ព្រឹត្តិការណ៍ប្រណាំងរថយន្ត Off Road លើកដំបូងនៅខេត្តព្រះសីហនុ មានរយៈពេល ៤ថ្ងៃ ចាប់ពីថ្ងៃទី២៨ ខែវិច្ឆិកា ដល់ថ្ងៃទី១ ខែធ្នូ ដែលមានកីឡាករ កីឡារិនីមកពីថៃ ឡាវ ម៉ាឡេស៊ី ចិន រុស្ស៊ី និងកម្ពុជាជាម្ចាស់ផ្ទះ។

តាមដានជាមួយយើង៖ Million Times

កូនប្រុសសម្តេច ទៀ បាញ់ អតីតឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ គឺលោក ទៀ ស្យាម អនុប្រធានសហព័ន្ធកីឡាយានយន្តកម្ពុជា បានឱ្យដឹងថា ការប្រណាំងរថយន្ត Off Road ជាលើកដំបូងនៅក្នុងក្រុងព្រះសីហនុ កន្លងមកការប្រណាំងរថយន្ត Off Road ធ្វើនៅក្នុងព្រៃ ឬលើភ្នំ ដែលប្រជាពលរដ្ឋមិនបានចូលរួមទស្សនា ហើយពេលនេះប្រជាពលរដ្ឋនិងភ្ញៀវទេសចរពួកគាត់អាចចូលរួមទស្សនាដោយសេរី។

លោកថា ការប្រណាំងរថយន្ត Off Road នាពេលនេះមានប្រទេសកម្ពុជា ថៃ ឡាវ ម៉ាឡេស៊ី ចិន និង រុស្ស៊ី ដែល ផ្តល់អត្ថប្រយោជន៍ដល់ការផ្សព្វផ្សាយទីក្រុងព្រះសីហនុ ដោយផ្តោតលើវិស័យទេសចរណ៍ និងជំរុញវិស័យយានយន្តនៅក្នុងប្រទេសកម្ពុជា ឪ្យមានការរីកចម្រើនបង្កើតកីឡាករថ្មីៗ ឈានទៅប្រកួតជាលក្ខណអន្តរជាតិ ហើយកីឡាកររបស់កម្ពុជា បានចូលរួមការប្រកួតកីឡារថយន្ត Off Road នៅប្រទេសថៃ ឡាវ ម៉ាឡេស៊ី និងវៀតណាមផងដែរ។

លោក សាមុត សុធារិទ្ធ អភិបាលរងខេត្តព្រះសីហនុ បានថ្លែងថា ការប្រណាំងរថយន្តឆ្លងកាត់ឧបសគ្គ Off Road ខេត្តព្រះសីហនុ ឆ្នាំ២០២៤ ក្នុងគោលបំណងដើម្បីជម្រុញការអភិវឌ្ឍវិស័យកីឡាជាពិសេសវិស័យកីឡាប្រណាំងរថយន្តចូលរួមផ្សព្វផ្សាយវិស័យទេសចរណ៍ និងបង្កើនកិត្យានុភាពខេត្តព្រះសីហនុ ដល់ភ្ញៀវទេសចរជាតិ និងអន្តរជាតិ។

លោកបន្តថា ព្រឹត្តិការណ៍កីឡានេះមិនមែនគ្រាន់តែជាការប្រកួតមួយប៉ុណ្ណោះទេ ប៉ុន្តែគឺជាឱកាសសម្រាប់ផ្សព្វ ផ្សាយទេសចរណ៍ វប្បធម៌ សង្គម សេដ្ឋកិច្ច និងកេរ្តិ៍ឈ្មោះប្រទេសជាតិ ក៏ដូចជារួមចំណែកដល់ការពង្រឹងចំណងសាមគ្គីភាព និងមិត្តភាពរវាងប្រតិភូកីឡានៃប្រទេសដែលបានចូលរួម។

លោកបានផ្តាំផ្ញើដល់កីឡាករ កីឡាការិនីត្រូវមានស្មារតីទទួលខុសត្រូវក្នុងនាមចិត្តជាកីឡាករយ៉ាងពិតប្រាកដ ដោយស្ម័គ្រចិត្តទទួលយកនូវលទ្ធផលចាញ់-ឈ្នះដែលជាធាតុដ៏សំខាន់នៃសេចក្តីថ្លៃថ្នូរ និងស្របតាមគោលការណ៍យុត្តិធម៌ និងមិត្តភាព។ ព្រោះកីឡាមិនគ្រាន់តែបានផ្តល់នូវកាយសម្បទារឹងមាំដល់យើងប៉ុណ្ណោះទេ ប៉ុន្តែថែមទាំងបានធ្វើការអប់រំទៅលើផ្លូវចិត្ត និងសីលធម៌ ធ្វើយ៉ាងណាឱ្យពួកគេមានការតស៊ូប្រកបដោយភាពអង់អាចក្លាហាន អំណត់ព្យាយាម និងចេះយោគយល់គ្នា ព្រមទាំងប្រកាន់ខ្ជាប់នូវភាពយុត្តិធម៌ សុចរិតធម៌៕

អត្ថបទ៖ សាងតេជៈ រូបភាព៖ រដ្ឋបាលខេត្តព្រះសីហនុ

The post កូនប្រុសសម្តេច ទៀ បាញ់ ដឹកនាំព្រឹត្តិការណ៍ប្រណាំងរថយន្ត Off Road លើកដំបូងនៅខេត្តព្រះសីហនុ appeared first on Millions times.

