តាមដានជាមួយយើង៖ Million Times

តាមរយៈក្នុងបណ្តាញសង្គមសម្តេច ហ៊ុន សែន ថ្លែងថា «ខ្ញុំសូមផ្តាំទៅ ថាក់ស៊ីន វិញថា ខ្ញុំទេដែលជាអ្នកមិនចង់និយាយជាមួយ ថាក់ស៊ីន ចាប់តាំងពីកូនស្រីរបស់អ្នកឯងព្រហើន និងមើលងាយខ្ញុំមក ហើយលើសពីនោះខ្ញុំក៏មិនចង់និយាយជាមួយអ្នកធ្លាប់មានទោស ហើយក៏នឹងកំពុងត្រៀមជាប់ទោសបន្ថែមទៀតផងដែរ ដូច្នេះកុំលើកតម្កើងខ្លួនឯងខ្ពស់ពេក ខ្ញុំនិយាយជាមួយអ្នកឯងនាំចង្រៃខ្លួនទេ!»។

ជាការកត់សំគាល់របស់សម្តេច ចាប់តាំងពី ថាក់ស៊ីន ចូលពាក់ព័ន្ធនយោបាយថៃមក ថៃមានភាពច្របូកច្របល់ខ្លាំងតាំងពីមុនរដ្ឋប្រហារ២០០៦មកម្លេះ ហើយសម្តេចក៏មិនចង់លើករឿងអ្នកឯងប្រមាថធ្ងន់ៗលើព្រះមហាក្សត្រថៃដែរ វាជាសម្តីអាក្រក់អាក្រីខ្លាំងពេក មិនសមខ្ញុំនិយាយទេ នាំតែធ្វើឲ្យប៉ះពាល់ដល់ព្រះជេស្តាព្រះមហាក្សត្រថៃ ប៉ុន្តែគ្នាអ្នកឯងទទួលស្គាល់ថាពិតជាមានមែន។

សម្តេចបន្ថែមថា ប៉ុន្មានថ្ងៃមុនលោក ថាក់ស៊ីន និយាយថា អ្នកដឹកនាំកម្ពុជាពុំមានសីលធម៍ទេ។ នេះជាការប្រមាថដ៏ធ្ងន់ធ្ងដូចកូនស្រីលោកប្រមាថមេដឹកនាំកម្ពុជាថា គ្មានវិជ្ជាជីវៈដែលជាមូលហេតុធ្វើឲ្យមានការខឹងសម្បាពីប្រជាជនកម្ពុជា។

សម្តេចថ្លែងថា «ខ្ញុំចង់សួរលោកថា បើខ្ញុំអត់សីលធម៍ ហេតុអ្វីបានជាលោកពឹងពាក់ខ្ញុំអស់រយៈពេល១៩ឆ្នាំ (2006-2025) លោកស្តាប់ការទូន្មានរបស់ខ្ញុំរហូតហៅខ្ញុំថាជាមេ០១។ លោកចាំបានទេ ការរៀបចំគណបក្សភឿថៃ ដើម្បីចូលរួមបោះឆ្នោតឆ្នាំ២០១១ ក្រៅពីគំនិតមួយចំនួននៅមានទ្រឹស្តីមួយគឺ (ថាក់សុីនគិត ភឿថៃធ្វើ) នោះហើយជាទ្រឹស្តី ហ៊ុន សែន ដែល ខ្ញុំគួរតែរំលឹកដល់លោក»។

សម្តេចបន្តបញ្ជាក់ថា នៅមានរឿងច្រើនណាស់ដែលសម្តេចមិនទាន់និយាយរាប់ទាំងការតែងតាំងសមាជិករដ្ឋាភិបាលផងដែរ។ ការចោទប្រកាន់ថា លោកដឹកនាំបក្សភឿថៃគឺជារឿងពិត រាប់ទាំងការក្បត់ជាមួយភូមិចាយថៃ គឺជាគំនិតលោកទាំងអស់ មិនមែនជាគំនិតអ៊ុងអុីនទេ៕

I

The post សម្តេច ហ៊ុន សែន៖ ចាប់តាំងពី ថាក់ស៊ីន ចូលពាក់ព័ន្ធនយោបាយថៃមក មានភាពច្របូកច្របល់ខ្លាំងតាំងពីមុនរដ្ឋប្រហារ២០០៦មកម្លេះ appeared first on Millions times.

