តាមដានជាមួយយើង៖ Million Times

ទីភ្នាក់ងារព័ត៌មាន AP បានរាយការណ៍ថា ចៅក្រមនៃតុលាការធម្មនុញ្ញថៃបានបោះឆ្នោតជាជាឯកច្ឆ័ន្ទ សម្រេចលើញត្តិព្យួរតំណែងលោកស្រីនាយករដ្ឋមន្ត្រី ដោយទទួលបានសម្លេងគាំទ្រ ៧ ទល់នឹង ២។

បន្ថែមពីការព្យួរតំណែងនេះ លោកស្រី Paetongtarn ក៏កំពុងប្រឈមមុខនឹងការស៊ើបអង្កេត ពីបទចោទប្រកាន់ទាក់ទងនឹងការល្មើសច្បាប់មួយចំនួន ដោយនាយកដ្ឋានប្រឆាំងអំពើពុករលួយ NACC ជាអ្នកទទួលសំណុំរឿងនេះ។ លោកស្រីនាយករដ្ឋមន្ត្រី ក៏អាចនឹងត្រូវរបូតតំណែងមួយនេះផងដែរ បើសិនជា NACC រកឃើញថា លោកស្រីបានប្រព្រឹត្តល្មើសច្បាប់។

គួរជម្រាបដែរថា កៅអីនាយករដ្ឋមន្ត្រីរបស់លោកស្រី Paetongtarn Shinawatra កំពុងក្ដៅគគុក ក្រោយមានការបែកធ្លាយឃ្លីបសម្លេងរបស់លោកស្រី ជាមួយសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា ស្ដីពីស្ថានការណ៍ព្រំដែនថៃ-កម្ពុជា ដែលកំពុងមានភាពតឹងតែង ក្រោយមានករណីផ្ទុះអាវុធកាលពីថ្ងៃទី២៨ ខែឧសភា និងបានបង្កឲ្យទាហានកម្ពុជាម្នាក់ បានបាត់បង់អាយុជីវិត៕

អត្ថបទ៖ Luffy រូបភាព៖ AP

The post នាយករដ្ឋមន្ត្រីថៃ ត្រូវបានតុលាការធម្មនុញ្ញសម្រេចព្យួរតំណែងបណ្ដោះអាសន្ន appeared first on Millions times.

តាមដានជាមួយយើង៖ Million Times

កាសែត The Nation ដកស្រង់សម្តីអ្នកនាំពាក្យការិយាល័យនាយករដ្ឋមន្ត្រីថៃ លោក Jirayu Huangsab បានឲ្យដឹងថា លោកស្រី Paetongtarn បានប្រាប់លោក Macron ពីស្ថានភាពព្រំដែនកម្ពុជា-ថៃ ដោយរំលឹកឡើងវិញថា ប្រទេសថៃប្រកាន់ខ្ជាប់នូវគោលការណ៍នៃដំណោះស្រាយដោយសន្តិវិធី មានចេតនាស្មោះត្រង់ឈរលើទំនាក់ទំនងមិត្តភាពដ៏រឹងមាំរវាងប្រទេសជិតខាង ឯកភាពអាស៊ាន និងច្បាប់អន្តរជាតិ។ 

លោកស្រីជឿជាក់ថា ការចរចាទ្វេភាគីគឺជាមធ្យោបាយដ៏មានប្រសិទ្ធភាពបំផុតក្នុងការស្វែងរកដំណោះស្រាយប្រកបដោយស្ថាបនា និងផ្តល់ផលប្រយោជន៍ទៅវិញទៅមក។

លោកស្រីនាយករដ្ឋមន្ត្រីបានគូសបញ្ជាក់បន្ថែមថា ប្រទេសថៃនៅតែបន្តគាំទ្រការងាររបស់គណៈកម្មការព្រំដែនចម្រុះថៃ-កម្ពុជា (JBC) ដែលទើបនឹងបើកកិច្ចប្រជុំនៅភ្នំពេញ ហើយសង្ឃឹមថា ប្រទេសបារាំង ក្នុងនាមជាដៃគូអន្តរជាតិដ៏ជិតស្និទ្ធនឹងដើរតួក្នុងការគាំទ្របរិយាកាសអំណោយផលដល់ការបន្តកិច្ចចរចាទ្វេភាគីរវាងថៃ និងកម្ពុជា។ 

