ការវាយតម្លៃពីអង្គការ WTO ធ្វើឡើងក្នុងជំនួបរវាងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម និងលោកស្រី Ngozi Okonjo-Iweala អគ្គនាយិកាអង្គការពាណិជ្ជកម្មពិភពលោក អំឡុងពេលទៅចូលរួមកិច្ចប្រជុំស្តីពីការត្រួតពិនិត្យឡើងវិញគោលនយោបាយពាណិជ្ជកម្មលើកទី៣ នៅទីស្នាក់ការ WTO នៅទីក្រុងហ្សឺណែវ ប្រទេសស្វ៊ីស កាលពីថ្ងៃទី២៧ ខែមីនា ឆ្នាំ២០២៥។

តាមដានជាមួយយើង៖ Million Times

នៅក្នុងជំនួបពិភាក្សានេះ ភាគីទាំងពីរបានផ្លាស់ប្តូរយោបល់លើតួនាទីនៃប្រព័ន្ធពាណិជ្ជកម្មពហុភាគីក្នុងការគាំទ្រដល់ការអភិវឌ្ឍសង្គម សេដ្ឋកិច្ចរបស់ប្រទេសសមាជិកអភិវឌ្ឍន៍តិចតួច និងសារៈសំខាន់នៃយន្តការត្រួតពិនិត្យគោលនយោបាយពាណិជ្ជកម្មក្នុងការពង្រឹងគោលការណ៍តម្លាភាពរបស់ WTO។ 

ទន្ទឹមគ្នានេះ លោកស្រី Ngozi Okonjo-Iweala បានសម្តែងនូវការកោតសរសើរចំពោះការចូលរួមយ៉ាងសកម្មរបស់កម្ពុជាក្នុងកិច្ចការងាររបស់ WTO ជាពិសេសតួនាទីរបស់កម្ពុជាក្នុងនាមជាអ្នកសម្របសម្រួលក្រុមប្រទេស LDC និងការបំពេញកាតព្វកិច្ចនានា ដូចជាការអនុវត្តបាន ១០០% នៃកិច្ចព្រមព្រៀងកិច្ចសម្រួលពាណិជ្ជកម្ម និងការផ្តល់សច្ចាប័នលើកិច្ចព្រមព្រៀងឧបត្ថម្ភធនជលផលជាដើម។ លោកស្រីនាយិកា ក៏បានកោតសរសើរដល់កម្ពុជាចំពោះការសម្រេចបាននូវម៉ាក្រូសេដ្ឋកិច្ចដ៏រឹងមាំ និងការខិតខំប្រឹងប្រែងរបស់ខ្លួនក្នុងការធ្វើពិពិធកម្ម។

ក្នុងជំនួបដដែលនេះ លោកស្រី ចម និម្មល បានគូសបញ្ជាក់អំពីការគាំទ្ររបស់កម្ពុជាចំពោះប្រព័ន្ធពាណិជ្ជកម្មពហុភាគីដែលបើកចំហ និងផ្អែកលើវិធានច្បាប់ ដែលបានផ្ដល់អត្ថប្រយោជន៍ជាច្រើនដល់កម្ពុជា ហើយនឹងបានចាត់ទុកការត្រួតពិនិត្យគោលនយោបាយពាណិជ្ជកម្មជាយន្តការដ៏សំខាន់មួយសម្រាប់សមាជិកក្នុងការយល់ដឹងអំពីគោលនយោបាយ និងការអនុវត្តពាណិជ្ជកម្មរបស់កម្ពុជា និងសម្រាប់កម្ពុជាក្នុងការឆ្លុះបញ្ចាំងអំពីការអនុវត្តរបស់ខ្លួនផងដែរ។ 

លោកស្រីរដ្ឋមន្ត្រី ក៏បានសម្តែងនូវសេចក្តីសោមនស្សរីករាយចំពោះការចូលរួមរបស់សមាជិក ដែលបានបង្ហាញចំណាប់អារម្មណ៍មកលើគោលនយោបាយ និងការអនុវត្តពាណិជ្ជកម្មរបស់កម្ពុជា៕

អត្ថបទ៖ សាងតេជៈ រូបភាព៖ ក្រសួងពាណិជ្ជកម្ម

The post អង្គការពាណិជ្ជកម្មពិភពលោក កោតសរសើរកម្ពុជាសម្រេចបាននូវម៉ាក្រូសេដ្ឋកិច្ចដ៏រឹងមាំ appeared first on Millions times.

