JB Archives - Millions times

កូនស្រីថៅកែហាងពូកសុខភាព សុខហេង កញ្ញា SG និង JB បង្ហោះវីដេអូរួមគ្នា

Vin Chang — Fri, 02 Jan 2026 10:24:01 +0000

កញ្ញា SG ដែលគេស្គាល់យ៉ាងច្បាស់ថាជាកូនស្រីបណ្ដូលចិត្ត និងជាថៅកែតូចនៃហាងពូកសុខភាព សុខហេង បានអញ្ជើញអ្នកផលិតមាតិកាដ៏ល្បីលំដាប់ពិភពលោក គឺ JB មករួមគ្នាធ្វើកិច្ចការមនុស្សធម៌ ក៏ដូចជាការផ្សព្វផ្សាយពីប្រទេសកម្ពុជាទៅកាន់ពិភពលោក។

តាមដានជាមួយយើង៖ Million Times

កូនស្រីម្ចាស់ក្រុមហ៊ុន Jasmine បានបង្កើតវីដេអូជាមួយអ្នកកាត់សក់ Jamiel Bustos សញ្ជាតិកាណាដា ព្រមទាំងធ្វើការរួមគ្នាលើគម្រោងមួយចំនួនទៀតផង។ មិនតែប៉ុណ្ណោះ ភុំ សៀវហ្កិច ហៅ SG បាននាំ JB ទៅកាន់ហាងរបស់គ្រួសារខ្លួនផងដែរ។

ទាំង SG និង JB សុទ្ធសឹងតែជាបុគ្គលមានឥទ្ធិពលលើបណ្ដាញសង្គម ពិសេសគឺ Tik Tok តែម្ដង។ ដូចនេះហើយវាជាការចំណេញដល់កម្ពុជា។ ក្នុងនោះគេសង្កេតឃើញថាជាងកាត់សក់វ័យក្មេងដែលមានទ្រព្យសម្បត្តិច្រើនរូបនេះ បានបង្ហោះវីដេអូរបស់ខ្លួនជាមួយ SG ដែលមានអ្នកមើលរហូតទៅដល់ជិត ៧ លាននាក់ឯណោះ។

នៅក្នុង Tik Tok របស់ JB មានអ្នកសួរទៅកាន់លើថា តើលោកស្រលាញ់ប្រទេសកម្ពុជាមែនទែន? JB មិនបានស្ទាក់ស្ទើរក្នុងការឆ្លើយតបឡើយ ដោយចម្លើយរបស់លោក គឺ Yes ធ្វើឲ្យអ្នកគាំទ្រនៅកម្ពុជាពេញចិត្តស្ដូក៕

អត្ថបទ៖ ឆដា, រូបភាព៖ Tik Tok

The post កូនស្រីថៅកែហាងពូកសុខភាព សុខហេង កញ្ញា SG និង JB បង្ហោះវីដេអូរួមគ្នា appeared first on Millions times.

ក្រុមហ៊ុនហនុមាន អញ្ជើញ JB អ្នកកាត់សក់ដ៏ល្បីមកកម្ពុជា កាត់សក់ free ជូនក្មេងៗភៀសសឹក

Vin Chang — Mon, 22 Dec 2025 07:37:29 +0000

កាលពីសប្ដាហ៍មុនក្រុមហ៊ុនហនុមាន Beverages បានអញ្ជើញអ្នកកាត់សក់ដ៏ល្បី JB ដែលជាជនជាតិកាណាដា ហើយក៏ជាបុគ្គលមានឥទ្ធិពលដ៏ល្បីនៅលើបណ្តាញសង្គម Tik Tok មកប្រទេសកម្ពុជាម្ដងទៀត។

តាមដានជាមួយយើង៖ Million Times

JB មានឈ្មោះពិត Jamiel Bustos ធ្លាប់មកកម្ពុជាច្រើនដងមកហើយ ដោយលើកនេះលោកមកចំពេលខ្មែរ ទទួលរងការឈ្លានពានពីសំណាក់ទាហានសៀម។ មកលើកនេះ JB មិនមែនមកកាត់សកឲ្យ Eric ដូចលើកមុនដែរ។

JB ដែលជាបុគ្គលមានឥទ្ធិពលលើបណ្ដាញសង្គម បានមកជួយកាត់សក់ឲ្យកុមារដែលជាជនភៀសសឹក រត់គេចពីការឈ្លានពាន និងគ្មានការរៀបចំខ្លួនបានស្អាតបាតឡើយ។ ទូទៅ JB ទទួលបានតម្លៃកប់ពពក ក្នុងការបំពេញសេវាកម្មឲ្យអតិថិជន។

សម្រាប់ក្មេងៗតូចៗជនភៀសសឹក JB វ័យ ២១ ឆ្នាំរូបនេះមិនទទួលបានកម្រៃឡើយ ផ្ទុយទៅវិញលោកមានតែជួយជនភៀសសឹក រួមជាមួយមូលនិធិរបស់ក្រុមហ៊ុន ហនុមានBeverages ដោយទឹកមុខស្រស់ស្រាយ នាជំរំ។

មិនត្រឹមតែទៅកាត់សក់ឲ្យក្មេងៗមិនយកប្រាក់ឡើយ JB ក៏បានចូលរួមក្នុងការដើរស្វែងរកសន្តិភាព របស់ប្រជាជនខ្មែរ។ JB ក៏បានបង្ហោះវីដេអូពីកម្មវិធីសប្បុរសធម៌លើ Tik Tok លោកផងដែរ ដោយមានអ្នកមើលជាង ៣ លាននាក់ ដើម្បីឲ្យពិភពលោកបានដឹងពីទុក្ខលំបាករបស់ប្រជាជនខ្មែររាប់សែននាក់៕

អត្ថបទ៖ ឆដា, រូបភាព៖ Hanuman Beverages

The post ក្រុមហ៊ុនហនុមាន អញ្ជើញ JB អ្នកកាត់សក់ដ៏ល្បីមកកម្ពុជា កាត់សក់ free ជូនក្មេងៗភៀសសឹក appeared first on Millions times.