ជាការឆ្លើយតប ប្រធានាធិបតី​បារាំងលោក Macron ​បាន​ទទួល​ស្គាល់​បំណង​របស់​ប្រទេស​ថៃ ហើយ​នឹង​ពិចារណា​លើ​ការ​សម្របសម្រួល​កិច្ចសហប្រតិបត្តិការ​ជាមួយ​កម្ពុជា។

សូមជម្រាបថា គិតមកត្រឹមថ្ងៃទី២៨មិថុនានេះ គឺមានរយៈពេល ១ខែហើយដែលកើតឡើងនៃជម្លោះព្រំដែនកម្ពុជា-ថៃ ដោយទាហានថៃចូលទឹកដីខ្មែរ ហើយធ្វើបាញ់ទាហានខ្មែរបណ្តាឲ្យពលីជីវិតម្នាក់នាពេលព្រឹកព្រលឹមស្រាងៗថ្ងៃទី២៨ ឧសភានៅតំបន់មុំបី ស្រុកស្រអែម ខេត្តព្រះវិហារ។ ភ្លាមៗ កម្ពុជា-ថៃ បានចល័តទ័ពរៀងៗខ្លួន ទៅតំបន់ជម្លោះ និងតាមបន្ទាត់ព្រំដែន ខណៈកម្ពុជាបានដាក់ពាក្យបណ្តឹងប្តឹងទៅកាន់តុលាការយុត្តិធម៌អន្តរជាតិ ICJ រួចមកហើយ ប៉ុន្តែភាគីថៃមិនមានការឆ្លើយតបនៅឡើយក្នុងការឡើងទៅតតាំងក្តីនៅ IJC ដោយថៃធ្លាប់ចាញ់ក្តីកម្ពុជាម្តងរួចមកហើយរឿងប្រាសាទព្រះវិហារ៕

The post មិនឡើងតុលាការ ICJ៖ នាយករដ្ឋមន្រ្តីថៃ អួតប្រាប់ប្រធានាធិបតីបារាំងថា ចង់ដោះស្រាយជម្លោះព្រំដែនជាមួយកម្ពុជាដោយការចរចាទ្វេភាគី appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន NationThailand បានរាយកាណ៍ថា ក្រោយការស្រង់មតិពី CEO ចំនួន ១០០នាក់ បានឲ្យដឹងថា មតិភាគច្រើនបានទទូចសុំឲ្យលោកស្រី ផែថុងថាន ស៊ីណាវ៉ាត្រា ចុះចេញពីកៅអីនាយករដ្ឋមន្ត្រី ព្រោះបើនៅក្រាញននាល នឹងរឹតតែធ្វើឲ្យស្ថានភាពសេដ្ឋកិច្ចថៃ ដាំក្បាលចុះកាន់តែអាក្រក់ថែមទៀត។

មតិភាគច្រើនពីធុរជនទាំងអស់នោះសុទ្ធតែអះអាងថា ការដឹកនាំរបស់កូនស្រីពៅលោកថាក់ស៊ីន មិនបានជួយឲ្យស្ថានភាពសេដ្ឋកិច្ចប្រសើរឡើយ ពោលមានតែធ្វើឲ្យកើតជាភាពរញ៉េរញ៉ៃ ក្នុងឆាកនយោបាយ និងធ្វើឲ្យសេដ្ឋកិច្ចជាតិធ្លាក់ចុះតែប៉ុណ្ណោះ៕

អត្ថបទ៖ Luffy រូបភាព៖ CNN

The post CEO គ្រាក់ៗនៅថៃ អំពាវនាវឲ្យនាយករដ្ឋមន្ត្រីចុះចេញពីតំណែង appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានរាយការណ៍ថា កូនស្រីពៅរបស់លោកថាក់ស៊ីន កំពុងប្រឈមនឹងការបង្ខំឲ្យចុះចេញពីតំណែង ជានាយករដ្ឋមន្ត្រីថៃកាន់តែខ្លាំង ក្រោយឡើងកាន់អំណាចបានត្រឹមរយៈពេល ១០ខែ។

