តាមដានជាមួយយើង៖ Million Times

អគ្គនាយក​នៃ​ក្រុមហ៊ុន ជីប ម៉ុង អិនស៊ី ស៊ីមេន ខបភើរេសិន បាន​ឲ្យ​ដឹង​ថា «អ្នក​ដឹកនាំ​មិន​មែន​ទាល់តែ​មាន​កូន​ក្រុម​ច្រើន​ឡើយ ទោះ​មាន​កូន​ក្រុម​តែ​ម្នាក់ ក៏​ជា leader ដែរ»។ ក្នុង​នាម​ជា​អ្នក​កាន់​​ជំនួញ​ជាច្រើន​ក្នុង​ដៃ អ្នកឧកញ៉ា លាង ពៅ បាន​រៀបរាប់​ពី​គោល​គំនិត​នៃ​អ្នក​ដឹកនាំ គឺ​ត្រូវ​ធ្វើ​ជា​គំរូ​ឲ្យ​អ្នក​ក្រោម​បង្គាប់​ធ្វើ​តាម។

លោក​បាន​បន្ត​ទៀត​ថា អ្នក​ដឹកនាំ​ពិតតែងមាន​គំនិត​ចង់​ឲ្យ​កូន​ក្រុម​រីក​ចម្រើន​ទៅ​មុខ​ដូច​ខ្លួន​ដែរ បែប​នេះ​ហើយ​ទើប​សម​អាច​ដឹក​នាំ​គេ​បាន។ ដើម្បី​ឲ្យ​ក្រុម​មាន​ភាព​រីក​ចម្រើន អ្នក​ដឹកនាំ​​នេះ​ឯង​ត្រូវ​នៅ​ក្បែរ​ក្រុម​ឲ្យ​បាន​ច្រើន ដោយ​ចំណាយ​ពេល​និយាយ​ប្រាស្រ័យ​ទាក់ទង​ជាមួយ​ក្រុម។

អ្នកឧកញ៉ា លាង ពៅ ក៏​បាន​លើកឡើង​បន្ត​ថា បើ​ឃើញ​សមាជិក​ក្រុម​ម្នាក់​មិន​សប្បាយ​ចិត្ត ត្រូវ​តែ​សួរនាំ ដើម្បី​ស្វែង​រក​ឫសគល់ និង​ចូល​ខ្លួន​សូម​ជួយ​ដោះស្រាយ​បញ្ហា​មិន​សប្បាយ​ចិត្ត​របស់​ក្រុម​ការងារ។

ដើម្បី​ឲ្យ​អ្នក​ក្រោម​បង្គាប់​ជឿជាក់​ថា ខ្លួន​ជា​អ្នក​ដឹកនាំ​ល្អ​មែន ត្រូវ​បើក​ទូលាយ​​ឲ្យទូលាយ អាច​ឲ្យ​អ្នក​ដទៃ​ដែលមាន​បញ្ហា​​​ចូល​មក​ពិភាក្សា​ជាមួយ​បាន ឬ​មិន​ចាំ​តែ​ក្រុម​ចូល​មក​និយាយ​ឡើយ ត្រូវ​ចេះ​សង្កេត​ទឹក​មុខ​អ្នក​ក្រោម​បង្គាប់ សួរ​សុខទុក្ខ​ដល់​បុគ្គលិក​គ្រប់​រូប។

ជាចុងក្រោយ អ្នកឧកញ៉ា លាង ពៅ បាន​កំណត់​និយមន័យ​របស់​លោក​ថា ភាព​ជា​អ្នក​ដឹក ត្រូវ​ចំណាយ​ពេល​ច្រើន​ខ្លាំង​ជាង​អ្នក​នៅ​ក្រោម​ទៅ​ទៀត ហើយ​ក៏​ជា​មនុស្ស​ត្រូវ​ទទួល​រង​សម្ពាធ​ច្រើន​ជាង​គេ ទើប​អាច​ដឹក​នាំ​អ្នក​ដទៃ​បាន។ មួយ​វិញ​ទៀត ត្រូវ​គិត​បញ្ហា​ទាំងអស់ និង​ការ​លំបាក​ទៅ​ជា​ឱកាស​វិញ៕

អត្ថបទ៖ ឆដា, រូបភាព Neak Oknha LEANG Pov

The post អគ្គនាយកក្រុមហ៊ុន ជីប ម៉ុង អ្នកឧកញ៉ា លាង ពៅ ឲ្យនិយមន័យភាពជាអ្នកដឹកនាំ appeared first on Millions times.

