តាមដានជាមួយយើង៖ Million Times

សារព័ត៌មាន Reuters បានចុះផ្សាយថា ប្រាក់ចំណូលពាណិជ្ជកម្មរបស់ក្រុមហ៊ុននេះ នឹងមានចំនួនច្រើនជាងកញ្ចប់ចំណាយរបស់អង្គការ NASA ថែមទៀតនាឆ្នាំក្រោយ ពោលប្រហែល ១,១ពាន់លានដុល្លារ។

ប្រភពចំណូលដ៏ធំរបស់ក្រុមហ៊ុន SpaceX គឺបានមកពីការផ្គត់ផ្គង់សេវាកម្មអ៊ីនធឺណិត Starlink ដែលមហាសេដ្ឋី Elon Musk អះអាងថា នឹងដាក់ឲ្យប្រើប្រាស់ជាសាធារណៈ ប៉ុន្តែមិនបញ្ជាក់ពីកាលបរិច្ឆេទឡើយ។

គួរជម្រាបដែរថា ថ្មីៗនេះ SpaceX រួមទាំងដៃគូ ២ក្រុមហ៊ុនទៀត កំពុងក្លាយជាបេក្ខភាពជួរមុខ ក្នុងការទទួលបានកិច្ចព្រមព្រៀងជាមួយរដ្ឋាភិបាលអាមេរិក ដើម្បីបង្កើតប្រព័ន្ធខែលការពារគ្រាប់មីស៊ីល Golden Dome៕

អត្ថបទ៖ Luffy រូបភាព៖ Reuters

The post Elon Musk ព្យាករប្រាក់ចំណូលក្រុមហ៊ុន SpaceX នឹងទទួលបានជាង ១៥ពាន់លានដុល្លារ appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា គោលបំណងនៃការបាញ់បង្ហោះសាកល្បងយានអវកាស Starship គឺដើម្បីស្វែងរកមធ្យោបាយ បញ្ជូនមនុស្សឲ្យទៅរស់នៅលើភពព្រះអង្គារ ដែលជាមហិច្ឆតាដ៏ធំបំផុតរបស់មហាសេដ្ឋី Elon Musk។

ប៉ុន្តែប៉ុន្មានឆ្នាំចុងក្រោយ ការសាកល្បងរបស់ SpaceX ហាក់មិនសូវទទួលបានលទ្ធផលជាដុំកំភួនឡើយ ពោលយាន Starship បានបាញ់បង្ហោះសាកល្បងចំនួន ៩លើក ទទួលជោគជ័យ ៤លើក ហើយបរាជ័យទាំងសារនេះ គឺ ៥លើកហើយ។

ទោះជាទទួលបានលទ្ធផលបរាជ័យបែបនេះក្ដី ប៉ុន្តែមហាសេដ្ឋី Elon Musk បានបង្ហោះសារលើបណ្ដាញសង្គម X ដោយសរសេរ ភាពបរាជ័យនេះបានផ្ដល់ឲ្យពួកគេនូវទិន្នន័យសំខាន់មួយ ដូច្នេះសម្រាប់ការបាញ់បង្ហោះយានអវកាសនាពេលក្រោយ នឹងកាន់តែមានភាពងាយស្រួលជាងមុនទៀត៕

អត្ថបទ៖ Luffy រូបភាព៖ Reuters

The post យានអវកាសក្រុមហ៊ុន SpaceX ធ្លាក់ចូលក្នុងសមុទ្រ អំឡុងពេលបាញ់បង្ហោះសាកល្បង appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន BBC បានរាយការណ៍ថា ប្រជាជនបានសម្រេចបោះឆ្នោត និងអនុម័តចំពោះការបង្កើតទីក្រុងថ្មី Starbase នេះកាលពីថ្ងៃសៅរ៍ ទី០៣ ខែឧសភា។ អ្នកដែលមានសិទ្ធបោះឆ្នោតសរុប ២៨៣នាក់ ហើយភាគច្រើនសុទ្ធតែជាបុគ្គលិករបស់ SpaceX ខណៈលទ្ធផលបង្ហាញថា សម្លេងគាំទ្រឲ្យបង្កើតទីក្រុងថ្មីមាន ២១២សម្លេង និង ៦សម្លេងទៀតប្រឆាំង។

