តាមដានជាមួយយើង៖ Million Times

តុលាការប្រជាជនក្រុងហូជីមិញបានសម្រេចបន្ធូរបន្ថយទោសរបស់សេដ្ឋីនីរូបនេះ ពីការដាក់ពន្ធនាគារអស់មួយជីវិត មកនៅត្រឹមរយៈពេល ៣០ឆ្នាំ បន្ទាប់ពីរកឃើញថា លោកស្រីជាមេខ្លោងនៃការឆបោកប្រាក់សរុបជាង ១ពាន់លានដុល្លារ។ នេះបើតាមការចុះផ្សាយពីសារព័ត៌មាន VNExpress។

តុលាការបានឲ្យដឹងថា លោកស្រី​ Lan បានលក់ទ្រព្យសម្បត្តិផ្ទាល់ខ្លួនយ៉ាងច្រើន ដើម្បីសងជំងឺចិត្តដល់ជនរងគ្រោះ ខណៈទង្វើនេះគឺជាការដឹងខុស ហើយគួរតែទទួលបានសម្រាលទោសខ្លះ។

បើទោះជាបច្ចុប្បន្ន លោកស្រី Truong My Lan ត្រូវបានតុលាការផ្ដន្ទាទោសដាក់ពន្ធនាគារ ៣០ឆ្នាំក្ដី ប៉ុន្តែលោកស្រីក៏កំពុងប្រឈមជាមួយការកាត់ទោសប្រហារជីវិតដូចគ្នា ពីបទល្មើសកិបកេបប្រាក់ធនាគារ Saigon Commercial Bank ខណៈលោកស្រីកំពុងប្ដឹងឧទ្ធរណ៍ចំពោះការសម្រេចរបស់តុលាការ៕

អត្ថបទ៖ Luffy រូបភាព៖ VietnamNet

The post សេដ្ឋីនីវៀតណាម Truong My Lan រួចផុតពីការកាត់ទោសជាប់ពន្ធនាគារអស់មួយជីវិត appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន BBC បានចុះផ្សាយថា តាមច្បាប់វៀតណាមបានចែងថា បើសិនជាលោកស្រី Lan អាចបង់ប្រាក់ ៧៥% នៃទំហំទឹកប្រាក់ដែលនាងបានកិបកេងពីជនរងគ្រោះ នោះសណ្ឋានទោសប្រហារជីវិតរបស់លោកស្រី នឹងត្រូវលុបចោលវិញ។

បច្ចុប្បន្ន លោកស្រី Truong My Lan ត្រូវការប្រាក់ ៩ពាន់លានដុល្លារ ដើម្បីសងទៅកាន់ជនរងគ្រោះ ក្នុងអំពើឆបោកនាពេលកន្លងមក។ មេធាវីរបស់សេដ្ឋីនីវ័យ ៦៨ឆ្នាំអះអាងថា ការស្វែងរកប្រាក់ក្នុងទំហំច្រើននេះមិនស្រួលឡើយ បើទោះជាលោកស្រី My Lan នៅសល់ទ្រព្យសម្បត្តិ និងអចលនទ្រព្យខ្លះៗក្ដី ពោលបើសិនជាលក់ចេញបន្ទាន់ វានឹងបានតម្លៃថោកខ្លាំង។

បើសិនជាលោកស្រី My Lan អាចរកប្រាក់បានគ្រប់ចំនួនទាន់ពេលវេលា នោះលោកស្រីនឹងរួចផុតពីទោសប្រហារជីវិត ក៏ប៉ុន្តែនៅតែជាប់ពិរុទ្ធធ្ងន់ដដែល ពោលគឺប្រឈមការជាប់ពន្ធនាគារអស់មួយជីវិត៕

អត្ថបទ៖ Luffy រូបភាព៖ TheInvestor

The post សេដ្ឋីនីវៀតណាមត្រូវការប្រាក់ ៩ពាន់លានដុល្លារ ដើម្បីរួចពីការកាត់ទោសប្រហារជីវិត appeared first on Millions times.

តុលាការប្រជាជននៃទីក្រុងហូជីមិញ កាលពីថ្ងៃព្រហស្បតិ៍បានរកឃើញថា លោកស្រី Lan មានទោសពីបទបោកបញ្ឆោតអ្នកវិនិយោគរាប់ពាន់នាក់តាមរយៈការចេញសញ្ញាប័ណ្ណដែលមានតម្លៃ ៣០ពាន់ពាន់លានដុង ឬ១.២ ពាន់លានដុល្លារអាមេរិក និងប្រើប្រាស់ប្រាក់សម្រាប់គោលបំណងផ្ទាល់ខ្លួន។ នេះបើតាមកាសែត VNExpress ចុះផ្សាយ។