ប្រយោគសារដ៏ពិសេសមួយដែលឧកញ៉ា លាង ពៅ ហៅ ភីធ័រ តែងបន្លឺឡើង «Gumball ដើម្បីទេសចរណ៍»។ លោកថ្លែងថា ក្នុងការរៀបចំព្រឹត្តិការណ៍ Gumball 3000 Rally in Cambodia រយៈពេល៣ថ្ងៃកាលពីខែកញ្ញាកន្លងទៅនោះ ក្រុមហ៊ុន ជីប ម៉ុង គ្រុប ចំណាយថវិកាប្រមាណ៤០ម៉ឺនដុល្លារ។

តាមដានជាមួយយើង៖ Million Times

ព្រឹត្តិការណ៍ Gumball 3000 មានរថយន្តចូលរួមសរុប ៣៤៩គ្រឿង ក្នុងនោះរថយន្តប្រតិភូ Gumball 3000 កម្ពុជា មានចំនួន ២៤៦គ្រឿង អមដោយប្រតិភូ Gumball 3000 ប្រមាណ ៥៦៣នាក់ ខណៈប្រតិភូ Gumball 3000 កម្ពុជា ប្រមាណ៣៥០នាក់។

ក្នុងឱកាសបើកកម្មវិធី Post Gumball 3000 នារាត្រីថ្ងៃទី២៣ ខែវិច្ឆិកា ឆ្នាំ២០២៤ នៅសួនច្បារមុខព្រះរាជដំណាក់ក្រុងសៀមរាប ឧកញ៉ា លាង ពៅ អគ្គនាយកពហុពាណិជ្ជកម្មនៃក្រុមហ៊ុន ជីប ម៉ុង ក៏បានរំឭកពីភាពជោគជ័យនៃគោលបំណងចម្បងៗចំនួន៤ នៃការរៀបចំព្រឹត្តិការណ៍ Gumball 3000 Rally in Cambodia កាលពីខែកញ្ញា ឆ្នាំ២០២៤ កន្លងទៅ ហើយក៏ជាឧត្តមប្រយោជន៍គួរជាទីមោទនៈសម្រាប់ប្រជាជាតិកម្ពុជាទាំងមូលក្នុងនោះរួមមាន៖ ជាយុទ្ធនាការលើកស្ទួយវិស័យទេសចរណ៍, យុទ្ធការសប្បុរសធម៌, ជំនួបធុរកិច្ចរវាងពាណិជ្ជករជាតិ និងអន្តរជាតិ និងការបង្កើតកំណត់ត្រាពិភពលោកហ្គីណេស។

សូមជម្រាបថា កាលពីថ្ងៃទី២៣ ខែវិច្ឆិកា នៅខេត្តសៀមរាប ស្ថាប័ន Giunness World Records បានប្រគល់ផ្លូវការនូវវិញ្ញាបនបត្របញ្ជាក់ពីការបំបែកកំណត់ត្រាពិភពលោក «ការតាំងបង្ហាញរថយន្ត SUPER CARS / HYPER CARS ច្រើនជាងគេបំផុតលើពិភពលោក» ដល់ក្រសួងទេសចរណ៍កម្ពុជា៕

អត្ថបទ៖ សាងតេជៈ រូបភាព៖ Gumball 3000

The post ក្រុមហ៊ុន ជីបម៉ុង ចាយអស់ ៤០ម៉ឺនដុល្លាររៀបចំព្រឹត្តិការណ៍ Gumball 3000 appeared first on Millions times.