ទីក្រុងថ្មីនេះមានផ្ទៃក្រឡា ៣,៩គីឡូម៉ែត្រការ៉េ និងជាតំបន់​វាលរហោឋាន មុនពេលក្រុមហ៊ុន SpaceX ចាប់ផ្ដើមទិញដីនៅតំបន់នេះក្នុងឆ្នាំ២០១២។ បច្ចុប្បន្ន ទីក្រុង Starbase មានមនុស្សរស់នៅប្រហែល ៥០០នាក់។

រដ្ឋាភិបាលទីក្រុងនឹងតែងតាំងអភិបាលក្រុងមួយរូប និងស្នងការពីររូប ដែលនឹងមានអំណាចលើការធ្វើផែនការ ការយកពន្ធ និងបញ្ហាក្នុងស្រុកផ្សេងទៀត ដោយអភិបាលក្រុងដំបូងរបស់ទីក្រុង Starbase គឺលោក Bobby Peden អនុប្រធានក្រុមហ៊ុន SpaceX។

ទីក្រុង Starbase នឹងត្រូវរាប់បញ្ចូលជាទីក្រុង Type C ដែលមានមនុស្សតិចជាង ៥ ០០០នាក់ និងអនុញ្ញាតឱ្យមន្ត្រីអាចយកពន្ធលើអចលនទ្រព្យ រហូតដល់ ១,៥% នេះបើយោងតាមសម្ព័ន្ធនៃរដ្ឋតិចសាស់៕

អត្ថបទ៖ Luffy រូបភាព៖ BBC

The post ទីតាំងក្រុមហ៊ុន SpaceX ត្រូវបានប្រែក្លាយជាទីក្រុងផ្លូវការមួយប្រចាំរដ្ឋតិចសាស់ appeared first on Millions times.

លោកស្រីនាយិកាទីផ្សារ បានគូសបញ្ជាក់ថា កម្ពុជាគឺជាគោលដៅអាទិភាពខ្ពស់សម្រាប់ការវិនិយោគរបស់ក្រុមហ៊ុន នៅក្នុងឆ្នាំ២០២៥។ ទន្ទឹមគ្នានេះលោកស្រីក៏ប្រាប់សម្តេចនាយករដ្ឋមន្រ្តីថា លោកស្រីនឹងមានជំនួបពិភាក្សាការងារជាមួយក្រសួង-ស្ថាប័នពាក់ព័ន្ធរបស់កម្ពុជា​ នៅក្នុងឱកាសនៃដំណើរទស្សនកិច្ចនេះផងដែរ។

តាមដានជាមួយយើង៖ Million Times

សម្ដេច ហ៊ុន ម៉ាណែត បានសម្ដែងនូវការស្វាគមន៍ និង​ក្ដីសោមនស្សរីករាយចំពោះក្រុមហ៊ុន SpaceX – Starlink ដែលបង្ហាញអំពីចំណាប់អារម្មណ៍ក្នុងការស្វែងរកឱកាសវិនិយោគ​ ក៏ដូចជាការផ្សារភ្ជាប់ទំនាក់ទំនងជាមួយនឹងរាជរដ្ឋាភិបាលកម្ពុជា។ សម្ដេចក៏បានគូសបញ្ជាក់អំពីការដាក់ចេញនូវគោលនយោបាយរបស់រាជរដ្ឋាភិបាលក្នុងការអភិវឌ្ឍវិស័យបច្ចេកវិទ្យា ដើម្បីឆ្លើយតបទៅនឹងការវិវឌ្ឍដ៏ឆាប់រហ័សនៃបច្ចេកវិទ្យា នាពេលបច្ចុប្បន្ន។ 

ឆ្លៀតក្នុងឱកាសនោះ សម្ដេចនាយករដ្ឋមន្រ្តីក៏បានលើកទឹកចិត្តឱ្យលោកស្រី ដែលជាតំណាងក្រុមហ៊ុន បន្តផ្សារភ្ជាប់ទំនាក់ទំនង និងពិភាក្សាជាមួយក្រសួង-ស្ថាប័នពាក់ព័ន្ធរបស់កម្ពុជា ដើម្បីជំរុញការស្វែងរកឱកាសវិនិយោគ​ នៅកម្ពុជា៕

អត្ថបទ៖ សាងតេជៈ រូបភាព៖ ផេកសម្តេចធិបតី

The post ឆ្នាំ២០២៥ ក្រុមហ៊ុន SpaceX – Starlink មហាសេដ្ឋី Elon Musk ត្រៀមវិនិយោគនៅកម្ពុជា appeared first on Millions times.