អំឡុងពេលឡើងកាន់តំណែងនេះ ប្រជាប្រិយភាពរបស់លោកស្រី ផែថុងថាន បានធ្លាក់ចុះជាបន្តបន្ទាប់ ដោយសារបញ្ហាសេដ្ឋកិច្ចជួបភាពជាប់គាំង ទំនាស់ព្រំដែនជាមួយកម្ពុជា ជាពិសេសគឺគ្រោះធម្មជាតិដែលកើតឡើងជាញឹកញាប់នៅប្រទេសថៃ។

បច្ចុប្បន្ន លោកស្រីនាយករដ្ឋមន្ត្រីថៃ កំពុងរងសម្ពាធឲ្យមានការចុះចេញពីតំណែងជាបន្ទាន់ ក្រោយគណបក្ស Bhumjaithai បានដកខ្លួនពីគណបក្សចម្រុះ ដឹកនាំដោយគណបក្ស Pheu Thai ដែលធ្វើឲ្យគណបក្សកាន់អំណាច របូតកៅអីនៅសភាអស់ជាច្រើន។

ជាមួយគ្នានោះ បក្សប្រឆាំងបានទាមទារឲ្យមានការរំលាយសភាចោល និងបោះឆ្នោតជ្រើសរើសមេដឹកនាំថ្មីតែម្ដង ដោយអះអាងថា ការលាលែងពីតំណែងរបស់លោកស្រី ផែថុងថាន ស៊ីណាវ៉ាត្រា មិនមែនជាដំណោះស្រាយត្រឹមត្រូវ និងបញ្ចប់បញ្ហាត្រឹមត្រូវឡើយ៕

អត្ថបទ៖ Luffy រូបភាព៖ The Strait Times

The post អាណត្តិដឹកនាំរបស់កូនស្រីថាក់ស៊ីន កំពុងខិតជិតទីបញ្ចប់ ក្រោយមន្ត្រីធំៗដឹកដៃគ្នាលាលែងពីតំណែង appeared first on Millions times.

តាមដានជាមួយយើង៖ Million Times

គណៈកម្មាធិការកិច្ចការពិសេសព្រឹទ្ធសភា បានចេញសេចក្តីថ្លែងការណ៍មួយ បន្ទាប់ពីកិច្ចប្រជុំពិសេសដឹកនាំដោយលោក Mongkol Surassajja ប្រធានព្រឹទ្ធសភា ដោយមានរបៀបវារៈសំខាន់សម្រាប់ពិចារណា៖ ស្នើសុំឱ្យមានការជជែកដេញដោលជាទូទៅក្នុងព្រឹទ្ធសភា ដើម្បីអនុញ្ញាតឱ្យគណៈរដ្ឋមន្ត្រីបញ្ជាក់ការពិត ឬបំភ្លឺបញ្ហាសំខាន់ៗទាក់ទងនឹងការគ្រប់គ្រងប្រទេស ដោយគ្មានការបោះឆ្នោត ស្របតាមមាត្រា ១៥៣ នៃច្បាប់រដ្ឋធម្មនុញ្ញនៃព្រះរាជាណាចក្រថៃ ដែលបានចែងក្នុងឆ្នាំ២០១៧។

គណៈកម្មាធិការកិច្ចការយោធានឹងដាក់សំណើទៅស្ថាប័នឯករាជ្យពាក់ព័ន្ធទាំងអស់ ដូចជា គណៈកម្មាធិការជាតិប្រឆាំងអំពើពុករលួយ (NACC) តុលាការធម្មនុញ្ញ ឲ្យដកលោកស្រី Paethongtarn ចេញពីតំណែងនាយករដ្ឋមន្ត្រី ព្រោះសំណុំរឿងខ្សែអាត់សំឡេងត្រូវបានចាត់ទុកថា ជាការរំលោភលើផ្នែកជាច្រើននៃរដ្ឋធម្មនុញ្ញ ដូចជាមាត្រា១ ដែលចែងថាប្រទេសថៃជាព្រះរាជាណាចក្រតែមួយ និងមិនអាចបំបែកបាន និងមាត្រា១៦០ ដែលបញ្ជាក់ថា នាងមិនមានលក្ខណៈសម្បត្តិគ្រប់គ្រាន់ក្នុងការកាន់តំណែងជានាយករដ្ឋមន្ត្រី។

