អ្នកឧកញ៉ា អ៊ឹង ប៊ុនហ៊ូវ Archives - Millions times

ឈុតទទួលផ្កាស្លាពណ៌ទឹកប្រាក់កូនអ្នកអភិជនគូនេះ សមជាមួយស្បែកជើង Jimmy Choo

Vin Chang — Thu, 26 Mar 2026 10:01:27 +0000

ឈុតមង្គលការទទួលផ្កាស្លាពេលព្រឹករបស់ អ៊ឹង ស៊ីវឈីនស៊ី និងស្វាមី លីម ហ្វីលីប ដែលជាកូនប្រុសស្រីនៃត្រកូលអភិជន ២ ទទួលបានការចាប់អារម្មណ៍ច្រើន ក៏ព្រោះតែជាពណ៌ប្លែកកម្រមានអ្នកប្រើ។

តាមដានជាមួយយើង៖ Million Times

ឈុតស្បៃពណ៌ទឹកប្រាក់ គឺជាពណ៌កម្រក្នុងការយកយកគ្រងលើកូនកំលោះកូនក្រមុំ ដើម្បីទទួលភ្ញៀវពេលព្រឹកយ៉ាងស្រស់ស្អាត សមរម្យខ្លាំងមែនទែន ហើយអ្វីដែលកាន់តែមើលទៅល្អអស់ទាស់ជាមួយស្បែកជើង Jimmy Choo Crystal Covered Pointy Toe Pumps ពណ៌ទឹកប្រាក់។

កន្លងមកមិនថាមង្គលការធម្មតា ឬក្នុងត្រកូលអ្នកល្បីនោះទេ កម្មវិធីទទួលផ្កាស្លា ឬហៅម្យ៉ាងទៀតបានថា កម្មវិធីហែរជំនូន ភាគច្រើនកូនក្រមុំ និងកូនកំលោះក្រងពណ៌ទឹកមាស ឬពណ៌ទឹកក្រូច និងផ្កាឈូកជាដើម។

សម្រាប់ឈុតស្បៃពណ៌ទឹកប្រាក់របស់ក្រមុំ អ៊ឹង ស៊ីវឈីនស៊ី ជាកូនស្រីបណ្ដូលចិត្តអ្នកឧកញ៉ា អ្នកឧកញ៉ា អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdingsនិងស្វាមី លីម ហ្វីលីប កូនប្រុសច្បងឧកញ៉ា ចាប មួយហុង ពិតជាស្រស់ និងប្រណីតខ្លាំង។ ដោយអមជាមួយគ្រឿងអលង្ការ និងទ្រង់គ្រឿងពណ៌ទឹកប្រាក់ទាំងអស់។

ក្នុងនោះសូម្បីស្បែកជើងកែងក៏ពណ៌ទឹកប្រាក់ដែលជាប្រេន Jimmy Choo តម្លៃ ៤ ៩០០ ដុល្លារដែលម៉ូដនោះ Inspired មកពីរឿង “Cinderella”។ មិនត្រឹមតែកូនកំលោះកូនក្រមុំឡើយដោយគ្រងឈុតពណ៌ទឹកប្រាក់ពេលព្រឹកអ្នកដឹកដៃកូនកំលោះ និងកូនក្រមុំ ព្រមទាំងក្រុមគ្រួសារសុទ្ធតែជ្រើសពណ៌នេះដូចគ្នា៕

អត្ថបទ៖ ឆដា, រូបភាព៖ The ring wedding cambodia

The post ឈុតទទួលផ្កាស្លាពណ៌ទឹកប្រាក់កូនអ្នកអភិជនគូនេះ សមជាមួយស្បែកជើង Jimmy Choo appeared first on Millions times.

Jenny Packham ប្រេនសំណណ្វចិត្តលោកស្រី ហេង សុខា ភរិយាអ្នកឧកញ៉ា អ៊ឹង ប៊ុនហ៊ូវ

Vin Chang — Mon, 23 Mar 2026 09:52:01 +0000

លោកស្រី ហេង សុខា ភរិយាអ្នកឧកញ៉ា អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdings Co., Ltd. នៅតែជ្រើសរើសសម្លៀកបំពាក់ពីប្រេន Jenny Packham ក្នុងថ្ងៃមង្គលការកូនស្រីកាលពីពេលថ្មីៗ មិនខុសពីថ្ងៃកូនប្រុសទី ៣ រៀបការឡើយ។

តាមដានជាមួយយើង៖ Million Times

ភរិយាសេដ្ឋី អ៊ឹង ប៊ុនហ៊ូវ ជាស្រ្តីអភិជនជាន់ខ្ពស់ ថ្លៃថ្នូរ និងមិនសូវចូលចិត្តភាពស៊ីវិល័យច្រើនឡើយ តែពេលបង្ហាញខ្លួនក្នុងកម្មវិធីមួយៗវិញ ទាំងឈុតបែបប្រពៃណី និងឈុតសម័យឡើយ គឺថាស្អាត និងមានតម្លៃថ្លៃស័ក្ដិសមជាភរិយាសេដ្ឋី។

កាលពីមង្គលការកូនប្រុសទី ៣ អ៊ឹង ស៊ីវឈន់ កន្លងទៅឆ្នាំ ២០២៥ លោកស្រី សុខា ក៏បានជ្រើសរើសឈុត Jenny Packham ពណ៌ក្រហមក្រមៅតម្លៃជាង ៦ ៦០០ ដុល្លារ។ នៅថ្ងៃ ២១ ខែមីនា ឆ្នាំ ២០២៦ នាថ្ងៃជយមង្គលពេលល្ងាចដែលជាកម្មវិធីជប់លៀងភរិយាអ្នកឧកញ៉ា អ៊ឹង ប៊ុនហ៊ូវ Dulcet Sequin-Embellished Dress ពណ៌ទឹកមាស។