តាមដានជាមួយយើង៖ Million Times

តាមរយៈការបង្ហោះសាររបស់មេធាវី និងអ្នកស្រាវជ្រាវ Will Stancil បានសរសេរលើបណ្ដាញសង្គម X បានឲ្យដឹងថា ក្រុមហ៊ុន X ទទួលបានកិច្ចព្រមព្រៀងមួយ តម្លៃប្រហែល ៣៩លានដុល្លារ ខណៈម្ចាស់ក្រុមហ៊ុន Elon Musk និងជាប្រធាននាយកដ្ឋានប្រសិទ្ធភាពការងាររដ្ឋាភិបាល DOGE កំពុងកាត់បន្ថយការចំណាយ តាមរយៈការកាត់ផ្ដាច់ជំនួយរបស់ USAID និងក្រសួងអប់រំ។

អ្នកលេងបណ្ដាញសង្គមជាច្រើនរូប បានរិះគន់យ៉ាងខ្លាំងចំពោះបញ្ហាមួយនេះ ដោយបានលើកឡើងថា វាមិនខុសអីពីការកិបកេងលុយរដ្ឋាភិបាលស្រស់ៗឡើយ ពោលយកលុយពីជំនួយផ្សេងៗ តាមរយៈការចុះកុងត្រាជាមួយក្រុមហ៊ុនរបស់ខ្លួន ទាំងដែលបានអះអាងថា កំពុងជួយកាត់បន្ថយការចំណាយរបស់រដ្ឋាភិបាល។

មហាសេដ្ឋី Elon Musk ក៏បានឆ្លើយតបចំពោះបញ្ហាមួយនេះថា កុងត្រាដែលបានចុះហត្ថលេខានោះ គឺមិនមែនជាកិច្ចព្រមព្រៀងបុគ្គលឡើយ។ វាគឺជាកិច្ចព្រមព្រៀងរវាងក្រុមហ៊ុន និងរដ្ឋាភិបាល ដើម្បីបម្រើផលប្រយោជន៍រួម ហើយលុយដែលបានមកពីកិច្ចកុងត្រាមួយនេះ ក៏មិនមែនចូលហោប៉ៅលោកដែរ តែត្រូវប្រើប្រាស់ក្នុងក្រុមហ៊ុន SpaceX ទាំងស្រុង៕

អត្ថបទ៖ Luffy រូបភាព៖ Will Stancil / AFP

The post SpaceX ទទួលបានកុងត្រាថ្មី តម្លៃជិត ៤០លានដុល្លារពីរដ្ឋាភិបាល ចំពេលកំពុងកាត់បន្ថយការចំណាយ appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន AP បានចុះផ្សាយថា លោក Trump បានជិះយន្តហោះ ដើម្បីចូលរួមកម្មវិធីមួយនេះរបស់ Elon Musk ដើម្បីបង្ហាញពីការគាំទ្រ និងពង្រឹងចំណងមិត្តភាពជាមួយកំពូលអ្នកមានបំផុតលើពិភពលោក។

ការបាញ់បង្ហោះរ៉ុកកែតនោះ មិនបានដំណើរការល្អទាំងស្រុងឡើយ ពោលយានជំនួយដែលកំណត់ឲ្យចុះចតនៅកន្លែងដើម មិនបានចុះចតដូចការគ្រោងទុក និងបានធ្លាក់ទៅក្នុងដែនទឹកនៃប្រទេសម៉ិកស៊ិកវិញ។

គួររំលឹកបន្តិចថា មហាសេដ្ឋី Elon Musk គឺជាចំណែកដ៏ធំមួយ ដែលជួយឲ្យលោក Trump ទទួលជ័យជម្នះក្នុងការបោះឆ្នោតកាលពីថ្ងៃទី០៥ ខែវិច្ឆិកា ដោយបានបរិច្ចាគទឹកប្រាក់ប្រហែល ២០០លានដុល្លារ ទៅកាន់យុទ្ធនាការរបស់លោក Trump។