ក្រុមប្រឹក្សាជាតិដើម្បីសន្តិភាព និងសណ្តាប់ធ្នាប់ អំពាវនាវឱ្យនាយករដ្ឋមន្ត្រី ទទួលខុសត្រូវចំពោះពាក្យសម្ដីរបស់នាង ដែលបានធ្វើឱ្យប៉ះពាល់ដល់ប្រជាជនថៃ និងសុំទោសប្រជាជនថៃ និងយោធាថៃជាផ្លូវការ ហើយទាមទារឲ្យនាងពន្យល់ពីហេតុផល នៃជំហរទន់ខ្សោយចំពោះគូប្រជែង និងកែលម្អការអនុវត្តរបស់នាង ឱ្យសមស្របនឹងមុខតំណែងជាអ្នកដឹកនាំប្រទេស។

គួរជម្រាបដែរថា បច្ចុប្បន្នជួរដ្ឋាភិបាលថៃ កំពុងមានភាពច្របូកច្របល់ខ្លាំង ដោយសារការបែកធ្លាយកិច្ចសន្ទនារវាងលោកស្រីនាយករដ្ឋមន្ត្រីថៃ និងអតីតនាយករដ្ឋមន្ត្រីកម្ពុជា ខណៈសមាជិកសភាថៃ និងមន្ត្រីជាន់ខ្ពស់ជាច្រើន យល់ឃើញថា វាជាការបង្ហាញភាពទន់ខ្សោយរបស់ថ្នាក់ដឹកនាំប្រទេស និងបានដាក់ពាក្យលាលែងពីតំណែងភ្លាមៗកាលពីពាក់កណ្ដាលអធ្រាតថ្ងៃទី១៨ ឈានចូលថ្ងៃទី១៩ ខែមិថុនា៕

អត្ថបទ៖ Luffy រូបភាព៖ BangkokPost

The post គណៈកម្មាធិការយោធាថៃ រៀបចំសំណើទៅតុលាការធម្មនុញ្ញ ដើម្បីទម្លាក់តំណែងនាយករដ្ឋមន្ត្រី appeared first on Millions times.

 ទីភ្នាក់ងារសារព័ត៌មាន Reuters ចុះផ្សាយថា លោកស្រី Paetongtarn បានទទួលជ័យជម្នះដោយឆ្លងផុតការបោះឆ្នោតដកសេចក្ដីទុកចិត្ត ដែលស្នើឡើងដោយគណបក្សប្រឆាំង ជាមួយសំឡេងគាំទ្រពីសមាជិករដ្ឋសភា ៣១៩ ក្នុងចំណោម ៤៨៨រូប ដែលមានវត្តមានក្នុងពេលបោះឆ្នោត។ 

តាមដានជាមួយយើង៖ Million Times

គួរឲ្យដឹងថា គណបក្សប្រឆាំងថៃបានអំពាវនាវឱ្យមានការបោះឆ្នោតដកសេចក្ដទុកចិត្តដោយចោទប្រកាន់លោកស្រី Paetongtarn ថា ខ្វះចំណេះដឹងខាងសេដ្ឋកិច្ច គេចវេសបង់ពន្ធ គ្មានសមត្ថភាព ហើយធ្វើតាមការបង្គាប់បញ្ជាពីឪពុក គឺអងីតនាយករដ្ឋមន្រ្តី លោក Thaksin Shinawatra។ ជាការបកស្រាយលោកស្រី Paetongtarn និយាយថា លោកស្រីកំពុងប្រឹងប្រែងក្នុងការដឹកនាំប្រទេស ហើយថាគួរតែត្រូវបានវិនិច្ឆ័យដោយការធ្វើការរបស់លោកស្រី មិនមែនដោយសារតែទំនាក់ទំនងគ្រួសាររបស់លោកស្រីនោះទេ។

សូមជម្រាបជូនថា ការបោះឆ្នោតនៅថ្ងៃពុធនេះ បានបង្ហាញថាក្រុមចម្រុះរបស់លោកស្រី Paetongtarn នៅតែមានភាពរឹងមាំ និងមានស្ថិរភាព ដែលនេះអាចនិយាយបានថាក្នុងរយៈពេលខ្លីវាមានលទ្ធភាព ទាបដែលក្រុមចម្រុះអាចនឹងរង្គោះរង្គើរ ឬកើតមានវិបត្តិនយោបាយណាមួយ៕

អត្ថបទ៖ សារ៉ាយ រូបភាព៖ Reuters 

The post នាយករដ្ឋមន្ត្រីថៃ Paetongtarn ឆ្លងផុតការបោះឆ្នោតដកសេចក្ដីទុកចិត្តនៅក្នុងរដ្ឋសភា appeared first on Millions times.

