តាមដានជាមួយយើង៖ Million Times

សារព័ត៌មាន Nairametrics បានចុះផ្សាយនៅថ្ងៃទី០៩ ខែឧសភាថា ក្រោយមហាសេដ្ឋីវ័យ ៩៤ឆ្នាំប្រកាសពីដំណឹងនេះ ទ្រព្យសម្បត្តិរបស់លោកបានបាត់បង់ប្រហែល ៨ពាន់លានដុល្លារ ដោយសារតម្លៃហ៊ុននៃក្រុមហ៊ុន Berkshire ធ្លាក់ចុះប្រហែល ៥%។

រយៈពេលជិតមួយសប្ដាហ៍នេះ ស្ថានភាពភាគហ៊ុនរបស់ក្រុមហ៊ុនកំពូលអាមេរិក មិនទាន់មានភាពប្រសើរឡើងនោះឡើយ ខណៈវិនិយោគិនបានលក់ភាគហ៊ុនជាច្រើនថែមទៀត។

សូមជម្រាបដែរថា មហាសេដ្ឋី Warren Buffett អះអាងថា លោកនឹងលាលែងពីតំណែងជា CEO ប្រចាំក្រុមហ៊ុន Berkshire Hathaway នៅចុងឆ្នាំនេះ និងប្រគល់តំណែងជូនលោក Greg Abel មានតួនាទីជាអនុប្រធានក្រុមហ៊ុន ឲ្យក្លាយជាអ្នកស្នងតំណែងរបស់លោកវិញ៕

អត្ថបទ៖ Luffy រូបភាព៖ CNBC

The post ប្រកាសលាលែងពីតំណែង CEO ភ្លាម មហាសេដ្ឋី Warren Buffett ខាតលុយជាង ៨ពាន់លានដុល្លារ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា លោក Buffett នឹងចុះចេញពីកៅអី CEO នៅចុងឆ្នាំ២០២៥ និងបានប្រកាសផ្ទេរតំណែងមួយនេះ ទៅកាន់លោក Greg Abel ដែលជាអនុប្រធានក្រុមហ៊ុនបច្ចុប្បន្ន។

មហាសេដ្ឋីវ័យ ៩៤ឆ្នាំរូបនេះបានអះអាងថា លោក Abel គឺពិតជាសក្ដិសមបំផុតក្នុងការទទួលបានការតែងតាំងមួយនេះ ដ្បិតលោកមានសមត្ថភាពគ្រប់គ្រាន់ ហើយហ្មត់ចត់ជាមួយការងារ ជាពិសេសគឺមានទំនួលខុសត្រូវខ្ពស់។

លោក Buffett បាននិយាយថា ផែនការផ្ទេរតំណែង និងការចុះចេញរបស់លោក មិនត្រូវបានបង្ហើបឲ្យក្រុមប្រឹក្សាភិបាលដឹងជាមុនឡើយ ពោលលោកគ្រាន់តែមានគម្រោងនេះយូរណាស់មកហើយ និងទើបតែសម្រេចចិត្តប្រកាសដំណឹងនេះជាសាធារណៈប៉ុណ្ណោះ។

គួរជម្រាបបន្តិចថា លោក Warren Buffett មានឈ្មោះបោះសម្លេងនៅក្នុងវិស័យជួញដូរភាគហ៊ុន និងវិនិយោគ ដោយគ្រប់គ្នាសុទ្ធតែចាត់ទុកលោកជាគ្រូធំក្នុងវិស័យមួយនេះ ដោយសារភាពប៉ិនប្រសព្វ និងយុទ្ធសាស្ត្រនៃការបណ្ដាក់ទុនរបស់លោក។ បច្ចុប្បន្នលោក Buffett គឺជាមហាសេដ្ឋីមានបំផុតលើលោកទី០៥ ដោយមានទ្រព្យសម្បត្តិសរុបប្រហែល ១៦៩ពាន់លានដុល្លារ៕

អត្ថបទ៖ Luffy រូបភាព៖ Reuters

The post បិតាវិនិយោគិន Warren Buffett ប្រកាសចុះចេញពីកៅអី CEO ក្រោយកាន់តំណែង ៦០ឆ្នាំ appeared first on Millions times.

