តាមដានជាមួយយើង៖ Million Times

ទីភ្នាក់ងារព័ត៌មាន SCMP បានរាយការណ៍ថា ក្នុងដំណើរទស្សនកិច្ចក្រៅប្រទេសលើកដំបូង របស់ម្ចាស់ក្រុមហ៊ុន Adani Group សម្រេចបានសមិទ្ធផលយ៉ាងធំធេងដូចជា បានជួបជាមួយក្រុមហ៊ុនផលិតម៉ូឌុលសូឡា ដែលវាបង្ហាញពីឆន្ទៈរបស់លោក Adani ក្នុងការពង្រីកសក្ដានុពលថាមពលបន្ទះសូឡា ដែលក្រុមហ៊ុនរបស់លោកកំពុងតែធ្វើនៅប្រទេសឥណ្ឌា។

បន្ថែមពីនោះ មហាសេដ្ឋីឥណ្ឌារូបនេះថែមទាំងបានទៅទស្សនារោងចក្រ Jinko Solar និងរោងចក្រ Broad Group ដែលសុទ្ធសឹងតែជាអ្នកជំនាញលើការផលិតបន្ទះឈីប ក៏ដូចជាថាមពលបៃតងនៅប្រទេសចិន ហើយនេះគឺជាអ្វីដែលកំពូលអ្នកមានបំផុតទី២ នៅឥណ្ឌាកំពុងត្រូវការ។

បន្ថែមពីនោះ ក្រុមហ៊ុន Adani Group បានអះអាងថា ដំណើរទស្សនកិច្ចស្ថាបនិករបស់ខ្លួនទៅប្រទេសចិន ប្រៀបដូចជាការបើកផ្លូវឡើងវិញ សម្រាប់ឲ្យក្រុមហ៊ុនមានទំនាក់ទំនងជាមួយដៃគូរកស៊ីលើទីផ្សារអន្តរជាតិ ក្រោយស្ងប់ស្ងាត់រយៈពេលជាងមួយឆ្នាំមកនេះ៕

អត្ថបទ៖ Luffy រូបភាព៖ The Wire

The post ដំណើរទស្សនកិច្ចរបស់មហាសេដ្ឋីឥណ្ឌា Adani ទៅចិន សម្រេចបានផ្លែផ្កាយ៉ាងច្រើន appeared first on Millions times.

តាមដានជាមួយយើង៖ Million Times

យោងតាមរបាយការណ៍បញ្ចេញដោយទស្សនាវដ្ដី Forbes បានឲ្យដឹងថា គិតត្រឹមថ្ងៃទី០២ ខែមិថុនា ទ្រព្យសម្បត្តិរបស់លោក Adani មានកំណើនពី ៥៦,៣ រហូតដល់ ៦៧,៤ពាន់លានដុល្លារ។

កំណើនទ្រព្យសម្បត្តិរបស់មហាសេដ្ឋីឥណ្ឌារូបនេះ ត្រូវបាន Forbes ចាត់ទុកថា ជាការកើនឡើងទ្រព្យសម្បត្តិច្រើនបំផុតមួយ ហើយបច្ចុប្បន្នលោក Gautam Adani គឺជាកំពូលអ្នកមានបំផុតលើលោកទី២៣។

កត្តាជំរុញឲ្យទ្រព្យសម្បត្តិរបស់លោក Adani កើនឡើងច្រើនសន្ធឹកបែបនេះ គឺដោយសារតម្លៃហ៊ុន Adani Group បានឡើងថ្លៃខ្លាំង ព្រោះក្រុមហ៊ុននេះ ទើបសម្រេចបានកិច្ចកុងត្រាតភ្ជាប់អគ្គិសនីទ្រង់ទ្រាយធំ នៅក្នុងរដ្ឋ Maharashtra៕

អត្ថបទ៖ Luffy រូបភាព៖ CNBC

The post រយៈពេលកន្លះឆ្នាំ មហាសេដ្ឋីឥណ្ឌា Gautam Adani សំងំកើបលុយបានជាង ១១ពាន់លានដុល្លារ appeared first on Millions times.

