ថ្មី​ៗ​នេះ​វីដេអូ​នៃ​ក្រុមហ៊ុន Singapore Airline នៃ​ប្រទេស​សិង្ហបុរី​ផ្ទុះ​ការ​គាំទ្រ​ខ្លាំង ក្រោយ​ឃើញ​ពី​សកម្មភាព flight stewardess (អ្នកបម្រើការហោះហើរ) ដើរ​លេង​យ៉ាង​សប្បាយ​រីករាយ​នៅ​ខេត្ត​សៀមរាប។

តាមដានជាមួយយើង៖ Million Times

ក្រុម​ហ៊ុន​​អាកាសចរណ៍​ Singapore Airline​​ បាន​ជ្រើស​រើស​​យក​ខេត្ត​សៀមរាប​របស់​ប្រទេស​កម្ពុជា ជា​​គោល​ដៅ​ផ្សព្វ​ផ្សាយ​តំបន់​ទេសចរណ៍​ក្នុង​វីដេអូ​ដំណើរ​កម្សាន្ត​នៃ​កម្មវិធី Beyond the cabin រដូវ​កាល​ទី​២ របស់​ពួក​គេ។

ក្នុង​វីដេអូ​មួយ​នោះ រំលេច​​​ផ្ទាំង​ទស្សនីយភាព​ជា​ច្រើន​​នៅ​ក្នុង​តំបន់​ទេសចរណ៍​ប្រវត្តិសាស្ត្រ​នៃ​ខេត្ត​សៀមរាប​ប្រទេស​កម្ពុជា​ដូចជា ​ប្រាសាទ​អង្គរវត្ត​​​ ប្រាសាទ​បាយ័ន​ របាំ ​អប្សរា​ ​ក្បាច់​គុន​ល្បុក្កតោ​ ការ​សម្ដែង​ល្ខោន​ស្បែក​ធំ​​ ការ​សម្ដែង​សៀក​ ការ​បង្ហាញ​​ឧបករណ៍​តន្ត្រី​ខ្មែរ​បុរាណ​ ដូច​ជា​ ស្គរ​ធំ​ មិន​តែ​ប៉ុណ្ណោះ​ នៅ​ក្នុង​វីដេអូ​ក៏​បាន​បង្ហាញ​ពី​ការ​រស់​នៅ​របស់​ប្រជាជន​ក្នុង​តំបន់​​តាម​រយៈ​ការ​ស្មូន​ឆ្នាំង​ដី​ និង​ចម្លាក់​ដោយ​ដៃ​ផង​ដែរ​ ជា​ពិសេស​ទៅទៀត​នោះ​ក៏​បាន​បង្ហាញ​​ទីតាំង​កម្សាន្ត Pub-Street និង​ផ្សារ​រាត្រី ​​ព្រម​ទាំង​ម្ហូប​អាហារ​ក្នុង​តំបន់​ផង​ដែរ​។

នេះ​បញ្ជាក់​យ៉ាង​ច្បាស់​ថា កម្ពុជា​គឺជា​ប្រទេស​មាន​សក្ដានុពល​ខ្លាំង​ផ្នែក​វិស័យ​ទេសចរណ៍​ច្រើន​កន្លែង​ដែរ ទើប​អាច​ទាក់ទាញ​ក្រុមហ៊ុន​ដ៏​ធំ​បំផុត​របស់​សិង្ហបុរី​នោះ មក​ផ្ដិត​យក​រូបភាព​ស្អាត​ៗ​នោះ​ចូល​ក្នុង​កម្មវិធី។

វីដេអូ​មួយ​នេះ​ដែរ​​មាន​ចំនួន​អ្នក​ចូល​ទស្សនា និង​ចែក​រំលែក​យ៉ាង​ច្រើន​ខ្លាំង ក្រោយ​បង្ហោះ​នៅ​លើ​ហ្វេសបុក​របស់​ក្រុម​ហ៊ុន​​អាកាសចរណ៍​ Singapore Airline នេះ​ក៏​ជា​ចំណែក​មួយ​ដែល​អាច​បញ្ជ្រាប​ទៅ​ដល់​​ភ្ញៀវ​​អន្តរជាតិ​ឲ្យ​បាន​ស្គាល់​ប្រទេស​កម្ពុជា​កាន់​តែ​ច្បាស់ និង​ច្រើន​ទូលំទូលាយ​ជាង​មុន​ៗ​ផង​ដែរ ព្រម​ទាំង​ជួយ​ដល់​សេដ្ឋកិច្ច​ជាតិ​ផង​ដែរ៕

The post កម្ពុជាអស្ចារ្យណាស់ រហូតក្រុមហ៊ុនអាកាសចរណ៍ Singapore Airline មកថតនៅសៀមរាប appeared first on Millions times.

លោក Goh Choon Pong បាន​សរសេរ​នៅ​ក្នុងសេចក្តីថ្លែងការណ៍ដែលចុះផ្សាយដោយសារព័ត៌មាន BBC ថា​៖ «រយៈពេល៥​ថ្ងៃ​ចុង​ក្រោយ​នេះ​មាន​ការខិតខំ​យ៉ាង​ខ្លាំង​សម្រាប់​អ្នក​រាល់​គ្នា​នៅ​ក្រុមហ៊ុន Singapore Airlines»។ សារនេះកើតឡើងបន្ទាប់ពីជើងហោះហើរ SQ321 ពីទីក្រុងឡុងដ៍ ទៅកាន់ប្រទេសសិង្ហបុរី បានបង្វែរទៅកាន់ទីក្រុងបាងកក ប្រទេសថៃ បន្ទាប់ពីឧប្បត្តិហេតុនៅលើមហាសមុទ្រឥណ្ឌាកាលពីថ្ងៃទី ២១ ឧសភា។ យន្តហោះ Boeing B777-ER ត្រូវបានហោះហើរត្រឡប់ទៅប្រទេសសិង្ហបុរីវិញកាលពីថ្ងៃអាទិត្យ។