តាមដានជាមួយយើង៖ Million Times

តាមរយៈការចុះផ្សាយពីសារព័ត៌មាន Bloomberg បានអះអាងថា មហាសេដ្ឋីរូបនេះ បានខាតបង់ទ្រព្យសម្បត្តិអស់ជាង ៣ពាន់លានដុល្លារត្រឹមរយៈពេលមួយថ្ងៃ បន្ទាប់ពីភាគហ៊ុនមានក្នុងដៃទាំងអស់ បានថយចុះតម្លៃលើផ្សារហ៊ុន។

ខាងក្រោមនេះគឺជាបញ្ជីឈ្មោះកំពូលមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី១១ ខែមករា ឆ្នាំ២០២៥៖

អត្ថបទ៖ Luffy រូបភាព៖ Motley

The post បិតាវិនិយោគ Warren Buffett ខ្ទាតដល់បាតបញ្ជីកំពូលមហាសេដ្ឋីពិភពលោក appeared first on Millions times.

កាសែត The New York Times ចុះផ្សាយថា លោក Warren Buffett មហាសេដ្ឋីពិភពលោកម្នាក់ដែលព្រួយបារម្ភអំពីគ្រោះថ្នាក់នៃបញ្ញាសិប្បនិម្មិត (AI)។

មហាសេដ្ឋី វ័យ ៩៣ ឆ្នាំរូបនេះបានប្រៀបធៀបបច្ចេកវិទ្យាដែលរីកចម្រើនយ៉ាងឆាប់រហ័សទៅនឹងការអភិវឌ្ឍន៍គ្រាប់បែកបរមាណូដោយនិយាយថា «ទាំងពីរអាចមានផលវិបាកយ៉ាងធ្ងន់ធ្ងរដល់សង្គម ប្រសិនបើប្រើប្រាស់មិនត្រឹមត្រូវ»។

ទន្ទឹមនឹងនេះ លោក Warren Buffett បានដាស់តឿនដល់ម្ចាស់ភាគហ៊ុនរាប់ម៉ឺននាក់ ដែលបានប្រមូលផ្តុំវេទិកាមួយសម្រាប់កិច្ចប្រជុំប្រចាំឆ្នាំរបស់ Berkshire Hathaway Inc នៅទីក្រុង Omaha រដ្ឋ Nebraska សហរដ្ឋអាមេរិក កាលថ្ងៃទី៣ ខែឧសភា និយាយសង្កត់ធ្ងន់ថា ការបោកប្រាស់បញ្ញាសិប្បនិម្មិតអាចក្លាយជា «ឧស្សាហកម្មរីកចម្រើនគ្រប់ពេលវេលា»។

តាមដានជាមួយយើង៖ Million Times

លោក Buffett និយាយបន្តថា មាននរណាម្នាក់បានផលិតវីដេអូក្លែងក្លាយរបស់លោកដែលមើលទៅគួរអោយជឿជាក់គ្រប់គ្រាន់ដើម្បីបញ្ឆោតលោកឱ្យផ្ញើប្រាក់ទៅក្រៅប្រទេស។ មហាសេដ្ឋីវិនិយោគ guru ព្យាករណ៍ថា អ្នកបោកប្រាស់នឹងចាប់យកបច្ចេកវិទ្យានេះ ហើយអាចបង្កគ្រោះថ្នាក់ច្រើនដល់សង្គម។

បច្ចុប្បន្ននេះ AI គឺជាប្រធានបទដ៏ក្តៅគគុកមួយ ដែលមនុស្សជាច្រើនជុំវិញសាកលលោក តែងតែលើកយកមកពិភាក្សាវែកញែក ព្រោះបើមើលទៅតាមការវិវត្តន៍ម្ដងមួយជំហានៗ ទាក់ទងនឹង AI សព្វថ្ងៃនេះ ធ្វើឲ្យគេជឿជាក់ថា វានឹងជះឥទ្ធិពលកាន់តែខ្លាំង មកលើការរស់នៅរបស់មនុស្ស នាពេលអនាគត៕

អត្ថបទ៖ សារ៉ាយ រូបភាព៖ The New York Times 

The post មហាសេដ្ឋី Warren Buffett ខ្លាច AI មានសក្តានុពលដ៏ធំសម្បើមគ្រោះថ្នាក់ពិភពលោកដូចអាវុធនុយក្លេអ៊ែរ appeared first on Millions times.