Air Cambodia បានចុះកិច្ចព្រមព្រៀងទិញយន្តហោះ Boeing 737 MAX ២០ គ្រឿងពីអាមេរិក

Vin Chang — Wed, 04 Feb 2026 07:02:05 +0000

កាលពីថ្ងៃ ៣ ខែកុម្ភៈ ឆ្នាំ ២០២៦ ម្សិលមិញ Air Cambodia បានចុះហត្ថលេខាទិញយន្តហោះ B737MAX8 រហូតដល់ ២០ គ្រឿង ដោយធ្វើឡើងនៅសិង្ហបុរី។

តាមដានជាមួយយើង៖ Million Times

បើតាមសេចក្ដីប្រកាសព័ត៌មានលើវេបសាយរបស់ក្រុមហ៊ុន Boeing បានឲ្យដឹងថា ក្រុមហ៊ុនអាកាសចរណ៍កម្ពុជា Air Cambodia បានចុះកិច្ចព្រមព្រៀងក្នុងការបញ្ជាទិញយន្តហោះយន្តហោះដឹកអ្នកដំណើរ ប្រភេទ Boeing Max 737 ពីក្រុមហ៊ុនផលិតយន្តហោះអាមេរិក Boeing ។

កិច្ចព្រមព្រៀងដែលធ្វើឡើងក្នុងអំឡុងព្រឹត្តិការណ៍ពិព័រណ៍អាកាសចរណ៍ នៅឯប្រទេសសិង្ហបុរី អាកាសចរណ៍ជាតិកម្ពុជា បានសម្រេចទិញយន្តហោះ 737-8 (MAX 8) ១០ គ្រឿងដំបូង និង ១០ គ្រឿងបន្ថែមទៀតនៅពេលក្រោយ។ យន្តហោះ 737-8 ឬហៅថា 737 MAX 8 អាចផ្ទុកអ្នកដំណើរសរុបបានដល់ ១៧៨ នាក់ និងហោះហើរបានចម្ងាយ ៦ ៤៨០ គីឡូម៉ែត្រ។

នេះគឺជាកិច្ចព្រមព្រៀងធំបំផុតរបស់អាកាសចរណ៍ជាតិកម្ពុជាក្នុងការបញ្ជាទិញយន្តហោះខ្នាត single-aisle ហើយនេះក៏ជាលើកដំបូងក្នុងការទិញយន្តហោះពីក្រុមហ៊ុន Boeing ផងដែរ។

ជាមួយនឹងយន្តហោះ 737 MAX ក្រុមហ៊ុន Air Cambodia នឹងពង្រីកវិសាលភាពរបស់ខ្លួន ខណៈដែលការធ្វើដំណើរតាមផ្លូវអាកាសដើរតួនាទីកាន់តែខ្លាំងឡើងក្នុងការតភ្ជាប់មនុស្ស និងទីកន្លែងនានាទូទាំងតំបន់៕

អត្ថបទ៖ឆដា, រូបភាព៖ boeing

The post Air Cambodia បានចុះកិច្ចព្រមព្រៀងទិញយន្តហោះ Boeing 737 MAX ២០ គ្រឿងពីអាមេរិក appeared first on Millions times.

នាយករដ្ឋមន្រ្តីសម្រេចផ្លាស់ប្តូរឈ្មោះក្រុមហ៊ុនកម្ពុជាអង្គរអ៊ែរ ទៅជាក្រុមហ៊ុនអាកាសចរណ៍ជាតិកម្ពុជា

Vin Chang — Tue, 21 Jan 2025 09:58:42 +0000

រាជរដ្ឋាភិបាលសម្រេចចិត្តធ្វើការផ្លាស់ប្ដូរឈ្មោះក្រុមហ៊ុនអាកាសចរណ៍ជាតិ កម្ពុជាអង្គរអ៊ែរ ទៅជាក្រុមហ៊ុន អាកាសចរណ៍ជាតិកម្ពុជា ដែលមានឈ្មោះជាភាសាអង់គ្លេសថា Air Cambodia ។ នេះបើយោងតាមអនុក្រឹត្យចុះហត្ថលេខាដោយសម្តេច ហ៊ុន ម៉ាណែត នាយករដ្ឋមន្រ្តី នៅថ្ងៃទី២០ ខែមករា ឆ្នាំ២០២៥។

