តាមដានជាមួយយើង៖ Million Times

សារព័ត៌មាន Reuters បានចុះផ្សាយថា អំណះអំណាងរបស់មេដឹកនាំ Greenland កើតឡើងបន្ទាប់ពីប្រធានាធិបតី Donald Trump ចេញមកប្រកាសថា លោកនៅតែមានមហិច្ឆតា ចង់ទិញយកតំបន់ Greenland មកគ្រប់គ្រង ទោះកន្លងមកសំណើមួយនេះធ្លាប់ត្រូវបានច្រានចោល ពីរដ្ឋាភិបាល Greenland ក្ដី។

លោក Nielsen បានបង្ហោះសារលើបណ្ដាញសង្គមថា៖ ប្រធានាធិបតី Trump បាននិយាយថា អាមេរិកជិតសម្រេចបានការគ្រប់គ្រង Greenland។ ខ្ញុំសូមមកបញ្ជាក់ឲ្យច្បាស់ម្ដងទៀតថា អាមេរិកគ្មានថ្ងៃអាចសម្រេចរឿងនេះឡើយ ព្រោះពួកយើងមិនមែនជាកម្មសិទ្ធរបស់អ្នកណាទេ ហើយយើងគឺជាអ្នកកំណត់ជោគវាសនាដោយខ្លួនឯង។

គួររំលឹកបន្តិចថា ប្រធានាធិបតីអាមេរិក Donald Trump បានប្រកាសពីមហិច្ឆតាក្នុងការទិញយកកោះ Greenland មកគ្រប់គ្រង ដោយអះអាងថា វាមានសារៈសំខាន់ក្នុងការការពារសុវត្ថិភាពអាមេរិក ជាមួយគោលបំណងសង់មូលដ្ឋានទ័ពមួយទៀតនៅទីនោះ។ ប៉ុន្តែកន្លងមករដ្ឋាភិបាល Greenland បានចេញមុខបញ្ជាក់ច្បាស់ៗថា ពួកគេគ្មានថ្ងៃលក់ទឹកដីឲ្យអាមេរិកជាដាច់ខាត៕

អត្ថបទ៖ Luffy រូបភាព៖ Yahoo

The post នាយករដ្ឋមន្ត្រី Greenland ចេញមុខបញ្ជាក់ច្បាស់ៗថា អាមេរិកគ្មានថ្ងៃអាចគ្រប់គ្រងដីកោះមួយនេះដាច់ខាត appeared first on Millions times.

នៅថ្ងៃពុធ ទី២៦ ខែមីនានេះ លោកស្រី Mette Frederiksen នាយករដ្ឋមន្រ្តីដាណឺម៉ាក បានរិះគន់ផែនការមកកាន់កោះ Greenland របស់ក្រុមប្រតិភូអាមេរិក ដោយនិយាយថា វាហាក់បីដូចជាការដាក់សម្ពាធមួយ ដែលមិនអាចទទួលយកបានសម្រាប់ដែនដីនេះ និងចំពោះប្រទេសលោកស្រី។ នេះបើតាមសារព័ត៌មាន AFP ចេញផ្សាយ។

តាមដានជាមួយយើង៖ Million Times

លោកស្រី Frederiksen បានប្រាប់អ្នកយកព័ត៌មានថា៖ «គេមិនអាចរៀបចំដំណើរទស្សនាលក្ខណៈឯកជន រួមជាមួយអ្នកតំណាងផ្លូវការនៃប្រទេសមួយដូច្នេះបានទេ។ នេះច្បាស់ណាស់ថា មិនមែនជាដំណើរទស្សនកិច្ចដែល Greenland ត្រូវការ ឬចង់បានឡើយ។ វាដូចជាមានសម្ពាធដាក់មកលើ Greenland និងដាណឺម៉ាក ហើយយើងនឹងរកវិធីទប់ទល់»។