តើ JB ដែលមកកាត់សក់ឱ្យ Eric កូនថៅកែហនុមាន ជានរណា?

Yoo Yoo — Fri, 13 Sep 2024 05:16:39 +0000

Eric កូនប្រុសរបស់ថៅកែហនុមាន ដែលជាលំដាប់សេដ្ឋីនៅស្រុកខ្មែរ បានហៅជាងកាត់សក់កំពុងល្បីឈ្មោះខ្លាំង JB (Jamiel Bustos) មកកម្ពុជាដើម្បីកាត់សក់ឱ្យខ្លួនដែលកំពុង ក្លាយជាល្បីខ្លាំង។

ដំបូងឡើយមិនមានអ្នកស្គាល់ជាងកាត់សក់លំដាប់សេដ្ឋីៗនេះទេ តែក្រោយពីមានការបង្ហាញក្នុងវីដេអូ ក៏ដូចជាតិកតុកមក គឺគេបានស្គាល់គ្រប់គ្នាថា ម្នាក់កាត់សក់នេះគឺ JB ដែលទើបមានវ័យ២០ឆ្នាំប៉ុណ្ណោះ តែក្លាយទៅជាសេដ្ឋីម្នាក់ទៅហើយ។

JB ជាជនជាតិកាណាដា កើតក្នុងគ្រួសារលំបាកមួយមិនធូរធាខ្លាំងនោះទេ។ តែបុរសវ័យក្មេងរូបនេះជម្នះខ្លាំងមែនទែនជាមួយគ្រួសាររហូតសម្រេចបំណងក្លាយជាជាងកាត់សក់នេះបាន។

តាមដានជាមួយយើង៖ Million Times

JB ចាប់អារម្មណ៍ការកាត់សក់នេះតាំងពីអាយុ៨ឆ្នាំ ហើយដំបូងឡើយគេតែងតែកាត់សក់ឱ្យមិត្តនៅសាលារបស់ខ្លួនដោយមិនយកប្រាក់ទេ។ ដោយសារតែមានជំនាញ និងចេះប្រម៉ូដខ្លួនឯងខ្លាំងនេះហើយទើបបានជាកេរ្ដិឈ្មោះរបស់គេកាន់តែកើនឡើងខ្លាំង និងល្បីល្បាញមែនទែននៅលើបណ្ដាញសង្គម។ តាំងពីក្មេងដែលពិបាក តែបច្ចុប្បន្ន JB ក្លាយជាអ្នកមានបានខ្លាំងនិងត្រូវបានអ្នកមានលំដាប់សេដ្ឋីជាច្រើននាក់ហៅគេទៅកាត់សក់ឱ្យរហូត។

ថ្មីៗនេះក៏យើងបានឃើញ Eric ហៅអ្នកល្បីល្បាញរូបនេះមកកម្ពុជាដើម្បីកាត់សក់ឱ្យខ្លួនដែរ។ គេមិនទាន់ដឹងតម្លៃថាប៉ុន្មានទេក្នុងការកាត់សក់នេះ តែបើកន្លងមកគឺមិនថោកឡើយសម្រាប់វត្តមានរបស់ JB ព្រោះក្រៅពីកាត់សក់ទៅ គេនៅធ្វើមាតិកាជាច្រើនទៀតដើម្បីជួយប្រម៉ូដដល់អតិថិជនរបស់ខ្លួន។

ប៉ុន្តែលំដាប់គ្រួសារអភិជនដូចកូនប្រុសថៅកែហនុមាន មិនមែនជាបញ្ហាឡើយ។ និយាយពីប្រវត្តិផ្ទាល់ខ្លួនរបស់ JB គឺរូបគេកើតនៅហ្វីលីពីន តែគ្រួសាររបស់គេផ្លាស់ទៅរស់នៅកាណាដា ទុកឱ្យគេនៅជាមួយសាច់ញាតិដល់អាយុ៤ឆ្នាំ។ នៅវ័យនេះដែរ គ្រួសាររបស់គេក៏បានបែកគ្នា ហើយ JB ទៅរស់នៅជាមួយម្ដាយ៕

អត្ថបទ៖ រ៉ាវី រូបភាព៖ បណ្តាញសង្គម

The post តើ JB ដែលមកកាត់សក់ឱ្យ Eric កូនថៅកែហនុមាន ជានរណា? appeared first on Millions times.

JB Archives - Millions times

កូនស្រីថៅកែហាងពូកសុខភាព សុខហេង កញ្ញា SG និង JB បង្ហោះវីដេអូរួមគ្នា

ក្រុមហ៊ុនហនុមាន អញ្ជើញ JB អ្នកកាត់សក់ដ៏ល្បីមកកម្ពុជា កាត់សក់ free ជូនក្មេងៗភៀសសឹក

​តើ ​JB ដែល​មក​កាត់​សក់​ឱ្យ Eric កូន​ថៅកែ​ហនុមាន​ ជា​នរណា?​

តើ JB ដែលមកកាត់សក់ឱ្យ Eric កូនថៅកែហនុមាន ជានរណា?