តាមដានជាមួយយើង៖ Million Times

ប្រភពពីសារព័ត៌មាន People បានឲ្យដឹងថា អត្តពលិកវ័យ ៤៩ឆ្នាំ និងអតីតភរិយាលោក Donald Trump Jr. បានចាប់ផ្ដើមទាក់ទងគ្នាអំឡុងបុណ្យ Thanksgiving ពោលនៅចុងខែវិច្ឆិកា ឆ្នាំ២០២៤ ខណៈកូនប្រុសប្រធានាធិបតីអាមេរិក ក៏បានដឹងពីរឿងនេះ ហើយលោកបានបង្ហាញការគាំទ្រ និងរីករាយចំពោះអ្នកទាំង២។

ប្រភពដដែលបានបញ្ជាក់ថា ដ្បិតអ្នកទាំង២ កំពុងទាក់ទងគ្នាមែន ប៉ុន្តែពួកគេមិនបានរស់នៅជាមួយគ្នាឡើយ ដោយទំនាក់ទំនងអ្នកទាំង២ ក៏មិនទាន់បើកបង្ហាញជាសាធារណៈផងដែរ។ អ្នកនាង Vanessa ឧស្សាហ៍ទៅលេងផ្ទះលោក Woods ជាញឹកញាប់ ដ្បិតផ្ទះអ្នកទាំង២ មានចំងាយពីគ្នាត្រឹម ២០នាទីប៉ុណ្ណោះ។

គួររំលឹកបន្តិចថា អ្នកនាង Vanessa បានលែងលះជាមួយកូនប្រុសច្បងប្រធានាធិបតីអាមេរិក Donald Trump Jr. កាលពីឆ្នាំ២០១៨ បន្ទាប់ពីរួមរស់ជាមួយគ្នារយៈពេល ១២ឆ្នាំ និងមានកូនស្រីម្នាក់ជាចំណងដៃ។ ក្រោយលែងលះគ្នា អ្នកទាំង២ នៅរក្សាទំនាក់ទំនងជាមិត្តល្អ និងចែករំលែកក្ដីស្រលាញ់ចំពោះកូនស្រី ក៏ដូចជាគាំទ្រនូវជីវិតស្នេហារៀងៗខ្លួនផងដែរ៕

អត្ថបទ៖ Luffy រូបភាព៖ Celebrity News

The post ស្ងាត់ៗ កំពូលកីឡាករវាយកូនហ្គោល Tiger Woods មានទំនាក់ទំនងស្នេហា ជាមួយប្រពន្ធដើមកូនប្រុសប្រធានាធិបតីអាមេរិក appeared first on Millions times.