Rolls-Royce ទទួលបានកិច្ចព្រមព្រៀងនាវាមុជទឹកនុយក្លេអ៊ែរតម្លៃ ១១ពាន់លានដុល្លារ ពីអង់គ្លេស

ទីន Tin — Fri, 24 Jan 2025 07:32:50 +0000

នាថ្ងៃសុក្រទី២៤ ខែមករា ក្រុមហ៊ុន Rolls-Royce បានទទួលកិច្ចព្រមព្រៀងជាមួយរដ្ឋាភិបាលចក្រភពអង់គ្លេស ពាក់ព័ន្ធនឹងការរចនា និងផ្ដល់សេវាកម្មទ្រទ្រង់ដល់ម៉ាស៊ីនរ៉េអាក់ទ័រនុយក្លេអ៊ែរ ដែលផ្តល់ថាមពលសម្រាប់កងនាវាមុជទឹករបស់ខ្លួន។

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា កិច្ចព្រមព្រៀងមួយនេះមានតម្លៃ ៩ពាន់លានផោន ឬប្រហែល ១១ពាន់លានដុល្លារអាមេរិក និងមានសុពលភាពរយៈពេល ៨ឆ្នាំ ហើយវានឹងជួយពង្រឹងដល់កម្លាំងកងទ័ពជើងទឹករបស់អង់គ្លេស ដែលចេញល្បាតលើផ្ទៃសមុទ្រគ្រប់ពេលវេលា។

កិច្ចព្រមព្រៀងមួយនេះត្រូវបានគេឲ្យឈ្មោះថា Unity និងអង់គ្លេសរំពឹងថា វាអាចជួយជំរុញកិច្ចព្រមព្រៀងការពារជាតិ AUKUS ជាមួយសហរដ្ឋអាមេរិក និងអូស្ត្រាលី ឲ្យកាន់តែមានប្រសិទ្ធភាពជាងមុនថែមទៀត។

តាមរយៈកិច្ចព្រមព្រៀង Unity នេះផងដែរ រដ្ឋាភិបាលអង់គ្លេសដាក់ក្ដីសង្ឃឹមថា វានឹងជួយបង្កើតឱកាសការងារបានរហូតដល់ ១ ០០០កន្លែង រួមទាំងការងារក្នុងវិស័យការពារ រហូតដល់ ៤ ០០០កន្លែងថែមទៀត៕

អត្ថបទ៖ Luffy រូបភាព៖ Daily Express

The post Rolls-Royce ទទួលបានកិច្ចព្រមព្រៀងនាវាមុជទឹកនុយក្លេអ៊ែរតម្លៃ ១១ពាន់លានដុល្លារ ពីអង់គ្លេស appeared first on Millions times.

ទើបបើកគ្លីនិកថែរក្សាសម្រស់ ឥឡូវសេដ្ឋីនីអនឡាញ ឡុង ម៉ានីន ត្រៀមទិញឡាន 𝑹𝒐𝒍𝒍𝒔 𝑹𝒐𝒚𝒄𝒆 ថែម

Vin Chang — Fri, 08 Nov 2024 06:57:28 +0000

អាជីវកម្មអនឡាញរបស់ ឡុង ម៉ានីន កំពុងតែបោះពួយទៅមុខយ៉ាងលឿនពីមួយថ្ងៃទៅមួយថ្ងៃ ហើយក៏កាន់តែឡូយឆាយឡើងៗ ទៅតាមទឹកប្រាក់ដូចគ្នា។ ដោយកាលពីជាង ២ ខែមុន ទើបតែទិញ Lamborghini Aventador ពណ៌ទឹកក្រូចមួយគ្រឿង ពេលនេះម្ចាស់ប្រេនផលិតផលថែរក្សាសម្រស់រូបនេះ ក៏កំពុងត្រៀមទិញឡានថ្មីចូលផ្ទះបន្ថែមទៀតដែរ។

សេដ្ឋីនី ឡុង ម៉ានីន ក៏ទើបតែបើកសម្ពោធគ្លីនិកថែរក្សាសម្រស់ មួយកាលពីអាទិត្យមុន ដែលដើមទុនក្នុងរបរមួយនេះ ត្រូវបានគេដឹងថាត្រូវបញ្ចេញរាប់សែនដុល្លារ ទើបអាចដំណើរការអាជីវកម្មនោះបាន។ APEX Medical Center គឺជាគ្លីនិករបស់ ឡុង ម៉ានីន និងសង្សារដែលជាតារាចម្រៀង ថុល សុភិទិ។

តាមដានជាមួយយើង៖ Million Times

ស្រាប់តែបើកមិនទាន់បានមួយសប្ដាហ៍ផង ឡុង ម៉ានីន ក៏បានឲ្យតម្រុយថា កាដូខួបកំណើតនាងឆ្នាំនេះ គឺឡាន 𝑹𝒐𝒍𝒍𝒔 𝑹𝒐𝒚𝒄𝒆 Cullinanពណ៌ខ្មៅរលើបរលោង ដែលតម្លៃខ្ទង់សែនដុល្លារឯណោះ ទម្រាំមកដល់ស្រុកខ្មែរ។

ត្បិតតែមេម៉ាយ តែ ឡុង ម៉ានីន ជាស្រ្តីខិតខំរកស៊ីខ្លាំងណាស់រហូតមានវីឡាធំស្កឹមស្កៃ ក្លាយជាបុគ្គលល្បីក្នុងសង្គម ព្រមទាំងបានវិវត្តន៍ខ្លួនជាសេដ្ឋីនីហាយសូល្បីឈ្មោះខ្លាំង។ ម៉ានីន ឃើញឧស្សាហ៍ទិញឡាន ម៉ូតូ និងសម្ភារៈប្រេនៗ៕

អត្ថបទ៖ សុរ៉ាវី រូបភាព៖ ផេក ឡុងម៉ានីន

The post ទើបបើកគ្លីនិកថែរក្សាសម្រស់ ឥឡូវសេដ្ឋីនីអនឡាញ ឡុង ម៉ានីន ត្រៀមទិញឡាន 𝑹𝒐𝒍𝒍𝒔 𝑹𝒐𝒚𝒄𝒆 ថែម appeared first on Millions times.

Rolls Royce Archives - Millions times

Rolls-Royce ទទួលបានកិច្ចព្រមព្រៀងនាវាមុជទឹកនុយក្លេអ៊ែរតម្លៃ ១១ពាន់លានដុល្លារ ពីអង់គ្លេស

ទើបបើកគ្លីនិកថែរក្សាសម្រស់ ឥឡូវសេដ្ឋីនីអនឡាញ ឡុង ម៉ានីន ត្រៀមទិញឡាន 𝑹𝒐𝒍𝒍𝒔 𝑹𝒐𝒚𝒄𝒆 ថែម