ទីភ្នាក់ងារព័ត៌មាន ស៊ីនហួរ បាននិយាយថា ប្រធានាធិបតីចិន លោក Xi Jingping បានអំពាវនាវឱ្យប្រទេសទាំងពីរ បន្តកិច្ចសហប្រតិបត្តិការ ដើម្បីទប់ស្កាត់សកម្មភាពឧក្រិដ្ឋកម្មនៅក្នុងតំបន់ ដើម្បីការពារប្រជាជន។

តាមដានជាមួយយើង៖ Million Times

នាយករដ្ឋមន្ត្រីថៃលោកស្រី Paetongtarn Shinawatra បាននិយាយថា ប្រទេសថៃមានឆន្ទៈក្នុងការធ្វើការជាមួយចិន និងប្រទេសជិតខាងផ្សេងទៀត ដើម្បីបញ្ចប់ការឆបោកតាមអនឡាញ ការក្លែងបន្លំ ល្បែងស៊ីសង និងសកម្មភាពខុសច្បាប់ផ្សេងទៀត។ ការលើក​ឡើង​បែបនេះ​ក្នុង​កិច្ច​ពិភាក្សា​នៅ​វិមានប្រជាជន​ក្នុង​ទីក្រុង​ប៉េកាំង​ក្នុង​ថ្ងៃ​ទី​ពីរ​នៃ​ដំណើរ​ទស្សនកិច្ច​ផ្លូវការ​រយៈពេល​ ៤ថ្ងៃ​របស់​លោកស្រី Paetongtarn នៅ​ប្រទេស​ចិន។

ជំនួបនោះ លោក Xi បានថ្លែងអំណរគុណដល់លោកស្រី Paetongtarn សម្រាប់វិធានការណ៍ដ៏រឹងមាំរបស់ថៃប្រឆាំងនឹងក្រុមជនឆបោកតាមអនឡាញមកលើប្រជាជនចិន ដែលថ្មីៗនេះ ថៃបានបិទការផ្គត់ផ្គង់អគ្គិសនីទៅកាន់តំបន់ជាប់ព្រំដែនមីយ៉ាន់ម៉ា។

លោកបន្ថែមថា “ភាគីទាំងពីរត្រូវបន្តពង្រឹងកិច្ចសហប្រតិបត្តិការលើវិស័យសន្តិសុខ ការអនុវត្តច្បាប់ និងកិច្ចសហប្រតិបត្តិការតុលាការ ដើម្បីការពារអាយុជីវិត និងទ្រព្យសម្បត្តិរបស់ប្រជាជន”។

អ្នកនាំពាក្យក្រសួងការពារជាតិថៃ លោក Thanathip Sawangsang បាននិយាយថា ខណៈដែលអ្នកទាំងពីរកំពុងជួបគ្នា មនុស្ស ៦១នាក់ត្រូវបានជួយសង្គ្រោះពីទីតាំងឆបោកតាមអនឡាញក្នុងប្រទេសមីយ៉ាន់ម៉ាកំពុងត្រូវបានបញ្ជូនត្រឡប់ទៅប្រទេសថៃវិញ។ លោកថា មានជនជាតិចិនប្រហែល ៣៤ នាក់ ក្រោពីនោះមានមកពីប្រទេសឥណ្ឌូណេស៊ី អេត្យូពី និងបណ្តាប្រទេសផ្សេងទៀតក្នុងទ្វីបអាហ្រ្វិក។ លោកថ្លែងទៅកាន់កាសែត AFP ។