បន្ទាប់ពីចូលសាងផ្នួសអស់រយៈពេល ១៤ថ្ងៃ ភិក្ខុលាង ពៅ បានសិកមកជាគ្រហស្ថវិញ ហើយក្នុងថ្ងៃលាចាកសិក្ខាបទនោះ ញោមស្រី គឺលោកស្រីលោកអ្នកឧកញ៉ា ភាព ហៀក បានពោរពាក្យពេជ្រយ៉ាងពិរោះប្រកបដោយអត្ថន័យជ្រាលជ្រៅចំពោះកូនប្រុសដែលយកពុទ្ធសាសនាជាទីពឹងទីរលឹកក្នុងការសិក្សាប្រតិបត្តិផ្នែកពុទ្ធចក្រ។

តាមដានជាមួយយើង៖ Million Times

លោកស្រីថ្លែងដោយក្តីរំភើបញ៉ាប់ញ័រក្នុងចិត្តជាមួយសំឡេងដ៏ពិរោះភ្ជាប់នឹងអត្ថន័យខ្លឹមសារចំពោះមុខកូនប្រុសដែលបានលះបង់ការសប្បាយរីករាយក្នុងសង្គម ហើយមករកផ្លូវសាងអំពើល្អដែលទាំងអស់នេះធ្វើឲ្យលោកស្រីសប្បាយចិត្តខ្លាំងណាស់។

លោកស្រីក៏បានណែនាំឲ្យឧកញ៉ា លាង ពៅ ឧស្សាហ៍ចូលវត្តដើម្បីធ្វើសមាធិ និងជួយទ្រទ្រង់ពុទ្ធសាសនាឲ្យបានគង់វង្សរឹងមាំយូរអង្វែងតរៀងទៅ។ បន្ថែមពីនេះលោកស្រីក៏បានផ្តាំឲ្យលោក ភីធ័រ ចេះស្រលាញ់សាមគ្គីគ្នាក្នុងក្រុមគ្រួសារជាធ្លុងមួយ ដែលចំណុចគឺជាអ្វីដែលលោកស្រីប្រាថ្នាចង់ក្នុងជីវិត។

សូមស្តាប់ប្រសាសន៍លោកស្រីលោកអ្នកឧកញ៉ា ភាព ហៀក អគ្គនាយកកក្រុមហ៊ុន ជីបម៉ុង គ្រុប៖

សូមជម្រាបថា លោកឧកញ៉ា លាង ពៅ ក្រោយបំពេញបេសកកម្មដ៏ធំជូនជាតិពាក់ព័ន្ធនឹងការរៀបចំព្រឹត្តិការណ៍ដ៏កម្រ Gumball 3000 ដែលជាការជួបជុំរថយន្តទំនើបលំដាប់អភិជនជុំវិញពិភពលោកមកកាន់ប្រទេសកម្ពុជាកាលពីកញ្ញាកន្លងទៅ លោកក៏បានសម្រេចចូលសាងផ្នួសកាលពីថ្ងៃទី៧ ខែតុលា ឆ្នាំ២០២៤នេះរយៈ​ពេលខ្លី​​ នៅ​ពុទ្ធមណ្ឌលវិបស្សនា។

លោក លាង​ ពៅ ជា​អគ្គនាយក​ក្រុម​ហ៊ុន​ខ្មែរ ប៊ែវើវីជីស (Khmer Beverages) ដែលចូលរួមដឹកនាំក្រុមហ៊ុន ជីបម៉ុង គ្រុបជាមួយមានបងៗលោកជាច្រើនរូបទៀតរួមមាន៖ លោកអ្នកឧកញ៉ា ​លាង ឃុន និងអ្នកឧកញ៉ា លាង ម៉េង ជាដើម៕

អត្ថបទ៖ សេដ្ឋានី រូបភាព៖ jingzerxing2

The post វីដេអូ៖ មកស្តាប់ពាក្យពេជ្រលោកស្រី ភាព ហៀក ថ្លែងក្នុងថ្ងៃលាចាកសិក្ខាបទភិក្ខុ លាង ពៅ appeared first on Millions times.

