ជំនាញ ​និង​ចេះ​ប្រម៉ូដ​ខ្លួន​ឯង​ខ្លាំង​នេះ​ហើយ​ទើប​បាន​ជា​កេរ្ដិឈ្មោះ​របស់​គេ​កាន់​តែ​កើន​ឡើង​ខ្លាំង ​និង​ល្បីល្បាញ​មែនទែន​នៅ​លើ​បណ្ដាញ​សង្គម។ ​តាំង​ពី​ក្មេង​ដែល​ពិបាក តែ​បច្ចុប្បន្ន JB ​ក្លាយ​ជា​អ្នក​មាន​បាន​ខ្លាំង​និង​ត្រូវ​បាន​អ្នក​មាន​លំដាប់​សេដ្ឋី​ជា​ច្រើន​នាក់​ហៅ​គេ​ទៅ​កាត់​សក់​ឱ្យ​រហូត។ 

​ថ្មី​ៗ​នេះ​ក៏​យើង​បាន​ឃើញ Eric ​ហៅ​អ្នក​ល្បីល្បាញ​រូប​នេះ​មក​កម្ពុជា​ដើម្បី​កាត់​សក់​ឱ្យ​ខ្លួន​ដែរ។ គេ​មិន​ទាន់​ដឹង​តម្លៃ​ថា​ប៉ុន្មាន​ទេ​ក្នុង​ការ​កាត់​សក់​នេះ តែ​បើ​កន្លង​មក​គឺ​មិន​ថោក​ឡើយ​សម្រាប់​វត្តមាន​របស់ JB ​ព្រោះ​ក្រៅ​ពី​កាត់​សក់​ទៅ គេ​នៅ​ធ្វើ​មាតិកា​ជា​ច្រើន​ទៀត​ដើម្បី​ជួយ​ប្រម៉ូដ​ដល់​អតិថិជន​របស់​ខ្លួន។

 ប៉ុន្តែលំដាប់គ្រួសារអភិជនដូចកូនប្រុសថៅកែហនុមាន មិនមែនជាបញ្ហាឡើយ។  និយាយ​ពី​ប្រវត្តិ​ផ្ទាល់​ខ្លួន​របស់ JB ​គឺ​រូបគេ​កើត​នៅ​ហ្វីលីពីន តែ​គ្រួសារ​របស់​គេ​ផ្លាស់​ទៅ​រស់​នៅ​កាណាដា ទុក​ឱ្យ​គេ​នៅ​ជាមួយ​សាច់​ញាតិ​ដល់​អាយុ​៤​ឆ្នាំ។ ​នៅ​វ័យ​នេះ​ដែរ ​គ្រួសារ​របស់​គេ​ក៏​បាន​បែក​គ្នា ​ហើយ JB ​ទៅ​រស់​នៅ​ជាមួយ​ម្ដាយ៕

អត្ថបទ៖ រ៉ាវី រូបភាព៖ បណ្តាញសង្គម

The post ​តើ ​JB ដែល​មក​កាត់​សក់​ឱ្យ Eric កូន​ថៅកែ​ហនុមាន​ ជា​នរណា?​ appeared first on Millions times.

សម្ដេច ហ៊ុន សែន ប្រមុខរដ្ឋស្តីទីនៃកម្ពុជា បានអនុញ្ញាតឱ្យលោក ប្រាបូវ៉ូ ស៊ូប៊ីយ៉ាន់តូ (Prabowo Subianto) រដ្ឋមន្ត្រីការពារជាតិ និងជាប្រធានាធិបតីជាប់ឆ្នោតឥណ្ឌូណេស៊ី ចូលជួបសម្តែងការគួរសម និងពិភាក្សាការងារនៅវិមានព្រឹទ្ធសភា កាលថ្ងៃសុក្រ ទី៦ ខែកញ្ញា ឆ្នាំ២០២៤។