តាមដានជាមួយយើង៖ Million Times

តុលាការបានឲ្យដឹងថា ទ្រព្យសម្បត្តិរបស់លោកស្រីភាគច្រើនគួរតែនៅតែត្រូវបានរឹបអូស រួមទាំងភាគហ៊ុន ១៨% របស់លោកស្រីនៅក្នុងក្រុមហ៊ុនបណ្តាក់ទុនដែលកាន់កាប់ Vietcombank – Bonday – Ben Thanh Building ដែលជាអគារខ្ពស់មួយក្នុងទីក្រុងហូជីមិញ។ លើសពីនេះ ក៏រួមបញ្ចូលផងដែរនូវភាគហ៊ុនចំនួន ៤.៥ ពាន់ពាន់លានដុង និង ៦០០ពាន់លានដុងនៅក្នុងក្រុមហ៊ុនអភិវឌ្ឍន៍អចលនទ្រព្យ Ngoc Vien Dong និង FWD Insurance ។

តុលាការបាននិយាយថា លោកស្រី Lan បានបង់ប្រាក់ ១៥.៧ ពាន់ពាន់លានដុងដល់ក្រុមហ៊ុនអភិវឌ្ឍន៍អចលនទ្រព្យ Bitexco Group ដើម្បីទទួលបានអគារ The Spirit of Saigon ក្នុងតំបន់ ១ របស់ទីក្រុងហូជីមិញ ប៉ុន្តែ ៤ពាន់ពាន់លានដុងបានមកពីការក្លែងបន្លំ SCB ប៉ុន្តែ​លោកស្រីបាន​និយាយ​ថា អង្គហេតុ​ជុំវិញ​កិច្ច​ព្រម​ព្រៀង​នេះ​មាន​ជម្លោះ ហើយ​បាន​បញ្ជា​ឱ្យ​ប៉ូលិស​បន្ត​ការ​ស៊ើប​អង្កេត​។

ចៅក្រមបានសម្រេចដកការចោទប្រកាន់ចំពោះអគារមួយស្ថិតនៅលើផ្លូវ 29 Lieu Giai ទីក្រុងហាណូយ ដែលជាកម្មសិទ្ធិរបស់កូនស្រីរបស់លោកស្រី Lan ដោយនិយាយថាវាមិនពាក់ព័ន្ធនឹងករណីនេះទេ។ តុលាការក៏បានបិទគណនីរបស់ប្តីរបស់លោកស្រី Lan គឺលោក Eric Chu ចាប់តាំងពីលោកបានបង្វិលប្រាក់ចំនួន ៣៣ពាន់លានដុងដែលបានមកពីជំនួញបោកគក់។

គណនីធនាគារដែលមាន ១០ពាន់លានដុងដែលជាកម្មសិទ្ធិរបស់បងប្រុសរបស់លោកស្រី Lan ក៏មិនត្រូវបានបង្កកដែរ ប៉ុន្តែគណនីដែលមានតម្លៃ ១០០ពាន់លានដុងដែលជាកម្មសិទ្ធិរបស់សមាជិកគ្រួសារមួយចំនួននៅតែត្រូវបានបង្កក។

គួរឲ្យដឹងថា លោកស្រី Lan ត្រូវបានកាត់ទោសឱ្យជាប់គុកមួយជីវិតពីបទក្លែងបន្លំទ្រព្យសម្បត្តិ ការលាងលុយកខ្វក់ និងការផ្ទេរប្រាក់ឆ្លងដែនខុសច្បាប់ ដែលត្រូវបានតុលាការសម្រេចកាត់ក្តីកាលពីថ្ងៃព្រហស្បតិ៍ ទី១៧ ខណៈកាលពីខែមេសា លោកស្រីត្រូវបានកាត់ទោសប្រហារជីវិតពីបទកេងបន្លំប្រាក់ ៦៧៧ពាន់ពាន់លានដុង ឬ២៧ពាន់លានដុល្លារ ពីធនាគារ Saigon Commercial Bank ប៉ុន្តែលោកស្រី បាន​ប្តឹង​ឧទ្ធរណ៍​ចំពោះ​សាលក្រម​នេះ៕

អត្ថបទ៖ សារ៉ាយ រូបភាព៖ VnExpress

The post តុលាការបង្កកទ្រព្យ​សម្បត្តិ​សេដ្ឋីនីម្ចាស់ Vietcombank ដើម្បីយកលុយសងជនរងគ្រោះ appeared first on Millions times.

