តាមដានជាមួយយើង៖ Million Times

ឱកាសនោះអញ្ជើញជាភ្ញៀវកិត្តិយសទៅទស្សនកិច្ចក្រុមហ៊ុនផលិតគ្រឿងអេឡិចត្រូនិច ម៉ាក Haier អ្នកឧកញ៉ា សំ សុខនឿន ក៏បានចុះ MOUរួមគ្នាបន្ថែមទៀតជាមួយក្រុមហ៊ុនសិង្ហបុរីចំនួន២ដើម្បីធ្វើការសិក្សាអំពីលទ្ធភាពដំឡើងរោងចក្របង្គំម៉ាក Haier និងសួនឧស្សាហកម្មបៃតងបែបបច្ចេកវិទ្យាទំនើបនៅកម្ពុជា។ បន្ថែមលើនេះ អ្នកឧកញ៉ាក៏ត្រូវបានអញ្ជើញទៅទស្សនៈកិច្ចវិទ្យាស្ថានបណ្ដុះបណ្ដាលវិជ្ជាជីវៈមួយ ដែលមានចំណាត់ថ្នាក់ក្នុងចំណោម៥ កំពូលក្នុងប្រទេសចិន ហើយជាវិទ្យាស្ថានលំដាប់កំពូលនៅទីក្រុង Qingdao ដែលមានការសហការយ៉ាងជិតស្និទ្ធជាមួយក្រុមហ៊ុន Haier និងតំណាងឱ្យការអប់រំបច្ចេកទេសប្រកបដោយប្រព័ន្ធស្តង់ដារឧស្សាហកម្មកម្រិតខ្ពស់។

វិទ្យាស្ថាននេះបានបង្ហាញពីការចាប់អារម្មណ៍យ៉ាងខ្លាំងក្នុងការរួមសហការជាមួយ Haier ជាមួយ ក្រុមហ៊ុន SAM SN GROUP និងក្រុមហ៊ុនសិង្ហបុរី២ទៀត ដើម្បីបង្កើតវិទ្យាស្ថានបណ្តុះបណ្តាលបច្ចេកវិទ្យាទំនើបនៅកម្ពុជា។

កិច្ចសហការនេះនឹងជួយលើកកម្ពស់សមត្ថភាពយុវជនកម្ពុជា បង្កើតឱកាសការងារដែលមានគុណភាពខ្ពស់ និងចូលរួមយ៉ាងសំខាន់ក្នុងបង្កើនប្រាក់ចំណូលជូនប្រជាជនកម្ពុជា ស្របតាមយុទ្ធសាស្រ្តបញ្ចកោណដំណាក់កាលទី១របស់រាជរដ្ឋាភិបាលនីតិកាលទី៧ ក្រោយការដឹកនាំរបស់សម្តេចធិបតី ហ៊ុន ម៉ាណែត ជំរុញកំណើនសេដ្ឋកិច្ច បង្កើតការងារ ធានាសមធម៌ បង្កើនប្រសិទ្ធភាព និងរក្សាចិរភាព៕

The post ក្រុមហ៊ុនផលិតគ្រឿងអគ្គិសនីម៉ាក Haier ចុះ MOU ជាមួយក្រុមហ៊ុន SAM SN GROUP របស់អ្នកឧកញ៉ា សំ សុខនឿន ដំឡើងរោងចក្របង្គំម៉ាក Haier និងតំបន់ឧស្សាហកម្មបៃតងទំនើបនៅកម្ពុជា appeared first on Millions times.

អ្នកឧកញ៉ាបណ្ឌិត សំ សុខនឿន កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

តាមដានជាមួយយើង៖ Million Times

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

សូមជម្រាបថា កាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់។ 

សម្រាប់សប្បុរសជនគ្រប់មជ្ឈដ្ឋាន ដែលមានសទ្ធាជ្រះថ្លាចូលរួមបរិច្ចាគថវិកា ជូនកាកបាទក្រហមក្រហមកម្ពុជា ក្នុងឱកាសខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៥ ដើម្បីឱ្យសមាគមជាតិមួយនេះ មានមូលនិធិសម្រាប់បន្តបេសកកម្មមនុស្សធម៌ ជួយប្រជាពលរដ្ឋងាយរងគ្រោះបំផុតគ្រប់រូបភាព រួមទាំងគ្រោះមហន្តរាយបង្កឡើងដោយមនុស្ស និងធម្មជាតិ។

The post អ្នកឧកញ៉ាបណ្ឌិត សំ សុខនឿន សមាជិកសភាពាណិជ្ជកម្ម បរិច្ចាគថវិកា ២,៥០០ដុល្លារក្នុងឱកាសខួបទី១៦២ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភាឆ្នាំ២០២៥ appeared first on Millions times.

