តាមដានជាមួយយើង៖ Million Times

Forbes បានអះអាងថា MrBeast ដែលមានឈ្មោះពិត Jimmy Donaldson គឺជាកំពូលអ្នកផលិតមាតិកា ដោយអាចរកចំណូលបានច្រើនបំផុតលើលោក ប្រហែល ៨៥លានដុល្លារកាលពីឆ្នាំទៅ។

មិនតែប៉ុណ្ណោះ ទស្សនាវដ្ដី Forbes ថែមទាំងបានវាយតម្លៃ និងដាក់ពិន្ទុពេញឲ្យ MrBeast ក្នុងនាមជាសហគ្រិនវ័យឆ្លាតបំផុត ដោយមិនត្រឹមតែជោគជ័យខ្លាំងលើបណ្ដាញសង្គម តែថែមទាំងជោគជ័យក្នុងវិស័យជំនួញ និងមានទឹកចិត្តសប្បុរសថែមទៀត។

គួរជម្រាបបន្តិចថា ប្រភពចំណូលដ៏ធំបំផុតរបស់ MrBeast គឺបានមកពី YouTube ប៉ុន្តែជាមួយគ្នា លោកក៏មានក្រុមហ៊ុនផ្ទាល់ខ្លួនឈ្មោះថា Feastables ដែលផលិតស្ករសូកូឡា ហាងលក់បឺហ្គឺរ MrBeast Burger រួមទាំងជាផលិតករកម្មវិធី Beast Games ដែលកំពុងមានប្រជាប្រិយភាពនៅអាមេរិកថែមទៀត៕

អត្ថបទ៖ Luffy រូបភាព៖ បណ្ដាញសង្គម X

The post Forbes ចាត់ទុក MrBeast ជាកំពូលអ្នកផលិតមាតិកាខ្លាំងបំផុតលើពិភពលោក appeared first on Millions times.

តាមដានជាមួយយើង៖ Million Times

សារព័ត៌មាន BusinessInsider បានចុះផ្សាយថា មង្គលការរបស់មហាសេដ្ឋីវ័យក្មេងរូបនេះ ទំនងនឹងកើតឡើងឆាប់ៗ បន្ទាប់ពីអ្នកទាំង២ បានភ្ជាប់ពាក្យកាលពីថ្ងៃបុណ្យគ្រីស្តម៉ាស ក្នុងឆ្នាំ២០២៤។

MrBeast បានបង្ហោះសារលើបណ្ដាញសង្គម X ថា សម្រាប់ពិធីមង្គលការរបស់លោក លោកនឹងខ្ចីប្រាក់ម្ដាយដើម្បីរៀបចំ ដោយសារលោកមានលុយតិចតួច ព្រោះលោកបានយកប្រាក់ទៅវិនិយោគអស់ច្រើនហើយ។ ម្យ៉ាងទៀត ទ្រព្យសម្បត្តិរបស់លោក គឺកំពុងបង្វិលរកស៊ីនៅអាជីវកម្មជាច្រើន ដូច្នេះមិនទាន់អាចដកមកប្រើប្រាស់បន្ទាន់ឡើយ។

គួរជម្រាបដែរថា កាលពីខែមុន សារព័ត៌មាន Forbes បានចាត់ទុក MrBeast គឺជាមហាសេដ្ឋីវ័យក្មេងបំផុតមួយរូបលើលោក ខណៈក្រុមហ៊ុន Beast Industries របស់លោក អាចរកចំណូលបានរហូតដល់ ៥០០លានដុល្លារក្នុងមួយឆ្នាំ និងមានតម្លៃដល់ទៅ ៥ពាន់លានដុល្លារឯណោះ៕

អត្ថបទ៖ Luffy រូបភាព៖ MrBeast

The post មហាសេដ្ឋីវ័យក្មេង MrBeast បង្ហើបថា គ្រោងខ្ចីលុយម្ដាយដើម្បីរៀបមង្គលការ appeared first on Millions times.

តាមដានជាមួយយើង៖ Million Times

គេហទំព័រ CelebrityNetworth បានចុះផ្សាយថា MrBeast មានអាយុ ២៧ឆ្នាំ និងជាប់ឈ្មោះជាមហាសេដ្ឋីវ័យក្មេងបំផុតទី០៨ ដោយមានទ្រព្យសម្បត្តិប្រហែល ១ពាន់លានដុល្លារ និងចំណូលប្រចាំខែប្រហែល ៥០លានដុល្លារ។

MrBeast គឺជា YouTuber ល្បីល្បាញមួយរូបលើបណ្ដាញសង្គម ដោយសារតែមាតិកាប្លែកៗរបស់លោក ជាពិសេសគឺផ្ដោតលើអំពើសប្បុរសធម៌ លេងហ្គេមចែកលុយជូនអ្នកគាំទ្រ និងជនក្រីក្រជាច្រើននៅសហរដ្ឋអាមេរិក។

កន្លងមក បុគ្គលល្បីល្បាញរូបនេះតែងតែបង្ហើបពីឆន្ទៈរបស់ខ្លួនជាញឹកញយថា ថវិកាដែលលោករកបានទាំងអស់ នឹងបរិច្ចាគជួយសង្គមវិញ ហើយទុកចាយវាយខ្លួនឯងត្រឹមមួយរស់ៗប៉ុណ្ណោះ។

បច្ចុប្បន្ន MrBeast គឺជាបុគ្គលមានឥទ្ធិពលបំផុតមួយរូបលើបណ្ដាញអ៊ីនធឺណិត ដោយមានចំនួន Subscribers លើ YouTube ចំនួន ៣៩៦លាននាក់ មាន Follower លើ Instagram ចំនួន ៧១,៣លាននាក់ និងនៅលើបណ្ដាញសង្គម X ចំនួន ៣២,៦លាននាក់។ ប្រភពចំណូលសំខាន់របស់លោកគឺបានមកពី YouTube រួមទាំងអាជីវកម្មផ្ទាល់ខ្លួនមួយចំនួនដូចជា ហាងលក់បឺហ្គឺរ MrBeast Burger និងហាងលក់សូកូឡា Feastables ជាដើម៕

អត្ថបទ៖ Luffy រូបភាព៖ Financial Express

The post ស្ងាត់ៗ! YouTuber ល្បីឈ្មោះ MrBeast វិវត្តខ្លួនជាមហាសេដ្ឋីវ័យក្មេងបំផុតមួយរូប appeared first on Millions times.