ក្រោយលោក Trump មានឱកាសវិលមកអង្គុយនៅកៅអីប្រធានាធិបតីជាថ្មី Elon Musk ទំនងទទួលផលប្រយោជន៍ច្រើន ដោយក្រុមហ៊ុន SpaceX របស់លោក កំពុងមានកុងត្រាតម្លៃរាប់ពាន់លានដុល្លារ ជាមួយរដ្ឋាភិបាលអាមេរិកស្រាប់ ស្របពេលអាចទទួលបាននូវការលើកទឹកចិត្តបន្ថែម សម្រាប់ការផលិតរថយន្តអគ្គិសនី Tesla ពីរដ្ឋាភិបាលមួយកម្រិតថែមទៀត៕

អត្ថបទ៖ Luffy រូបភាព៖ ABC

The post Donald Trump ឈរទន្ទឹមគ្នាជាមួយ Elon Musk មើលការបាញ់បង្ហោះរ៉ុកកែតរបស់ក្រុមហ៊ុន SpaceX appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន AP បានចុះផ្សាយថា ក្រុមចៅក្រមបីនាក់នៅសាលាឧទ្ធរណ៍ទី៥ នៃសហរដ្ឋអាមេរិកនៅទីក្រុង New Orleans បានស្តាប់ទឡ្ហីករណ៍ផ្ទាល់មាត់ដាច់ដោយឡែកពីគ្នា នៅក្នុងបណ្តឹងរបស់ SpaceX និង Amazon ដែលក្រុមហ៊ុនទាំងពីរបានផ្តួចផ្តើមឡើង បន្ទាប់ពីទីភ្នាក់ងារការងារបានដាក់ពាក្យបណ្តឹង ប្រឆាំងនឹងពួកគេនៅក្នុងជម្លោះអំពីសិទ្ធិកម្មករ និងការរៀបចំសហជីព។

បើសិនជាក្រុមហ៊ុនទាំង២ អាចយកឈ្នះរឿងក្ដីនេះ ទីភ្នាក់ងាររដ្ឋាភិបាល ដែលរ៉ាប់រងលើការពង្រឹងច្បាប់ការងារ និងជួយដល់កម្មករប្ដឹងនិយោជករបស់ពួកគេ មានអាយុកាលជិត ១០០ឆ្នាំ នឹងជួបភាពរង្គោះរង្គើជាមិនខាន។

រឿងក្ដីមួយនេះ អាចនឹងឡើងដល់តុលាការកំពូលសហរដ្ឋអាមេរិក ដែលភាគច្រើនសុទ្ធតែជាអ្នកគាំទ្រអ្នកអភិរក្សនិយម និងបានចេញសេចក្ដីសម្រេចទប់ស្កាត់ អំណាចទីភ្នាក់ងាររដ្ឋាភិបាល។

គួររំលឹកបន្តិចថា ក្រុមហ៊ុនយក្សអាមេរិកទាំង២ បានដាក់ពាក្យប្ដឹងឧទ្ធរណ៍ច្រើនលើកច្រើនសារហើយ ចំពោះការចោទប្រកាន់ពី NLRBក៏ប៉ុន្តែតុលាការថ្នាក់ក្រោមមិនអាចចេញសេចក្ដីសម្រេចតាមកាលកំណត់ ទើបសំណុំរឿងមួយនេះ ឈានដល់សាលាឧទ្ធរណ៍ទី៥។

កាលពីខែមករា ក្រុមហ៊ុន Space X បានដាក់ពាក្យប្ដឹងឧទ្ធរណ៍ប្រឆាំងនឹង NLRB ក្រោយទីភ្នាក់ងារការងារចោទប្រកាន់ពួកគេថា បានបណ្ដេញបុគ្គលិកចេញខុសច្បាប់ ផ្អែកតាមការសរសេរសាររបស់បុគ្គលិកម្នាក់ រិះគន់លើ Elon Musk។

ចំណែកឯក្រុមហ៊ុន Amazon វិញ បានប្ដឹង NLRB ទាក់ទងនឹការបោះឆ្នោតសហជីប កាលពីខែមេសា ឆ្នាំ២០២២ ដោយក្រុមហ៊ុនយក្សនេះអះអាងថា ទីភ្នាក់ងារការងារ បានលូកដៃទាំងខុសច្បាប់ក្នុងបញ្ហាក្រុមហ៊ុនខ្លួន។