ពិធីបំបួសនាគដែលជាកូនអភិជនលោកស្រី ភាព ហៀក ស្ថិតនៅពុទ្ធមណ្ឌលវិបស្សនាធុរៈនៃកម្ពុជា ខាងលិចភ្នំព្រះរាជទ្រព្យ(ភ្នំឧដ្តង្គ) ឃុំផ្សាដែក ស្រុកពញាព្ម ខេត្តកណ្តាល ភាគខាងជើងរាជធានីភ្នំពេញ ចម្ងាយប្រមាណជា ៦០គីឡូម៉ែត្រ។

តាមដានជាមួយយើង៖ Million Times

បើតាមពុទ្ធវិន័យ ការចូលបួសគឺត្រូវមានព្រះឧបជ្ឈាយ៍ជាអ្នកបំបួសនិងនៅចំពោះភិក្ខុសង្ឃជាច្រើនអង្គ។ សម្រាប់ព្រះគ្រូឧបជ្ឈាយ៍របស់ភិក្ខុ លាង ពៅ ព្រះសាសនមុនី ហ៊ឹម ប៊ុនធឿន ធម្មត្ថេរោ ប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា។

លើបណ្តាញសង្គមផ្ទាល់ខ្លួន ព្រះអង្គ ហ៊ឹម ប៊ុនធឿន មានសង្ឃដីកាអំពីការបួសក្នុងព្រះពុទ្ធសាសនាចំពោះភិក្ខុថ្មី លាង ភីធ័រ។ ព្រះអង្គមានសង្ឃដីកាថា យើងមានសទ្ធាជ្រះថ្លាបួសក្នុងព្រះពុទ្ធសាសនាតាមឱវាទរបស់ព្រះអង្គដើម្បីសិក្សាគោរពប្រតិបត្តិឱ្យបានត្រឹមត្រូវតាមធម៌វិន័យពិតប្រាកដ។ ទោះបីមិនមានបុគ្គលណាគេសរសើរ គេស្រឡាញ់ គេគោរពរាប់អានក៏មិនអីដែរ។ ឱ្យតែព្រះពុទ្ធទ្រង់សរសើរគ្រប់គ្រាន់ហើយ។

យ៉ាងណាការបួស ដើម្បីចង់សងគុណឪពុកម្តាយ ហើយខិតខំប្រឹងប្រែងសិក្សាគោរពប្រតិបត្តិឱ្យបានល្អ ធ្វើខ្លួនឱ្យក្លាយជាកូនល្អ មានគុណធម៌ថ្លៃថ្នូរសមរម្យ។ ទោះបីមិនមានមិត្តភក្តិ ឬបុគ្គលណាគេសរសើរ គេគោរពស្រឡាញ់រាប់អានក៏មិនអីដែរ ឱ្យតែឪពុកម្តាយបងប្អូនរបស់យើងសរសើរ ស្រឡាញ់គោរពរាប់អាន ត្រេកអរពេញចិត្តនូវអំពើល្អរបស់កូន ហើយកូនបានតបស្នងបំពេញបំណងល្អចំពោះអ្នកមានគុណ បានទាន់ពេលគាត់មានជីវិតរស់នៅ វាល្អគ្រប់គ្រាន់ណាស់ទៅហើយ។ ព្រះអង្គ ហ៊ឹម ប៊ុនធឿន មានសង្ឃដីកាបន្ថែម។

សូមជម្រាបថា ភិក្ខុ លាង ពៅ ហៅ ភីធ័រ គឺជាកូនលោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីបម៉ុង គ្រុប។ ភិក្ខុភីធ័រ កាលមុនចូលសាងផ្នួស គឺជាអគ្គនាយកពហុពាណិជ្ជកម្មក្រុមហ៊ុន ជីបម៉ុង៕

អត្ថបទ៖ សាងតេជៈ រូបភាព៖ បណ្តាញសង្គម

The post មកដឹងពាក្យពេជ្រដែលព្រះគ្រូឧបជ្ឈាយ៍ភិក្ខុ លាង ពៅ ទូន្មានប្រៀនប្រដៅ appeared first on Millions times.

សេដ្ឋី​វាល់​លាន​មកពី​គ្រួសារ ជីប ម៉ុង គឺ​លោក លាង ពៅ ហៅ Peter ស្ថាបនិក Rev Up Cambodia បាន​សម្រេច​ចិត្ត​ជ្រះថ្លា​សាង​ផ្នួស​មួយ​រយៈ ក្រោយ​ជោគជ័យ​កម្មវិធី Gumball 3000 Rally ដោយ​បាន បំបែក​កំណត់ត្រា​ពិភពលោក GUINNESS WORLD RECORD ជា​ផ្លូវការ តាម​រយៈ​ការ​ដាក់​តាំង​បង្ហាញ​រថយន្ត Supercars/Hypercars ​ច្រើនជាងគេបំផុតលើពិភពលោ។