តាមដានជាមួយយើង៖ Million Times

នៅក្នុងសន្និសីទសារព័ត៌មានស្តីពី «ការដោះសោអនាគតរបស់ថៃ» កាលពីល្ងាចថ្ងៃព្រហស្បតិ៍ ទី១៧ ខែកក្កដា លោក ថាក់ស៊ីន បាននិយាយថា កម្មវិធីទិដ្ឋាការមាសអាចនាំមកនូវទឹកប្រាក់ស្មើនឹងទំហំសេដ្ឋកិច្ចរបស់ប្រទេសថៃ ដែលមានចំនួន ៥០០ពាន់លានដុល្លារ។ ជាមួយគ្នានេះលោកក៏បានណែនាំថា ប្រទេសថៃ អាចទាក់ទាញមនុស្ស ៦សែននាក់ ដែលនឹងដាក់ប្រាក់កក់ចំនួន ១លានដុល្លារក្នុងម្នាក់សម្រាប់ទិដ្ឋាការនេះ។ ជាថ្នូរមកវិញ ពួកគេនឹងទទួលបានសិទ្ធិទិញអចលនទ្រព្យនៅប្រទេសថៃ ដែលជួយដល់វិស័យអចលនទ្រព្យ ដោយប្រាក់ចំណូលនឹងត្រូវបានប្រើប្រាស់ សម្រាប់ផ្តល់មូលនិធិដល់ការអប់រំប្រជាជនថៃ។

លោក ថាក់ស៊ីន បាននិយាយបន្តថា «វានឹងជំរុញកំណើនផលិតផលក្នុងស្រុកសរុប GDP កាត់បន្ថយបំណុលសាធារណៈ និងជំរុញការប្រើប្រាស់ក្នុងស្រុក។ វាជាលុយថ្មី ស្រស់ៗ ដូច្នេះវាគួរតែត្រូវធ្វើ»។

សូមបញ្ជាក់ថា សេដ្ឋកិច្ចថៃ ដែលពឹងផ្អែកយ៉ាងខ្លាំងលើការនាំចេញ និងវិស័យទេសចរណ៍ មានកំណើនជាមធ្យមក្រោម ២% ក្នុងរយៈពេលមួយទសវត្សរ៍កន្លងមកនេះ ពោលគឺមានកំណើនយឺតបើធៀបនឹងកំណើនសេដ្ឋកិច្ចរបស់ប្រទេស នៅអាស៊ីអាគ្នេយ៍មួយចំនួនទៀត៕

The post អតីតនាយករដ្ឋមន្ត្រី ថាក់ស៊ីន ជំរុញឱ្យថៃបង្កើតទិដ្ឋាការមាសដូចអាមេរិក ដោយទាញប្រាក់កក់ចំនួន ១លានដុល្លារក្នុងម្នាក់ appeared first on Millions times.

កិច្ចប្រជុំនៅប្រទេសប្រ៊ុយណេត្រូវបានដឹងថា ទាក់ទងនឹងការធ្វើជាប្រធាននៃកិច្ចប្រជុំអាស៊ានរបស់ប្រទេសម៉ាឡេស៊ីនៅចុងឆ្នាំនេះ។ បើយោងតាមចុះផ្សាយដោយសារព័ត៌មាន The Nation។ ដំណើរទស្សនៈកិច្ចនេះ ក្រោយពេលលោក ថាក់ស៊ីន ត្រូវបាននាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ដែលបានតែងតាំងលោក ជាទីប្រឹក្សាក្រៅផ្លូវការកាលពីខែធ្នូ។

