តាមដានជាមួយយើង៖ Million Times

ក្រសួង បានឱ្យដឹងបន្តថា ក្រៅពីរោងចក្រដំឡើងរថយន្តទាំង៨ ហើយនោះ ប្រទេសកម្ពុជា ក៏មានរោងចក្រដំឡើងម៉ូតូទូទៅ ដូចជាម៉ូតូហុងដា និង Suzuki រួមទាំងរោងចក្រដំឡើងម៉ូតូអគ្គិសនី និងរ៉ឺម៉កអគ្គិសនីមួយចំនួនទៀត។

បន្ថែមលើនេះទៀត ក៏មានរោងចក្រផលិតសំបកកង់រថយន្តចំនួន៨ ដែលកំពុងផលិតផ្គត់ផ្គង់សម្រាប់ទាំងទីផ្សារក្នុងស្រុក និងពិភពលោក។

ឯកឧត្តម ហែម វណ្ណឌី រដ្ឋមន្ត្រីឧស្សាហកម្ម បានលើកឡើងថា ការពង្រីកមូលដ្ឋានឧស្សាហកម្មទាំងនេះ គឺជាឱកាសដ៏សំខាន់សម្រាប់កម្ពុជា ក្នុងការផ្សារភ្ជាប់ទៅនឹងខ្សែច្រវាក់ផ្គត់ផ្គង់រថយន្តអគ្គិសនីសកល ដែលរំពឹងថា នឹងមានកំណើនខ្ពស់នៅត្រឹមឆ្នាំ២០៣០។

គួរឱ្យដឹងថា រាជរដ្ឋាភិបាលកម្ពុជា បានតម្រង់ទិសការអភិវឌ្ឍវិស័យយានយន្តឱ្យចំគោលដៅ ដោយផ្តោតលើការពង្រឹងខ្សែច្រវាក់ផ្គត់ផ្គង់នៃធាតុផ្សំរួមមាន៖ តួរថយន្ត សំបកកង់ អាគុយ ម៉ាស៊ីន គ្រឿងបង្គុំអេឡិចត្រូនិច និងគ្រឿងបន្លាស់ផ្សេងៗទៀត។

ទន្ទឹមនឹងនោះ ក៏ផ្តល់ហេដ្ឋារចនាសម្ព័ន្ធគាំទ្រ រួមទាំងស្ថានីយសាកថ្ម ការបណ្តុះបណ្តាល ស្រាវជ្រាវ និងអភិវឌ្ឍន៍ និងយន្តការលើកទឹកចិត្ត ដើម្បីជំរុញការវិនិយោគ និងការប្រើប្រាស់រថយន្តអគ្គិសនី៕

អត្ថបទ៖ វីរៈ រូបភាព៖ បណ្ដាញសង្គម  

The post បច្ចុប្បន្នកម្ពុជាមានរោងចក្រដំឡើងរថយន្តចំនួន៨ appeared first on Millions times.

តាមដានជាមួយយើង៖ Million Times

សម្ដេច ហ៊ុន ម៉ាណែត នាយករដ្ឋមន្រ្តី បានថ្លែងថា ក្រុមហ៊ុនរថយន្ត Ford របស់អាមេរិក ហ៊ានដាក់ទុនរាប់លានដុល្លារនៅកម្ពុជា ព្រោះគេយល់ថា កម្ពុជាអាចធានាស្ថិរភាព សន្តិសុខ សន្តិភាព រយៈពេលវែង អំណោយផលដល់ការវិនិយោគ ដែលនេះ ជាមោទភាពមួយរបស់ពលរដ្ឋកម្ពុជា។ សម្ដេចបញ្ជាក់ថា កាលណាប្រទេសជាតិមួយគ្មានស្ថិរភាព គ្មានសន្តិភាព ផ្ទុះសង្គ្រាម ក្រុមហ៊ុនដែលកំពុងវិនិយោគ និងវេចបង្វេចទៅស្រុកវិញឈប់វិនិយោគ។

