Loveriya Archives - Millions times

ឧកញ៉ា Love Rya ផ្តិតមេដៃលើកិច្ចសន្យាបញ្ឈប់សកម្មភាពនិងទទួលខុសត្រូវចំពោះមុខច្បាប់ជាធរមាន

Vin Chang — Wed, 05 Feb 2025 04:25:18 +0000

នៅព្រឹកថ្ងៃទី៥ ខែកុម្ភៈនេះ នៅចំពោះក្រុមការងារអន្តរក្រសួងលោកស្រី ឆេង ស្រីរ័ត្ន ហៅ Love Riya បានទទួលស្គាល់កំហុស ទទួលយកការណែនាំ និងបានផ្តិតមេដៃលើកិច្ចសន្យាបញ្ឈប់សកម្មភាពទាំងឡាយ ដែលប៉ះពាល់ដល់ប្រវត្តិសាស្ត្រ សិល្បៈ វប្បធម៌ ប្រពៃណី ជំនឿសាសនា អត្តសញ្ញាណរបស់ជាតិ និងប្រជាជន ព្រមទាំងទម្រង់នៃការស្លៀកពាក់ក្នុងពេលផ្សាយផ្ទាល់ជាសាធារណៈ ដែលប៉ះពាល់ដល់ កិត្តិយស និងសេចក្តីថ្លៃថ្នូររបស់ស្ត្រី។

សេចក្តីប្រកាសព័ត៌មានរបស់ក្រសួងវប្បធម៌ និងវិចិត្រសិល្បៈ នៅថ្ងៃពុធនេះ ក្រសួងវប្បធម៌ និងវិចិត្រសិល្បៈ, សមាគមឧកញ៉ាកម្ពុជា និងនាយកដ្ឋានប្រឆាំងបទល្មើសបច្ចេកវិទ្យា បានអប់រំណែនាំដល់ឧកញ៉ា ឆេង ស្រីរ័ត្ន អំពីសកម្មភាពនានា ក្រោមទម្រង់ជាការសម្តែង ការអត្ថាធិប្បាយ និងការផ្សព្វផ្សាយសកម្មភាពទាំងនេះ ក្នុងបណ្តាញសង្គម ដែលធ្វើឱ្យប៉ះពាល់ធ្ងន់ធ្ងរដល់ប្រវត្តិសាស្ត្រ វប្បធម៌ អរិយធម៌ ជាពិសេស ប៉ះពាល់ ដល់និមិត្តរូប ព្រះនាងឥន្ទ្រទេវី ជាទីគោរពសក្ការៈ និងបុព្វបុរសផ្សេងទៀតរបស់ជាតិ។

តាមដានជាមួយយើង៖ Million Times

ជាមួយគ្នានេះក្រសួងវប្បធម៌ បានណែនាំឱ្យលោកស្រី Love Rya បញ្ឈប់សកម្មភាពទាំងឡាយ ដែលប៉ះពាល់ដល់ប្រវត្តិសាស្ត្រ សិល្បៈ វប្បធម៌ ប្រពៃណី ជំនឿសាសនា អត្តសញ្ញាណរបស់ជាតិ និងប្រជាជន ព្រមទាំងទម្រង់នៃកា រស្លៀកពាក់ក្នុងពេលផ្សាយផ្ទាល់ជាសាធារណៈ ដែលប៉ះពាល់ដល់ កិត្តិយស និងសេចក្តីថ្លៃថ្នូររបស់ស្ត្រី។

ក្រៅពីទទួលស្គាល់កំហុស ទទួលយកការណែនាំ និងបានផ្តិតមេដៃលើកិច្ចសន្យា ឧកញ៉ា Love Riya ក៏យល់ព្រមទទួលខុសត្រូវចំពោះមុខច្បាប់ជាធរមាន ក្នុងករណីនៅតែបន្តសកម្មភាពទាំងនោះទៀត និងបានសន្យានឹងរៀបចំ ជាវីដេអូឃ្លីបសុំទោសជាសាធារណៈ ទទួលស្គាល់កំហុសដែលបានប្រព្រឹត្តខុសឆ្គង និងសន្យាមិនធ្វើ សកម្មភាពបែបនេះទៀតទេ។

មានអាយុ ៤០ឆ្នាំ លោកស្រី ឆេង ស្រីរ័ត្ន ហៅ Love Riya គឺជាអ្នករកស៊ីតាមរយៈអនឡាញលើផលិតផលឡេ ហើយត្រូវបានគេមើលឃើញថាកំពុងជោគជ័យយ៉ាងសម្បើម មានទ្រព្យសម្បត្តិ សម្ភារប្រេនៗ ពិសេសរថយន្តទំនើបៗរាប់គ្រឿងជិះទៅណាមកណាផ្អើលអស់អ្នកស្រុក។