ទោះ​ជា​យ៉ាង​ណា តុលាការ​បាន​បដិសេធ​សំណើ​របស់​លោក ថាក់ស៊ីន ក្នុង​ការ​ធ្វើ​ដំណើរ​ទៅ​ប្រទេស​វៀតណាម និង​កម្ពុជា ក្នុង​អំឡុង​ថ្ងៃ​ទី ១៨-១៩ ខែ​កុម្ភៈ។ តុលាការ​បាន​ផ្តល់​ហេតុផល​ថា ដំណើរ​ទស្សនកិច្ច​របស់​លោក ថាក់ស៊ីន ទៅ​ប្រទេស​ទាំង​ពីរ​នេះ គឺ​ស្ថិត​ក្រោម​ការ​អញ្ជើញ​ផ្ទាល់​ពី​ពាណិជ្ជករ​នៅ​ប្រទេស​វៀតណាម និង​អតីត​មេដឹកនាំ​កម្ពុជា សម្តេច ហ៊ុន សែន មិនមែន​ជា​ការ​អញ្ជើញ​ផ្លូវការ​របស់​រដ្ឋាភិបាល​នៃ​ប្រទេស​រៀងៗ​ខ្លួន​ទេ។

គួរឲ្យដឹងថា តុលាការបានបង្គាប់ឱ្យលោក ថាក់ស៊ីន បង់ប្រាក់ធានាចំនួន ៥លានបាតមុនពេលធ្វើដំណើររបស់លោម ដែលជាចំនួនដូចគ្នាដែលលោកត្រូវបានបង្គាប់ឱ្យបង់ប្រាក់មុនពេលធ្វើដំណើរទៅកាន់ប្រទេសម៉ាឡេស៊ីកាលពីដើមខែនេះ។ អតីតនាយករដ្ឋមន្ត្រីរូបនេះក៏ត្រូវរាយការណ៍ទៅតុលាការ និងមន្ត្រីអន្តោប្រវេសន៍ក្នុងរយៈពេលបីថ្ងៃបន្ទាប់ពីត្រឡប់មកពីប្រ៊ុយណេ៕

អត្ថបទ៖ សារ៉ាយ រូបភាព៖ The Nation

The post តុលាការអនុញ្ញាត​ឲ្យ​លោក ថាក់ស៊ីន ធ្វើ​ដំណើរ​ទៅ​ប្រ៊ុយណេ ប៉ុន្តែ​ហាមទៅ​វៀតណាម និង​កម្ពុជា appeared first on Millions times.

តាមដានជាមួយយើង៖ Million Times

កាសែត BangkokPost បានចុះផ្សាយថា ការប្ដេជ្ញាចិត្តរបស់អតីតមេដឹកនាំថៃរូបនេះកើតឡើង បន្ទាប់ពីលោកអះអាងថា ស្ថានភាពសេដ្ឋកិច្ចថៃកំពុងមានអតុល្យភាពជាខ្លាំង ដោយសារការធ្វេសប្រហែសរបស់អ្នកគ្រប់គ្រងជំនាន់មុនៗ។

ឪពុកនាយករដ្ឋមន្ត្រី Paetongtarn Shinawatra បានមានប្រសាសន៍ថា «សេដ្ឋកិច្ចទូទាំងប្រទេសបានដួលរលំ ស្របពេលចំណូលប្រជាជនបានបាត់បង់។ ប្រាក់ចំណេញធនាគារពាណិជ្ជកម្មកើនឡើង ១៤% ធៀនឹងកំណើន GDP មានត្រឹម ៣% ដែលវាបង្ហាញឲ្យឃើញថា ស្ថានភាពសេដ្ឋកិច្ចកំពុងមានអតុល្យភាព ដោយសារការគ្រប់គ្រងមិនច្បាស់លាស់ពីជំនាន់មុនៗ»។

