មន្ត្រីរដ្ឋបាលជាន់ខ្ពស់មួយរូបបាននិយាយដោយលើកឡើងពីបញ្ហាខ្សែសង្វាក់ផ្គត់ផ្គង់ និងការផ្លាស់ប្តូរតម្រូវការ បន្ទាប់ពីសេតវិមានបាននិយាយថា គម្រោងនេះបរាជ័យក្នុងការទទួលបានយន្តហោះជំនាន់ថ្មីទាន់ពេលវេលាកាលពីចុងសប្តាហ៍។

តាមដានជាមួយយើង៖ Million Times

លោក Trump កាលពីថ្ងៃទី១៥ ខែកុម្ភៈ បានទស្សនាយន្តហោះ Boeing 747-8 នៅអាកាសយានដ្ឋានអន្តរជាតិ Palm Beach ក្នុងរដ្ឋ Florida ដើម្បីវាយតម្លៃឧបករណ៍ និងបច្ចេកវិទ្យាថ្មីដែលបំពាក់លើយន្តហោះ Air Force One ជំនាន់ថ្មីពីរ។

«សកម្មភាពនេះក៏រម្លឹកក្រុមហ៊ុនផលិតថា ពួកគេមិនបានផ្តល់យន្តហោះតាមកាលកំណត់នោះទេ»។ នាយកផ្នែកទំនាក់ទំនងរបស់សេតវិមាន លោក Steven Cheung បានបញ្ជាក់បែបនេះ។ 

ក្រុមហ៊ុន Boeing ក្នុងឆ្នាំ២០១៨ បានទទួលកិច្ចសន្យា ៣,៩ពាន់លានដុល្លារ ដើម្បីផលិតយន្តហោះ VC-25B ចំនួនពីរ ដោយផ្អែកលើយន្តហោះដឹកអ្នកដំណើរ 747-8I ដើម្បីជំនួសយន្តហោះ VC-25A ចំនួនពីរ។ ការដឹកជញ្ជូនត្រូវបានកំណត់ពេលសម្រាប់ខែធ្នូ ឆ្នាំ២០២៤ ប៉ុន្តែត្រូវបានពន្យារពេលរហូតដល់យ៉ាងហោចណាស់ឆ្នាំ២០២៧ ឬ ២០២៨ ឆ្ពោះទៅកាន់ការបញ្ចប់អាណត្តិទីពីររបស់លោក Trump ក្នុងតំណែង។

នាយកប្រតិបត្តិក្រុមហ៊ុន Boeing លោក Kelly Ortberg បានប្រាប់ Reuters ថា «ច្បាស់ណាស់ លោកប្រធានាធិបតីចង់ឱ្យយន្តហោះនេះរួចរាល់ ដូច្នេះយើងកំពុងធ្វើការដើម្បីមើលថាតើអាចធ្វើអ្វីបានដើម្បីសម្រេចបាន»។

លោកបាននិយាយថា គម្រោងនេះបានចំណាយប្រាក់រាប់ពាន់លានដុល្លារ ដោយសារតែការកើនឡើងថ្លៃដើម ភាពលំបាកនៃខ្សែច្រវាក់ផ្គត់ផ្គង់ និងភាពស្មុគស្មាញនៃការបំប្លែងយន្តហោះទៅជាយន្តហោះឯកជនសម្រាប់ប្រធានាធិបតីអាម៉េរិក។

លោក Kelly Ortberg បានបង្ហាញកាលពីខែមុនថា ក្រុមហ៊ុនកំពុងធ្វើការជាមួយមហាសេដ្ឋី Elon Musk ដើម្បីបង្កើនល្បឿននៃការធ្វើបច្ចុប្បន្នភាពបច្ចេកវិទ្យាសម្រាប់គម្រោង VC-25B ។

បើតាមមន្ត្រី​បាន​និយាយ​បន្ថែម​ថា យន្តហោះ Air Force One បច្ចុប្បន្ន​មាន​ទំហំ​តូច ហើយយន្តហោះជំនាន់ថ្មីនេះនឹងផ្ទុកមនុស្សកាន់តែច្រើន រួមទាំងប្រព័ន្ធផ្សព្វផ្សាយផងដែរ។

អត្ថបទ៖ សារ៉ាយ រូបភាព៖ FILE

The post Trump ត្រូវរង់ចាំរហូតដល់ឆ្នាំ២០២៨ ដើម្បីឈានជើងឡើងយន្តហោះ Air Force One ជំនាន់ថ្មី appeared first on Millions times.