នៅរដ្ឋធានីហ្សាកាតា កាលថ្ងៃទី២៣ ខែមករាគណៈប្រតិភូ ក្រុមហ៊ុន អ ធី អិន ខេ រីថែល និង ក្រុមហ៊ុន ស្វា ថែកធីខល (ខេមបូឌា) ដែលដឹកនាំដោយឧកញ៉ា ឈាង សុវណ្ណរតនៈអញ្ចើញទស្សនកិច្ចវិមានឯករាជ្យ និងមណ្ឌលប្រវត្តិសាស្ត្រ ព្រមទាំងបានស្វែងយល់បន្ថែមអំពីប្រវត្តិសាស្ត្រប្រទេសឥណ្ឌូនេស៉ី។

តាមដានជាមួយយើង៖ Million Times

បន្ទាប់មក គណៈប្រតិភូក៏បានបន្តដំណើរទៅកាន់ហាងសម្លៀកបំពាក់ Cartenz Tactical ដើម្បីសិក្សាបន្ថែមពីប្រតិបត្តិការលក់ប្រចាំថ្ងៃ ការរៀបចំហាង និងការកំណត់ស្តង់ដារ សម្រាប់ហាងដែលត្រៀមបើកនៅកម្ពុជាក្នុងពេលឆាប់ៗ។

អំឡុងស្ថិតនៅទីក្រុង Bandung ឧកញ៉ា ឈាង សុវណ្ណរតនៈ និងគណៈប្រតិភូបានទទួលទានអាហារពេលល្ងាច និងពិភាក្សាការងារដែលរៀបចំជូនដោយក្រុមហ៊ុន Cartenz Tactical Indonesia។

នាថ្ងៃទី២៤ខែមករា គណៈប្រតិភូក្រុមហ៊ុន អ ធី អិន ខេ រីថែល និង ក្រុមហ៊ុន ស្វា ថែកធីខល (ខេមបូឌា) បានអញ្ចើញទស្សនកិច្ចរោងចក្រផលិតផលិតផលរបស់Cartenz Tactical និងប្រជុំផែនការផលិតផលលក់សម្រាប់ត្រីមាសទី១ ឆ្នាំ២០២៥។

លើសពីនេះ ឧកញ៉ា ឈាង សុវណ្ណរតនៈក៏បានអនុញាត្តិឲ្យលោក Billy Andrias អគ្គនាយកប្រតិបត្តិ ក្រុមហ៊ុន Cartenz Tactical Indonesia ចូលជួបសំដែងការគួរសមនិងពិភក្សាការងារផងដែរ។

សូមបញ្ជាក់ថា ក្រុមហ៊ុន RTNK Group បង្កើតឡើងក្នុងឆ្នាំ២០២២ ជាក្រុមហ៊ុនមេដែលមានបុត្តសម្ព័ន្ធធំៗចំនួន ៣ ចម្រុះវិស័យ ដូចជាRTNK Investment Co,. Ltd , RTNK Retail Co,. Ltd និង RTNK Food & Beverage ហើយត្រូវបានដឹកនាំដោយផ្ទាល់ពីឧកញ៉ា ឈាង សុវណ្ណរតនៈ ដែលបានបញ្ចប់ការសិក្សាជំនាញធុរកិច្ចពីចក្រភពអង់គ្លេស៕

អត្ថបទ៖ សាងតេជៈ រូបភាព៖ Page RTNK Group

The post ប្រតិភូក្រុមហ៊ុន RTNK Group ទស្សនកិច្ចនៅរោងចក្រ Cartenz Tactical និងពិភាក្សាពង្រីកការវិនិយោគមកកម្ពុជា appeared first on Millions times.

ក្រុមហ៊ុន អធីអិនខេ ជាដៃគូផ្តាច់មុខ និងតែមួយគត់ដែលនាំយកម៉ាកយីហោ Cartenz Tactical ពីប្រទេសឥណ្ឌូនេស៊ីមកកាន់ប្រទេសកម្ពុជា ដែលមានអាយុកាលជិត ២០ឆ្នាំ មកហើយ។ 

តាមដានជាមួយយើង៖ Million Times

ជម្រាបផងដែរថា ម៉ាកយីហោ Cartenz Tactical មានឥទ្ធិពល និងការសហការយ៉ាងរលូនជាមួយកងកម្លាំងការពារជាតិឥណ្ឌូនេស៊ី។

ឧកញ៉ា ឈាង សុវណ្ណរតនៈ បានថ្លែងថា «ការចុះអនុស្សរណៈនេះ គ្រាន់តែជាជំហានដំបូងប៉ុណ្ណោះ យើងនឹងបន្តការសហការជាមួយ ម៉ាកយីហោ Cartenz Tactical ឱ្យកាន់តែរីកចម្រើន និង ជោគជ័យឆ្ពោះទៅរកគោលដៅរួម ជាពិសេស យើងនឹង ធានាអោយបាននូវគុណភាព តម្លៃ និង ទំនុកចិត្តជូនទៅដល់អតិថិជនទាំងអស់»។

លោកឧកញ៉ាបន្តថា នេះជាលើកដំបូងបំផុតហើយដែល ម៉ាកយីហោ Cartenz Tactical បានមកដល់ប្រទេសកម្ពុជា ដោយមានតម្រូវការ និងការគាំទ្រពីសំណាក់អតិថិជនដ៏ច្រើន។ Cartenz Tactical  អាចផ្ដល់ជម្រើសជាច្រើនបែប ឥឡូវនេះអតិថិជនទាំងអស់អាចមកទិញទំនិញ ដូចជា សម្លៀកបំពាក់បុរស ស្បែកជើង និង សម្ភារ: tactical ពិសេសជាច្រើនទៀតនៅ pop up store ដែលមានទីតាំងនៅបុរីប៉េងហួតបឹងស្នោរ។ ម៉ូតទាំងអស់សុទ្ធសឹងតែជាម៉ូតថ្មីៗ លំដាប់អន្តរជាតិ មានគុណភាពខ្ពស់ និង ប្រើប្រាស់បានច្រើនបែបបទ ទៅតាមស្ថានការ។ 

បើតាមលោកឧកញ៉ា ឈាង សុវណ្ណរតនៈ ក្នុងពេលឆាប់ៗនេះ ហាង Cartenz Tactical  នឹងបើកសម្ពោធជាផ្លូវការដែលមានទីតាំងស្ថិតនៅផ្លូវ ៣១៥ សង្កាត់បឹងកក់ ២ ខណ្ឌទួលគោក ក្រុងភ្នំពេញ៕

The post ឧកញ៉ា ឈាង សុវណ្ណរតនៈ នាំយកម៉ាកយីហោ Cartenz Tactical ដ៏ល្បីមកកាន់កម្ពុជា appeared first on Millions times.