រដ្ឋលេខាធិការដ្ឋានអាកាសចរស៊ីវិល ធ្លាប់បានឲ្យដឹងថា ការផ្លាស់ប្ដូរនេះ ដើម្បីបង្កើន ជំរុញការផ្គត់ផ្គង់ និងប្រតិបត្ដិការក្រុមហ៊ុនអាកាសចរណ៍ជាតិឲ្យមានការរីកចម្រើន និងវិវត្ដន៍ទៅមុខ ស្របទៅតាមទស្សនៈទាន និងទីផ្សារ ក្នុងរយៈពេល៥ឆ្នាំ ទៅ១០ឆ្នាំខាងមុខនេះ។

តាមដានជាមួយយើង៖ Million Times

លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យនៃរដ្ឋលេខាធិការដ្ឋានអាកាសចរស៊ីវិល បានប្រាប់កាសែតក្នុងស្រុកពេលកន្លងទៅឲ្យដឹងថា ក្រុមហ៊ុនក៏មានផែនការក្នុងការដាក់បញ្ចូលនៃយន្ដហោះប្រភេទ ATR72-600 ក្នុងឆ្នាំ២០២៥ ចំនួន៣គ្រឿង ដើម្បីពង្រឹង ពង្រីកកែលម្អទីផ្សារក្នុងស្រុក ក៏ដូចជាធ្វើឲ្យប្រសើរឡើង នូវការដឹកជញ្ជូនសេវាអ្នកដំណើរ នៅក្នុងប្រទេសកម្ពុជា និងសេវាដឹកអ្នកដំណើរ នៅក្នុងប្រទេសជិតខាង។

គួរឲ្យដឹងថា ក្រុមហ៊ុនអាកាសចរណ៍ជាតិ កម្ពុជាអង្គរអ៊ែរ គឺជាក្រុមហ៊ុនអាកាសចរណ៍ជាតិតែមួយគត់ ដែលចាប់បដិសន្ធិឡើងនៅថ្ងៃទី២៧ ខែកក្កដា ឆ្នាំ២០០៩ ដោយជំនួសក្រុមហ៊ុនអាកាសចរណ៍ជាតិ រ៉ូយ៉ាល់អ៊ែរកាំបូដ ដែលបានក្ស័យធននៅឆ្នាំ២០០១។

ក្រុមហ៊ុននេះ ត្រូវបានវិនិយោគរួមគ្នារវាងរាជរដ្ឋាភិបាលកម្ពុជាដែលមានភាគហ៊ុន ៥១% និងក្រុមហ៊ុនអាកាសចរណ៍ Vietnam Airlines ដែលមានភាគហ៊ុន ៤៩% ហើយត្រូវបានអនុញាតិឲ្យមានការហោះហើរ codeshare flights ជាមួយក្រុមហ៊ុន Vietnam Airlines ៕

អត្ថបទ៖ សាងតេជៈ រូបភាព៖ បណ្តាញសង្គម

The post នាយករដ្ឋមន្រ្តីសម្រេចផ្លាស់ប្តូរឈ្មោះក្រុមហ៊ុនកម្ពុជាអង្គរអ៊ែរ ទៅជាក្រុមហ៊ុនអាកាសចរណ៍ជាតិកម្ពុជា appeared first on Millions times.

Air Cambodia Archives - Millions times

Air Cambodia បានចុះកិច្ចព្រមព្រៀងទិញយន្តហោះ Boeing 737 MAX ២០ គ្រឿងពីអាមេរិក

នាយករដ្ឋមន្រ្តីសម្រេចផ្លាស់ប្តូរឈ្មោះក្រុមហ៊ុនកម្ពុជាអង្គរអ៊ែរ ទៅជាក្រុមហ៊ុនអាកាសចរណ៍ជាតិកម្ពុជា