តាមដានជាមួយយើង៖ Million Times

តាមរយៈការចែកចាយរូបភាពលើបណ្ដាញសង្គមចិន បានឲ្យដឹងថា លោក Liu បានពាក់ឯកសណ្ឋានក្រុមហ៊ុនពណ៌ក្រហម បើកម៉ូតូអគ្គិសនីដឹកជញ្ជូនអាហារឲ្យអតិថិជនពេញទីក្រុងប៉េកាំង។ CEO ក្រុមហ៊ុន JD.com រូបនេះក៏បានរៀបចំការទទួលទានស៊ុបហតផត ជាមួយបុគ្គលិកដឹកជញ្ជូនអាហារជាច្រើននាក់ ក្រោយបញ្ចប់ភារកិច្ចផងដែរ។

ក្រុមហ៊ុន JD.com ដែលជាផ្លេតហ្វមពាណិជ្ជកម្មអេឡិចត្រូនិកខ្នាតយក្សមួយនៅចិន បានចាប់ផ្ដើមប្រឡូកក្នុងវិស័យដឹកជញ្ជូនអាហារកាលពីខែកុម្ភៈ ហើយពួកគេអះអាងថា មានបុគ្គលិកសម្រាប់ដឹកជញ្ជូន រហូតដល់ ១០ ០០០នាក់ និងទទួលបានការបញ្ជាទិញប្រចាំថ្ងៃ ច្រើនជាង ១លានដងទូទាំង ១៤២ទីក្រុងក្នុងប្រទេសចិន។

គួរជម្រាបបន្តិចថា លោក Richard Liu Qiangdong គឺជាមហាសេដ្ឋីចិនមួយរូប ដែលព្យាយាមរកស៊ីពីបាតដៃទទេ រហូតមានទ្រព្យសម្បត្តិច្រើនស្ដុកស្ដម្ភ ដោយបច្ចុប្បន្នលោកមានទ្រព្យសម្បត្តិប្រហែល ៦,៥ពាន់លានដុល្លារ៕

អត្ថបទ៖ Luffy រូបភាព៖ បណ្ដាញសង្គម

The post មហាសេដ្ឋីចិនជិះម៉ូតូចេញដឹកម្ហូបជូនភ្ញៀវដោយផ្ទាល់ បង្កការភ្ញាក់ផ្អើលពេញទីក្រុង appeared first on Millions times.

តាមរយៈការចុះផ្សាយពីសារព័ត៌មាន SCMP បានឲ្យដឹងថា ការធ្វើសប្បុរសធម៌របស់លោក Liu គឺដោយសារមហាសេដ្ឋីរូបនេះចង់ថ្លែងអំណរគុណ សម្រាប់ចាស់ទុំនៅក្នុងភូមិ Guangming ដែលធ្លាប់ជួយជ្រោមជ្រែងគ្រួសាររបស់លោក និងផ្ដល់ឱកាសឲ្យលោកបានរៀតសូត្រនៅសកលវិទ្យាល័យ ទើបលោកអាចមានថ្ងៃនេះ។

តាមដានជាមួយយើង៖ Million Times

មហាសេដ្ឋីមានទ្រព្យសម្បត្តិជិត ៧ពាន់លានដុល្លាររូបនេះបានរំលឹកថា អំឡុងពេលលោកបញ្ចប់ការសិក្សាថ្នាក់វិទ្យាល័យ និងត្រូវបន្តទៅសកលវិទ្យាល័យ គ្រួសាររបស់លោកគ្មានជីវភាពជួយលោកឡើយ។ អ្នកភូមិបាននាំគ្នារៃអង្គាសប្រាក់បានប្រហែល ៥០០យ៉ន់ និងពងទាចំនួន ៧៦គ្រាប់ ទុកធ្វើជា​សោហ៊ុយសម្រាប់រូបលោក បន្តការសិក្សានៅក្នុងដើមឆ្នាំ១៩៩២។

លោក Liu បានចាប់ផ្ដើមប្រឡូកក្នុងវិស័យសហគ្រិនភាពក្នុងឆ្នាំ១៩៩៤ ប៉ុន្តែត្រូវបានចាញ់បោកគេអស់ប្រាក់ពីខ្លួន រហូតដល់ឆ្នាំ១៩៩៨ ទើបចាប់ផ្ដើមម្ដងទៀត ដោយបង្កើតក្រុមហ៊ុន Jingdong Century Trading ជាហាងលក់គ្រឿងអេឡិចត្រូនិក ជាមួយដើមទុនត្រឹម ១២ ០០០យ៉ន់។

បោះជំហានលើអាជីវកម្មសារនេះ លោក Liu រកស៊ីបានកាក់កបជាខ្លាំង ដោយក្នុងរយៈពេល ៥ឆ្នាំ លោកពង្រីកសាខារហូតដល់ ១២កន្លែង និងរកចំណូលបានជាង ១០លានយ៉ន់។ ប៉ុន្តែទើបឃើញពន្លឺជោគជ័យតិចតួច ជំងឺផ្លូវដង្ហើម SARS ក៏ត្រូវបានផ្ទុះឡើងពេញប្រទេសចិនក្នុងឆ្នាំ២០០២ ធ្វើឲ្យមុខជំនួញមួយនេះត្រូវបិទទ្វារទៀត។

ក្រោយមកនៅក្នុងឆ្នាំ២០០៤ មហាសេដ្ឋីចិនរូបនេះមិនអស់សង្ឃឹម ដោយបង្កើតផ្លេតហ្វមលក់ទំនិញអនឡាញមានឈ្មោះថា 360buy Jingdong ហើយក្រោយមកត្រូវបានប្ដូរឈ្មោះជា JD.com។ បច្ចុប្បន្ន JD គឺជាផ្លេតហ្វមលក់ទំនិញអនឡាញធំបំផុតមួយប្រចាំប្រទេសចិន៕

ទោះជាមានឈ្មោះជាមហាសេដ្ឋីលុយគ្រាក់ៗក្ដី ប៉ុន្តែលោក Liu មិនដែលភ្លេចគុណអ្នកភូមិម្ដងឡើយ ពោលជារៀងរាល់ឆ្នាំ ពេលមានកម្មវិធីបុណ្យទានធំៗ លោកនិងគ្រួសារតែងតែធ្វើកម្មវិធីសប្បុរសធម៌ ចែកអំណោយដល់អ្នករស់នៅក្នុងភូមិជាញឹកញាប់ ទាំងថវិកា ទាំងស្បៀងអាហារ និងផ្ដល់អាហារូបករណ៍ដល់សិស្សនិស្សិតក្នុងភូមិថែមទៀត៕

អត្ថបទ៖ Luffy រូបភាព៖ SCMP

The post មានបានមិនភ្លេចកំណើត មហាសេដ្ឋីចិនចែកលុយចាស់ទុំក្នុងភូមិ ម្នាក់ទទួលបាន ១៤០០ដុល្លារ appeared first on Millions times.