លម្អិតឈុតសម្លៀកបំពាក់ប្រពៃណី និងស្បែកជើងម៉ាកល្បីៗរបស់លោកស្រី លឹម សុខចេង ភរិយាឧកញ៉ា ចាប មួយហុង ថ្ងៃមង្គលការកូនប្រុសច្បង

Vin Chang — Sat, 28 Mar 2026 02:40:40 +0000

ភរិយាឧកញ៉ា ចាប មួយហុង ម្ចាស់ហាងលក់សម្លៀកបំពាក់ លីម ហុង នាថ្ងៃមង្គលការកូនប្រុសច្បង លីម ហ្វីលីប ជាមួយកូនស្រីអ្នកឧកញ៉ា អ៊ឹង ប៊ុនហ៊ូវ នៅតែត្រូវបានមហាជនកោតសរសើរពីសម្រស់ និងការរៀបចំខ្លួនជាមួយឈុតសម្លៀកបំពាក់យ៉ាងប្រណីត និងមើលទៅស្រស់ស្អាតថ្លៃថ្នូរបំផុតនាកម្មវិធីពិសេលពិសាលនោះ។

តាមដានជាមួយយើង៖ Million Times

នាថ្ងៃមង្គលជ័យកូនប្រុសស្រី លោកស្រី លឹម សុខចេង បានរៀបចំសម្លៀកបំពាក់យ៉ាងស្រស់ស្អាតអស្ចារ្យសមជាភរិយាឧកញ៉ា ដែលមានជំនួញធំៗក្នុងដៃ និងសមជាថៅកែស្រីនៃហាងលក់សម្លៀកបំពាក់ លីម ហុង ដែលបានឈរជើងលើទីផ្សាររាប់សិបឆ្នាំ។

និយាយដល់ម៉ូដសម្លៀកបំពាក់របស់លោកស្រី សុខចេង រយៈពេល ២ ថ្ងៃ នៃថ្ងៃមង្គលការកូនប្រុសច្បងកាលពីសប្ដាហ៍មុននោះ ភរិយាសំណព្វចិត្តរបស់ឧកញ៉ា ចាប មួយហុង បានផ្លាស់ប្ដូរឈុតប្រពៃណីបុរាណខ្មែរ សំពត់ផាមួងបត់ អាវប៉ាក់ជាច្រើនម៉ូដ និងស្បែកជើងប្រេនល្បីៗជាច្រើនគូ។

លោកស្រី សុខចេង បានផ្លាស់ប្ដូរសម្លៀកបំពាក់១ឈុត ហើយស្បែកជើងក៏ដូរ១ គូថ្មីដែរ ក្នុងនោះមានដូចជាប្រេន Manolo Blahnik, Gianvito Rossi និង Jimmy Choo ជាដើម ដោយ ១ សម្រាប់ៗរបស់លំដាប់សេដ្ឋិនីរូបនេះ មានតម្លៃចាប់ពីជាង ១ ពាន់ដុល្លារ ដល់ ៣ ០០០ ដុល្លារឯណោះ។

ឈុតពណ៌លឿងថ្ងៃចូលរោងដ៏ប្រណីត និងស្រស់ស្អាត លោកស្រី លឹម សុខចេង បានជ្រើសយកស្បែកជើង Manolo Blahnik Yellow Satin Jewel Buckle Pumps តម្លៃ ១ ៣៧៦ ដុល្លារ។ ឈុតពណ៌បៃតង លោកស្រី លឹម សុខចេង បានប្រើស្បែកជើងGreen Satin Jewel Buckle Pumps តម្លៃ ១ ៣៧៦ ដុល្លារ ស៊ីគ្នាជាមួយគ្រឿងអលង្ការពេជ្រ។

ចូលមកដល់ឈុតទី ៣ នៃថ្ងៃទី ១ លោកស្រីបានគ្រងសម្លៀកបំពាក់ប្រពៃណីពណ៌ស្វាយ និងស្បែកជើង Gianvito Rossi 105 Pumps ត្រូវគ្នានឹងគ្រឿងអលង្ការមាស។

មកដល់ព្រឹកហែរជំនូន ថៅកែស្រីហាងលក់សម្លៀកបំពាក់ លីម ហុង បានគ្រងឈុតសំពត់បត់អាវប៉ាក់ពណ៌ទឹកប្រាក់ និងស្បែកជើងGianvito Rossi 105 Pumps តម្លៃប្រមាណ ១ ពាន់ដុល្លារ។ ចំណែកកូនស្រីទាំង ២ របស់សេដ្ឋិនីរូបនេះ គឺថាមិនឲ្យចាញ់ម្ដាយឡើយ ដោយកាន់កាបូប Hermès តម្លៃរាប់ម៉ឺនដុល្លារ ហើយរូបសម្រស់ទៀតសោតគឺស្រស់ស្អាតដូចម្ដាយ ហើយកម្ពស់វិញដូចម៉ូដែលតែម្ដង៕

អត្ថបទ៖ ឆដា, រូបភាព៖ The ring wedding cambodia

The post លម្អិតឈុតសម្លៀកបំពាក់ប្រពៃណី និងស្បែកជើងម៉ាកល្បីៗរបស់លោកស្រី លឹម សុខចេង ភរិយាឧកញ៉ា ចាប មួយហុង ថ្ងៃមង្គលការកូនប្រុសច្បង appeared first on Millions times.