តាមដានជាមួយយើង៖ Million Times

តាមការចុះផ្សាយពីសារព័ត៌មាន Reuters បានឲ្យដឹងថា រដ្ឋាភិបាលក្រុងប៉េកាំងកើតទុក្ខមិនសុខចិត្ត និងបានស្នើឲ្យមានការរៀបចំតុមូល ជជែកគ្នាពីបញ្ហាមួយនេះរវាងចិន និងអាមេរិក។

ក្រៅពីការតំឡើងពន្ធគយ ១០% លើទំនិញនាំចូលពីចិន អាមេរិកក៏បានប្រកាសលុបចោលនូវការលើកលែងពន្ធ ចំពោះទំនិញនាំចូលពីចិន និងហុងកុង ដែលមានតម្លៃក្រោម ៨០០ដុល្លារផងដែរ។ ការលុបចោលមួយនេះ បានធ្វើឲ្យក្រុមហ៊ុនរកស៊ីអនឡាញដូចជា Shein, Temu និង Amazon នៅហុងកុង ជួបផលលំបាកជាខ្លាំង ដ្បិតទំនិញតូចៗមួយប្រអប់ៗ ក៏តម្រូវឲ្យបង់ពន្ធដូចគ្នា។

ពាក្យបណ្ដឹងដែលចិនបានដាក់ទៅ WTO បានឲ្យដឹងថា ផែនការទារពន្ធថ្មីរបស់អាមេរិក ដែលអះអាងធ្វើឡើងដើម្បីទប់ស្កាត់លំហូរគ្រឿងញៀនហ្វេតានីល ពីប្រទេសចិន គឺជាទង្វើមិនគួរកើតឡើង ដ្បិតវាជាការចោទប្រកាន់គ្មានក្បាលគ្មានកន្ទុយ ចំពោះរដ្ឋាភិបាលក្រុងប៉េកាំង៕

អត្ថបទ៖ Luffy រូបភាព៖ NYT

The post ចិនដាក់ពាក្យប្ដឹងទៅអង្គការពាណិជ្ជកម្មពិភពលោក ជុំវិញការតំឡើងពន្ធរបស់អាមេរិក appeared first on Millions times.

សម្ដេច ហ៊ុន ម៉ាណែត បានថ្លែងថា កម្ពុជាទទួលបានលទ្ធផលជាប្រទេសមានការអភិវឌ្ឍ និងមានសក្តានុពលនៅក្នុងតំបន់ មិនមែនកើតឡើងដោយការចៃដន្យ ឬទេវតាជាអ្នកផ្ដល់ឱ្យនោះទេ ប៉ុន្ដែគឺបានកើតចេញពីការដាក់ចេញនូវផែនការ និងយុទ្ធសាស្រ្ដច្បាស់លាស់របស់ថ្នាក់ដឹកនាំគ្រប់ជំនាន់ជាពិសេសសម្ដេច ហ៊ុន សែន អតីតនាយករដ្ឋមន្រ្តី។

សម្ដេចមានប្រសាសន៍ថា ក្នុងរយៈពេល២០ ឆ្នាំនេះ លទ្ធផលដែលយើងទាញបាន តាមរយៈការកែប្រែពីភាពឯកោរបស់យើងទាំងការទូត និងសេដ្ឋកិច្ច យើងចូលទៅក្នុងសមាហរណកម្ម ជាមួយនឹងយន្តការពហុភាគី យន្តការតំបន់ ធ្វើឲ្យកម្ពុជារីកចម្រើន។ សម្តេចបន្តថា បើយើងមិនហានប្រកួតប្រជែងនៅខាងក្រៅ គឺយើងមិនអាចពង្រឹងសមត្ថភាពខ្លួនឯងបានទេ ដូច្នេះហើយទើបកម្ពុជា ត្រូវចូលជាសមាជិកអង្គការពាណិជ្ជកម្មពិភពលោក កាលពីថ្ងៃទី១៣ ខែតុលា ឆ្នាំ២០០៤នោះ គឺប្រទេសកម្ពុជា បានក្លាយជាសមាជិកទី១៤៨។

បើតាមសម្ដេចនាយករដ្ឋមន្រ្តី នៅពេលកម្ពុជាចូលជាសមាជិកអង្គការពាណិជ្ជកម្មពិភពលោក គឺកម្ពុជាត្រូវពង្រឹងសមត្ថភាព និងការធ្វើពាណិជ្ជកម្មផ្ទៃក្នុងរបស់កម្ពុជាឱ្យខ្លាំងក្លា ដើម្បីឈានទៅប្រកួតប្រជែងជាមួយបណ្ដាប្រទេសក្នុងតំបន់ និងពិភពលោក ដូច្នេះការងារនេះយើងបានធ្វើមក ២០ឆ្នាំហើយ។

