កាសែតវៀតណាជាច្រើនបានចុះផ្សាយថា ក្រុមប្រឹក្សាជំនុំជម្រះបានកំណត់ថា លោក Trinh Van Quyet ជាមេគំនិត និងដឹកនាំការបង្កើនដើមទុនមិនពិតរបស់ក្រុមហ៊ុន Faros ពីកម្រិតតិចតួចពី ១,៥ ពាន់លានដុងដល់ចំនួនដ៏ច្រើនលើសពី ៤,៣០០ពាន់លានដុង។

លោក Trinh Van Quyet ត្រូវ​បាន​តុលាការ​កាត់ទោស​ឱ្យ​ជាប់​ពន្ធនាគារ​ចំនួន ៣ឆ្នាំ​ពី​បទ «​ឧបាយកល​ទីផ្សារ​ភាគហ៊ុន​» និង​ដាក់​ពន្ធនាគារ​ចំនួន ១៨ ឆ្នាំ​ពី​បទ « ក្លែង​បន្លំ​ទ្រព្យសម្បត្តិ» សរុប​ចំនួន ២១ ឆ្នាំ។

គណៈវិនិច្ឆ័យក៏បានវាយតម្លៃថា បងប្អូនស្រីបង្កើតពីរនាក់របស់លោក Quyet គឺលោក Trinh Thi Minh Hue អតីតមន្ត្រីនាយកដ្ឋានគណនេយ្យនៃ FLC Group និង Trinh Thi Thuy Nga អតីតអគ្គនាយករងក្រុមហ៊ុន BOS Securities ដែលមានទំនាស់ជាមួយបងប្រុសរបស់គាត់ ក្នុងការបង្កើនអាណាចក្រនៃក្រុមហ៊ុន Faros ។

តាមដានជាមួយយើង៖ Million Times

ប្រការនេះបានជួយលោក Quyet រកប្រាក់ចំណេញខុសច្បាប់ជាង ៣.៦០០ ពាន់លានដុង។ តុលាការបានកាត់ទោសលោកស្រី Trinh Thi Minh Hue ឱ្យជាប់ពន្ធនាគារចំនួន ៣ឆ្នាំពីបទ “ឧបាយកលទីផ្សារភាគហ៊ុន” និងដាក់ពន្ធនាគាររយៈពេល ១១ឆ្នាំពីបទ “ក្លែងបន្លំទ្រព្យសម្បត្តិ” សរុបចំនួន ១៤ ឆ្នាំ។

លោកស្រី Trinh Thi Thuy Nga ត្រូវបានកាត់ទោសឱ្យជាប់ពន្ធនាគាររយៈពេល ២ឆ្នាំពីបទ “ឧបាយកលទីផ្សារភាគហ៊ុន” និងដាក់ពន្ធនាគាររយៈពេល ៦ឆ្នាំពីបទ “ក្លែងបន្លំទ្រព្យសម្បត្តិ” សរុបចំនួន៨ឆ្នាំ។

អតីតអនុប្រធានអចិន្ត្រៃយ៍នៃក្រុមប្រឹក្សាភិបាលនៃ FLC Group លោក Huong Tran Kieu Dung ត្រូវបានកាត់ទោសឱ្យជាប់ពន្ធនាគាររយៈពេល ២ឆ្នាំពីបទ “ឧបាយកលទីផ្សារភាគហ៊ុន” និងដាក់ពន្ធនាគាររយៈពេល ៦ឆ្នាំ៦ខែពីបទ “ក្លែងបន្លំទ្រព្យសម្បត្តិ” សរុបទោសពិន័យជាប់ពន្ធនាគារ ៨ ឆ្នាំ ៦ ខែ។

អត្ថបទ៖ សារ៉ាយ

The post តុលាការកាត់ទោសមហាសេដ្ឋីអចលនទ្រព្យ លោក Trinh Van Quyet និងបក្ខពួកឲ្យ​ជាប់​ពន្ធនាគារ appeared first on Millions times.