ពិធីនេះប្រារព្ធធ្វើឡើងនៅទីស្ដីការក្រុមប្រឹក្សាអភិវឌ្ឍន៍កម្ពុជា CDC ក្រោមអធិបតីភាពលោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងលោក Wang Wenbin ឯកអគ្គរដ្ឋទូតចិន ប្រចាំកម្ពុជា ដោយមានការចូលរួមពីតំណាងក្រសួងស្ថាប័នពាក់ព័ន្ធ វិស័យឯកជន និងមន្ត្រីពាក់ព័ន្ធជាច្រើនរូបផ្សេងទៀត។

តាមដានជាមួយយើង៖ Million Times

ក្នុងឱកាសនៃជំនួបនេះ គណៈប្រតិភូសមាគមឧកញ៉ាកម្ពុជាចំនួន ១៥ក្រុមហ៊ុន ក្នុងនោះក៏មានក្រុមហ៊ុន SAM SN Group របស់អ្នកឧកញ៉ា សំ សុខនឿន ក៏បានជួបផ្គូផ្គងធុរកិច្ចជាមួយគណៈប្រតិភូធុរកិច្ចចិនចំនួន ៥០ក្រុមហ៊ុនមកពីចម្រុះវិស័យ ដែលដឹកនាំដោយលោកស្រី Li Fengzhi អភិបាលរងរដ្ឋបាលប្រជាជនក្រុងចឹងចូវ នៃខេត្តហ៊ឺណាន ប្រទេសចិន។

មានប្រសាសន៍នាឱកាសនោះ ឧបនាយករដ្ឋមន្ត្រី ស៊ុន ចាន់ថុល បានសម្តែងនូវការស្វាគមន៍ និងថ្លែងអំណរគុណយ៉ាងជ្រាលជ្រៅចំពោះគណៈប្រតិភូធុរជនចិន ដែលបានមកបំពេញទស្សកិច្ចស្វែងយល់ដោយផ្ទាល់អំពីបរិយាកាសវិនិយោគនៅកម្ពុជានាពេលបច្ចុប្បន្ន ដែលបង្ហាញឱ្យឃើញពីចំណងមិត្តភាព កម្ពុជា-ចិន ដ៏រឹងមាំស្អិតរមួតក្នុងនាមជាមិត្តដែកថែប។ 

ជាមួយគ្នានេះ ឯកអគ្គរដ្ឋទូតចិន Wang Wenbin បានវាយតម្លៃខ្ពស់ចំពោះការអភិវឌ្ឍយ៉ាងធំធេងនៃទំនាក់ទំនងកម្ពុជា-ចិន ដែលត្រូវបានពូនជ្រំដោយយកចិត្តទុកដាក់ពីសំណាក់ថ្នាក់ដឹកនាំនៃប្រទេសទាំងពីរ និងកំពុងបន្តរីកចំរើនកាន់តែរឹងមាំឥតឈប់ឈរថែមទៀត និងបានរំលេចដែរថា កម្ពុជា គឺពិតជាគោលដៅវិនិយោគមួយដ៏ប្រពៃ បើធៀបនឹងគោលដៅដទៃនៅក្នុងតំបន់។

ក្នុងឱកាសនោះ លោកស្រី Li Fengzhi បានបង្ហាញអំពីគោលបំណងនៃការបំពេញទស្សនកិច្ចរបស់គណៈប្រតិភូចិន ក្នុងការស្វែងយល់អំពីបរិយាកាសវិនិយោគនៅកម្ពុជា និងស្វែងរកដៃគូវិនិយោគក្នុងវិស័យអាទិភាពរបស់ខ្លួនផងដែរ។