លោក Thaksin ថែមទាំងសង្កត់ធ្ងន់ទៀតថា ស្ថានភាពសេដ្ឋកិច្ចថៃនាពេលបច្ចុប្បន្ន គឺមានភាពអាក្រក់ជាងវិបត្តិហិរញ្ញវត្ថុអាស៊ី ដែលបានផ្ទុះកាលពីឆ្នាំ១៩៩៧ ថែមទៀត។

អតីតនាយករដ្ឋមន្ត្រីថៃបន្តថា បច្ចុប្បន្នកូនស្រីរបស់លោកកំពុងមមាញឹកក្នុងការដឹកនាំប្រទេស ហើយរូបលោកគ្រាន់តែដើរតួជាទីប្រឹក្សាផ្ដល់យោបល់ ជុំវិញការជំរុញកំណើនសេដ្ឋកិច្ចពីក្រោយប៉ុណ្ណោះ។ លោកបានប្ដេជ្ញាថា រយៈពេល ៣ឆ្នាំខាងមុខ លោកនឹងព្យាយាមដោះស្រាយវិបត្តិសេដ្ឋកិច្ច និងស្ដារភាពរុងរឿងជូនប្រទេសជាតិឡើងវិញ ឲ្យអស់ពីលទ្ធភាពរបស់លោក៕

អត្ថបទ៖ Luffy រូបភាព៖ Khaosod

The post អតីតនាយករដ្ឋមន្ត្រីថៃ Thaksin ប្ដេជ្ញាស្ដារសេដ្ឋកិច្ចប្រទេសជាតិក្នុងរយៈពេល ៣ឆ្នាំ appeared first on Millions times.

អគ្គលេខាធិការ NACC លោក Sarote Phuengramphan និយាយកាលពីថ្ងៃចន្ទថា គណៈកម្មការសម្រេចបានស៊ើបអង្កេតជាការឆ្លើយតបទៅនឹងការចោទប្រកាន់ថា មន្ត្រីនៅនាយកដ្ឋានកែប្រែ, មន្ទីរពេទ្យ និងអគ្គស្នងការដ្ឋាននគរបាលជាតិ បានបញ្ជូនលោក ថាក់ស៊ីន ទៅមន្ទីរពេទ្យដើម្បីកុំឲ្យលោកជាប់ពន្ធនាគារ។

តាមដានជាមួយយើង៖ Million Times

លោក ថាក់ស៊ីន ក្នុងរថយន្តពេលត្រឡប់មកដល់ប្រទេសវិញ

យោងតាមការចោទប្រកាន់ លោក ថាក់ស៊ីន ត្រូវបានអនុញ្ញាតឱ្យស្នាក់នៅក្នុងមន្ទីរពេទ្យរយៈពេល ១៨០ថ្ងៃ ទោះបីលោកមិនឈឺធ្ងន់ក៏ដោយ។ លោក Sarote បន្តថា NACC បានរកឃើញអង្គហេតុ សាក្សី និងភស្តុតាងគ្រប់គ្រាន់ ដើម្បីធ្វើការស៊ើបអង្កេត ដូច្នេះបានចាប់ផ្តើមបន្តសំណុំរឿងនេះ។ លោក​បន្ត​ទៀតថា ការ​ស៊ើប​អង្កេត​នឹង​ផ្តោត​លើ​មន្ត្រី​ចំនួន ១២នាក់​នៅ​នាយកដ្ឋាន​កែប្រែ មន្ទីរពេទ្យ​ និងនគរបាល។