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់ផ្តល់គោរមងារ «ឧកញ៉ា» ដល់លោកស្រី Love Rya នៅថ្ងៃទី ០១ ខែកក្កដា ឆ្នាំ២០២៤៕

អត្ថបទ៖ សាងតេជៈ រូបភាព៖ ក្រសួងវប្បធម៌

The post ឧកញ៉ា Love Rya ផ្តិតមេដៃលើកិច្ចសន្យាបញ្ឈប់សកម្មភាពនិងទទួលខុសត្រូវចំពោះមុខច្បាប់ជាធរមាន appeared first on Millions times.

ក្រសួងមហាផ្ទៃ និងសមាគមឧកញ៉ាកម្ពុជា កោះហៅលោកស្រី Love Rya ចូលខ្លួនបំភ្លឺរឿងប្រើប្រាស់បណ្តាញសង្គម

Vin Chang — Tue, 04 Feb 2025 11:31:47 +0000

នាយកដ្ឋានប្រឆាំងបទល្មើសបច្ចេកវិទ្យានៃក្រសួងមហាផ្ទៃ និងសមាគមឧកញ៉ាកម្ពុជា បានចេញលិខិតដាច់ដោយឡែកពីគ្នាកោះអញ្ជើញលោកស្រីឧកញ៉ា ឆេង ស្រីរ័ត្ន ហៅ Love Riya ចូលខ្លួនបំភ្លឺ នៅព្រឹកថ្ងៃទី៥ ខែកុម្ភៈ ឆ្នាំ២០២៥ ពាក់ព័ន្ធករណីបង្ហោះព័ត៌មានលេីបណ្ដាញសង្គមហ្វេសប៊ុកកន្លងមក។

សមាគមឧកញ៉ាកម្ពុជា បញ្ជាក់ថា ការកោះហៅលោកស្រី Love Rya ដើម្បីពិភាក្សាលើការផ្សព្វផ្សាយនៅតាមបណ្តាញសង្គមមួយចំនួននាពេលកន្លងមក និងពេលថ្មីៗនេះ ដែលធ្វើឲ្យប៉ះពាល់ដល់កិត្តិយស សីលធម៌ សុជីវធម៌ និងសេចក្តីថ្លៃថ្នូររបស់គោរមងារឧកញ៉ា។

តាមដានជាមួយយើង៖ Million Times

អត្ថបទ៖ សាងតេជៈ រូបភាព៖ បណ្តាញសង្គម

The post ក្រសួងមហាផ្ទៃ និងសមាគមឧកញ៉ាកម្ពុជា កោះហៅលោកស្រី Love Rya ចូលខ្លួនបំភ្លឺរឿងប្រើប្រាស់បណ្តាញសង្គម appeared first on Millions times.

សេដ្ឋីនីអនឡាញតាំងខ្លួនជាមហេសីព្រះបាទជ័យវរ្ម័នទី៧ នឹងត្រូវក្រសួងពាក់ព័ន្ធកោះហៅឆាប់ៗ

Vin Chang — Tue, 04 Feb 2025 06:40:00 +0000

កាលពីម្សិលមិញ លោកស្រី ញ៉ែម មរកត រដ្ឋលេខាធិការក្រសួងកិច្ចការនារី បានបញ្ជាក់ឲ្យដឹងថា ក្រសួងពាក់ព័ន្ធត្រៀមនឹងកោះហៅបុគ្គល ឬអ្នកលក់អនឡាញណាដែលតាំងខ្លួនឯងជាព្រះមហេសីព្រះបាទជ័យវរ្ម័នទី៧ ចូលបង្ហាញខ្លួនឆាប់ៗ ក្រោយផ្ទុះការរិះគន់យ៉ាងចាស់ដៃពីសំណាក់មហាជន។

តាមដានជាមួយយើង៖ Million Times

លោកស្រី ញ៉ែម មរកត បានប្រកាសលើបណ្ដាញសង្គមហ្វេសប៊ុក និងភ្ជាប់មកជាមួយរូបភាពអ្នកជំនួញអនឡាញល្បាញល្បី Love Riya ដែលមួយរយៈនេះចូលចិត្តធ្វើទីផ្សារភ្ជាប់យកបុគ្គលមានយសស័ក្ដិពីជំនាន់មុន។