តាមដានជាមួយយើង៖ Million Times

 ដូចទៅនឹងជំនួបជាមួយលោក ចូកូ វីដូដូ ពេលកន្លងទៅដែរកាលសម្តេចកាន់តំណែងនាយករដ្ឋមន្រ្តី លើកនេះ សម្តេច ហ៊ុន សែន ក៏បានចាត់ឱ្យលោក ប្រាបូវ៉ូ ស៊ូប៊ីយ៉ាន់តូ ពិចារណាក្នុងការឲ្យក្រុមហ៊ុនឥណ្ឌូនេស៊ីមកដាក់ទុន ១០០% ក្នុងការបង្កើតឃ្លាំងការប្រមូលទិញស្រូវ បង្កើតជាម៉ាស៊ីនកិនស្រូវ និងការវិចខ្ចប់ដើម្បីដឹកជញ្ជូននាំចេញទៅឥណ្ឌូនេស៊ី និងបណ្ដាប្រទេសផ្សេងទៀត។

ពាក់ព័ន្ធនឹងក្នុងវិស័យសន្តិសុខស្បៀង កន្លងទៅក្នុងជំនួបរវាងលោក ឌិត ទីណា រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ និងលោក Pahala Nugraha Mansury អនុរដ្ឋមន្រ្តីក្រសួងការបរទេសឥណ្ឌូណេស៊ី កាលពីថ្ងៃទី១៧ ខែសីហា ឆ្នាំ២០២៣ ឥណ្ឌូណេស៊ី បានសម្រេចទិញអង្ករពីកម្ពុជាក្នុងបរិមាណ ១២៥ ០០០តោន ក្នុងនោះក្នុងនោះអង្ករសបរិមាណ១០០ ០០០តោន និងបរិមាណ ២៥ ០០០តោន ជាប្រភេទអង្ករប្រណិត ដើម្បីដោះស្រាយបញ្ហាសន្តិសុខស្បៀង។

កាលពីចុងឆ្នាំ២០២៣កន្លងទៅ អង្ករសកម្ពុជាប្រមាណ ៣,៥តោន ត្រូវបានដឹកទៅដល់ឥណ្ឌូណេស៊ីដែលជាការនាំចេញជើងដំបូងរបស់កម្ពុជា បន្ទាប់ពីជោគជ័យលើការចរចាបើកទីផ្សារកាលពីខែសីហា។

គួររំលឹកថា ក្នុងជំនួបរវាងលោក ចូកូ វីដូដូ ប្រធានាធិបតីឥណ្ឌូនេស៊ី និង សម្តេច ហ៊ុន ម៉ាណែត នាយករដ្ឋមន្ត្រីកម្ពុជា នៅទីក្រុងហ្សាកាតា លោក ចូកូ វីដូដូ បានបង្ហាញការពេញចិត្តដែលកម្ពុជា បានព្រមព្រៀងផ្គត់ផ្គង់អង្ករដល់ឥណ្ឌូនេស៊ីចំនួន ២៥ម៉ឺនក្នុងមួយឆ្នាំ។ ជាមួយគ្នានេះឥណ្ឌូនេស៊ី នឹងគាំទ្រកម្មវិធីសន្តិសុខស្បៀងរបស់កម្ពុជាវិញ តាមរយៈការផ្គត់ផ្គង់ជីកសិកម្មផងដែរ៕

អត្ថបទ៖ សេដ្ឋានី រូបភាព៖ ក្រុមព័ត៌មានសម្តេចតេជោ

The post ប្រមុខរដ្ឋស្តីទីបន្តជំរុញប្រធានាធិបតីថ្មី ឲ្យក្រុមហ៊ុនឥណ្ឌូនេស៊ីមកដាក់ទុន ១០០% បង្កើតឃ្លាំងប្រមូលទិញស្រូវ appeared first on Millions times.