លោក ថាក់ស៊ីន បាន​វិល​ត្រឡប់​ចូលស្រុកវិញ​កាល​ពី​ថ្ងៃ​ទី​២២ ខែ​សីហា ឆ្នាំ​២០២៣ បន្ទាប់​ពី​បាន​និរទេស​ខ្លួន​អស់រយៈពេល ១៥​ឆ្នាំ។ ជាន់ទឹកដីថៃភ្លាម លោកត្រូវបញ្ជូនទៅពន្ធនាគារ Remand ទីក្រុងបាងកក ហើយក្រោយមកបញ្ជូនទៅសម្រាកនៅឯមន្ទីរពេទ្យក្រោមហេតុផលសុខភាព។ នៅយប់ដំបូងនៅពន្ធនាគារ Remand គ្រូពេទ្យបញ្ជាក់ថា លោក ថាក់ស៊ីន គួរតែត្រូវបានផ្ទេរទៅមន្ទីរពេទ្យ ដោយសារតែមានការឈឺទ្រូង លើសឈាម និងកម្រិតអុកស៊ីសែនក្នុងឈាមទាប។

លោកថាក់ស៊ីន ត្រូវបានអនុញ្ញាតស្របច្បាប់ឱ្យទទួលការព្យាបាលនៅខាងក្រៅពន្ធនាគាររយៈពេល ១២០ថ្ងៃ ប៉ុន្តែនាយកដ្ឋានកែប្រែ បានអនុញ្ញាតឱ្យលោកបន្តស្នាក់នៅមន្ទីរពេទ្យលើសពីថ្ងៃទី ២២ខែធ្នូ។ លោកត្រូវ​បាន​គេ​ដាក់​ឲ្យ​នៅ​ក្រៅ​ឃុំ និង​បាន​ចេញ​ពី​មន្ទីរពេទ្យ​នៅ​ថ្ងៃ​ទី១៨ ខែ​កុម្ភៈ ឆ្នាំ២០២៤។ អតីត​នាយក​រដ្ឋមន្ត្រី​រូប​នេះ​បាន​បញ្ចប់​ការ​ជាប់​ពន្ធនាគារ​រយៈពេល​មួយ​ឆ្នាំ​ជា​ផ្លូវការ​នៅ​ថ្ងៃ​ទី ៣១ ខែ​សីហា ឆ្នាំ​នេះ៕

អត្ថបទ៖ សារ៉ាយ រូបភាព៖ Bangkok Post

The post ក្រុមប្រឆាំងអំពើពុករលួយ ស៊ើបអង្កេតលើមន្ត្រីរដ្ឋាភិបាលអនុញ្ញាតឱ្យលោក ថាក់ស៊ីន ស្នាក់នៅមន្ទីរពេទ្យជំនួសឱ្យពន្ធនាគារ appeared first on Millions times.

តាមដានជាមួយយើង៖ Million Times

លោក Anwar បានមានប្រសាសន៍ថា តួនាទីរបស់លោក Thaksin អំឡុងពេលម៉ាឡេស៊ីជាប្រធានប្លុកនៃតំបន់អាស៊ាន នឹងស្ថិតនៅក្នុងសមត្ថភាពក្រៅផ្លូវការ រួមជាមួយទីប្រឹក្សាច្រើនរូបទៀត មកពីប្រទេសមួយចំនួននៃសមាជិកទាំង ១០ប្រទេសក្នុងប្លុកមួយនេះ។

នាយករដ្ឋមន្ត្រីម៉ាឡេស៊ីប្រកាសពីការសម្រេចចិត្តបែបនេះ អំឡុងពេលនាយករដ្ឋមន្ត្រីវ័យក្មេង Paethongtarn Shinawatra កូនស្រីពៅរបស់លោក Thaksin បំពេញទស្សនកិច្ចនៅប្រទេសម៉ាឡេស៊ី។

លោក Thaksin Shinawatra គឺជាបុគ្គលដ៏មានឥទ្ធិពលមួយរូប និងមានបទពិសោធន៍ជោគជាំក្នុងឆាកនយោបាយ ជាពិសេសគឺនៅប្រទេសថៃ។ ចំណេះដឹង និងចក្ខុវិស័យលើផ្នែកនយោបាយរបស់លោក ត្រូវបានកោតសរសើរយ៉ាងខ្លាំងពីមេដឹកនាំច្រើនរូប នៅក្នុងប្រទេសតំបន់អាស៊ាន។

