ទីភ្នាក់ងារព័ត៌មាន Bloomberg បានរាយការណ៍ថា មហាសេដ្ឋីស្រីវ័យ ៧១ឆ្នាំរូបនេះ នឹងផ្ទេរតំណែងរបស់នាង ជាអនុប្រធានក្រុមហ៊ុនទៅកាន់កូនប្រុសឈ្មោះ Jean-Victor Meyers វ័យ ៣៨ឆ្នាំ ពេលលោកស្រីចូលនិវត្តន៍ ខណៈបច្ចុប្បន្នលោក Jean កំពុងកាន់តំណែងជាប្រធានផ្នែកមួយ។

តាមដានជាមួយយើង៖ Million Times

ចំណែកឯតំណែងក្នុងក្រុមប្រឹក្សាភិបាល ដែលមហាសេដ្ឋីស្រីរូបនេះធ្លាប់គ្រប់គ្រងរយៈពេល ២៨ឆ្នាំ នឹងត្រូវជំនួសដោយលោក Alexandre Benais នាយកប្រតិបត្តិរងនៃក្រុមហ៊ុន Tethys Invest ដែលជាម្ចាស់ភាគហ៊ុនធំបំផុតរបស់ក្រុមហ៊ុន L’Oréal។

គួររំលឹកបន្តិចថា លោកស្រី Meyers គឺជាស្ត្រីដំបូងបំផុតលើពិភពលោក ដែលមានទ្រព្យសម្បត្តិលើសពី ១០០ពាន់លានដុល្លារ កាលពីឆ្នាំ២០២៣ ប៉ុន្តែវាបានធ្លាក់ចុះជាបន្តបន្ទាប់ក្នុងឆ្នាំ២០២៤ ដោយសារការលក់ផលិតផលគ្រឿងសំអាងនៅប្រទេសចិន មានការថយចុះ។

បច្ចុប្បន្ន លោកស្រី Francoise Bettencourt Meyers មានទ្រព្យសម្បត្តិប្រហែល ៧៦ពាន់លានដុល្លារ ហើយលោកស្រីត្រូវបានគេដឹងថា ចូលចិត្តរស់នៅបែបឯកជនភាព មិនសូវបង្ហាញភាពឡូយឆាយនៅតាមទីសាធារណៈឡើយ បើទោះជាមានលុយច្រើនហូរហៀរក្ដី៕

អត្ថបទ៖ Luffy រូបភាព៖ AFP

The post មហាសេដ្ឋីស្រីមានបំផុតនៅបារាំង ប្រកាសចូលនិវត្តន៍ពីក្រុមហ៊ុន L’Oréal ក្នុងខែមេសា appeared first on Millions times.