នៅក្នុងជំនួបជាមួយប្រធានាធិបតីចិន លោកស្រី Paetongtarn បាននិយាយថា ប្រទេសថៃបានដាក់ផែនការស្ទាក់ចាប់សមាជិកក្រុមឧក្រិដ្ឋជន ដែលប្រើប្រាស់ទឹកដីថៃជាចំណុចឆ្លងកាត់ទៅកាន់ប្រទេសផ្សេងទៀត តាមរយៈប្រព័ន្ធប្រកាសអាសន្នជាមួយប្រទេសចិន។ នេះបើយោងតាមសេចក្តីថ្លែងការណ៍ពីវិមានរដ្ឋាភិបាល។ លោកស្រី​ក៏​បាន​ធានា​សុវត្ថិភាព​សម្រាប់​ភ្ញៀវ​ទេសចរ​ដែល​មក​ទស្សនា​ប្រទេស​ថៃផង​ដែរ​៕

អត្ថបទ៖ សារ៉ាយ រូបភាព៖ Government House 

The post មេដឹកនាំ​ចិន និង​ថៃ ប្រកាសបង្កើន​ការ​ប្រយុទ្ធ​ប្រឆាំង​នឹង​ឧក្រិដ្ឋកម្ម​ឆ្លង​ដែន appeared first on Millions times.

តាមដានជាមួយយើង៖ Million Times

នាយករដ្ឋមន្ត្រីថៃរូបនេះបាននិយាយថា កាលពីថ្ងៃទី១៥ ខែមករា លោកស្រីទទួលបានការតេទូរស័ព្ទ និងបានសន្ទនាជាមួយភាគីម្ខាងទៀត ដោយលោកស្រីអះអាងថា មានសម្លេងស្រដៀងជាមួយមេដឹកនាំម្នាក់ តែលោកស្រីមិនបញ្ចេញឈ្មោះ។

កូនស្រីពៅអ្នកនយោបាយជើងចាស់ Thaksin Shinawatra រូបនេះបន្ថែមទៀតថា ពេលសន្ទនាគ្នា ភាគីម្ខាងទៀតបាននិយាយថា ថៃគឺជាប្រទេសតែមួយគត់ក្នុងតំបន់អាស៊ាន ដែលមិនទាន់បានធ្វើការបរិច្ចាគប្រាក់ ហើយក៏បានផ្ញើលេខកុងធនាគារមួយ ដែលមិនមែនជាធនាគារក្នុងស្រុក។

គ្រាន់តែឃើញសារបែបនោះភ្លាម លោកស្រីនាយករដ្ឋមន្ត្រីក៏ដឹងភ្លាមថា ភាគីដែលបានសន្ទនាគ្នានោះ គឺជាជនឆបោក ហើយលោកស្រីក៏បានបញ្ជាឲ្យក្រុមប៉ូលិសបើកការស៊ើបអង្កេត ចំពោះរឿងនេះផងដែរ។

សូមជម្រាបដែរថា ប្រទេសថៃ តែងតែជួបប្រទះនូវករណីឆបោកតាមទូរស័ព្ទ ខណៈជនឆបោកទាំងនោះបានប្រើប្រាស់ AI ក្លែងបន្លំសម្លេង ធ្វើជាសាច់ញាតិជនរងគ្រោះ ប៉ូលិស ឬបុគ្គលិកធនាគារ ដើម្បីបញ្ចុះបញ្ចូលឲ្យជនរងគ្រោះផ្ញើលុយឲ្យពួកគេ៕

អត្ថបទ៖ Luffy រូបភាព៖ Khaosod

The post សូម្បីនាយករដ្ឋមន្ត្រីថៃ ក៏ប៊ិះចាញ់ល្បិចការឆបោកតាមទូរស័ព្ទដែរ appeared first on Millions times.

តាមដានជាមួយយើង៖ Million Times

សារព័ត៌មាន VNExpress បានរាយការណ៍ថា ទ្រព្យសម្បត្តិទាំងអស់នោះរួមបញ្ចូលទាំងកាបូបយួរដៃល្បីៗជាង ២០០កាបូប នាឡិកាទំនើប ៧៥ទំនើបយ៉ាងតិច ៧៥គ្រឿង សរុបជាទឹកប្រាក់ជិត ១០លានដុល្លារ។

បន្ថែមពីនោះលោកស្រីក៏មានអចលនទ្រព្យជាច្រើនកន្លែងដូចជា នៅទីក្រុងឡុងដ៍នៃចក្រភពអង់គ្លេស និងនៅប្រទេសជប៉ុនជាដើម។ លោកស្រីក៏មានការវិនិយោគសរុបជាទឹកប្រាក់ ១១ពាន់លានបាតផងដែរ។

