ជាដំណឹងគួរឲ្យរីករាយសម្រាប់ប្រជាកសិករ និងអាជីវករដឹងថា ក្រសួងពាណិជ្ជកម្ម កំពុងចាត់វិធានវិធានការយ៉ាងសកម្មក្នុងការ “សម្របសម្រួលទីផ្សារកសិផលក្នុងស្រុក” ដើម្បីដោះស្រាយបញ្ហាការ កកស្ទះកសិផលដែលបងប្អូនកំពុងជួបប្រទះ ដែលបណ្ដាលមកពីការមិនអាចជ្រាបចូលទៅទីផ្សារបានទាន់ពេលវេលា អំឡុងពេលប្រមូលផលនេះ។
Million Times 
ការធ្វើបែបនេះគឺដើម្បីធានាស្ថិរភាពទីផ្សារ ក៏ដូចជាការពារផលប្រយោជន៍ ជូនប្រជាកសិករខ្មែរទាំងអស់ ពិសេសអំឡុងពេលប្រមូលផលនេះ។
ថ្មីៗនេះក្រុមការងារមន្ទីរពាណិជ្ជកម្មបានចុះសម្របសម្រួលការទិញ លក់ និងស្វែងរកទីផ្សារ ដោយសហការជាមួយវិស័យឯកជនប្រមូលទិញបន្លែគ្រប់ប្រភេទដែលមានការកកស្ទះទីផ្សារនីៅខេត្តបាត់ដំបង ក្នុងតម្លៃសមរម្យ និងបានបន្តសម្របសម្រួលដោះស្រាយបញ្ហាទីផ្សារជាបន្តបន្ទាប់ទៀតតាមទីតាំងផលិតកម្ម តាមបណ្ដាខេត្តនានា និងរាជធានី។
ក្រសួងពាណិជ្ជកម្មតាមរយៈមន្ទីរពាណិជ្ជកម្មរាជធានី-ខេត្ត កំពុងបន្តតាមដានយ៉ាងសកម្មលើសកម្មភាពទីផ្សារកសិផល ដើម្បីចុះជួយសម្រួលការកកស្ទះ បានទាន់ពេលវេលា៕
អត្ថបទ៖ ឆដា, រូបភាព៖ ក្រសួងពាណិជ្ជកម្ម