តាមដានជាមួយយើង៖ Million Times

ឧកញ៉ា កែវ មុំ នៅថ្ងៃទី៣ ខែកុម្ភៈនេះ បានជួបសម្តែងការគួរសម និងសំណេះសំណាលជាមួយឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង នៅ​ឯស្ថានទូតកម្ពុជានាទីក្រុងសេអ៊ូល។

ក្នុងឱកាសនោះ ឧកញ៉ា កែវ មុំ បានលើកឡើងថា គោលបំណងនៃការធ្វើទស្សនកិច្ចមកកូរ៉េលើកនេះ គឺពិនិត្យរោងចក្រវេចខ្ចប់ផ្លាស្ទិចរបស់កូរ៉េ ដែលខាងស្ថានទូតបានជួយភ្ជាប់ទំនាក់ទំនងកាលពីចុងឆ្នាំ២០២៥ កន្លងទៅនេះ។

ម្ចាស់ក្រុមហ៊ុន លីលី ហ៊្វូដ រូបនេះ បានចាប់អារម្មណ៍យ៉ាងខ្លាំងទៅលើគុណភាព និងសមត្ថភាពផលិតរបស់ក្រុមហ៊ុនវេចខ្ចប់របស់កូរ៉េនេះ ហើយចង់សហការជាមួយក្រុមហ៊ុន ដើម្បីបង្កើនសោភ័ណភាព និងស្តង់ដារនៃការវេចខ្ចប់ផលិតផលរបស់ក្រុមហ៊ុននំស្រួយលីលី។

បន្ថែមពីនេះទៀត ខាងក្រុមហ៊ុន ក៏ចង់ស្វែងរកឱកាសទីផ្សារថ្មី ដើម្បីនាំចេញផលិតផលជាច្រើនប្រភេទរបស់ក្រុមហ៊ុននំស្រួយលីលី ទៅកាន់ផ្សារកូរ៉េខាងត្បូង ផងដែរ។

ចំណែកឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង បានបង្ហាញក្ដីសង្ឃឹមថា ដំណើរទស្សនកិច្ចរបស់ឧកញ៉ា កែវ មុំ មកកូរ៉េលើកនេះ នឹងទទួលបានជោគជ័យ ព្រមទាំងអាចនាំយកបទពិសោធន៍ល្អៗ ចែករំលែកទៅកាន់ផលិតករដទៃទៀតនៅកម្ពុជា។

នៅក្នុងឱកាសនៃជំនួបនេះដែរ ភាគីទាំងពីរ ក៏បានធ្វើការផ្លាស់ប្តូរយោបល់ទៅលើកាលានុវត្តភាព និងបញ្ហាប្រឈមនៃការផលិត និងការនាំចេញផលិតផលកម្ពុជាចូលទីផ្សារបរទេស ពិសេសទីផ្សារកូរ៉េ៕

អត្ថបទ៖ វីរៈ​ រូបភាព៖ ហ្វេសប៊ុកឧកញ៉ា កែវ មុំ

The post ឧកញ៉ា កែវ មុំ ស្វែងរកឱកាសនាំចេញផលិតផល លីលី ហ៊្វូដ ទៅកាន់ទីផ្សារកូរ៉េខាងត្បូង appeared first on Millions times.

តាមដានជាមួយយើង៖ Million Times

ឧកញ៉ា កែវ មុំ បានបង្ហោះនៅលើហ្វេសប៊ុកថា «ព្រោះតែការឈឺចាប់ដោយសារការមើលងាយខ្មែរថា “ខ្មែរធ្វើអ្វីមិនកើត” ពឹងតែការនាំចូល ដូច្នេះហើយទោះជាលំបាកយ៉ាងណាក៏ដោយ ខ្ញុំត្រូវតែធ្វើឱ្យបាន ដូចពាក្យស្លោកថា “ខ្មែរធ្វើបាន” មិនឱ្យគេមើលងាយទៀតទេ»។