លោក ឈិន សីហា តំណាងសហព័ន្ធកីឡាយានយន្តកម្ពុជា បានលើកឡើងថា ការរៀបចំការប្រណាំងរថយន្តលើផ្លូវឧបសគ្គ (OFF ROAD) អន្តរជាតិ ២០២៤ នៅលើទឹកដីនៃខេត្តព្រះសីហនុ ដែលជាការកែឆ្នៃនៃការបំពាក់នូវកង់ធំៗមកពីបណ្តាក្លឹប និងប្រទេសនានាក្នុងការបង្ហាញសមត្ថភាព និងបច្ចេកទេសបើកបរឆ្លងកាត់ឧបសគ្គវាលភក់ ឆ្លងទឹក ឡើងថ្ម ដើម្បីឱ្យទស្សនិកជនចាប់អារម្មណ៍រំភើប ជក់ចិត្ត និងរីករាយជាមួយការប្រគុំតន្ត្រី កម្មវិធីកម្សាន្ត ព្រមទាំងមានស្តង់តាំងលក់ផលិតផល និងម្ហូបអាហារផ្សេងៗ នាបរិយាកាសក្បែមាត់សមុទ្រ។

តាមដានជាមួយយើង៖ Million Times

លើសពីនេះ ក៏មានកម្មវិធីដង្ហែក្បួនម៉ូតូ និងរថយន្ត(OFF ROAD) អន្តរជាតិ ឆ្លងកាត់ផ្លូវក្នុងទីប្រជុំជនក្រុងព្រះសីហនុ ព្រមទាំងមានការដាក់ស្តង់តាំងបង្ហាញក្រុមរថយន្ត ផលិតផល និងស្តង់លក់ដូរអាហារផ្សេងៗជាមួយកម្មវិធីកម្សាន្តស្ថិតក្នុងទីលានប្រណាំងជិតឆ្នេរអូរត្រេះ។

លោកបញ្ជាក់ថា តាមការគ្រោងទុកការប្រណាំងរថយន្តឧបសគ្គ (OFF ROAD) អន្តរជាតិ ២០២៤ នៅខេត្តព្រះសីហនុ មានរថយន្តចូលរួមប្រណាំងចំនួន ៨០គ្រឿង ក្នុងនោះក៏មានរថយន្តបរទេសចូលរួមប្រណាំងប្រមាណ ១០ភាគរយ ហើយការប្រណាំងរថយន្ត (OFF ROAD) គ្រោងធ្វើនៅលើផ្ទៃដី ២៤ហិកតា នៅជិតឆ្នេរអូត្រេះ។ ទន្ទឹមនឹងនោះ ក៏មានការសម្តែងបច្ចេកទេស CAR DRIFT SHOW នៅកណ្តាលទីក្រុង។ តែយ៉ាងណា លោក ក៏បានបង្ហាញពីក្តីកង្វល់ពាក់ព័ន្ធនឹងបញ្ហាសុវត្ថិភាពដែលត្រូវគិតជាចំណុចចំបងផងដែរ។

បើតាមកិច្ចប្រជុំដដែលនេះ ការប្រណាំងរថយន្តឧបសគ្គ OFF ROAD អន្តរជាតិ ២០២៤ មានរយៈពេល ៤ថ្ងៃ គឺចាប់ពីថ្ងៃទី២៨ ខែវិច្ឆិកា ឆ្នាំ២០២៤ ក្រុមកីឡាករចូលរួមចុះឈ្មោះថ្ងៃទី២៩ ចាប់ផ្តើមដំណើការដង្ហែក្បួន និងរៀបចំព្រឹត្តិការណ៍ប្រណាំង ថ្ងៃទី៣០ ក៏ជាថ្ងៃប្រណាំងផ្តាច់ព្រ័ត្រ និងថ្ងៃទី១ ខែធ្នូ ឆ្នាំ២០២៤ ជាថ្ងៃប្រកាសជ័យលាភីពានរង្វាន់។

នៅក្នុងកិច្ចប្រជុំនោះ លោក ម៉ាង ស៊ីណេត អភិបាលខេត្តព្រះសីហនុ បានឯកភាពការបង្កើតព្រឹត្តិការណ៍ប្រណាំងរថយន្តឧបសគ្គ OFF ROAD អន្តរជាតិ ២០២៤នៅលើទឹកដីតំបន់ឆ្នេរនៃខេត្តព្រះសីហនុ នាពេលខាងមុខ ព្រោះខេត្តរបស់លោកចង់បានផលិតផល ឬព្រឹត្តិការណ៍ថ្មីៗកើតមាននៅលើទឹកដីតំបន់ឆ្នេរ នៃភាគនារតី នៃកម្ពុជា ដើម្បីជំរុញផ្សព្វផ្សាយវិស័យទេសចរណ៍នៅខេត្តតំបន់ឆ្នេរនៃព្រះរាជាណាចក្រកម្ពជា ដើម្បីធ្វើការប្រកួតទទួលបានជោគជ័យតាមការគ្រោងទុក។

ជាមួយគ្នានេះ លោកអភិបាលខេត្តក៏បានធ្វើការណែនាំឱ្យបង្កើតក្រុមការងារដើម្បីពិភាក្សាដោះស្រាយបញ្ហាមួយចំនួនដែលនៅសេសសល់ ដើម្បីរក្សាសន្តិសុខនៅទីលានប្រណាំងរថយន្ត ការតាំងពិព័រណ៌ ជំរុញការដាក់តាំងផលិតផលរបស់ខេត្ត និងផលិតផលក្នុងស្រុកឱ្យបានច្រើន៕

អត្ថបទ៖ សេដ្ឋានី រូបភាព៖ រដ្ឋបាលខេត្តព្រះសីហនុ

The post ខេត្តព្រះសីហនុ រៀបចំប្រណាំងរថយន្តលើផ្លូវឧបសគ្គ OFF ROAD អន្តរជាតិរយៈពេល៤ថ្ងៃ appeared first on Millions times.