ករណីវិវាទនេះ ត្រូវបានលោក គួច ចំរើន ប្រជុំសម្រុះសម្រួលករណីវិវាទការទិញលក់ផ្ទះល្វែងរវាងប្រជាពលរដ្ឋ ជាមួយក្រុមហ៊ុនរបស់លោក ស្រី សុធារិទ្ធ ស្ថិតនៅឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។ ជាលទ្ធផលករណីនេះត្រូវបានបញ្ចប់ដោយមានការយោគយល់គ្នាទៅវិញទៅមកផ្អែកលើបទដ្ឋាគតិយុត្ត និងគោលការណ៍ឈ្នះឈ្នះ ទាំងអស់គ្នា ប្រកបដោយស្នាមញញឹម និងភាពស្និតស្នាលបំផុត។

តាមដានជាមួយយើង៖ Million Times

បើតាមរដ្ឋបាលខេត្តកណ្តាល ភាគីទាំងពីរបានយល់ព្រមឯកភាពគ្នាបញ្ចប់ទំនាស់ ដោយឈ្មោះ ឈរ ឈង យល់ព្រមបង់ប្រាក់ចំនួន ១៦,២៥០ដុល្លារអាមេរិក ទៅឱ្យឈ្មោះ ស្រី សុធារិទ្ធ ហើយភាគីឈ្មោះ ស្រី សុធារិទ្ធ យល់ព្រមប្រគល់ សិទ្ធិកាន់កាប់ផ្ទះលេខB3 ជូនឈ្មោះ ឈរ ឈង ដើម្បីគ្រប់គ្រងជាកម្មសិទ្ធិ ដោយការប្រគល់ទទួលប្រាក់ គឺធ្វើតែម្តងគត់ នៅថ្ងៃទី២៣ ខែកញ្ញា ឆ្នាំ២០២៤។

បន្ថែមទៀតនោះ នីតិវិធីបន្ទាប់ត្រូវប្រគល់ភារកិច្ចឲ្យមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ដើម្បីជួយរៀបចំនីតិវិធី ធ្វើបណ្ណកម្មសិទ្ធិជូនម្ចាស់ផ្ទះ។

អត្ថបទ៖ ផល កុសល រូបភាព៖ រដ្ឋបាលខេត្តកណ្តាល

The post ចូលកាន់តំណែងបាន៣ខែ លោក គួច ចំរើន ដោះស្រាយបញ្ចប់ទំនាស់ទិញលក់ផ្ទះដែលអូសបន្លាយពេលជាង៦ឆ្នាំ appeared first on Millions times.

គម្រោងសាងសង់ស្ពានឆ្លងកាត់ទន្លេមេគង្គនៅខេត្តក្រចេះ និងផ្លូវតភ្ជាប់ មានហេដ្ឋារចនាសម្ព័ន្ធដូចជា៖ ទី១. ស្ពានឆ្លងកាត់ទន្លេមេគង្គខេត្តក្រចេះ មានប្រវែង ១ ៧៦១ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ ហើយទី២. ផ្លូវតភ្ជាប់ និងផ្លូវខ្នែងទៅកាន់ក្រុងក្រចេះ ខេត្តក្រចេះ មានប្រវែងសរុប ៣៣,៤៥៩គីឡូម៉ែត្រ ដោយគ្រោងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខនេះ។

តាមដានជាមួយយើង៖ Million Times

បណ្តាញសង្គមនាយករដ្ឋមន្រ្តី គូសបញ្ជាក់ថា ផ្លូវ ស្ពាន គឺជាសរសៃឈាមនៃសេដ្ឋកិច្ចជាតិ និងជាអាទិភាពគន្លឹះទី២ ក្នុងចំណោមអាទិភាពគន្លឹះទាំង៥ “មនុស្ស ផ្លូវ ទឹក ភ្លើង និងបច្ចេកវិទ្យា” នៃយុទ្ធសាស្ត្របញ្ចកោណ ដំណាក់កាលទី១ ដោយក្នុងកិច្ចការអាទិភាពទី២ នៃបញ្ចកោណទី២ គឺការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន ដែលមានគោលដៅយុទ្ធសាស្ត្រផ្តោតលើការបន្តកសាង និងពង្រឹងមូលដ្ឋានគ្រឹះ តាមរយៈការបង្កើនប្រសិទ្ធភាពហេដ្ឋារចនាសម្ព័ន្ធគាំទ្រ និងការកសាង ព្រមទាំងការអភិវឌ្ឍហេដ្ឋារចនាសម្ព័ន្ធថ្មីៗ ។