បើទោះជាបច្ចុប្បន្ន លោក Thaksin ប្រកាសផ្ទាល់មាត់ថា លោកចូលនិវត្តន៍ និងនៅផ្ទះមើលថែចៅៗក៏ពិតមែន តែគូប្រជែងរបស់លោកក្នុងការបង្កើតរបបរាជានិយម និងយោធា មិនយល់ឃើញដូច្នោះឡើយ ពោលពួកគេជឿថា លោក Thaksin គឺជាអ្នកសម្រេចចិត្តចុងក្រោយបង្អស់ នៅក្នុងរដ្ឋបាលដែលដឹកនាំដោយកូនស្រីពៅរបស់លោក គឺអ្នកនាង Paethongtarn Shinawatra៕

អត្ថបទ៖ Luffy រូបភាព៖ MalayMail

The post នាយករដ្ឋមន្ត្រីម៉ាឡេស៊ី តែងតាំងលោក Thaksin ជាទីប្រឹក្សាផ្ទាល់ខ្លួន appeared first on Millions times.

អតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា បានទទួលការលើកលែងទោសពីព្រះមហាក្សត្រដោយកាត់បន្ថយការដោះលែងគាត់ត្រឹមពីរសប្តាហ៍។ មេធាវីរបស់លោក គឺលោកWinyat Chartmontri បានប្រាប់រ៉យទ័រថា “ថាក់ស៊ីនគឺជាអ្នកទោសដែលបានទទួលការលើកលែងទោសពីព្រះមហាក្សត្រ” ក្នុងឱកាសធ្វើបុណ្យចម្រើនព្រះជន្មរបស់ព្រះមហាក្សត្រកាលពីខែមុន”។

លោក Winyat បាននិយាយថា ការលើកលែងទោសត្រូវបានអនុញ្ញាតក្នុងខែកុម្ភៈ នឹងត្រូវបញ្ចប់នៅចុងខែសីហានេះ ប៉ុន្តែត្រូវបានកាត់បន្ថយមកត្រឹមថ្ងៃអាទិត្យនេះវិញ។

លោក ថាក់ស៊ីន គឺជានិមត្តរូបនៃការតស៊ូអំណាចរយៈពេលពីរទសវត្សរ៍រវាងគ្រួសារស៊ីណាវ៉ាត្រា។ បន្ទាប់ពីមាតុភូមិនិវត្តចូលប្រទេសថៃកាលពីខែសីហា ឆ្នាំមុន លោកបានជាប់ពន្ធនាគាររយៈពេលប្រាំមួយខែនៅក្នុងមន្ទីរពេទ្យដោយសារតែហេតុផលសុខភាពមុនពេលត្រូវបានដោះលែងឱ្យនៅក្រៅឃុំក្នុងខែកុម្ភៈ ឆ្នាំ២០២៤។

បន្ទាប់ពីការត្រលប់មកវិញ លោកត្រូវបានកាត់ទោសឱ្យជាប់ពន្ធនាគាររយៈពេលប្រាំបីឆ្នាំពីបទរំលោភអំណាច និងទំនាស់ផលប្រយោជន៍ក្នុងអំឡុងពេលកាន់តំណែងពីឆ្នាំ២០០១ ដល់ឆ្នាំ២០០៦។ ការកាត់ទោសលោក ត្រូវបានបន្ធូរបន្ថយរយៈពេលមួយឆ្នាំដោយព្រះមហាក្សត្រ Maha Vajiralongkorn កាលពីខែកញ្ញាឆ្នាំមុន៕

អត្ថបទ៖ សារ៉ាយ រូបភាព៖ The Nation

The post ព្រះមហាក្សត្រ លើកលែងទោសឲ្យលោក ថាក់ស៊ីន មានសេរីភាពពេញលេញ appeared first on Millions times.