សេតវិមាន បានប្រកាសថា ក្រៅពីវត្តមានភរិយាលោក JD Vance អនុប្រធានាធិបតីអាមេរិក ក៏មានទីប្រឹក្សាសន្តិសុខជាតិអាមេរិក លោក Mike Waltz ក៏នឹងទៅបំពេញទស្សនកិច្ចនៅ Greenland ក្នុងសប្តាហ៍នេះដែរ ខណៈប្រព័ន្ធផ្សព្វផ្សាយអាមេរិកថា រដ្ឋមន្ត្រីក្រសួងថាមពល លោក Chris Wright នឹងធ្វើដំណើរទៅទីនោះផងដែរ។

កាលពីថ្ងៃអង្គារ លោក JD Vance ក៏បានបង្ហោះសារលើបណ្តាញសង្គម X ថា រូបលោក នឹងដឹកនាំគណៈប្រតិភូអាមេរិក បំពេញទស្សនកិច្ចទៅកាន់ដែនដី Greenland ចាប់ពីថ្ងៃព្រហស្បតិ៍ ដល់ថ្ងៃសៅរ៍សប្ដាហ៍នេះផងដែរ ស្របពេលដែលលោក Donald Trump បានលើកឡើងម្ដងហើយម្ដងទៀតថា សហរដ្ឋអាមេរិកគួរតែគ្រប់គ្រងលើដែនដី Greenland ដោយសំអាងថា ដែនដីនេះមានសារៈសំខាន់សម្រាប់សន្តិសុខជាតិអាមេរិក។ ប៉ុន្តែ ការអះអាងនេះត្រូវបានរដ្ឋាភិបាលដាណឺម៉ាក និង Greenland ច្រានចោលយ៉ាងដាច់ខាត៕

អត្ថបទ៖ សារ៉ាយ រូបភាព៖

The post នាយករដ្ឋមន្រ្តីដាណឺម៉ាក ថា វត្តមានភរិយាអនុប្រធានាធិបតី និងប្រតិភូអាមេរិកទៅលេងកោះ Greenland ជាការដាក់សម្ពាធ appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា លោក Trump នៅតែបង្ហាញមហិច្ឆតាទិញយកតំបន់ Greenland មកធ្វើជាកម្មសិទ្ធរបស់អាមេរិក បើទោះជាកន្លងមករដ្ឋាភិបាលដាណឺម៉ាកប្រកាន់ជំហរថា ទោះជាឲ្យប្រាក់ប៉ុន្មានក៏មិនលក់ទឹកដីរបស់ខ្លួនជាដាច់ខាត។

លោក Trump បាននិយាយផ្ដាំផ្ញើទៅកាន់ប្រជាជន Greenland ថា «ពួកយើងនឹងជួយរក្សាសុវត្ថិភាព និងធ្វើឲ្យអ្នកមានជីវភាពល្អប្រសើរជាងមុន ហើយជាមួយគ្នា យើងនឹងជួយជំរុញសក្ដានុពល Greenland ឲ្យឈានដល់ចំណុចកំពូលមួយ ដែលគ្រប់គ្នាមិនធ្លាប់ស្រមៃពីមុនមកសោះ»។

គួរជម្រាបដែរថា គោលបំណងរបស់ប្រធានាធិបតី Donald Trump ក្នុងការចង់បានតំបន់ Greenland មកគ្រប់គ្រង គឺដោយសារទីនោះពោរពេញដោយសម្បត្តិធម្មជាតិ និងរ៉ែកម្រៗ ដែលអាចផ្ដល់អត្ថប្រយោជន៍ធំសម្រាប់អាមេរិក។

មួយវិញទៀត លោក Trump មានបំណងចង់សង់មូលដ្ឋានទ័ពអាមេរិកនៅទីនោះ ដោយសារវាគឺជាផ្លូវភ្ជាប់រវាងតំបន់អ៊ឺរ៉ុប និងអាមេរិកខាងជើងជិតបំផុត និងមានសារៈសំខាន់ ក្នុងការបំពាក់ប្រព័ន្ធការពារគ្រាប់មីស៊ីលរបស់អាមេរិក៕

អត្ថបទ៖ Luffy រូបភាព៖ The Australian/ BangkokPost

The post Trump ផ្ដាំផ្ញើរទៅប្រជាជន Greenland ថានឹងជួយឲ្យពួកគេក្លាយជាអ្នកមាន បើអាមេរិកទិញតំបន់នេះបាន appeared first on Millions times.