ជុំវិញបញ្ហាមួយនេះ ទីប្រឹក្សាទូទៅ NLRB លោកស្រី Jennifer Abruzzo ក៏បាននិយាយនៅក្នុងសេចក្ដីថ្លែងការណ៍មួយ មុនបើកសវនាការនាថ្ងៃចន្ទថា វាមិនមែនជារឿងថ្មីទេ ដែលក្រុមហ៊ុនធំៗទាំងនេះ ដាក់ពាក្យប្ដឹងបកលើអាជ្ញាធរ NLRB លើការអនុវត្តសិទ្ធកម្មករ ដើម្បីប្រកែកមិនព្រមទទួលស្គាល់កំហុស និងទទួលខុសត្រូវ ចំពោះទង្វើបំពានច្បាប់របស់ពួកគេ៕

អត្ថបទ៖ Luffy រូបភាព៖ Bloomberg

The post Amazon និង SpaceX ប្ដឹងប្រឆាំងធម្មនុញ្ញភាពទីភ្នាក់ងារការងារអាមេរិក appeared first on Millions times.

លើបណ្តាញទំនាក់ទំនងសង្គមក្រុមប្រឹក្សាអភិវឌ្ឍន៍ CDC បានឲ្យដឹងថា  តបតាមការអញ្ជើញរបស់ក្រុមហ៊ុន SpaceX លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានដឹកនាំគណៈប្រតិភូទៅធ្វើទស្សនកិច្ចនៅទីស្នាក់ការកណ្តាលរបស់ក្រុមហ៊ុន SpaceX របស់មហាសេដ្ឋី Elon Musk ដែលមានទីតាំងស្ថិតក្នុងតំបន់ Hawthorne ដើម្បីសិក្សាស្វែងយល់បន្ថែមអំពីទំនើបកម្មបច្ចេកវិទ្យាទំនើបថ្មីៗ ប្រព័ន្ធប្រតិបត្តិការផ្កាយរណប ក៏ដូចជារបៀបរបបនៃការបង្កើនប្រសិទ្ធភាពការងារ តាមរយៈការប្រើប្រាស់បច្ចេកវិទ្យាថ្មីៗជាច្រើនរបស់ក្រុមហ៊ុន ជាពិសេស ប្រតិបត្តិការក្រុមផ្កាយរណប Starlink ជាដើម។

តាមដានជាមួយយើង៖ Million Times

ក្រុមហ៊ុន Starlink គឺជាក្រុមផ្កាយរណបអ៊ីនធឺណិត ដែលផ្គត់ផ្គង់សេវាអ៊ីនធឺណិតល្បឿនលឿនចល័តជាសកល គ្របដណ្តប់ជាង ១០០ប្រទេសនៅលើពិភពលោក។ ប្រតិបត្តិការនេះដំណើរការដោយ Starlink Services, LLC ជាក្រុមហ៊ុនបុត្រសម្ព័ន្ធរបស់ក្រុមហ៊ុន SpaceX។

គួរឲ្យដឹងដែរថា មហាសេដ្ឋីបច្ចេកវិទ្យា Elon Musk នៅប៉ុន្មានឆ្នាំចុងក្រោយបានចាប់អារម្មណ៍មកបោះទុនវិនិយោគនៅបណ្តាប្រទេសអាស៊ាន ក្នុងនោះឥណ្ឌូនេស៊ី លោក Musk ទើបតែដាក់ឲ្យដំណើរការសេវាផ្កាយរណបអ៊ីនធឺណិតនៅតាមកោះដាច់ស្រយារបស់ឥណ្ឌូនេស៊ី ខណៈនៅប្រទេសវៀតណាម និងថៃ ក្រុមហ៊ុន Musk កំពុងពិចារណានៅឡើយ៕

អត្ថបទ៖ ផល កុសល រូបភាព៖ CDC

The post ក្រុមហ៊ុន SpaceX មហាសេដ្ឋី Elon Musk អញ្ជើញគណៈប្រតិភូកម្ពុជាទៅឈ្វេងយល់អំពីទំនើបកម្មបច្ចេកវិទ្យា appeared first on Millions times.