តាមដានជាមួយយើង៖ Million Times

ប្រភពដដែលបានអះអាងថា ជំនួយការរបស់មហាសេដ្ឋីឥណ្ឌា បានជួបជាមួយមន្ត្រីរបស់លោក Trump ហើយបានសុំឲ្យពួកគេជួយចេញមុខដោះស្រាយបញ្ហាមួយនេះ ដោយលុបចោលនូវការចោទប្រកាន់មកលើលោក Adani។

សេតវិមាន រួមទាំងក្រសួងយុត្តិធម៌ បានបដិសេធមិនបញ្ចេញមតិលើព័ត៌មានរបស់ Bloomberg ហើយថែមទាំងមិនឆ្លើយតបជាមួយ Reuters ជុំវិញបញ្ហាមួយនេះថែមទៀត។

គួររំលឹកបន្តិចថា កាលពីខែវិច្ឆិកា អាជ្ញាធរអាមេរិកបានចោទប្រកាន់មហាសេដ្ឋី Adani និងក្មួយប្រុសថា បានឃុបឃិតគ្នាសូកប៉ាន់មន្ត្រីឥណ្ឌា ដើម្បីទទួលបានកិច្ចព្រមព្រៀងគម្រោងផ្គត់ផ្គង់ថាមពល ហើយយកគម្រោងមួយនេះមកបោកប្រាស់វិនិយោគិនអាមេរិក ក្នុងទំហំទឹកប្រាក់ ៧៥០លានដុល្លារ។

ការចោទប្រកាន់មួយនោះ បានធ្វើឲ្យមហាសេដ្ឋីឥណ្ឌារងការខាតបង់ជាខ្លាំង រយៈពេលប៉ុន្មានខែចុងក្រោយនេះ ដោយក្រុមហ៊ុន Adani Group បានបាត់បង់មូលធនទីផ្សារ រហូតដល់ ១៣ពាន់លានដុល្លារ ចាប់តាំងពីផ្ទុះរឿងក្ដីមួយនេះ៕

អត្ថបទ៖ Luffy រូបភាព៖ Bloomberg

The post មហាសេដ្ឋីឥណ្ឌាបញ្ជូនជំនួយការទៅជួបក្រុមការងារ Trump ដោះស្រាយសំណុំរឿងក្ដីសូកប៉ាន់ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា សេចក្ដីប្រកាសមួយនេះត្រូវបានធ្វើឡើងនៅក្នុងកម្មវិធីមួយ ក្នុងទីក្រុង Jaipur ដោយមានការចូលរួមពីនាយករដ្ឋមន្ត្រីឥណ្ឌា Narendra Modi ផងដែរ។

នាយកគ្រប់គ្រងនៃកំពង់ផែ Adani លោក Karan Adani បានបង្ហើបថា គម្រោងវិនិយោគ ដែលមានតម្លៃច្រើនជាងពាក់កណ្ដាល នៃមូលធនទីផ្សារទាំងមូលរបស់ក្រុមហ៊ុនមេ Adani Group នេះ នឹងផ្ដោតសំខាន់លើវិស័យធំៗរួមមាន វិស័យកកើតឡើងវិញ ស៊ីម៉ងត៍ និងការដឹកជញ្ជូន។

ក្រុមហ៊ុន Adani Group មានបំណងសាងសង់រោងចក្រផលិតស៊ីម៉ងត៍ចំនួន ៤បន្ថែមទៀត ដើម្បីបង្កើនទិន្នផលផលិតរហូតដល់ ៦លានតោនក្នុងមួយឆ្នាំ ស្របពេលក្រុមហ៊ុនក៏មានផែនការបង្កើតប្រព័ន្ធអេកូថាមពលបៃតងរួមបញ្ចូលគ្នាដ៏ធំបំផុតរបស់ពិភពលោក ដែលពាក់ព័ន្ធនឹងថាមពលកកើតឡើងវិញ ១០០ជីហ្គាវ៉ាត់ (GW) អ៊ីដ្រូសែនពីរលានតោន និង ១,៨ជីហ្គាវ៉ាត់នៃការស្តុកទុកវារីអគ្គិសនីថែមទៀត៕

អត្ថបទ៖ Luffy រូបភាព៖ TheNewsmen

The post ក្រុមហ៊ុនមហាសេដ្ឋីឥណ្ឌា Adani ប្រកាសគម្រោងវិនិយោគខ្នាតយក្ស ៨៨ពាន់លានដុល្លារ appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា លោក Adani និងបុគ្គល ៧នាក់ផ្សេងទៀត រួមទាំងក្មួយប្រុសឈ្មោះ Sagar Adani បានសូកប៉ាន់មន្ត្រីរដ្ឋាភិបាលឥណ្ឌា ២៦៥លានដុល្លារ ជាថ្នូរនឹងការទទួលបានគម្រោងអភិវឌ្ឍន៍ថាមពលសូឡាធំជាងគេនៅឥណ្ឌា ដែលរំពឹងទទួលបានប្រាក់ចំណេញយ៉ាងតិច ២ពាន់លានដុល្លារក្នុងមួយឆ្នាំ សម្រាប់រយៈពេល ២០ឆ្នាំខាងមុខ។

