តាមដានជាមួយយើង៖ Million Times

ការព្រមានរបស់លោក Dimon កើតឡើងចំពេលមានក្ដីបារម្ភថា ការចំណាយរបស់រដ្ឋាភិបាលអាមេរិក នឹងមានកំណើនខ្លាំងជាងមុន ក្រោយការចាកចេញរបស់មហាសេដ្ឋី Elon Musk ដែលជាក្បាលម៉ាស៊ីន នៃផែនការកាត់បន្ថយការចំណាយរបស់រដ្ឋាភិបាល។

អគ្គនាយកក្រុមហ៊ុនផ្ដល់ប្រាក់កម្ចីធំបំផុតនៅអាមេរិករូបនេះអះអាងទៀតថា បើសិនជារដ្ឋាភិបាលបង្កើនការចំណាយកាន់តែច្រើន នោះបំណុលរបស់រដ្ឋក៏កើនដូចគ្នា ហើយអ្នកដែលរងទុក្ខលំបាក គឺប្រជាជន ជាពិសេសគឺម្ចាស់អាជីវកម្មខ្នាតតូច ដែលនឹងមានភាពលំបាក ក្នុងការខ្ចីប្រាក់ដើម្បីបង្វិលការរកស៊ីរបស់ពួកគេ។

គួររំលឹកបន្តិចថា ការផ្លាស់ប្ដូរគោលនយោបាយរបស់រដ្ឋាភិបាលអាមេរិកមួយរយៈចុងក្រោយនេះ បានធ្វើឲ្យស្ថានភាពទីផ្សារមូលបត្របំណុល និងទីផ្សារហ៊ុន មានភាពប្រែប្រួលជាខ្លាំង ពោលក្រុមហ៊ុនកំពូលអាមេរិកជាច្រើន សុទ្ធតែជួបប្រទះការខាតបង់នឹកស្មានមិនដល់៕

អត្ថបទ៖ Luffy រូបភាព៖ Reuters

The post មេធំធនាគារធំបំផុតនៅអាមេរិកអះអាងថា បំណុលក្រុងវ៉ាស៊ីងតោន អាចបង្កចលាចលក្នុងទីផ្សារមូលបត្របំណុល appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា ពាក្យបណ្ដឹងដែលធនាគារធំបំផុតទី០៤ ប្ដឹងចំពោះធនាគារធំបំផុតនៅអាមេរិកនេះ ត្រូវបានធ្វើឡើងដោយសារ Wells Fargo ចោទ JPMorgan ថា បានដឹងពីបញ្ហាខាងលើច្បាស់ ប៉ុន្តែបែរជាមិនអើពើ ព្រោះចង់បានថ្លៃកម្រៃជើងសារ ក្នុងទំហំទឹកប្រាក់រាប់លានដុល្លារ។

JPMorgan បានផ្ដល់កម្ចីឲ្យក្រុមហ៊ុន Chetrit Group ដែលមានធនាគារ Wells Fargo ជាអ្នកធានាក្នុងឆ្នាំ២០១៩ ក្នុងទំហំទឹកប្រាក់ ៥២២លានដុល្លារ ដើម្បីសាងសង់ផ្ទះល្វែង ៨ ៦៧១ខ្នង នៅក្នុងរដ្ឋចំនួន១០ នៅអាមេរិក។

Wells Fargo អះអាងថា កម្ចីដែល JPMorgan បានផ្ដល់ឲ្យក្រុមហ៊ុន Chetrit Group មានការប្រាក់ខ្ពស់ខ្លាំងពេករហូតដល់ ២៥% ដែលធ្វើឲ្យក្រុមហ៊ុននេះមិនអាចសងបំណុលរួច និងប្រកាសក្ស័យធនក្នុងឆ្នាំ២០២២ ដោយបន្សល់ទុកបំណុល ២៨៥លានដុល្លារទៀត ខណៈពួកគេដែលជាអ្នកធានា ត្រូវរ៉ាប់រងបំណុលទាំងនោះ។

ធនាគារធំបំផុតទី០៤នៅអាមេរិកបានអះអាងថា JPMorgan បានដឹងរួចស្រេចថា ក្រុមហ៊ុន Chetrit Group នឹងមិនអាចរ៉ាប់រងបំណុលនោះរួចឡើយ ប៉ុន្តែបែរជាហ៊ានឲ្យប្រាក់កម្ចីយ៉ាងច្រើន ដោយសារចង់បានការប្រាក់ខ្ពស់ ហើយចាំទារថ្លៃដើមនាពេលក្រោយពីអ្នកធានា ដែលជាក្រុមហ៊ុន Wells Fargo៕

អត្ថបទ៖ Luffy រូបភាព៖ Reuters

The post ក្រុមហ៊ុន Wells Fargo ប្ដឹងធនាគារកំពូល JPMorgan ទារសំណង ៤៨១លានដុល្លារ ជុំវិញបញ្ហាប្រាក់កម្ចីអចលនទ្រព្យ appeared first on Millions times.

តាមដានជាមួយយើង៖ Million Times

សារព័ត៌មាន Bloomberg បានរាយការណ៍ថា ការបញ្ចេញមូលបត្របំណុលលក់ ពី JPMorgan កើតឡើងបន្ទាប់ពីធនាគារអាមេរិកមួយនេះ ទទួលបាននូវប្រាក់ចំណេញប្រចាំត្រីមាសទី៣ ច្រើនលើសពីការរំពឹងទុក និងបានបង្កើនការព្យាករណ៍ សម្រាប់ប្រភពចំណូលសំខាន់ៗបន្ថែមទៀត។

ប្រភពជិតស្និទ្ធសុំមិនបញ្ចេញឈ្មោះ បានទម្លាយប្រាប់សារព័ត៌មានខាងលើថា ធនាគារ នឹងធ្វើការលក់មូលបត្របំណុលជាបួនដំណាក់កាល ដោយជំហានដំបូងគ្រោងលក់ ៨ពាន់លានដុល្លារ ស្របពេលបច្ចុប្បន្ន JPMorgan ទទួលបានការបញ្ជាទិញមូលបត្របំណុល ៣៤ពាន់លានដុល្លារ ពីក្រុមវិនិយោគិនរួចហើយ។

សូមជម្រាបដែរថា ធនាគារ JPMorgan គឺជាអ្នកបញ្ចេញមូលបត្របំណុលលក់លើទីផ្សារធំបំផុត និងមានចក្ខុវិស័យយកប្រាក់ចំណេញទាំងអស់នោះ ទៅប្រើប្រាស់សម្រាប់គោលបំណងសាជីវកម្មទូទៅ៕

អត្ថបទ៖ Luffy រូបភាព៖ New York Times

The post ធនាគារធំបំផុតនៅអាមេរិក ប្រកាសលក់មូលបត្របំណុលសាជីវកម្ម ៨ពាន់លានដុល្លារ appeared first on Millions times.