សម្ដេចបានសង្កត់ធ្ងន់ថា ទិសដៅ និងគោលនយោបាយរបស់រាជរដ្ឋាភិបាលអាណត្តិទី៧នេះ គឺបន្តអនុវត្តនូវទិសដៅ និងចក្ខុវិស័យច្បាស់របស់កម្ពុជា ដែលដឹកនាំដោយរាជរដ្ឋាភិបាលអាណត្តិមុន គ្រាន់តែពេលនេះ ដើម្បីឱ្យសម្រេចបានដល់គោលដៅដែលបានកំណត់ វិធីសាស្រ្ដមួយចំនួនគឺត្រូវប្រែប្រួល ប៉ុន្ដែទិសដៅរបស់យើងមិនប្រែប្រួលទេ៕

អត្ថបទ៖ សេដ្ឋានី រូបភាព៖ ក្រុមព័ត៌មានសម្តេចធិបតី

The post នាយករដ្ឋមន្រ្តី៖ ២០ឆ្នាំនេះ លទ្ធផលទាញបានពីអង្គការពាណិជ្ជកម្មពិភពលោក ធ្វើឲ្យកម្ពុជារីកចម្រើន appeared first on Millions times.

បច្ចុប្បន្ននេះ អង្គការ WTO មានសមាជិកចំនួន ១៦៦ ប្រទេស ដែលរួមទាំងប្រទេសទីម័រឡេស្តេរ និងកូម៉ូរ៉ូស ដែលទើបបានចូលជាសមាជិកពេញសិទ្ធិនៅក្នុងឆ្នាំ២០២៤នេះ។

តាមដានជាមួយយើង៖ Million Times

តើក្នុងរយៈពេល២០ឆ្នាំ ដែលកម្ពុជាចូលជាសមាជិកអង្គការពាណិជ្ជកម្មពិភពលោក (WTO) កម្ពុជាទទួលបានផលចំណេញសេដ្ឋកិច្ច និងពាណិជ្ជកម្មអ្វីខ្លះ?

ក្រសួងពាណិជ្ជកម្មបានអះអាងថា កម្ពុជាទទួលបានផលប្រយោជន៍ដ៏ធំសម្បើម ពាក់ព័ន្ធនឹងពាណិជ្ជកម្ម ដែលបានគាំទ្រដល់កំណើនសេដ្ឋកិច្ច និងសមាហរណកម្មទៅក្នុងសេដ្ឋកិច្ចសកល រួមមាន៖ ១. ច្រកចូលទីផ្សារសកល ២. ការធ្វើអោយប្រសើរឡើងនូវគោលនយោបាយពាណិជ្ជកម្ម និងកំណែទម្រង់ ៣. ការធ្វើពិពិទកម្មការនាំចេញ ៤. ជំនួយបច្ចេកទេស និងការកសាងសមត្ថភាព ៥. ការចូលរួមក្នុងគោលនយោបាយពាណិជ្ជកម្មសកល ៦. ប្រព្រឹត្តកម្មពិសេស និងដោយឡែក ៧. ការកាត់បន្ថយភាពក្រីក្រ ៨. ការចាកចេញពីប្រទេសអភិវឌ្ឍតិចតួច។

ក្រសួងពាណិជ្ជកម្ម បានបញ្ជាក់ថា ជាទូទៅ សមាជិកភាពរបស់កម្ពុជានៅក្នុងអង្គការ WTO បានរួមចំណែកដល់កំណើនសេដ្ឋកិច្ច ដោយធ្វើអោយប្រសើរឡើងនូវឱកាសពាណិជ្ជកម្ម ការលើកស្ទួយវិនិយោគ និងគាំទ្រការអភិវឌ្ឍតាមរយៈសមាហរណកម្មទៅក្នុងប្រព័ន្ធពាណិជ្ជកម្មសកល៕

អត្ថបទ៖ សេដ្ឋានី រូបភាព៖ CDC

The post ក្រសួងពាណិជ្ជកម្មអះអាងថា កម្ពុជាទទួលបានផលប្រយោជន៍ដ៏ធំសម្បើម ក្នុងនាមសមាជិក WTO appeared first on Millions times.