បន្ថែមពីនោះ រដ្ឋអាជ្ញាអាមេរិកក៏បញ្ជាក់ទៀតថា ប្រធានក្រុមហ៊ុន Adani Group និងបក្សពួក បានកិបកេងប្រាក់ពីម្ចាស់បំណុល និងក្រុមវិនិយោគិន ប្រមាណ ៣ពាន់លានដុល្លារ ដោយលាក់បាំងអំពើពុករលួយរបស់ពួកគេ។

មហាសេដ្ឋី Gautam Adani ក្មួយប្រុស Sagar Adani និងអតីត CEO ក្រុមហ៊ុន Adani Green Energy លោក Vneet Jaain ត្រូវបានចោទប្រកាន់ពីបទក្លែងបន្លំមូលបត្រ ការសមគំនិតក្លែងបន្លំមូលបត្រ និងការសមគំនិតក្លែងបន្លំតាមខ្សែ ហើយកំពូលអ្នកមាននៅឥណ្ឌា រួមទាំងក្មួយប្រុស ក៏ត្រូវបានចោទប្រកាន់នៅក្នុងសំណុំរឿងរដ្ឋប្បវេណី របស់គណៈកម្មការមូលបត្រអាមេរិកផងដែរ។

បច្ចុប្បន្ន ជនជាប់ចោទទាំងអស់នោះ មិនទាន់ត្រូវបានឃាត់ខ្លួនសួរចម្លើយនោះទេ ខណៈគេជឿថា លោក Adani កំពុងសំងំលាក់ខ្លួននៅប្រទេសឥណ្ឌា៕

អត្ថបទ៖ Luffy រូបភាព៖ NPR

The post មហាសេដ្ឋីឥណ្ឌា Gautam Adani រងការចោទប្រកាន់ពីបទឆបោក និងសូកប៉ាន់ appeared first on Millions times.

ក្រុមហ៊ុន Ambuja នឹងទិញ Penna ដែលជាគូប្រជែងមួយក្នុងពេលប្រតិបត្តិការនៅឧបទ្វីបឥណ្ឌា និងស្រីលង្កា ហើយរំពឹងថានឹងបញ្ចប់ការទិញក្នុងរយៈពេល ៤ខែ។ នេះបើយោងតាមឯកសារកិច្ចព្រមព្រៀងរវាងក្រុមហ៊ុនទាំងពីរកាលពីថ្ងៃព្រហស្បតិ៍ ទី១៣ ខែមិថុនា ឆ្នាំ២០២៤ ចុះផ្សាយដោយទស្សនាវដ្តី bloomberg។

តាមដានជាមួយយើង៖ Million Times

ការទិញយកក្រុមហ៊ុនផលិតស៊ីម៉ងត៍ Penna របស់មហាសេដ្ឋី Gautam Adani ស្របពេលក្រុមហ៊ុនផលិតស៊ីម៉ងត៍ឥណ្ឌារូបមួយនេះកំពុងស្វែងរកមធ្យោបាយ រួមទាំងការចុះកិច្ចសន្យា ដើម្បីបង្កើនផលិតកម្ម និងបំពេញតម្រូវការសម្ភារៈសំណង់ ចំពេលមានសន្ទុះលំនៅដ្ឋានកើនឡើង និងការចំណាយដ៏សន្ធឹកសន្ធាប់របស់រដ្ឋាភិបាលលើហេដ្ឋារចនាសម្ព័ន្ធ។

សូមជម្រាបថា ក្រុមហ៊ុន Adani Group ដែលជាក្រុមហ៊ុនកំពង់ផែថាមពល បាននិយាយកាលពីខែធ្នូឆ្នាំ២០២៣កន្លងទៅថា ខ្លួនគ្រោងនឹងចំណាយទឹកប្រាក់ប្រមាណ ៨៤ពាន់លានដុល្លារក្នុងរយៈពេលមួយទសវត្សរ៍ខាងមុខដើម្បីឆ្ពោះទៅរកការអភិវឌ្ឍន៍គម្រោងហេដ្ឋារចនាសម្ព័ន្ធ៕

អត្ថបទ៖ សារ៉ាយ រូបភាព៖ ក្រុមហ៊ុន Penna

The post មហាសេដ្ឋីឥណ្ឌាទិញយកក្រុមហ៊ុនស៊ីម៉ងត៍ Penna ក្នុងតម្លៃ ១.២ពាន់លានដុល្លារ appeared first on Millions times.