រដ្ឋលេខាធិការក្រសួងកិច្ចការនារី បានបន្តទៀតថា អ្នករកស៊ីរកស៊ីកុំចេះតែបែកឆ្វេងតាំងខ្លួនជាបារមីនេះ បារមីនោះកាន់ ដើម្បីទាញយកផលប្រយោជន៍ក្រុមខ្លួន ហើយមកបន្ទាបបន្ថោកកិត្យានុភាពជាតិ សាសនា វីរបុរស វីរស្ត្រីជាដូនតាជំនាន់មុន។ ការលើកឡើងចំៗនេះ គឺសំដៅលើអ្នកជំនួញអនឡាញ Love Riya ដែលមានឈ្មោះពិត ឆេង ស្រីរ័ត្ន ដែលចូលចិត្តនិយាយក្នុងវីដេអូថា លោកស្រីគឺអ្នកមានបុណ្យបារមី ឬថាជាមហេសីអង្គវីរក្សត្រជំនាន់មុន មកចាប់កំណើត។

លោកស្រី ញ៉ែម មរកត បានបន្ថែមទៀតថា សម្រាប់អ្នកដែលតាំងខ្លួនជាមហេសីព្រះអង្គត្រៀមខ្លួនទៅ ព្រោះថាក្រសួងពាក់ព័ន្ធនឹងអញ្ជើញទៅបង្ហាញខ្លួនឆាប់ៗហើយ។

ម្ចាស់ប្រេន Love Riya ដែលគេស្គាល់ថាជាបុគ្គលចូលចិត្តសំញែងភាពហ៊ឺហាតាមបណ្ដាញសង្គម មួយរយៈនេះតែងតែអះអាងថាខ្លួននាង គឺជាអ្នកនេះ ឬអ្នកនោះមកចាប់កំណើត ទើបធ្វើឲ្យអ្នកលេងបណ្ដាញសង្គមមិនពេញចិត្ត ព្រោះប៉ះពាល់ដល់ដូនតាខ្មែរ ដែរជាអ្នកមានពូជពង្សថ្លៃថ្នូរ។

គួរបញ្ជាក់ដែរថា មិនមែនមានតែ Love Riya ម្នាក់ឡើយ ដែលធ្វើរឿងអស់ទាំងនោះ នៅមានបុគ្គលដទៃទៀត ដើរឃោសនាថាខ្លួនជាព្រះ ឬអ្នកមានបុណ្យមកចាប់កំណើត៕

អត្ថបទ៖មេរ៉ា, រូបភាព៖ Morokat Nhem

The post សេដ្ឋីនីអនឡាញតាំងខ្លួនជាមហេសីព្រះបាទជ័យវរ្ម័នទី៧ នឹងត្រូវក្រសួងពាក់ព័ន្ធកោះហៅឆាប់ៗ appeared first on Millions times.

សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង

Vin Chang — Mon, 26 Aug 2024 06:23:04 +0000

ការខិតខំប្រឹងប្រែង បានធ្វើឲ្យស្ត្រីជាច្រើនបានជោគជ័យក្នុងមុខជំនួញ ជាពិសេសគឺជំនួញតាមអនឡាញនេះតែម្ដង ដែលជារបរពេញនិយមមួយ។ អ្នកជំនួញអនឡាញធំៗនាបច្ចុប្បន្ននេះ ភាគច្រើនមិនជាអ្នកមានធម្មតាទេ តែក៏មានគោរមងារផងដែរ។

បុគ្គលឆ្នើមខាងជំនួញអនឡាញភាគច្រើនជាស្ត្រី និងស្ថិតនៅវ័យក្មេងថែមទៀតផង។ ក្រោយក្លាយជាសេដ្ឋីប្រាក់វាល់លានហើយនោះ អ្នកជំនួញដែលជាស្ត្រីទាំងនោះបានប្រើជីវិតរស់នៅក្នុងភូមិគ្រឹះធំៗរបស់របរប្រើប្រាស់សុទ្ធតែជាប្រេនល្បីៗលំដាប់ពិភពលោក និងឡានទំនើបជាច្រើនគ្រឿង។ ប៉ុន្តែបើទោះជាមុខរបរដើរទៅមុខយ៉ាងរលូន ជីវិតស្នេហា អ្នកជំនួញអនឡាញខ្លះ បែរជាមិនសមប្រកបទៅវិញ។

