តាមដានជាមួយយើង៖ Million Times

អ្នកឧកញ៉ា ជឹង សុគន្ធាវី បាន​ថត​រូប​ក្នុង​សម្លៀកបំពាក់​បែប​បុរាណ ២ ឈុត​ជាមួយ​ស្វាមី និង​កូន​ៗ​ប្រុស​ស្រី។ ក្នុង​ចំណោម​២ ឈុត​នោះ ថៅកែ​ពណ៌​ត្នោត គឺ​លេចធ្លោ​បំផុត​ជាមួយ​គ្រឿងអលង្ការ​ពេជ្រ​ស​ភ្លឺ​ចិញ្ចែងចិញ្ចាច​តែម្ដង សម​នឹង​រូបរាង ព្រម​ទាំង​ឈុត​លើ​ខ្លួន​តែម្ដង។

សម្រាប់​រូបភាព​ក្នុង​ឈុត​បុរាណ​ទាំង​គ្រួសារ​នេះ អាច​ជា​ការ​អបអរ សម្រាប់​ខួប​អាពាហ៍ពិពាហ៍​រយៈ ២៧ ឆ្នាំ ដែល​បាន​ចាប់ដៃ​គ្នា​សាង​គ្រួសារ។ អ្នកឧកញ៉ា ជឹង សុគន្ធាវី គឺជា​ថ្នាក់ដឹកនាំ​ជាន់​ខ្ពស់​ក្រុមហ៊ុន​ផលិត​ទឹកបរិសុទ្ធ វីតាល់ និង​មី​ជាតិ ហើយ​ត្រូវ​បាន​គេ​ស្គាល់​ថា​ជា​កូន​ស្រី​បង្កើត​របស់ អ្នកឧកញ៉ា ឡៅ ម៉េងឃីន និង​អ្នកឧកញ៉ា ជឹង សុភាព ហៅ «យាយភូ»។

ក្រោយ​ចាប់ដៃ​គ្នា​សាង​គ្រួសារ​អស់​រយៈពេល ២៧​ឆ្នាំ នាយក​គ្រប់គ្រង​ក្រុមហ៊ុន NVC Corporation ដែល​មហាជន​ស្គាល់​​ច្បាស់​ថា​​ជា​ម្ចាស់​ក្រុមហ៊ុន​ទឹក​បរិសុទ្ធ វីតាល់ និង​អ្នកឧកញ៉ា ជឹង សុគន្ធាវី តែងតែ​បណ្ដើរ​គ្នា​ទាំង​ត្រសង​ចូល​រួម​កម្មវិធី​នានា មិន​ថា​តូច​មិន​ថា​ធំ​ឡើយ ដោយ​ភាគច្រើន​គឺ​កម្មវិធី​ជប់លៀង មង្គលការ​លំដាប់​អភិជន។

ងាក​ទៅ​មើល​ខួប​អាពាហ៍ពិពាហ៍​ឆ្នាំ​មុន​វិញឧកញ៉ា ឡាវ វ៉ាន់ បាន​រៀបចំ​កម្មវិធី​ surpries ភរិយា​តាំងពី​ម៉ោង ៥ ទៀបភ្លឺ​ព្រឹក ជាមួយ​កូន​ៗ​យ៉ាង​សាមញ្ញ និងមានសុភមង្គល៕

អត្ថបទ៖ មេរ៉ា, រូបភាព៖ One Memory

The post អ្នកឧកញ៉ា ជឹង សុគន្ធាវី និងឧកញ៉ា ឡាវ វ៉ាន់ ថៅកែមីជាតិ ថតរូបជុំគ្រួសារគម្រប់ខួបអាពាហ៍ពិពាហ៍ ២៧ ឆ្នាំ appeared first on Millions times.