មេធាវីតំណាងឱ្យក្រុមហ៊ុនកាលពីថ្ងៃព្រហស្បតិ៍ បានស្នើឱ្យតុលាការមិនអនុម័តអនុសាសន៍របស់អ្នកស៊ើបអង្កេតក្នុងការរឹបអូសប្រាក់សរុបរបស់ក្រុមហ៊ុន។

តាមដានជាមួយយើង៖ Million Times

ក្រុមអ្នកស៊ើបអង្កេតបានរកឃើញថា ក្នុងឆ្នាំ២០១៨ Bitexco បានយល់ព្រមលក់គម្រោងអចលនទ្រព្យមួយដែលមានឈ្មោះថា The Spirit of Saigon ក្នុងតំបន់ ១ នៃទីក្រុងហូជីមិញ ទៅឱ្យក្រុមហ៊ុនរបស់លោកស្រី Truong My Lan ដែលជាក្រុមហ៊ុន Van Thinh Phat Group ក្នុងតម្លៃ ២២លានលានដុង។

លោកស្រី Lan រហូតមកដល់បច្ចុប្បន្នបានផ្ទេរប្រាក់ ១៥.៧ ពាន់ពាន់លានដុងទៅឱ្យក្រុមហ៊ុន Bitexco ។ ដោយសារប្រតិបត្តិការមិនទាន់បានបញ្ចប់ ភាគីទាំងពីរមិនបានចុះហត្ថលេខាលើកិច្ចសន្យាចុងក្រោយដើម្បីផ្ទេរគម្រោងនេះទេ ដែលមានទំហំ ៨,៦០០ ម៉ែត្រការ៉េនៅក្នុងទីតាំងសំខាន់មួយនៅទីក្រុងធំបំផុតរបស់ប្រទេសវៀតណាម។

បន្ទាប់ពី លោកស្រី Lan ត្រូវបានចាប់ខ្លួន ប៉ូលីសបានរឹបអូសគណនីជាច្រើនរបស់ Bitexco និងក្រុមហ៊ុនដែលជាប់ពាក់ព័ន្ធ ដោយសារតែមានការសង្ស័យថា វាមានជាប់ពាក់ព័ន្ធក្នុងឧក្រិដ្ឋកម្មដែលត្រូវបានចោទប្រកាន់របស់លោកស្រី។

ទោះបីជាយ៉ាងណាក៏ដោយ មេធាវីតំណាងឱ្យ Bitexco បានប្រាប់តុលាការកាលពីថ្ងៃព្រហស្បតិ៍ថា ក្រុមហ៊ុនបានទទួលប្រាក់នេះដោយស្របច្បាប់ ហើយខ្លួនបានធ្វើការស៊ើបអង្កេតដោយខ្លួនឯងដើម្បីបញ្ជាក់ថា ប្រាក់នេះមិនបានមកធនាគារ Saigon Commercial Bank ដែលជាកន្លែងលោកស្រី Lan ត្រូវបានគេរកឃើញថាមានទោសពីបទកេងបន្លំ ឬពីលោកស្រី ដែលត្រូវ​បាន​ចោទ​ប្រកាន់ចេញ​មូលបត្រ​បំណុល​ក្លែង​បន្លំ​។

មេធាវីបានបន្ថែមថា ដោយសារតែការចាប់ខ្លួន លោកស្រី Lan ក្នុងអំឡុងពេលដំណើរការផ្ទេរនេះ ក្រុមហ៊ុនបានខាតបង់ចំនួន ១២ពាន់ពាន់លានដុងនៅក្នុងគម្រោងនេះ។ ឥឡូវនេះក្រុមហ៊ុនកំពុងស្វែងរកការយល់ព្រមពីតុលាការដើម្បីលុបគណនីរបស់ខ្លួន។

លោកស្រី Lan ស្ថិតក្នុងការកាត់ក្តីលើកទីពីររបស់លោកស្រីនៅឆ្នាំនេះ ដែលនៅក្នុងនោះ ព្រះរាជអាជ្ញាបានផ្តល់អនុសាសន៍ឱ្យជាប់គុកមួយជីវិតដោយសារការចោទប្រកាន់ពីបទក្លែងបន្លំទ្រព្យសម្បត្តិ ការលាងលុយកខ្វក់ និងការផ្ទេរប្រាក់ឆ្លងដែនខុសច្បាប់។

នៅក្នុងការកាត់ក្តីលើកដំបូងក្នុងខែមេសា លោកស្រី Lan ត្រូវបានកាត់ទោសប្រហារជីវិតពីបទកេងបន្លំប្រាក់ ៦៧៧ ពាន់ពាន់លានដុងពីធនាគារ Saigon Commercial Bank។ ប៉ុន្តែលោកស្រី​បាន​ប្តឹង​ឧទ្ធរណ៍​ចំពោះ​សាលក្រម​នេះ៕

អត្ថបទ៖ សារ៉ាយ រូបភាព៖ VnExpress/Quynh Tran

The post ក្រុមហ៊ុនអភិវឌ្ឍន៍អចលនទ្រព្យកំពូលលុយ បញ្ជាក់ពីភាពស្អាតស្អំរឿងលុយ ៦៣២លានដុល្លារ appeared first on Millions times.