បើតាមសម្ដេច ហ៊ុន ម៉ាណែត ពីមុនក្រុមហ៊ុន Ford នាំចូលគ្រឿងបង្គុំរថយន្តពីក្រៅប្រទេសចូលមកកម្ពុជា ដើម្បីផ្គុំចេញជារថយន្ត ប៉ុន្តែបច្ចុប្បន្នក្រុមហ៊ុនឈានដល់កម្រិតផលិតគ្រឿងបង្គុំនៅកម្ពុជា កាត់បន្ថយការនាំចូលទាំងស្រុងដូចមុនទៀត។ ជាមួយគ្នានេះសម្ដេចដាក់ក្ដីសង្ឈឹមថា អនាគតឧស្សាហកម្មយានយន្តផលិតគ្រឿងបង្គុំនៅកម្ពុជា ហើយសហការជាមួយក្រុមហ៊ុនផលិតសម្ភារៈបង្គុំក្នុងស្រុកឱ្យកាន់ច្រើន។

លោក Kevin Whitcraft ប្រធានក្រុមហ៊ុន RMA Group បានឱ្យដឹងថា ក្រៅពីការនាំចូលរថយន្តមក ចែកចាយនៅលើទីផ្សាររបស់កម្ពុជាហើយនោះ ក្រុមហ៊ុនបានបណ្តាក់ទុនវិនិយោគដំបូងចំនួន ២១ លានដុល្លារ ដើម្បីសាងសង់រោងចក្រដំឡើងរថយន្តលើផ្ទៃ ដី ៥ហិកតា កាលពីឆ្នាំ ២០២២។

លោកបន្តថា ក្រុមហ៊ុនបានបង្កើតរោងចក្រដំឡើងគ្រឿងបង្គុំថ្មីបន្ថែមមួយទៀត (Sub-Assembly Plant) ដែលអាចផ្ដល់ឱកាសការ ងារ បាន ជា ច្រើន កន្លែងទៀត។ បន្ថែមពីលើនោះ ក្រុមហ៊ុនបានពង្រីកការវិ និយោ គ ពី ២១លានដុល្លារអាមេរិក ទៅ ២៦,៨លានដុល្លារអាមេរិក និងបាន ពង្រីកផ្ទៃដីសាងសង់រោងចក្រពី ៥ហិកតា រហូតដល់ ១២ហិកតា។ លោកបន្ថែមថា ក្រុមហ៊ុនមាន បុគ្គ លិកសរុបជាង ៤,០០០នាក់ ហើយបុគ្គលិកនារីមានចំនួន ១,១៧៨ នាក់ និងបុគ្គលិកជំនាញបច្ចេកទេសមានចំនួន ២,៣០៣នាក់៕

អត្ថបទ៖ សាងតេជៈ រូបភាព៖ AKP

The post ក្រុមហ៊ុន Ford ដាក់ឱ្យដំណើរការខ្សែច្រវាក់ផលិតកម្មថ្មីដែលពង្រីកទុនវិនិយោគដល់ ២៦.៨ លានដុល្លារ appeared first on Millions times.

ផែនការថ្មីនេះគឺជា “គោលនយោបាយធានារ៉ាប់រង” ដើម្បីអាចពង្រីកម៉ូដែល Pickup ដ៏ពេញនិយមរបស់ខ្លួន និងបង្កើតរថយន្តអគ្គិសនី EV ដែលមានតម្លៃសមរម្យជាងមុន ដែលខ្លួនជឿជាក់ថានឹងផ្តល់នូវរថយន្តអគ្គិសនីមានប្រសិទ្ធភាព និងចំណេញច្រើនសម្រាប់ក្រុមហ៊ុន និងអ្នកវិនិយោគ។ នេះបើយោងតាមលោក Marin Gjaja នាយកប្រតិបត្តិរបស់ក្រុមហ៊ុន Ford ។

តាមដានជាមួយយើង៖ Million Times

លោក Marin Gjaja បានប្រាប់ទូរទស្សន៍ CNBC កាលពីថ្ងៃព្រហស្បតិ៍ថា “យើងពិតជាជឿជាក់ណាស់ថាអត្រាទទួលយកខ្ពស់បំផុតសម្រាប់រថយន្តអគ្គិសនី EV ដែលនឹងមានតម្លៃសមរម្យ ។ យើង​ត្រូវ​តែ​សាកល្បង​ដើម្បី​ប្រកួត​ប្រជែង​”។ ការលើកឡើងរបស់លោក Gjaja កើតឡើងមួយថ្ងៃបន្ទាប់ពីក្រុមហ៊ុនប្រកាសអំពីការបង្កើនយុទ្ធសាស្ត្រផលិតរថយន្តប្រភេទ EV របស់ខ្លួនដែលនឹងត្រូវចំណាយរហូតដល់ ១.៩ ពាន់លានដុល្លារ។