មេធំក្រុមហ៊ុន លីលី ហ៊្វូដ រូបនេះ ធ្លាប់បានឱ្យដឹងថា ក្រុមហ៊ុនរបស់លោកស្រី បាននិងកំពុងតែបន្តការសាងសង់រោងចក្រផលិត នូវផលិតផល ២ប្រភេទទៀត ដែលនឹងចេញរូបរាងនៅឆ្នាំក្រោយនេះ។

លោកស្រី បានអំពាវនាវដល់ប្រជាជនខ្មែរ ជួយគាំទ្រផលិតផលដែលជាស្នាដៃកូនខ្មែរសុទ្ធសាធ ហើយក៏បានលើកទឹកចិត្តដល់អ្នក ដែលនាំចូលផលិតផលប្រទេសថៃ គួរតែងាកមកគិតការផលិតនៅក្នុងស្រុកវិញ ដើម្បីជួយលើកតម្កើងភាពថ្លៃថ្នូររបស់ជាតិខ្មែរ។   

ម្ចាស់ក្រុមហ៊ុនលីលី ក៏បានលើកឡើងថា «បើបងប្អូនមិនមានជំនាញផលិត បងប្អូនអាចនាំចូលផលិតផលប្រទេសផ្សេងជាច្រើន មកជំនួសផលិតផលផ្ទះលេខ ២វិញ ដោយសរសេរអក្សរខ្មែរ ដើម្បីលើកតម្កើងអក្សរសាស្ត្រខ្មែរ»។

ម្យ៉ាងទៀត ការធ្វើដូច្នេះក៏ងាយស្រួលដល់ប្រជាជនខ្មែរ បានយល់នូវផលិតផលនោះផងដែរ ហើយដាក់ទីតាំងប្រទេសផលិតឱ្យបានច្បាស់លាស់ កុំឱ្យមានការភាន់ច្រឡំ។ ឧកញ៉ា កែវ មុំ លើកឡើងទៀតថា បើផលិតនៅប្រទេសណា សូមដាក់ផលិតនៅប្រទេសនោះ ដើម្បីរក្សានូវភាពថ្លៃថ្នូររបស់អ្នកនាំចូល និងអ្នកផលិត៕

អត្ថបទ៖ វីរៈ​ រូបភាព៖ ឧកញ៉ា កែវ មុំ

The post ឧកញ៉ា កែវ មុំ ធ្វើដំណើរទៅចិនពិនិត្យមើលម៉ាស៊ីនកែច្នែផលិតផលខ្មែរ មុនដឹកមកម្ពុជា appeared first on Millions times.

តាមដានជាមួយយើង៖ Million Times

នៅក្នុងវេទិកានេះ ប្រធានសភាមុខរបរ និងមីក្រូសហគ្រាសកម្ពុជា បានលើកឡើងថា ម្ចាស់អាជីវកម្មត្រូវចេះរៀនស្គាល់ខ្លួនឯង រៀនស្គាល់ពីផលិតផលខ្លួនឯង រៀនស្គាល់ពីទីផ្សារ រៀនស្គាល់ពីអតិថិជនអ្នកប្រើប្រាស់គាំទ្រ រៀនស្គាល់ពីដៃគូប្រជែង និងចេះរៀនបន្តអភិវឌ្ឍន៍ជំនាញអាជីវកម្មខ្លួនឯង នោះទើបអាជីវកម្ម មិនងាយនឹងដួលរលំ។

