នៅក្នុងសុន្ទរកថាក្នុងថ្ងៃខួបលើកទី៧៩ នៃការបង្កើតកងទ័ពជាតិឥណ្ឌូណេស៊ី (TNI) នៅទីក្រុងហ្សាការតា កាលពីថ្ងៃទី៥ ខែតុលា ប្រធានាធិបតី ចូកូ វីឌូឌូ បានថ្លែងថា អនាគតរបស់ឥណ្ឌូណេស៊ីជាប់ទាក់ទងនឹងព្រឹត្តិការណ៍សំខាន់ៗចំនួន២ ដែលនឹងកើតឡើងនាពេលខាងមុខគឺ ការផ្លាស់ប្តូរជំនាន់ថ្មីនៅថ្ងៃទី២០ ខែតុលា និងការបោះឆ្នោតក្នុងស្រុកនាខែវិច្ឆិកា។

តាមដានជាមួយយើង៖ Million Times

លោកបានសង្កត់ធ្ងន់លើតួនាទីសំខាន់របស់កងទ័ពជាតិឥណ្ឌូណេស៊ី ក្នុងការធានាឱ្យមានការផ្លាស់ប្តូរអំណាច និងការបោះឆ្នោតដោយរលូន។ ជាមួយគ្នានេះលោកបានស្នើឱ្យកងទ័ពជាតិ TNI រក្សាតួនាទីអព្យាក្រឹតក្នុងការបោះឆ្នោត និងរក្សាបរិយាកាសវិជ្ជមាន។ 

បន្ថែមពីនេះ លោកបានអំពាវនាវឱ្យកងទ័ពជាតិ TNI រក្សាស្ថិរភាព និងសន្តិសុខរបស់ប្រទេសតាមរយៈការពង្រឹង និងការត្រៀមខ្លួនដើម្បីឆ្លើយតបទៅនឹងសញ្ញាណាមួយដែលអាចរំខានដល់សន្តិសុខជាតិ៕

អត្ថបទ៖ សារ៉ាយ រូបភាព៖ AP

The post ប្រធានាធិបតីឥណ្ឌូណេស៊ី ស្នើឲ្យយោធារក្សាស្ថិរភាពនិងសន្តិសុខមុនពេលផ្លាស់ប្តូរអំណាច appeared first on Millions times.

ការកោះហៅរបស់ទីភ្នាក់ងារប្រឆាំងអំពើពុករលួយ (KPK) បន្ទាប់ពីលោក Kaesang ពេលថ្មីៗនេះបានបង្ហាញជីវិតរស់នៅដ៏ប្រណិតនៅលើបណ្តាញសង្គមដោយភរិយារបស់លោក ហើយទទួលបានការរិះគន់ជាសាធារណៈនៅក្នុងប្រទេស។

តាមដានជាមួយយើង៖ Million Times

ការធ្វើដំណើរតាមយន្តហោះឯកជនរបស់ លោក Kaesang និងភរិយាទៅកាន់សហរដ្ឋអាមេរិកកាលពីខែមុន ក៏បានកើតឡើងបន្ទាប់ពីមានការតវ៉ាទូទាំងប្រទេសប្រឆាំងនឹងសេចក្តីព្រាងច្បាប់ដែលអនុញ្ញាតឱ្យរូបលោក ឈរឈ្មោះក្នុងការបោះឆ្នោតថ្នាក់តំបន់នាពេលខាងមុខ។ ទោះជាយ៉ាងណា សភាបានដកសេចក្តីព្រាងច្បាប់នេះចេញវិញ បន្ទាប់ពីមានការរិះគន់។

ប្រធានាធិបតី Joko Widodo កំពុងប្រឈមមុខនឹងការរិះគន់កាន់តែខ្លាំងឡើងពីការចោទប្រកាន់ថា លោកកំពុងបង្កើតរាជវង្សនយោបាយមុនពេលចាកចេញពីតំណែងនៅខែក្រោយ។ កូនប្រុសច្បងរបស់លោកគឺ លោក Gibran Rakabuming Raka ត្រូវបានជាប់ឆ្នោតជាអនុប្រធានក្រុងកាលពីខែកុម្ភៈ ហើយនឹងចូលកាន់តំណែងនៅខែតុលា។

ទីភ្នាក់ងារ KPK នឹងសម្រេចក្នុងសប្តាហ៍ក្រោយថាតើ លោក Kaesang បានរំលោភលើបទប្បញ្ញត្តិណាមួយឬអត់។ប្រសិនបើត្រូវបានគេរកឃើញថា បានទទួលអំណោយមិនស្របច្បាប់ លោកអាចនឹងត្រូវបង្ខំឱ្យសងថ្លៃដើមនៃការធ្វើដំណើរតាមយន្តហោះឯកជន។

បើតាមការឲ្យដឹតពីអ្នកនាំពាក្យរបស់លោក Kaesang បានបញ្ជាក់ថា ដំបូងឡើយគាត់មានគម្រោងធ្វើដំណើរតាមជើងហោះហើរពាណិជ្ជកម្មទេ ប៉ុន្តែបានប្តូរទៅជិះយន្តហោះឯកជនរបស់មិត្តភ័ក្តិវិញ ដែលកំពុងធ្វើដំណើរទៅកាន់គោលដៅដូចគ្នា៕

អត្ថបទ៖ សារ៉ាយ រូបភាព៖ Reuters 

The post កូនប្រធានាធិបតីឥណ្ឌូនេស៊ី បដិសេធការចោទប្រកាន់ពីទីភ្នាក់ងារប្រឆាំងអំពើពុករលួយ ដែលថាប្រើយន្តហោះឯកជន appeared first on Millions times.