ផែនការថ្មីរបស់ក្រុមហ៊ុន Ford នៅអាមេរិកខាងជើង គឺលុបចោលរថយន្តប្រភេទ SUV និងពន្យារពេលផលិតរថយន្តភីកអាប់ “T3” ជំនាន់ក្រោយរបស់ខ្លួនប្រហែល ១៨ខែរហូតដល់ចុងឆ្នាំ២០២៧។ ជំនួសឱ្យរថយន្ត SUV ឬរថយន្តភីកអាប់ធំ រថយន្ត EV ថ្មីដំបូងរបស់ក្រុមហ៊ុនត្រូវបានគេរំពឹងថា ការផលិតចាប់ផ្តើមនៅឆ្នាំ២០២៦ នៅឆ្នាំបន្ទាប់រថយន្តភីកអាប់ខ្នាតមធ្យម ហើយបន្ទាប់មករថយន្តភីកអាប់ទំហំពេញ T3 ។

រថយន្ត EVs បច្ចុប្បន្នរបស់ក្រុមហ៊ុន Ford – ប្រភេទ Crossover Mustang Mach-E, F-150 Lightning និងរថយន្តភីបអាប់ មិនមានផលចំណេញជារួមទេ។ ប្រតិបត្តិការ Model e បានខាតបង់ជិត ២.៥ពាន់លានដុល្លារក្នុងកំឡុងឆមាសទីមួយនៃឆ្នាំ២០២៤នេះ ហើយបានបាត់បង់អស់ ៤.៧ពាន់លានដុល្លារក្នុងឆ្នាំ២០២៣កន្លងទៅ។

ការខាតបង់ ក៏ដូចជាការផ្លាស់ប្តូរលក្ខខណ្ឌទីផ្សារ និងផែនការអាជីវកម្មបានបណ្តាលឱ្យក្រុមហ៊ុន Ford នៅដើមឆ្នាំនេះដកប្រាក់ចំណេញ ៨% សម្រាប់មហិច្ឆតានៃការផលិតរថយន្ត EV របស់ខ្លួននៅឆ្នាំ២០២៦៕

អត្ថបទ៖ សារ៉ាយ រូបភាព៖ Ford

The post ក្រុមហ៊ុន Ford ចំណាយ ១.៩ពាន់លានដុល្លារក្នុងយុទ្ធសាស្រ្តថ្មីផលិតរថយន្ត EV រំពឹងកើបប្រាក់ចំណេញច្រើន appeared first on Millions times.

ខាងក្រោមនេះជាតារាងបញ្ជីនៃប្រាក់ចំណេញសរុបប្រចាំឆ្នាំរបស់ក្រុមហ៊ុន Ford Motor ពីឆ្នាំ២០១០ ដល់ឆ្នាំ២០២៤ ដោយយោងតាមគេហទំព័រ www.macrotrends.net ៖

តាមដានជាមួយយើង៖ Million Times

សូមជម្រាបថា នៅត្រីមាសទី១ ឆ្នាំ២០២៤ ក្រុមហ៊ុន Ford កើបបានប្រាក់ចំណេញសរុបមានចំនួន $6.301B ធ្លាក់ចុះប្រមាណ 7.41% បើធៀបនឹងឆ្នាំមុន ហើយប្រាក់ចំណេញសរុបសម្រាប់រយៈពេល ១២ខែ គិតត្រឹមថ្ងៃទី៣១ ខែមីនា ឆ្នាំ២០២៤ គឺមាន $25.137B កើនឡើង 0.45% ធៀបនឹងឆ្នាំ២០២៣។