ឧកញ៉ា កែវ មុំ បានបន្ថែមទៀតថា «ទោះបីប្រទេសកំពុងតែជួបវិបត្តិសង្គ្រាមនៅតាមព្រំដែនយ៉ាងណាក៏ដោយ យើងទាំងអស់គ្នា ដែលជាម្ចាស់ជីវកម្មត្រូវតែខិតខំប្រឹងប្រែងពង្រឹង និងពង្រីកអាជីវកម្មរបស់ខ្លួនដើម្បីផ្គត់ផ្គង់ទំនិញ និងផលិតផលក្នុងស្រុកយើងដល់ប្រជាពលរដ្ឋខ្មែរប្រើប្រាស់ ឱ្យកាន់តែធំទូលាយនៅក្នុងប្រទេសយើង ហើយត្រូវកាត់បន្ថយការនាំចូលផលិតផលពីក្រៅប្រទេស ឬក៏មិនចាំបាច់រំពឹងការនាំចូលច្រើនពីប្រទេសផ្សេងនោះទេ»។

ឧកញ៉ា កែវ មុំ បានលើកទឹកចិត្តទៅដល់អ្នកគ្រប់គ្រង មកពីមូលដ្ឋានអាជីវកម្មទាំងអស់ ដោយសភាមុខរបរ និងមីក្រូសហគ្រាសកម្ពុជា នឹងបន្តជួយជ្រោមជ្រែង ប្រឹក្សាយោបល់គំនិតគ្រប់គ្រងអាជីវកម្មជាបន្តបន្ទាប់ ដើម្បីចូលរួមចំណែកអភិវឌ្ឍន៍មីក្រូសហគ្រាស ពីតូចទៅមធ្យម ពីមធ្យមទៅខ្នាតធំ ទៅតាមកម្រិតរីកចម្រើននៃមូលដ្ឋានអាជីវកម្មនីមួយៗ ផងដែរ៕

អត្ថបទ៖ វីរៈ រូបភាព៖ សភាមុខរបរ និងមីក្រូសហគ្រាសកម្ពុជា

The post ឧកញ៉ា កែវ មុំ ជំរុញឱ្យមានចលនាលើកកម្ពស់ផលិតផលក្នុងស្រុក និងផ្តើមគំនិតអាជីវកម្ម ចាប់ពីកម្រិតតូចៗឡើងទៅ​ appeared first on Millions times.

តាមដានជាមួយយើង៖ Million Times

តាមរយៈទំព័រហ្វេសប៊ុក នៅថ្ងៃទី២៧ ខែវិច្ឆិកានេះថា ឧកញ៉ា កែវ មុំ ប្រធានក្រុមប្រឹក្សាភិបាលក្រុមហ៊ុន លីលី ហ៊្វូដ អ៊ិនដាសទ្រី ខូអិលធីឌី បានឱ្យដឹងថា ក្រុមហ៊ុនរបស់លោកស្រី បាននិងកំពុងតែបន្តការសាងសង់រោងចក្រផលិតនូវផលិតផល ២ប្រភេទទៀត ដែលនឹងចេញរូបរាងនៅឆ្នាំក្រោយនេះ។

ក្នុងនោះដែរ ឧកញ៉ា កែវ មុំ បានអំពាវនាវដល់ប្រជាជនខ្មែរ ជួយគាំទ្រផលិតផលដែលជាស្នាដៃកូនខ្មែរសុទ្ធសាធ ហើយក៏បានលើកទឹកចិត្តដល់អ្នក ដែលនាំចូលផលិតផលប្រទេសថៃ គួរតែងាកមកគិតការផលិតនៅក្នុងស្រុកវិញ ដើម្បីជួយលើកតម្កើងភាពថ្លៃថ្នូររបស់ជាតិខ្មែរ។  

ជាមួយគ្នានេះ ម្ចាស់ក្រុមហ៊ុនលីលី រូបនេះ ក៏បានលើកឡើងថា «បើបងប្អូនមិនមានជំនាញផលិត បងប្អូនអាចនាំចូលផលិតផលប្រទេសផ្សេងជាច្រើន មកជំនួសផលិតផលផ្ទះលេខ ២វិញ ដោយសរសេរអក្សរខ្មែរ ដើម្បីលើកតម្កើងអក្សរសាស្ត្រខ្មែរ»។ ម្យ៉ាងទៀត ការធ្វើដូច្នេះក៏ងាយស្រួលដល់ប្រជាជនខ្មែរ បានយល់នូវផលិតផលនោះផងដែរ ហើយដាក់ទីតាំងប្រទេសផលិតឱ្យបានច្បាស់លាស់ កុំឱ្យមានការភាន់ច្រឡំ។

