តាមដានជាមួយយើង៖ Million Times

សារព័ត៌មាន The Telegraph បានបង្ហាញថា រុស្ស៊ីមានបំណងទាមទារថ្លៃខូចខាត ពីក្រុមហ៊ុនប្រេងខ្នាតយក្សមួយនេះ ក្នុងទំហំទឹកប្រាក់ ១ពាន់លានអឺរ៉ូ ឬប្រហែល ១,១ពាន់លានដុល្លារ។

រឿងហេតុដែលឈានដល់ការប្ដឹងផ្ដល់គ្នា គឺកើតឡើងបន្ទាប់ពីរដ្ឋាភិបាលរុស្ស៊ី ចេញវិធានការ បង្ខំឲ្យម្ចាស់ភាគហ៊ុនធំៗ នៅក្នុងក្រុមហ៊ុនក្នុងស្រុក លក់ភាគហ៊ុនរបស់ខ្លួន និងផ្ទេរសិទ្ធកាន់កាប់ ទៅឲ្យក្រុមហ៊ុនរុស្ស៊ី ក្នុងករណីដែលម្ចាស់ភាគហ៊ុនបរទេស សម្រេចចិត្តបញ្ចប់អាជីវកម្មរបស់ខ្លួន នៅក្នុងប្រទេសរុស្ស៊ី។

ក្រុមហ៊ុន Shell គឺជាម្ចាស់ភាគហ៊ុនធំមួយ ដែលមានចំណែក ២៧,៥% នៅតំបន់ប្រេង និងឧស្ម័ន Sakhalin-2 ជាមួយក្រុមហ៊ុនរដ្ឋរុស្ស៊ី Gazprom និងក្រុមហ៊ុនជប៉ុន Mitsubishi និង Mitsui ហើយខណៈពេលដែលក្រុមហ៊ុនជប៉ុនទាំង២ យល់ព្រមតាមលក្ខខណ្ឌរបស់រដ្ឋាភិបាលរុស្ស៊ី តែក្រុមហ៊ុន Shell បែរជាជំទាស់ និងប្រកាន់ជំហរជាម្ចាស់ភាគហ៊ុនធំមួយរូបនៅតំបន់នោះដដែល។

ហេតុនេះហើយ ទើបរដ្ឋាភិបាលរុស្ស៊ីបានដាក់ពាក្យបណ្ដឹង ប្ដឹងលើក្រុមហ៊ុន Shell ទាមទារប្រាក់សងជំងឺចិត្ត ដោយមិនបង្ហាញមូលហេតុច្បាស់លាស់ និងគ្រាន់តែបញ្ជាក់ថា ទង្វើរបស់ក្រុមហ៊ុន Shell ធ្វើឲ្យប៉ះពាល់ ដល់ផលប្រយោជន៍ជាតិរបស់រុស្ស៊ី៕

អត្ថបទ៖ Luffy រូបភាព៖ បរទេស

The post វិមានក្រឹមឡាំង ត្រៀមប្ដឹងក្រុមហ៊ុន Shell ទាមទារសំណងជាង ១ពាន់លានដុល្លារ appeared first on Millions times.

ការលក់នេះគឺជាផ្នែកមួយនៃផែនការរបស់ក្រុមហ៊ុន Shell ដើម្បីកាត់បន្ថយឧស្ម័នកាបូនិករបស់ក្រុមហ៊ុន និងផ្តោតប្រតិបត្តិការរបស់ខ្លួនលើអាជីវកម្មដែលទទួលបានប្រាក់ចំណេញច្រើនបំផុត។

ក្រុមហ៊ុន Shell បានឱ្យដឹងនៅក្នុងសេចក្តីប្រកាសព័ត៌មានមួយថា ប្រតិបត្តិការនេះនឹងផ្ទេរអត្ថប្រយោជន៍ទាំងអស់របស់ក្រុមហ៊ុន Shell នៅក្នុងក្រុមហ៊ុន Shell Energy and Chemicals Park Singapore e ទៅកាន់ក្រុមហ៊ុន CAPGC ដែលជាក្រុមហ៊ុនបណ្តាក់ទុនរួមគ្នារបស់ឥណ្ឌូណេស៊ីនិងប្រទេសស្វ៊ីសនេះ។

ក្រុមហ៊ុនបន្ថែមថា៖ «បុគ្គលិកនៅក្នុងក្រុមហ៊ុន Shell Energy and Chemicals Park Singapore នឹងបន្តធ្វើការងាររបស់ពួកគេជាមួយក្រុមហ៊ុន CAPGC ស្ថិតក្រោមកម្មសិទ្ធិថ្មីនេះ ដោយផ្តល់ការបន្តការងារសម្រាប់បុគ្គលិក និងការរួមចំណែកដល់ភាពជឿជាក់ និងសុវត្ថិភាពនៃប្រតិបត្តិការដែលកំពុងបន្ត»៕

អត្ថបទ៖ សារ៉ាយ រូបភាព៖ Channel News Asia

The post ក្រុមហ៊ុន Shell លក់រោងចក្រចម្រាញ់ប្រេង និងទ្រព្យសកម្មគីមីឥន្ធនៈរបស់ខ្លួនទៅឲ្យក្រុមហ៊ុនឥណ្ឌូនេស៊ីនិងស្វីស appeared first on Millions times.