បន្ថែមលើនេះ លោកស្រីបានរំលេចជាពិសេសអំពី គម្រោងស្នើសុំវិនិយោគសួនកសិ-ឧស្សាហកម្ម សម្រាប់កិច្ចសហប្រតិបត្តិការស៊ីជម្រៅលើការកែច្នៃផលិតផលកសិកម្មនៅកម្ពុជា របស់រដ្ឋបាលខេត្តហ៊ឺណាន ដែលត្រូវបានរំពឹងថានឹងវិនិយោគឱ្យក្លាយជាតំបន់ពាណិជ្ជកម្មពិសេសលើ ផលិតផលកសិកម្ម, ការច្នៃផលិតផលកសិកម្ម, ការផ្ដល់សេវាកម្មលើបច្ចេកវិទ្យាកសិកម្ម និងជាទីតាំងស្តុកផលិតផលកសិកម្ម តាមរយៈការទាក់ទាញបណ្ដាក្រុមហ៊ុនផ្សេងៗដែលមានមុខសញ្ញាអាជីវកម្មពាក់ព័ន្ធនឹងវិស័យកសិកម្មបែបទំនើប៕

អត្ថបទ៖ សាងតេជៈ រូបភាព៖ សមាគមឧកញ៉ាកម្ពុជា

The post អ្នកឧកញ៉ា សំ សុខនឿន អមអគ្គលេខាធិការសមាគមឧកញ៉ាកម្ពុជា ចូលរួមក្នុង «ជំនួបផ្គូផ្គងធុរកិច្ច និងអាហារពេលល្ងាច» ជាមួយធុរជនចិនចំនួន ៥០ក្រុមហ៊ុន appeared first on Millions times.

កាលពីរសៀលថ្ងៃអង្គារ ទី១០ ខែធ្នូ ឆ្នាំ២០២៤ លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យគណៈប្រតិភូក្រុមហ៊ុនចំនួន៤ ដឹកនាំដោយអ្នកឧកញ៉ាបណ្ឌិត សំ សុខនឿន ប្រធានក្រុមប្រឹក្សាភិបាលក្រុមហ៊ុន Sam Sn Group ចូលជួបសម្តែងការគួរសម និងពិភាក្សាការងារ។ គណៈប្រភូវិនិយោគិនមកពីក្រុមហ៊ុនដែលជាដៃគូចំនួនបីទៀតរួមមាន៖ ១. ក្រុមហ៊ុន Bolt Battery Company Limited and Bolt Energy ២. ក្រុមហ៊ុន Genezen Energy និង ៣. ក្រុមហ៊ុន Sam St Investment Pte., Ltd.។

តាមរយៈជំនួបនេះ គណៈប្រតិភូនៃក្រុមហ៊ុនទាំង៤ បានមានឱកាសស្វែងយល់បន្ថែមទៀតអំពីបរិយាកាសវិនិយោគ ការលើកទឹកចិត្តរបស់រាជរដ្ឋាភិបាល និងកិច្ចវិនិយោគលើវិស័យថាមពលស្អាត ជាវិស័យដែលក្រុមហ៊ុនកំពុងមានចំណាប់អារម្មណ៍ស្វែងរកការបណ្ដាក់ទុនវិនិយោគនៅកម្ពុជាផងដែរ។

លោក ស៊ុន ចាន់ថុល បានថ្លែងថា កម្ពុជាជាទីតាំងវិនិយោគដ៏មានសក្តានុពលជាមួយនឹងកម្លាំងពលកម្មវ័យក្មេង ប្រកបដោយថាមវ័ន្តដែលអាចចូលរួមក្នុងផលិតកម្មការងារបានល្អប្រសើរ ពិសេសរាជរដ្ឋាភិបាលកម្ពុជាក្នុងនីតិកាលទី៧ នៃរដ្ឋសភា បានបន្តយកចិត្តទុកដាក់ និងចាត់ទុកផ្នែកឯកជនជាក្បាលម៉ាស៊ីនយ៉ាងសំខាន់សម្រាប់ជំរុញកំណើតសេដ្ឋកិច្ចជាតិ៕

តាមដានជាមួយយើង៖ Million Times

អត្ថបទ៖ សាងតេជៈ រូបភាព៖ CDC

The post ពាណិជ្ជករវ័យក្មេង សំ សុខនឿន ដឹកនាំគណៈប្រតិភូបរទេស ៤ក្រុមហ៊ុនពិភាក្សារឿងវិនិយោគតំបន់សេដ្ឋកិច្ចពិសេស សួនឧស្សាហកម្ម និងថាមពល ជាមួយឧបនាយករដ្ឋមន្រ្តី ស៊ុន ចាន់ថុល appeared first on Millions times.