ឧកញ៉ា កែវ មុំ លើកឡើងទៀតថា បើផលិតនៅប្រទេសណា សូមដាក់ផលិតនៅប្រទេសនោះ ដើម្បីរក្សានូវភាពថ្លៃថ្នូររបស់អ្នកនាំចូល និងអ្នកផលិត។

គួរកត់សម្គាល់ថា ចាប់តាំងពីប្រទេសកម្ពុជា មានជម្លោះព្រំដែនជាថ្មីជាមួយប្រទេសថៃមក ប្រជាពលរដ្ឋខ្មែរ បានងាកមកគាំទ្រយ៉ាងភ្លុកទឹកភ្លុកដី នូវផលិតផលផលិតក្នុងស្រុក។ ចំណែក ឯអ្នកផលិត ក៏បានបង្កើនបរិមាណ និងគុណភាពផលិត ហើយក៏បានរៀបចំបង្កើតឱ្យមានផលិតផលថ្មីៗ ថែមទៀតដែរ៕

អត្ថបទ៖ វីរៈ រូបភាព៖ ឧកញ៉ា កែវ មុំ

The post ក្រុមហ៊ុនឧកញ៉ា កែវ មុំ កំពុងសាងសង់រោងចក្រផលិតនូវផលិតផល ២ប្រភេទទៀត appeared first on Millions times.

តាមដានជាមួយយើង៖ Million Times

សម្រាប់​សេដ្ឋិនី កែវ មុំ ទទួល​បាន​ការ​គាំទ្រ​កាន់តែ​ខ្លាំង ក៏​បន្ត​ជួយ​ឧបត្ថម្ភ​សម្ភារៈ​ផ្សេង​ៗ​ទៅ​ដល់​​វីរ​កងទ័ព​ខ្មែរ​នៅ​តាម​ព្រំដែន​ឥត​ឈប់ឈរ​ដូចគ្នា។ ថ្មី​ៗ​នេះ​ថៅកែ​នំ​ស្រួយ លីលី បាន​ផ្ញើ​ជំនួយ​ជា​ធុង​ចម្រោះ​ទឹក​ស្អាត តាម​រយៈ​អ្នក​សារព័ត៌មាន​ម្នាក់ កំពុង​ប្រចាំការ​នៅ​ជួរ​មុខ។

បើ​តាម​ស្ដាប់​សម្ដី​ទាហាន​ម្នាក់​បាន​ឲ្យ​ដឹង​ថា កន្លង​មក​សេដ្ឋិនី កែវ មុំ បាន​ជួយ​ជា​ជំនួយ​ច្រើន​មាន​ទាំង​ថវិកា, ម្ហូប​អាហារ, គ្រឿង​សំណង់​ធ្វើ​លេណដ្ឋាន ហើយ​ឥឡូវ​បច្ចុប្បន្ន​ថៅកែ​នំ​ស្រួយ លីលី បាន​ជួយ​ធុង​ចម្រោះ​ទឹក​ស្អាត ២ ដង មាន​ចំនួន ៥០ ធុង។ សារ​សំខាន់​របស់​ធុង​ទឹក​ស្អាត​នេះ​ទាំង​កាត់​បន្ថយ​ការ​ចំណាយ និង​ជួយ​បង្ការ​មេរោគ​ផ្សេង​ៗ​តាម​រយៈ​ការ​បរិភោគ​ទឹក។