តាមដានជាមួយយើង៖ Million Times

ថ្ងៃនេះ​អគ្គនាយក​ពហុ​ពាណិជ្ជកម្ម ក្រុមហ៊ុន ជីប និង​ជា​អគ្គនាយក​ក្រុមហ៊ុន​ខ្មែរ​ប៊ែរវឺរីជីសម៉ុង​ឧកញ៉ា លាង ពៅ ហៅ ហ៊ា ភីធើរ បាន​លា​ក្រុម​គ្រួសារ ដើម្បី​សាង​ ផ្នួស ជា​ការ​បួស​រៀន​សង​គុណ​ឪពុក​ម្ដាយ (គុណម្តាយមាន ១២ គុណឪពុកមាន២១) ដែល​ជា​ជំនឿ​ទំនៀមទម្លាប់​អ្នក​កាន់​ពុទ្ធសាសនា។

ស្ថាបនិក Rev Up Cambodia អញ្ជើញ​មក​ពុទ្ធ​មណ្ឌល​វិបស្សនា​ធុរៈ នៃ​ព្រះរាជាណាចក្រ​កម្ពុជា ដើម្បី​សាង​ផ្នួស​សង​គុណ​មាតា។ ក្នុង​ឱកាស​ដ៏​ថ្លៃថ្លា​នោះ​ដែរ​មាន​ការ​ចូលរួម​ពី​សំណាក់​ញាតិមិត្ត​បងប្អូន និង​មនុស្ស​ជំនិត​របស់​ឧកញ៉ា លាង ពៅ។

ក្រុម​គ្រួសារ​សេដ្ឋី​ជីប ម៉ុង ក៏​បាន ប្រគេន​ទេយ្យទាន​ដល់​ព្រះសង្ឃ​ដែល​គង់​នៅ​ពុទ្ធមណ្ឌល​វិបស្សនា​ធុរៈ​ជា​ច្រើន​អង្គ​ផង​ដែរ៕

The post ស្ថាបនិក Rev Up Cambodia សាងផ្នួសមួយរយៈ ក្រោយបំពេញមុខមាត់ជូនជាតិមាតុភូមិ appeared first on Millions times.

នៅល្ងាចថ្ងៃអង្គារនេះ គណៈប្រតិភូ Gumball 3000 បានចាកចេញពីកម្ពុជាហើយដោយឆ្លងកាត់ច្រកទ្វារអន្តរជាតិប៉ោយប៉ែត ដើម្បីបន្តដំណើរចូលប្រទេសថៃ ក្រោមកិច្ចទទួលស្វាគមន៍ និងរៀបចំសន្តិសុខ សណ្តាប់ធ្នាប់យ៉ាងល្អប្រសើរពីសំណាក់អាជ្ញាធរ និងសមត្ថកិច្ច។

តាមដានជាមួយយើង៖ Million Times

សម្តេចនាយករដ្ឋមន្រ្តី ហ៊ុន ម៉ាណែត គូសបញ្ជាក់ថា ព្រឹត្តិការណ៍ Gumball 3000 បង្កើតបាននូវស្នាមញញឹម ភាពកក់ក្ដៅ ភាពជឿជាក់ និងអនុស្សាវរីយ៍ល្អៗរបស់អ្នកចូលរួមក្នុងព្រឹត្តិការណ៍ Gumball 3000 នៅលើទឹកដីអង្គរ របស់កម្ពុជា។ ជាមួយគ្នានេះសម្តេចនាយករដ្ឋមន្រ្តី បានប្រកាសអរគុណដែលបានជ្រើសរើសយកកម្ពុជា និងមកកាន់ប្រាសាទអង្គរវត្តទឹកដីនៃព្រះរាជាណាចក្រអច្ឆរិយ។ 

