តាមដានជាមួយយើង៖ Million Times

ទស្សនាវដ្ដីនិយាយពីអ្នកមាន Forbes បានចុះផ្សាយថា ទ្រព្យសម្បត្តិរបស់លោក Larry បានឈានដល់ចំណុចខ្ពស់បំផុតមិនធ្លាប់មាន ក្រោយតម្លៃហ៊ុនរបស់ក្រុមហ៊ុន Oracle កើនឡើងដល់ ១៣% ព្រោះតែភាពជោគជ័យរបស់ក្រុមហ៊ុននេះ រកស៊ីក្នុងវិស័យបច្ចេកវិទ្យា AI។

យោងតាមទិន្នន័យបញ្ចេញដោយ Forbes បានអះអាងថា ទ្រព្យសម្បត្តិរបស់លោក Larry Ellison មានសរុប ២៤២ពាន់លានដុល្លារ ខណៈមេធំ Facebook លោក Mark Zuckerberg មាន ២៣៩ពាន់លានដុល្លារ ស្របពេលស្ថាបនិក Amazon មហាសេដ្ឋី Jeff Bezos មានចំនួន ២២៨ពាន់លានដុល្លារ។

បច្ចុប្បន្ន លោក Larry Ellison គឺជាកំពូលមហាសេដ្ឋីមានបំផុតលើលោកទី២ បន្ទាប់ពីមិត្តភក្ដិរបស់លោក គឺលោក Elon Musk ដែលមានទ្រព្យសម្បត្តិ ៤០៧ពាន់លានដុល្លារ៕

អត្ថបទ៖ Luffy រូបភាព៖ Fox Business

The post មហាសេដ្ឋីម្នាក់ទម្លាក់តំណែង Jeff Bezos និងមេធំ Facebook ក្លាយជាកំពូលអ្នកមានបំផុតទី២ លើពិភពលោក appeared first on Millions times.

តាមដានជាមួយយើង៖ Million Times

សារព័ត៌មាន Financial Times បានចុះផ្សាយថា មជ្ឈមណ្ឌលផ្ទុកទិន្នន័យនោះ មានទីតាំងនៅក្នុងទីក្រុង Abilene នៃរដ្ឋតិចសាស់ ហើយវាគឺជាផ្នែកមួយនេះគម្រោងខ្នាតយក្ស Stargate Project ដែលជាការវិនិយោគរួមគ្នារវាងក្រុមហ៊ុន OpenAI, SoftBank, Oracle និង MGX លើវិស័យបច្ចេកវិទ្យា AI។

មជ្ឈមណ្ឌលផ្ទុកទិន្នន័យមួយនោះត្រូវបានរំពឹងថា នឹងអាចដំណើរការបាននៅពាក់កណ្ដាលឆ្នាំក្រោយ ខណៈទីតាំងនោះទៀតសោតត្រូវបានក្រុមហ៊ុន Oracle ចុះកិច្ចសន្យាជួលរយៈពេល ១៥ឆ្នាំរួចស្រេចហើយ។

គួរជម្រាបដែរថា គម្រោង Stargate Project គឺត្រូវបានបង្កើតឡើងក្នុងគោលបំណងជំរុញ និងលើកកម្ពស់វិស័យបច្ចេកវិទ្យា AI នៅអាមេរិក ប្រកួតជាមួយចិន ដែលជាដៃគូប្រជែងយ៉ាងស្វិតស្វាញលើទីផ្សារអន្តរជាតិ៕

អត្ថបទ៖ Luffy រូបភាព៖

The post មហាសេដ្ឋី Larry Ellison ចាយលុយ ៤០ពាន់លានដុល្លារ ទិញបន្ទះឈីបពីក្រុមហ៊ុន Nvidia appeared first on Millions times.

តាមដានជាមួយយើង៖ Million Times

ក្នុងបទសម្ភាសផតខេស Verdict With Ted Cruz មេធំ Tesla បានសរសើរមិនដាច់ពីមាត់ ចំពោះមហាសេដ្ឋីបច្ចេកវិទ្យា Larry Page និង Larry Ellison ពីភាព​ប៉ិនប្រសប់ និង​ចក្ខុវិស័យ​អាជីវកម្ម​របស់ពួកគេ។

មនុស្សកំពូលលុយមានបំផុតលើលោក បានអះអាងថា មហាសេដ្ឋី Google គឺជាបុគ្គលសំខាន់ ក្នុងការកែប្រែ និងអភិវឌ្ឍន៍វិស័យបច្ចេកវិទ្យាពិភពលោក ឲ្យមានភាពរីកចម្រើនដូចសព្វថ្ងៃ ខណៈម្ចាស់ក្រុមហ៊ុន Oracle គឺជាដៃគូរកស៊ីដ៏ឆ្នើម ដែលជួយកើបផលប្រយោជន៍ដល់ក្រុមហ៊ុន Tesla អំឡុងពេលលោកមានតំណែងជាសមាជិកក្រុមប្រឹក្សាភិបាលប្រចាំក្រុមហ៊ុន ចន្លោះឆ្នាំ២០១៨ ដល់ឆ្នាំ២០២២។

លោក Musk ក៏បានសរសើរចំពោះមហាសេដ្ឋី Jeff Bezos បើទោះជាអ្នកទាំង២ គឺជាគូប្រជែងយ៉ាងស្វិតស្វាញលើវិស័យរុករកលំហអាកាស ដ្បិតក្រុមហ៊ុន SpaceX និង Blue Origins កំពុងប្រកួតប្រជែង លើការផលិតយានអវកាស។

មេធំ Tesla បាននិយាយថា Jeff Bezos គឺជាបុគ្គលម្នាក់ដែលមានចក្ខុវិស័យវែងឆ្ងាយ ហើយតែងតែអាចយកឈ្នះនូវឧបសគ្គតូចធំ ដែលលោកធ្លាប់បានឆ្លងកាត់ក្នុងជីវិតជាសហគ្រិនកន្លងមក ដោយសារតែភាពឆ្លាតវៃ និងចេះបត់បែនគ្រប់កាលៈទេសៈ៕

អត្ថបទ៖ Luffy រូបភាព៖ AP/Reuters

The post Elon Musk ចុចឈ្មោះមហាសេដ្ឋី ៣រូបថាជាមនុស្សកំពូលឆ្លាតបំផុតលើពិភពលោក appeared first on Millions times.