គួរឲ្យដឹងថា គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះ និងគម្រោងសាងសង់ផ្លូវតភ្ជាប់ ចាប់ផ្តើមបើកការដ្ឋានសាងសង់នៅថ្ងៃទី២ ខែមករា ឆ្នាំ២០២៣ សាងសង់ដោយក្រុមហ៊ុនសំណង់សៀងហៃ (SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបេច្ចេទេសក្វាងចូវវ៉ានអាន។

គម្រោងនេះនឹងប្រើរយៈពេលសាងសង់ចំនួន ៤២ខែ នឹងបញ្ចប់នៅក្នុងឆ្នាំ២០២៦ ដែលគ្រោងចំណាយថវិកាជាង ១១៤លានដុល្លារ ដែលជាឥណទានសម្បទានពីរដ្ឋាភិបាលចិន រួមទាំងថវិកាបដិភាគរបស់រាជរដ្ឋាភិបាលកម្ពុជាសម្រាប់ដោះស្រាយផលប៉ះពាល់ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ៕

អត្ថបទ៖ ផល កុសល រូបភាព៖ ទំព័រហ្វេសប៊ុកសម្តេចធិបតី

The post គម្រោងសាងសង់ស្ពានខេត្តក្រចេះតម្លៃជាង ១១៤លានដុល្លារសម្រេចបាន ៤៤,៣១% appeared first on Millions times.

សេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា លោក Wensheng Chen ប្រធានក្រុមហ៊ុន Jiangxi Privincial Bulding Material Gorup ដែលជាក្រុមហ៊ុនវិនិយោគក្នុងវិស័យផលិតស៊ីម៉ងត៍នៅចិន មានបំណង និងគិតគូរពីគម្រោងបង្កើតរោងចក្រផលិតស៊ីម៉ងត៍នៅកម្ពុជា។ លោកថ្លែងថា លោក និងគណៈប្រតិភូបានគូសបញ្ជាក់ពីការរីកចម្រើនដ៏ឆាប់រហ័សរបស់កម្ពុជាបច្ចុប្បន្ន និងបានបង្ហាញពីការជឿជាក់លើដំណើរអភិវឌ្ឍន៍ដ៏ត្រឹមត្រូវរបស់កម្ពុជា។

តាមដានជាមួយយើង៖ Million Times

ក្នុងជំនួបនោះ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា បានប្រកាសអបអរសាទរចំពោះគម្រោងវិនិយោគបង្កើតរោងចក្រផលិតស៊ីម៉ងត៍នៅកម្ពុជា ដែលនឹងចូលរួមចំណែកជំរុញការអភិវឌ្ឍឧស្សាហកម្មកម្ពុជា ពិេសសវិស័យសំណង់។ ទន្ទឹមនឹងនេះលោកបានស្នើឲ្យក្រុមហ៊ុនផលិតស៊ីម៉ងត៍របស់ចិនមួយនេះត្រូវមានការគិតគូរពីការចូលរួមកាត់បន្ថយការបំពុលបរិស្ថានជាអតិបរមា តាមរយៈការប្រើប្រាស់បច្ចេកវិទ្យាទំនើប ក៏ដូចជាការប្រើប្រាស់ថាមពលស្អាត។

បន្ថែមទៀតនោះ លោក ជា វុទ្ធី ក៏បានប្រាប់បញ្ជាក់ទៅកាន់គណៈប្រតិភូក្រុមហ៊ុន Jiangxi Privincial Bulding Material Gorup លោករង់ចាំដោយក្តីរីករាយក្នុងការផ្តល់កិច្ចសម្រួលគ្រប់បែបយ៉ាងជូនដល់ក្រុមហ៊ុនក្នុងការបណ្តាក់ទុនវិនិយោគនៅកម្ពុជា។

សូមជម្រាបថា គិត្រឹមបំណាច់ឆ្នាំ២០២៣កន្លងទៅ កម្ពុជាមានរោងចក្រផលិតស៊ីម៉ងត៍ចំនួន ៥ ដែលកំពុងដំណើរការ និងមានសមត្ថភាពផលិតស៊ីម៉ងត៍បានប្រមាណ ៩លានតោនក្នុងមួយឆ្នាំ។ នេះបើតាមរបាយការណ៍ក្រសួងរ៉ែ និងថាមពល៕