ការ​យក​ចិត្ត​ទុកដាក់​គិតគូរ​ពី​សុខទុក្ខ ក៏​ដូចជា​សុខភាព​កងទ័ព​កំពុង​ជើង​ឈរ​នៅ​តាម​ព្រំដែន ធ្វើឲ្យ​មនុស្ស​ជាច្រើន​កោតសរសើរ​ពី​សមានចិត្ត​របស់​ថៅកែ​នំ​ស្រួយ លីលី។ ក្រៅពី​ជំនួយ​ដល់​កងទ័ព​ខ្មែរ​ហើយ​នោះ ថៅកែ​នំ​ដ៏​ល្បី​ប្រចាំ​ប្រទេស ក៏​ជា​មនុស្ស​ចិត្ត​បុណ្យ ដោយ​ជា​រឿយៗ​តែង​ឃើញ​ម្ចាស់​ក្រុមហ៊ុន Ly Ly Food Industry Co., Ltd ធ្វើ​បុណ្យ និង​ធ្វើ​ទាន​ផ្សេង​ៗ។

ពិសេស​​សេដ្ឋិនី កែវ មុំ ជា​ពុទ្ធបរិស័ទ និង​តែង​ជួយ​កសាង​ហេដ្ឋារចនាសម្ព័ន្ធ​ផ្សេង​ៗ​នៅ​ទី​អារាម​ជាច្រើន៕

អត្ថបទ៖ ឆដា, រូបភាព៖ Oknha Keo Mom

The post ថៅកែនំស្រួយ លីលី ផ្ដល់ជំនួយសំខាន់១នេះបន្ថែមទៀត ដល់​វីរ​កងទ័ពខ្មែរ appeared first on Millions times.

តាមដានជាមួយយើង៖ Million Times

អ្នកស្រី អ៊ឹង ឈីវលី ហៅ លីលី ដែល​ជា​កូនស្រី​សេដ្ឋី​ស្រុក​ខ្មែរ ឧកញ៉ា កែវ មុំ និង​ថៅកែ​ហាង​នំ​ស្រួយ លីលី បាន​ផ្ដល់​កំណើត​ឲ្យ​កូនស្រី​ដ៏​ស ថ្លោស ទ្រលុកទ្រលន់​ម្នាក់ ដោយ​មាន​ក្រុម​គ្រួសារ​ទាំង​សងខាង ទៅ​ចាំ​ផ្ដល់​កម្លាំង​ចិត្ត។

ទាំង​លោក សុខ សង្វារ និង​អ្នកស្រី លីលី ពិតជា​រំភើប និង​សប្បាយ​រីករាយ ដែល​ទទួល​បាន​កូនស្រី​ដ៏​គួរឲ្យ​ស្រលាញ់ និង​មាន​សុខភាព​ល្អ​ម្នាក់ ដោយ​អ្នក​ទាំង ២ មាន​ទឹកមុខ​ញញឹមញញែម​ជាប់​រហូត បើ​ទោះ​ជា​ត្រូវ​ឆ្លងកាត់​ការ​ឈឺចាប់ និង​ពិបាក​យ៉ាង​ម៉េច​ក្ដី ឲ្យតែ​កូន​មាន​សុខភាព​ល្អ។

ជីវិត​គ្រួសារ​របស់​រដ្ឋលេខាធិការ​ក្រសួង​មុខ​ងារ​សាធារណៈ លោក សុខ សង្វារ ព្រម​ទាំង​ភរិយា​កាន់តែ​ស្រស់​បំព្រង​ពេល​មាន​កូន​មក​បំពេញ​ក្នុង​ក្រុម​គ្រួសារ​ឲ្យ​កាន់តែ​ពេញលេញ៕

អត្ថបទ៖ មេរ៉ា, រូបភាព៖ Sok Sangvar និង ឧកញ៉ា កែវ មុំ

The post កូនថៅកែនំស្រួយ លីលី ភរិយាលោក សុខ សង្វារ សម្រាលបានកូនស្រីដ៏គួរឲ្យស្រលាញ់ appeared first on Millions times.