សេចក្តីថ្លែងការណ៍របស់លោក Goh បាននិយាយថា “ភាពរហ័សរហួន ការលះបង់ និងស្មារតីក្រុមរបស់យើងត្រូវបានបង្ហាញឱ្យឃើញក្នុងអំឡុងពេលនេះ” ។ លោកបានបន្ថែមថា “តាងនាមក្រុមប្រឹក្សាភិបាល [អាកាសចរណ៍សិង្ហបុរី] និងគណៈគ្រប់គ្រងទាំងមូល ខ្ញុំសូមថ្លែងអំណរគុណយ៉ាងជ្រាលជ្រៅបំផុត” ។

តាមដានជាមួយយើង៖ Million Times

សូមជម្រាបថា​ ជើងហោះហើរ SQ321 បានបង្វែរទិសដៅទៅកាន់ទីក្រុងបាងកក កាលពីថ្ងៃអង្គារសប្តាហ៍មុន ដោយសារតែមានអាសន្នផ្នែកវេជ្ជសាស្ត្រ ដោយមានអ្នកដំណើរចំនួន ២១១នាក់ និងសមាជិកនាវិក ១៨នាក់នៅលើយន្តហោះ។ ក្នុងហេតុការណ៍នោះបណ្តាឲ្យជនជាតិអង់គ្លេសម្នាក់បានស្លាប់ គឺលោក Geoff Kitchen អាយុ ៧៣ឆ្នាំដោយសារការគាំងបេះដូងបន្ទាប់ពីយន្តហោះបានបុកដោយភាពច្របូកច្របល់ខណៈមនុស្សជាង ១០០នាក់ផ្សេងទៀតកំពុងព្យាបាលនៅមន្ទីរពេទ្យក្នុងរដ្ឋធានីប្រទេសថៃ។ អ្នកដំណើរ និងនាវិកដែលមិនរងរបួសធ្ងន់ធ្ងរក្នុងឧបទ្ទវហេតុនោះ ត្រូវបានហោះហើរទៅកាន់ប្រទេសសិង្ហបុរីនៅព្រឹកថ្ងៃបន្ទាប់។

សេចក្តីថ្លែងការណ៍ក៏បាននិយាយផងដែរថា ក្រុមហ៊ុនអាកាសចរណ៍កំពុងបន្តជួយដល់អ្នកដំណើរ និងបុគ្គលិកដែលរងរបួស ហើយលោក Goh បានទៅកាន់មន្ទីរពេទ្យដោយផ្ទាល់កាលពីសប្តាហ៍មុន។ ក្នុង​វីដេអូ​មួយ​ថ្ងៃ​ក្រោយ​ឧបទ្ទវហេតុ លោក Goh បាន​ចូលរួម​រំលែក​ទុក្ខ​យ៉ាង​ក្រៀមក្រំ​បំផុត​ដល់​ក្រុម​គ្រួសារ​របស់ Mr Kitchen និង​សូម​អភ័យទោស​ចំពោះ​អ្នក​ដែល​រង​គ្រោះ។

នាយករដ្ឋមន្ត្រីសិង្ហបុរី លោក Lawrence Wong ក៏បានផ្ញើសាររំលែកទុក្ខដល់ក្រុមគ្រួសារ និងមនុស្សជាទីស្រលាញ់នៃសពផងដែរ ដោយបន្ថែមថា ប្រទេសរបស់លោក «កំពុងធ្វើការយ៉ាងជិតស្និទ្ធជាមួយអាជ្ញាធរថៃ»។ លោក​បាន​និយាយ​ថា ការិយាល័យ​ស៊ើបអង្កេត​សុវត្ថិភាព​ដឹកជញ្ជូន​របស់​សិង្ហបុរី​នឹង​ធ្វើការ​ស៊ើបអង្កេត​យ៉ាង​ហ្មត់ចត់​លើ​ឧបទ្ទវហេតុ​នេះ។

គ្រោះថ្នាក់ដែលទាក់ទងនឹងក្រុមហ៊ុនអាកាសចរណ៍សិង្ហបុរីគឺកម្រណាស់ ដោយក្រុមហ៊ុនអាកាសចរណ៍នេះជាប់ចំណាត់ថ្នាក់ក្នុងចំណោមក្រុមហ៊ុនអាកាសចរណ៍ដែលមានសុវត្ថិភាពបំផុតរបស់ពិភពលោក។ ឧបទ្ទវហេតុចុងក្រោយបំផុតបានកើតឡើងក្នុងឆ្នាំ២០០០​នៅពេលដែលយន្តហោះ Boeing 747 បានធ្លាក់ខណៈពេលព្យាយាមហោះចេញពីផ្លូវរត់ខុសនៅឯអាកាសយានដ្ឋានតៃវ៉ាន់ ដែលមានមនុស្ស ៨៣នាក់ក្នុងចំណោម ១៧៩នាក់នៅលើយន្តហោះត្រូវបានស្លាប់៕

អត្ថបទ៖​សារ៉ាយ រូបភាព៖​ BBC

The post CEO ក្រុមហ៊ុន Singapore Airlines អរគុណបុគ្គលិកបន្ទាប់ពីការហោះហើរដោយភាពច្របូកច្របល់ចុះចត់ភ្លាមៗនៅបាងកក appeared first on Millions times.