ក្រុមហ៊ុន Ford Motor Company គឺជាក្រុមហ៊ុនផលិតរថយន្តចម្រុះរបស់អាមេរិកដែលមានទីស្នាក់ការកណ្តាលនៅទីក្រុង Dearborn រដ្ឋ Michigan សហរដ្ឋអាមេរិក។ ក្រុមហ៊ុននេះលក់រថយន្ត និងចែកចាយរថយន្តនូវម៉ាកសម្គាល់ពាណិជ្ជកម្ម Ford និងរថយន្តប្រណីតក្រោមម៉ាក Lincoln របស់ខ្លួន។ ក្រុមហ៊ុន Ford ក៏មានទីតាំងផលិត បង្គុំ និងដំឡើងនូវរថយន្តរបស់ខ្លួននៅជុំវិញពិភពលោកផងដែរ៕

អត្ថបទ៖ សារ៉ាយ រូបភាព៖ Ford Motor Company

The post មកដឹងប្រាក់ចំណេញសុទ្ធរបស់ក្រុមហ៊ុន Ford ពីឆ្នាំ២០១០ ដល់ឆ្នាំ២០២៤ appeared first on Millions times.

លោក David Jeffrey នាយកប្រតិបត្តិក្រុមហ៊ុន Ford កូរ៉េខាងត្បូង និងជាអ្នក​ចែក​ចាយ​ទីផ្សារអាស៊ីប៉ាស៊ីហ្វិក ក្នុងពិធីដាក់ឲ្យប្រើប្រាស់អគារតាំងបង្ហាញ និងមជ្ឈ​មណ្ឌល​ជួសជុលរថយន្ត Ford លើកឡើងថា ចំណែកទីផ្សារលក់រថយន្តថ្មីក្នុងប្រទេសកម្ពុជា ឃើញថា មាន​សម្ទុះ​រីក​ចម្រើន​គួរ​កត់​សម្គាល់ ដោយមានតម្រូវការប្រើប្រាស់មិនខុសប្រទេសអភិវឌ្ឍន៍នោះឡើយ ដែលកត្តាទាំង​នេះ​បង្ហាញ​ឲ្យឃើញអំពីការអភិវឌ្ឍន៍រីកច្រើន និងការងើបឡើង ជាបន្តបន្ទាប់​នៃ​សេដ្ឋកិច្ច​របស់​កម្ពុជា​។

តាមដានជាមួយយើង៖ Million Times

ការលើកឡើងរបស់អ្នកជំនាញអន្តរជាតិរូបនេះ ស្របពេលបច្ចុប្បន្ននេះ កម្ពុជាមាន​ទីតាំង​មជ្ឈ​ម​មណ្ឌល​លក់​រថយន្ត​គ្រប់​ប្រភេទ​ជា​ច្រើនកន្លែងនៅតាមមហាវិថីធំៗ និងរោងចក្រដំឡើង និងផ្គុំរថយន្ត ដើម្បីឆ្លើយតបតាមតម្រូវការទីផ្សារស្រុក ការណ៍នេះបាន​ឆ្លុះបញ្ចាំង​ដល់​ជីវភាព​រស់​នៅ​របស់​ប្រជាជនផងដែរ។

គួរឲ្យកត់សម្គាល់ផងដែរថា ចំណូលបានពីការនាំចូលយានយន្ត និងគ្រឿងចក្រជាប្រភពចំណូលចម្បងរបស់រាជរដ្ឋាភិបាល។ កាលពីឆ្នាំ២០១៩ អគ្គនាយកដ្ឋានគយ​ និងរដ្ឋាករកម្ពុជា រកចំណូលពីការនាំចូលយានយន្ត រួមចំណែក ៥៣ភាគរយ នៃចំណូលសរុបរបស់គយ, ឆ្នាំ២០២០ ចំណូលគយបានពីការនាំចូលយានយន្តធ្លាក់ចុះត្រឹម ៤២ភាគរយ ហើយមកដល់ឆ្នាំ២០២៣ ចំណូលគយបានពីការនាំចូលយានយន្ត និងគ្រឿងចក្រមានជាង ២២០លានដុល្លារ ឬស្មើនឹង ៣១.១% នៃចំណូលសរុប៕

អត្ថបទ៖ សេដ្ឋានី រូបភាព៖ RMA Cambodia

The post អ្នកជំនាញ៖ កំណើនរថយន្តថ្មីមានសន្ទុះខ្លាំងបង្ហាញ​ឲ្យឃើញពីការអភិវឌ្ឍរីកច្រើន និងការងើបឡើង​នៃ​សេដ្ឋកិច្ច​​កម្ពុជា appeared first on Millions times.