កូនស្រីសេដ្ឋី អ៊ឹង ប៊ុនហ៊ូវ ភ្ជាប់ពាក្យជាមួយកូនប្រុសថៅកែហាងលក់សម្លៀកបំពាក់ លីម ហុង

Vin Chang — Fri, 13 Dec 2024 06:33:58 +0000

មាន ២ គ្រួសារអភិជនដ៏ល្បី បានមកភ្ជាប់សាច់ភ្ជាប់ឈាមជាមួយគ្នា នោះគឺកូនប្រុសថៅកែហាងលក់សម្លៀកបំពាក់ លីម ហុង ចំណែកកូនស្រី គឺជាកូនរបស់សេដ្ឋី អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdings Co., Ltd.។

តាមដានជាមួយយើង៖ Million Times

ក្នុងពិធីចូលចែចូវនៃកូនប្រុសឧកញ៉ា ចាប មួយហុង និងលោកស្រី លឹម សុខចេង ដែលមានកូនកំលោះឈ្មោះ លីម ហ្វីលីប ជាគូកូនក្រមុំឈ្មោះ អ៊ឹង ស៊ីវឈីនស៊ី កូនស្រីបណ្ដូលចិត្តសេដ្ឋី អ៊ឹង ប៊ុនហ៊ូវ ហើយកម្មវិធីរៀបចំឡើងនៅគេហដ្ឋានដ៏ធំស្កឹមស្កៃនៃខាងស្រីតែម្ដង។ គ្រប់ប្លង់រូបថត បានបង្ហាញឲ្យឃើញយ៉ាងច្បាស់ពីភាពប្រណីត សព្វជ្រុងរបស់ភូមិគ្រឹះលំដាប់សេដ្ឋីជួរមុខស្រុកខ្មែរ។

កូនកំលោះរបស់ឧកញ៉ា ចាប មួយហុង គឺជានិស្សិតបញ្ចប់ការសិក្សាពីអង់គ្លេស រូបសម្បត្តិស្រស់សង្ហា ចំណេះដឹងជ្រៅជ្រះសមគ្នាជាមួយកូនស្រីម្ចាស់ក្រុមហ៊ុនអភិវឌ្ឍន៍ អចលនទ្រព្យដ៏ធំមួយនៅកម្ពុជា។ ចំណែកគ្រួសារខាងកូនកំលោះ ក៏រកស៊ីផ្នែកអចលនទ្រព្យ និងមានហាងលក់សម្លៀកបំពាក់ លីម ហុង ល្បីរាប់ឆ្នាំមកហើយ ព្រមទាំងពង្រីកបានច្រើនសាខា។

ភូមិគ្រឹះទាំងមូលរៀបចំទទួលកម្មវិធីចូលចែចូវ បានយ៉ាងស្រស់ស្អាត អមដោយផ្កាស្រស់រាប់សែនទង ហើយកូនកំលោះ និងកូនក្រមុំក៏បានគ្រងឈុតប្រពៃណីខ្មែរយ៉ាងសមសួន និងប្រកបដោយភាពថ្លៃថ្នូរ។

ងាកទៅមើលភ្ញៀវ និងសាច់ញាតិម្ចាស់កម្មវិធី ក៏បានរៀបចំខ្លួនក្នុងឈុតប្រពៃណីអាវប៉ាក់ សំពត់ហូលស្រស់ស្អាតទាំងព្រម អមជាមួយគ្រឿងអលង្ការភ្លឺចែងចាំងសឹងគ្រប់គ្នា។ ជុំវិញបរិវេណភូមិគ្រឹះដ៏ធំ ឃើញសុទ្ធតែជាឡានទំនើបចត៕

អត្ថបទ៖មេរ៉ា, រូបភាព៖The Ring Wedding Cambodia

The post កូនស្រីសេដ្ឋី អ៊ឹង ប៊ុនហ៊ូវ ភ្ជាប់ពាក្យជាមួយកូនប្រុសថៅកែហាងលក់សម្លៀកបំពាក់ លីម ហុង appeared first on Millions times.

ឧកញ៉ា ចាប មួយហុង Archives - Millions times

កូនស្រីសេដ្ឋី អ៊ឹង ប៊ុនហ៊ូវ ភ្ជាប់ពាក្យជាមួយកូនប្រុសថៅកែហាងលក់សម្លៀកបំពាក់ លីម ហុង