តាមដានជាមួយយើង៖ Million Times

សម្រាប់អ្នកជំនាញស្ត្រីល្បីៗប៉ុន្មានរូបនេះ គឺអ្នកឧកញ៉ា អ៊ាន សៀវម៉ី, ម៉ាដាម ដា និងសេដ្ឋីគ្រឿងអលង្ការ ទ្រី ដាណា។ សេដ្ឋីនី ព្រមទាំងមានងារជាឧកញ៉ា ទ្រី ដាណា ក្រោយលែងលះជាមួយស្វាមី ដែលត្រូវគេហៅថា ពូ ម៉ៅ មានហ្វេនជាច្រើនផ្គូផ្គងជាមួយតារាសម្ដែង សេង មង្គល អស់រយៈពេល ២ ឆ្នាំ។ ទីបំផុតកូនកំលោះ គឺតារាម៉ូដែល និងជាអ្នកធ្លាប់ធ្វើការលើយន្តហោះ រស់ រាជ្ជសាល ទៅវិញសោះ។ គិតមកទល់ពេលនេះជិត១ឆ្នាំហើយ ដែលថៅកែពេជ្រ ទ្រី ដាណា បានបញ្ចប់ឈ្មោះជាស្ត្រីមេម៉ាយរៀបការនឹងកំលោះសង្ហា រស់ រាជ្ជសាល កាលពីថ្ងៃទី ៣ ខែធ្នូ ឆ្នាំ ២០២៣ កន្លងទៅ។ បន្ទាប់ពីរៀបការយ៉ាងអធិកអធម អ្នកទាំង២ បានរស់នៅយ៉ាងមានសុភមង្គលក្រោមទ្រនំធស្កឹមស្កៃ។

គូបន្ទាប់គឺអ្នកជំនួញរាងតូចច្រឡឹង ម៉ាដាម ដា។ ក្រោយបែកគ្នាពីគូស្នេហ៍ភេទដូចគ្នាដែលខំតស៊ូតាំងពីបាតដៃទទេជាមួយគ្នាជាង ៨ ឆ្នាំ ថៅកែគ្រឿងថែរក្សាសម្រស់រូបនេះ បានប្រកាសទីពីទំនាក់ទំនងជាមួយតារាសម្ដែងប្រុសរូបសង្ហា ប៊ឺរី ហើយក៏កំពុងរកមើលវីឡា ដើម្បីរស់នៅជាមួយគ្នា ក្រោយរៀបការ។

ងាកមកគូសេដ្ឋីនី ជាមួយតារាសម្ដែងសាច់ដុំធំៗ រាងខ្ពស់ស្រឡះ អ៊ាន សៀវម៉ី និង ប៉ែន ភក្ត្រសុធារិទ្ធ បានបើកចំហចំណងស្នេហ៍ក្រោយទាក់ទងគ្នាមួយរយៈ ហើយក៏ត្រៀមរៀបការឆាប់ៗនេះដូចគូ ម៉ាដាម ដា និង ប៊ឺរី ផងដែរ ដោយគេសង្កេតឃើញថា ភក្ត្រសុធារិទ្ធ និងអ្នកអនឡាញល្បីឈ្មោះ សៀវម៉ី តែងតែបង្ហាញភាពផ្អែមល្ហែមលើបណ្ដាញសង្គមជាញឹកញាប់ ហើយខាងស្រីក៏តែងតែចេញមុខការពារអ្នករិះគន់ខ្លួន និងគូស្នេហ៍ផងដែរ។ ឧកញ៉ា សៀវម៉ី ក្រោយមានពាក្យចចាមអារាមស្នេហា ក៏បានចេញមកមកប្រកាសថា ប៉ែន ភក្ត្រសុធារិទ្ធ មិនមែនជា BA ឬថតបទចម្រៀងជាមួយគ្នាឡើយ ពោលគឺជាគូស្នេហ៍តែម្ដង។

អ្វីដែលកាន់តែធ្វើឲ្យអ្នកតាមដានជីវិតហាយសូរបស់អ្នកជំនួញអនឡាននៅកម្ពុជា គឺថ្មីៗនេះឧកញ៉ា Loveriya ដែលមានឈ្មោះពិតថា ឆេង ស្រីរ័ត្ន បានលែងលះស្វាមីដាច់ស្រេច ហើយខាងប្រុសក៏បានរើចេញពីវីឡាផងដែរ។ អ្នកលេងបណ្ដាញសង្គមបានចាំសង្កេតមើលថា តើឧកញ៉ា ដែលទើបសម្ញែងរថយន្តស៊េរីទំនើប ៨ គ្រឿង មានតម្លៃជាង ៣ លានដុល្លារអាមេរិក នោះដើរតាមគន្លងអ្នកជំនួញអនឡានស្រ្តីល្បីឈ្មោះដូចគ្នា ៣ រូបខាងលើ ឬក៏ស្រុះស្រួលត្រូវរ៉ូវគ្នាវិញជាមួយស្វាមី លោកហេង គឹមហៀង ដែលមានតួនាទីជាប៉ូលិស ឬយ៉ាងណានោះទេ៕

អត្ថបទ៖ នារ៉ាវី រូបភាព៖ បណ្តាញសង្គម

The post សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង appeared first on Millions times.