យោងតាមរបាយការណ៍បញ្ចេញដោយគណៈកម្មាធិការជាតិប្រឆាំងអំពើពុករលួយ ហៅកាត់ NACC បានបង្ហាញថា លោកស្រីនាយករដ្ឋមន្ត្រីក៏បានប្រកាសពីបំណុលជិត ៥ពាន់លានបាតដែរ ដែលនេះមានន័យថា បើសងបំណុលរួចអស់ ទ្រព្យសម្បត្តិរបស់នាយករដ្ឋមន្ត្រីថៃនៅសល់ ៨,៩ពាន់លានបាត៕

អត្ថបទ៖ Luffy រូបភាព៖ The Sun

The post នាយករដ្ឋមន្ត្រីថៃ ប្រកាសទ្រព្យសកម្មមានប្រហែល ៤០០លានដុល្លារ appeared first on Millions times.

យោងតាមមន្រ្តីនៃការិយាល័យនាយករដ្ឋមន្ត្រីលោកស្រី Jiraporn Sindhuprai បានឲ្យដឹងថា លោកស្រី Paetongtarn ស្ថិតនៅលំដាប់ទី២៩ ក្នុងបញ្ជីពិភពលោក និងទី៣ នៅអាស៊ី បន្ទាប់ពីលោកស្រី Sandy Ran Xu នាយកប្រតិបត្តិនៃក្រុមហ៊ុនអេឡិចត្រូនិកយក្សរបស់ចិន JD.com ឈរលេខរៀងទី២៧ និងលោកស្រី Nirmala Sitharaman រដ្ឋមន្ត្រីក្រសួងហិរញ្ញវត្ថុ និងកិច្ចការសាជីវកម្មនៃប្រទេសឥណ្ឌា លេខរៀងទី២៨។

តាមដានជាមួយយើង៖ Million Times

មេដឹកនាំស្ត្រីផ្សេងទៀតនៅក្នុងតំបន់អាស៊ីអាគ្នេយ៍ដែលស្ថិតក្នុងបញ្ជីនេះដែរ រួមមាន៖ លោកស្រី Ho Ching ប្រធាន Temasek Trust ទី៣២ លោកស្រី Sri Mulyani Indrawati រដ្ឋមន្ត្រីក្រសួងហិរញ្ញវត្ថុឥណ្ឌូនេស៊ី ទី៤៩ លោកស្រី Helen Wong នាយកប្រតិបត្តិនៃក្រុម OCBC នៅសិង្ហបុរី ទី៥៩ និងលោកស្រី Jenny Lee ដៃគូគ្រប់គ្រងជាន់ខ្ពស់នៃ Granite Asia នៅប្រទេសសិង្ហបុរី លេខរៀងទី៩៦។ នេះបើតាមបញ្ជីឈ្មោះរបស់ទស្សនាវដ្តី Forbes។

លោកស្រី Jiraporn បាននិយាយថា លោកស្រី Paetongtarn ត្រូវបានជាប់ក្នុងបញ្ជី «Time 100 Next» នៅក្នុងប្រភេទអ្នកដឹកនាំដោយទស្សនាវដ្តី Times មុននេះ។ លោកស្រីជានាយករដ្ឋមន្ត្រីទី៣១ របស់ប្រទេសដែលបានក្លាយជាស្រ្តីវ័យក្មេងជាងគេអាយុ ៣៧ឆ្នាំនៅក្នុងប្រវត្តិសាស្រ្តថៃ។ លោកស្រីជាកូនស្រីអតីតនាយករដ្ឋមន្រ្តីលោក ថាក់ស៊ីន ស៊ីណាវ៉ាត្រា៕

អត្ថបទ៖ សារ៉ាយ រូបភាព៖

The post នាយក​រដ្ឋមន្ត្រី​ថៃ Paetongtarn ស្ថិត​ក្នុង​បញ្ជី​ស្ត្រី​មាន​ឥទ្ធិពល​បំផុត​ទាំង​១០០​រូបក្នុង​ពិភពលោក appeared first on Millions times.