ទស្សនៈជារួមមកលើព្រឹត្តិការណ៍ Gumball 3000 ត្រូវបានមហាជនខ្មែរសម្តែងការអបអរសាទររីករាយជាខ្លាំងចំពោះព្រឹត្តិការណ៍អន្តរជាតិលើកដំបូងនេះ ជាមួយនឹងការរំពឹងទទួលបានផលចំណេញមហាសាលដែលធ្វើឲ្យពិភពលោកស្គាល់កម្ពុជាកាន់ច្បាស់នូវពេលវេលាមានសុខសន្តិភាព ភាពរីកចម្រើនរុងរឿងនៃវប្បធម៌ ប្រពៃណីរបស់ខ្លួនលើឆាកអន្តរជាតិ។

លោក លាង ពៅ ដែលជាម្ចាស់ក្រុមហ៊ុន ជីបម៉ុង គ្រុប និងជាស្ថាបនិកមួយរូបដែលជាអ្នករៀបចំ Gumball 3000 In Cambodia បានអះអាងថា តាមរយៈព្រឹត្តិការណ៍អន្តរជាតិ Gumball 3000 កម្ពុជាទទួលបានផលចំណេញយ៉ាងច្រើនក្នុងផ្សព្វផ្សាយទៅកាន់ពិភពលោក។ ទន្ទឹមនឹងលោកឧកញ៉ា លាង ពៅ បានបញ្ជាក់ថា ថវិកាប្រមាណ ៤០ម៉ឺនដុល្លារដែលប្រមូលបានពីព្រឹត្តិការណ៍ Gumball 3000 នឹងត្រូវប្រគល់ជូនមន្ទីរពេទ្យកុមារអង្គរ ខេត្តសៀមរាបផងដែរ។

លោក ខេមរា ជាអ្នកផលិតមាតិកាដ៏ល្បីរបស់កម្ពុជា បានបញ្ជាក់ថា យុវជនអាច ជួយជាតិ តាមរយៈការផ្សព្វផ្សាយរឿងល្អៗ នៅលើបណ្តាញសង្គម។ លោកអះអាងថា ព្រឹត្តិការណ៍ Gumball 3000 ពិតជានាំអោយកម្ពុជាល្បីរន្ទឺ ព្រោះមានអ្នកផលិតមាតិកាអន្តរជាតិល្បីៗជាច្រើនរូបចូលរួមផ្សព្វផ្សាយ។

លើសពីនេះទៅទៀត ឧបនាយករដ្ឋមន្រ្តី ហ៊ុន ម៉ានី រដ្ឋមន្រ្ត៏ក្រសួងមុខងារសាធារណៈ បានលើកឡើងថា កម្ពុជា មានមោទនភាពក្នុងការបើកទ្វារទទួលបណ្តាប្រិយមិត្តមកពីទូទាំងពិភពលោកឱ្យបានស្គាល់នូវសម្បត្តិវប្បធម៍ និងទេសភាពដ៏ស្រស់ត្រកាលនៃដែនដីអច្ឆរិយៈរបស់យើង។ 

លោកបន្តថា ព្រឹត្តិការណ៍ Gumball មិនត្រឹមតែបានស្រូបទាញអ្នកមកទស្សនាកម្ពុជាក្នុងអំឡុងពេលកម្មវិធីប៉ុណ្ណោះទេ តែវាក៏បានផ្ញើសារទៅកាន់ពិភពលោកនូវសក្តានុពលវិស័យទេសចរណ៍ ស្នាមញញឹមរបស់ប្រជាជន និងបរិយាកាសដ៏សែនកក់ក្តៅដែលអ្នកចូលរួមកម្មវិធីបានចែករំលែកនៅលើទំព័របណ្តាញសង្គមរបស់ពួកគេ៕

អត្ថបទ៖ សាងតេជៈ រូបភាព៖ ក្រសួងទេសចរណ៍

The post ព្រឹត្តិការណ៍ជួបជុំតាំងបង្ហាញរថយន្តទំនើប និងកម្រHypercar-Supercar បញ្ចប់ហើយដែលទទួលបានផលចំណេញយ៉ាងច្រើនសន្ធឹក appeared first on Millions times.

