តាមដានជាមួយយើង៖ Million Times

ជាមួយរូបរាងស្រដៀងគ្នា នឹងម៉ូដែល Lexus LX 600 រថយន្តម៉ូដែលថ្មីស្រឡាងនេះ បំពាក់មកជាមួយម៉ាស៊ីន Twin-Turbo V6 ទំហំ ៣,៤លីត្រ ជាមួយចង្កឹះលេខអូតូ ១០វគ្គ អាចផលិតកម្លាំងដល់ ៤៥៧កម្លាំងសេះ និងមានកម្លាំងបង្វិលជុំ ៥៨៣ផោនហ្វីត។

ចំណុចដែលកាន់តែពិសេស ដែលរថយន្ត LX 700h មាន ហើយរថយន្ត LX 600 គ្មាន គឺរថយន្ត SUV ថ្មីរបស់ក្រុមហ៊ុន Lexus មានមុខងារ Hybrid ដែលជួយសន្សំសំចៃការប្រើប្រាស់សាំង និងថែរក្សាបរិស្ថាន តាមរយៈការកាត់បន្ថយការបញ្ចេញផ្សែងពុល អំឡុងពេលបើកបរ។

ដូចគ្នានឹងម៉ូដែលប្រណីតចុងក្រោយ Lexus LX 600 អតិថិជនមាន ២ជម្រើស ក្នុងការសម្រេចចិត្ត ទិញរថយន្ត Lexus LX 700h ដោយជម្រើសទីមួយ មានកៅអី ២ជួរ និងជម្រើសទី២ មានកៅអី ៣ជួរ។

ចំពោះការរចនារូបរាងខាងក្នុងវិញ រថយន្ត Lexus LX 700h បំពាក់មកនូវកៅអីស្បែកប្រណីត មានមុខងារម៉ាស្សា កំដៅ និងមានប្រព័ន្ធការពារសុវត្ថិភាពចុងក្រោយបំផុត ក៏ដូចជាមុខងារចតរថយន្ត ដោយស្វ័យប្រវត្តិផងដែរ។

រថយន្តប្រណីតមួយម៉ូដែលនេះ នឹងមានវត្តមានលើទីផ្សារនាដើមឆ្នាំក្រោយ ខណៈតម្លៃវិញមិនទាន់ត្រូវបានបង្ហើបឲ្យដឹងឡើយ ក៏ប៉ុន្តែអ្នកជំនាញរថយន្តក្រៅប្រទេសបង្ហើបថា តម្លៃរបស់វា នឹងថ្លៃជាងរថយន្ត Lexus LX 600 បន្តិចបន្តួចប៉ុណ្ណោះ ពោលគឺអាចល្បាក់ខ្ទង់ជិត ១០ម៉ឺនដុល្លារ៕

The post ក្រុមហ៊ុនបញ្ចេញរថយន្តម៉ូដែលថ្មី កម្លាំងខ្លាំងស៊ីសាំងតិចជាង Lexus LX600 appeared first on Millions times.