តាមដានជាមួយយើង៖ Million Times

សេតវិមានមិនបានបញ្ជាក់លំអិតអំពីមូលហេតុនៃការដកហូតសិទ្ធរបស់លោក Isaacman ឡើយ ប៉ុន្តែដំណឹងមួយនេះគឺជាការពិត ដ្បិតអ្នកនាំពាក្យ Liz Huston បានបញ្ជាក់ថា រដ្ឋបាលប្រធានាធិបតី កំពុងស្វែងរកបេក្ខភាពថ្មី ដើម្បីដឹកនាំអង្គការ NASA។

គួររំលឹកបន្តិចថា មហាសេដ្ឋី Jared Isaacman គឺជាបេក្ខភាពលេចធ្លោរមួយរូប សម្រាប់ដឹកនាំអង្គការ NASA ក្នុងបេសកកម្មរុករកលំហអាកាស ដ្បិតរូបលោកធ្លាប់មានបទពិសោធន៍យ៉ាងជោគជ័យ ក្នុងការជិះយានអវកាស SpaceX ទៅកាន់លំហអាកាសជាលើកដំបូង។

ពាក់ព័ន្ធនឹងការដកហូតសិទ្ធជាបេក្ខភាពដឹកនាំអង្គការ NASA នេះ មហាសេដ្ឋី Isaacman ផ្ទាល់នៅមិនទាន់ចេញមុខប្រតិកម្មអ្វីឡើយ ប៉ុន្តែសមាជិកសភា លោក Tim Sheehy បានរិះគន់ចំពោះការសម្រេចចិត្តរបស់រដ្ឋបាលលោក Trump ជុំវិញបញ្ហាមួយនេះជាខ្លាំង ដោយអះអាងថា គ្មានបេក្ខភាពណាដែលសាកសមជាងលោក Isaacman ឡើយ ក្នុងការគ្រប់គ្រង NASA៕

អត្ថបទ៖ Luffy រូបភាព៖ Yahoo

The post ប្រធានាធិបតី Trump ដកហូតសិទ្ធឈរឈ្មោះជាប្រធានអង្គការ NASA របស់មហាសេដ្ឋី Isaacman appeared first on Millions times.

តាមដានជាមួយយើង៖ Million Times

ទីភ្នាក់ងារ Reuters បានចុះផ្សាយថា កាលពីថ្ងៃទី២២ ខែកុម្ភៈ ឆ្នាំ២០១០ នាយកដ្ឋានគយ និងការការពារព្រំដែនសហរដ្ឋអាមេរិក បានចាប់ខ្លួនលោក Isaacman តាមបទបញ្ជាពាក់ព័ន្ធនឹងករណីឆបោកនៅទីក្រុងវ៉ាស៊ីងតោន ហើយបានបញ្ជូន និងឃុំខ្លួនក្នុងពន្ធនាគារនៃរដ្ឋ Nevada។ តាមរបាយការណ៍ពីពន្ធនាគារបង្ហាញថា លោកត្រូវបានដោះលែងឲ្យមានសេរីភាពវិញនាថ្ងៃបន្ទាប់ ដោយមិនបញ្ជាក់ពីព័ត៌មានលម្អិត។

ពាក់ព័ន្ធនឹងករណីមួយនេះ លោក Isaacman ធ្លាប់បានប្រាប់សារព័ត៌មានថា ការចាប់ខ្លួនរបស់លោកកើតឡើងដោយសារបញ្ហាផ្ទាល់ខ្លួន ជាមួយកាស៊ីណូ Palms Casino Resort ក្នុងទីក្រុង Las Vegas ហើយលោកបានដោះស្រាយវាក្នុងរយៈពេលតិចជាង ២៤ម៉ោង ដូច្នេះទើបរឿងក្ដីនេះមិនមានបញ្ហាសាំញ៉ាំច្រើន។

បើទោះជាស្ថាបនិកក្រុមហ៊ុន Shift4 Payments ធ្លាប់មានប្រវត្តិជាប់ពន្ធនាគារបែបនេះក្ដី ប៉ុន្តែអ្នកនាំពាក្យសេតវិមាន អ្នកនាង Liz Huston បានអះអាងថា លោក Isaacman នៅតែជាបេក្ខភាពលេចធ្លោរមួយរូប និងមានសិទ្ធគ្រប់គ្រាន់ក្នុងការក្លាយជាអ្នកគ្រប់គ្រងលើវិស័យវិទ្យាសាស្ត្រលំហអាកាស បច្ចេកវិទ្យា និងការរុករក។

លោក Isaacman ក៏បានចេញមុខទទួលស្គាល់កំហុសពីអតីតកាល និងបានអះអាង បច្ចុប្បន្នលោកបានកែខ្លួន ហើយកំពុងរង់ចាំចម្លើយពីសភា ជុំវិញសេចក្ដីសម្រេចថា តើមហាសេដ្ឋីម្នាក់នេះ មានលទ្ធភាពគ្រប់គ្រាន់ ក្នុងការគ្រប់គ្រង NASA ឬយ៉ាងណា? មហាសេដ្ឋីមានទ្រព្យសម្បត្តិ ១,៤ពាន់លានដុល្លាររូបនេះ នឹងចូលរួមកិច្ចប្រជុំសភា ដើម្បីស្ដាប់ពីលទ្ធផលនៅថ្ងៃពុធ ទី៣០ ខែមេសាខាងមុខ៕

អត្ថបទ៖ Luffy រូបភាព៖ France24

The post បេក្ខភាពគ្រប់គ្រង NASA ដែល Trump ជ្រើសរើស ធ្លាប់មានប្រវត្តិចេញសែកស្អុយនៅកាស៊ីណូ appeared first on Millions times.