ព្រឹត្តិការណ៍ Gumball 3000 ដែល​កំពុង​ទាក់ទាញ​ការ​ចាប់អារម្មណ៍ និង​ល្បី​រន្ទឺ ដោយសារ​ការ​ប្រមូល​ផ្ដុំ​ឡាន Supercar និង Hypercar ជាច្រើន​មក​ពី​ជុំវិញ​ក្នុង​ស្រុក និង​ក្រៅ​ស្រុក។ សម្រាប់​រថយន្ត​ទំនើប​មួយ​គ្រឿង​ដែល​ធ្វើឲ្យ​អ្នក​បាន​ចូលរួម​ថ្ងៃ Pre-Event ដែល​ធ្វើ​ឡើង​នៅ​សៀមរាប​កាលពី​សប្ដាហ៍​មុន​នោះ គឺ Bugatti Chiron ឧកញ៉ា លាង ពៅ (ភីធើរ) អគ្គនាយក​ពហុ​ពាណិជ្ជកម្ម ក្រុមហ៊ុន ជីប ម៉ុង។

តាមដានជាមួយយើង៖ Million Times

Bugatti Chiron គឺជា​កំពូល​រថយន្ត​ក្នុង​លោក ដែល​មាន​តម្លៃ​ជាង ៣ លាន​ដុល្លារ​ចេញ​ពី​រោងចក្រ ហើយ​មក​ដល់​ស្រុក​ខ្មែរ បើ​តាម​អ្នក​ជំនាញ​កន្លង​មក​បញ្ជាក់​ថា អាចជាង​ ៤ លាន​ដុល្លារ​ឯណោះ។ ព្រឹត្តិការណ៍​ដ៏​កក្រើក Gumball 3000 ដែល​ត្រូវធ្វើ​ឡើង​​នា​ពាក់​កណ្ដាល​ខែ​កញ្ញា ចាប់ពី​ថ្ងៃ១៥,១៦ និង​១៧ នៅ​ខេត្ត​សៀមរាប ដោយ​មាន​ការ​ចូលរួម​ពី​សំណាក់​តារា សេដ្ឋី អ្នក​មុខ​អ្នកការ​ច្រើន។ ព្រឹត្តិការណ៍​នោះ​ដែរ ក៏​ត្រូវ​បាន​គេ​រំពឹង​ថា​អាច​ទាក់ទាញ​ទេសចរណ៍​អន្តរជាតិ ឲ្យ​មក​ទស្សនា​កម្ពុជា​កាន់តែ​ច្រើន​ៗ។

ងាក​ទៅ​មើល​រថយន្ត​ប្រណីត​របស់​ឧកញ៉ា លាង ពៅ ឃើញ​ថា​មាន​ប្រជាប្រិយភាព​ខ្លាំង ដោយ​មាន​ហ្វេន​ចាំ​សុំ​ថត​រូប​ជាមួយ​ព្រោងព្រាត។ ចំណែក​ការ​រៀបចំ​ខ្លួន​ទៀតសោត ​​សេដ្ឋី ភីធើរ ពិតជា​ង្ហា ទាន់​សម័យ តែ​មិនដូច​​ក្មេង​ស្ទាវ​ឡើយ ពោល​គឺ​ស័ក្តិសម​នឹង​គោមរម្យ​ជា​ឧកញ៉ា​រប់​លោត​តែម្ដង។

ព្រឹត្តិការណ៍​លំដាប់​អន្តរជាតិ​នេះ​ដែរ​មាន​រថយន្ត​ប្រណីត​ៗ​​ដូចជា​ស៊េរីLamborghini, Ferrari, Roll Royce, Porsche, uston Martin និង Bugatti ជាដើម។

ព្រឹត្តិការណ៍​អន្តរជាតិ Gumball 3000 ប្រមូលផ្ដុំ​ដោយ​រថយន្ត​កំពូល​ៗ​លើ​លោក រាប់​រយ​គ្រឿង ហើយ​ម្ចាស់​រថយន្ត​សុទ្ធសឹងតែ​លំដាប់​មហាសេដ្ឋី និង​ជា​បុគ្គល​​ល្បី​ៗ​លំដាប់​ពិភពលោក​ដូច​គ្នា​ដែរ៕

រូបភាព៖ Rev Up Cambodia

The post សេដ្ឋី​វាល់លាន​មកពីគ្រួសារ ជីប ម៉ុង ត្រៀម​ឡាន​ Bugatti Chiron តម្លៃជាង ៤ លានដុល្លារ សម្រាប់ព្រឹត្តិការណ៍ Gumball 3000 appeared first on Millions times.