អត្ថបទ៖ សេដ្ឋានី រូបភាព៖ ក្រុមប្រឹក្សាអភិវឌ្ឍន៍កម្ពុជា

The post ក្រុមហ៊ុនចិន គ្រោងបណ្តាក់ទុនវិនិយោគបង្កើតរោងចក្រផលិតស៊ីម៉ងត៍នៅកម្ពុជា appeared first on Millions times.

បើតាមការព្យាករណ៍របស់ធនាគារពិភពលោក កំណើនសេដ្ឋកិច្ចថៃត្រូវបានគេរំពឹងថានឹងឈានដល់ ២.៨ ភាគរយនៅឆ្នាំ ២០២៥ ដែលគាំទ្រដោយតម្រូវការក្នុងស្រុក និងខាងក្រៅ។ ទស្សនវិស័យនេះត្រូវបានពង្រឹងបន្ថែមទៀតដោយសំណើថវិកាសារពើពន្ធដែលបានកែសម្រួលសម្រាប់ឆ្នាំសារពើពន្ធ២០២៥ និងការពន្លឿនការរំពឹងទុកក្នុងការអនុវត្តថវិកាបន្ទាប់ពីការពន្យារពេលកាលពីដើមឆ្នាំនេះ។

តាមដានជាមួយយើង៖ Million Times

ការវិនិយោគពីវិស័យឯកជន និងទេសចរណ៍នឹងក្លាយជាកត្តាជំរុញដ៏សំខាន់រុញច្រានសេដ្ឋកិច្ចថៃឲ្យមានកំណើនឡើងវិញ ប៉ុន្តែវិស័យទាំងពីរនេះក៏មានសន្ទុះយឺតនៅឡើយ។ ការ​នាំ​ចេញ​ទំនិញ​ត្រូវ​បាន​គេ​រំពឹង​ថា​នឹង​ស្ទុះ​ងើប​ឡើង​វិញ​ដោយ​សារ​តែ​ការ​ធ្វើ​ពាណិជ្ជកម្ម​សកល​ដែល​អំណោយ​ផល។ វិស័យទេសចរណ៍ត្រូវបានព្យាករណ៍ថា នឹងត្រលប់ទៅរកស្ថានភាពល្អប្រសើរវិញដូចមុនការរាតត្បាតជំងឺកូវីដ១៩ នៅពាក់កណ្តាលឆ្នាំ២០២៥ ដែលកំណត់គាំទ្រដោយសេដ្ឋកិច្ចចិន។

សម្រាប់អតិផរណា ត្រូវបានគេព្យាករណ៍ថានឹងធ្លាក់ចុះដល់កម្រិតទាបក្នុងរង្វង់ ០.៧ ភាគរយនៅឆ្នាំ២០២៤។ ដោយឡែក បំណុលសាធារណៈត្រូវបានព្យាករថា នឹងកើនឡើងដល់ ៦៤.៦ ភាគរយក្នុងឆ្នាំសារពើពន្ធ ២០២៥។ ឱនភាពសារពើពន្ធត្រូវបានព្យាករណ៍ថា នឹងកើនឡើងដល់ ៣.៦ ភាគរយនៃផលិតផលក្នុងស្រុកសរុប ខណៈដែលការអនុវត្តថវិកាមានលក្ខណៈធម្មតា។

ជាមួយគ្នានេះដែរ រដ្ឋមន្រ្តីក្រសួងហិរញ្ញវត្ថុថៃ ក៏នឹងពិភាក្សាជាមួយធនាគារកណ្តាលថៃ ដើម្បីសុំឱ្យធនាគារពាណិជ្ជ ជួយក្នុងការទទួលបានឥណទានសម្រាប់អ្នកខ្ចី ខណៈ ធនាគារកណ្តាលថៃ ត្រូវបានគេរំពឹងថា នឹងរក្សាអត្រាគន្លឹះរបស់ខ្លួន ឱ្យមានស្ថិរភាពនៅកម្រិតខ្ពស់ ២,៥%៕

អត្ថបទ៖ សារ៉ាយ រូបភាព៖ Bangkok Post

The post ថៃ រំពឹងវិនិយោគរបស់ឯកជន និងទេសចរណ៍ក្នុងការរុញច្រានសេដ្ឋកិច្ចងើបឡើងវិញ appeared first on Millions times.

តាមដានជាមួយយើង៖ Million Times

បើតាមរដ្ឋលេខាធិការក្រសួងព័ត៍មាន លោក ឈាន លាង បានសម្តែងនូវចំណាប់អារម្មណ៍ថា អាកាសយានដ្ឋានអន្តរជាតិសៀមរាបអង្គរគឺជាច្រកទ្វារដ៏សំខាន់សម្រាប់ផ្សារភ្ជាប់កម្ពុជាទៅនឹងពិភពលោក។ សម្រាប់ច្រករបៀងវប្បធម៍កម្ពុជា ចិន នឹងនាំភ្ញៀវទេសចរមកពីជុំវិញពិភពលោកទៅទស្សនានិងស្វែងយល់ពីធម្មជាតិទំនៀមទម្លាប់វប្បធម៍របស់កម្ពុជានិងចិន។

លោកស្រី វ៉ាង ជាំងហុង អនុប្រធានមន្ទីរវប្បធម៍និងទេសចរណ៍ខេត្តយូណាន យល់ថា ទេសចរណ៍និងវប្បធម៍អាចជំរុញការតភ្ជាប់បេះដូងរវាងប្រជាជនិងប្រជាជន។ តាមរយៈសកម្មភាពនេះនឹងជំរុញវិស័យទេសចរណ៍រវាងខេត្តទាំងពីរដើម្បីច្នៃប្រឌិតសម្រាប់ទេសចរណ៍ឆ្លងព្រំដែន។ ជាងនេះទៅទៀត លោកស្រីសង្ឃឹមថា ផលិតផលទេសចរណ៍ទីតាំងបេតិកភណ្ឌពិភពលោក”ដើរកម្សាន្តនៅយូណាន ទៅទស្សនានៅអង្គរ”នឹងក្លាយជាម៉ាកទេសចរណ៍អន្តរជាតិដ៏ល្បីល្បាញលើពិភពលោក។

ច្រករបៀងនេះត្រូវបានគេជឿថានឹងពង្រីកការផ្លាស់ប្តូរវប្បធម៍រវាងប្រទេសកម្ពុជានិងចិន ព្រមទាំងបង្ខិតគោលដៅទេសចរណ៍កម្សាន្តផងដែរ។ ច្រករបៀងវប្បធម៌នេះ មានដាក់តាំងរូបថតដ៏ស្រស់ស្អាត និងគួរឱ្យចាប់អារម្មណ៍ជាច្រើន ដោយផ្តោតលើប្រធានបទសំខាន់ចំនួន ៣ គឺ “ប៉ាក់” “ចម្លាក់” និង “ពណ៌ចម្រុះ” ដែលសុទ្ធសឹងជាបេតិកភណ្ឌវប្បធម៌ អរូបីរបស់ ប្រទេសកម្ពុជា និងខេត្តយូណាន ប្រទេសចិន។

ច្រករបៀងវប្បធម៌ កម្ពុជា-ចិន គឺជាសកម្មភាពស្របទៅនឹងការដាក់ចេញ “ឆ្នាំនៃការផ្លាស់ប្តូរប្រជាជននិងប្រជាជន កម្ពុជា-ចិន ២០២៤” សំដៅជំរុញកំណើនទេសចរចិន មកទស្សនាកម្ពុជាឱ្យកាន់តែច្រើនថែមទៀត៕

អត្ថបទ៖ នារតី

The post ច្រករបៀងវប្បធម៍កម្ពុជាចិននឹងជួយបង្ខិតគោលដៅទេសចរណ៍រវាងខេត្តសៀមរាបនិងយូណាន appeared first on Millions times.