រ៉ូបដែលលោកស្រី ហេង សុខា ស្លៀកមានឈ្មោះថា Jenny Packham Dulcet Sequin-Embellished Dress មានតម្លៃ ៤ ៩១៥ ដុល្លារ។ សម្រាប់កម្មវិធីបែបប្រពៃណីវិញ លោកស្រីបានប្រើប្រាស់សម្លៀកបំពាក់បុរាណ សំពត់ហូលផាមួង អាងពាក់អមដោយគ្រឿងអលង្ការពេជ្រ ពែទ្យ យ៉ាងស្រស់ត្រកាល៕

អត្ថបទ៖ ឆដា, រូបភាព៖ NaThib Makeup Artist

The post Jenny Packham ប្រេនសំណណ្វចិត្តលោកស្រី ហេង សុខា ភរិយាអ្នកឧកញ៉ា អ៊ឹង ប៊ុនហ៊ូវ appeared first on Millions times.

មង្គលការរយៈពេល ២ថ្ងៃ របស់កូនស្រីប្រធានអគ្គនាយកក្រុមហ៊ុន ING Holdings ស្អាតអស្ចារ្យ

Vin Chang — Mon, 23 Mar 2026 07:38:44 +0000

កាលពីចុងសប្ដាហ៍មុនអ្នកឧកញ៉ា អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdings បានរៀបចំកម្មវិធីមង្គលការឲ្យកូនស្រីយ៉ាងអធិកអធម ដោយមានវត្តមានភ្ញៀវកិត្តិយសទាំងក្នុងជួរមន្ត្រីរាជការ និងអ្នកជំនួញធំៗប្រចាំស្រុកខ្មែរ។

តាមដានជាមួយយើង៖ Million Times

មង្គលការកូនប្រុសស្រីនៃត្រកូលអភិជនទាំង ២ បានរៀបចំកម្មវិធីយ៉ាងប្រណីតឥតខ្ចោះស័ក្ដិសមជាអ្នកមានមុខមាត់ក្នុងសង្គម និងជាត្រកូលអ្នកជំនួញធំ។ សម្រាប់កម្មវិធីមង្គលការរវាងកូនស្រីប្រធានអគ្គនាយកក្រុមហ៊ុន ING Holdings អ្នកឧកញ៉ា អ៊ឹង ប៊ុនហ៊ូវ និងឧកញ៉ា ចាប មួយហុង បានតុបតែងឡើងដោយផ្កាស្រស់ជាច្រើនប្រៀបដូចឋានសួគ៌លើដី។

មិនត្រឹមតែរៀបចំតុបតែងឡើងដោយផ្កាស្រស់ឡើយ កូនកំលោះ និងកូនក្រមុំក៏បានលម្អបន្ថែមដោយចម្លាក់អប្សរា ដែលបញ្ជាក់អត្តសញ្ញាណខ្មែរយ៉ាងច្បាស់ដល់ភ្ញៀវជាតិ និងអន្តរជាតិ ដែលបានអញ្ជើញឲ្យពរជ័យសិរីមង្គលដល់គូស្វាមីភរិយាថ្មីថ្មោង។

ងាកមកដល់កម្មវិធីពេលល្ងាចជាការជប់លៀងវិញ ឃើញថាកូនក្រមុំ អ៊ឹង ស៊ីវឈីនស៊ី និងស្វាមី លីម ហ្វីលីប បានជ្រើសរើសឈុតសម្លៀកបំពាក់បែបបស្ចិមប្រទេស ខុសពីកម្មវិធីបុរាណ ត្រូវប្រើប្រពៃណីខ្មែរទាំងអស់៕

អត្ថបទ៖ឆដា, រូបភាព៖ The ring wedding cambodia

The post មង្គលការរយៈពេល ២ថ្ងៃ របស់កូនស្រីប្រធានអគ្គនាយកក្រុមហ៊ុន ING Holdings ស្អាតអស្ចារ្យ appeared first on Millions times.

ក្រោយភ្ជាប់ពាក្យ ២ ឆ្នាំ ពេលនេះកូនស្រីអ្នកឧកញ៉ា អ៊ឹង ប៊ុនហ៊ូវ បង្ហាញរូបភាព Pre-wedding

Vin Chang — Fri, 20 Mar 2026 09:00:29 +0000

កូនស្រីសេដ្ឋី អ៊ឹង ប៊ុនហ៊ូវ ដែលបានភ្ជាប់ពាក្យជាមួយកូនប្រុសថៅកែហាងលក់សម្លៀកបំពាក់ លីម កាលពីអំឡុងខែធ្នូ ឆ្នាំ ២០២៤ កន្លងទៅនោះ ថ្មីៗនេះបានបង្ហាញសញ្ញាជិតនឹងចូលរោងការហើយ ដោយបញ្ចេញរូបភាព Pre-wedding។

តាមដានជាមួយយើង៖ Million Times

កូនរបស់សេដ្ឋី អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdings Co., Ltd. មានឈ្មោះ អ៊ឹង ស៊ីវឈីនស៊ី និងអនាគតស្វាមី លីម ហ្វីលីប បានបញ្ចេញរូបថត Pre-wedding ជាច្រើនសន្លឹកនៅលើទឹកដីនៃខេត្តសៀមរាប។

ក្នុងឈុតសម្លៀកបំពាក់ប្រពៃណីខ្មែរយ៉ាងប្រណីត ថ្លៃថ្លាគួរជាទីគាប់ចិត្តបូករួមរូបសម្រស់កូនប្រុសស្រីនៃត្រកូលអភិជនទាំង២ ធ្វើឲ្យអនាគតកូនកំលោះកូនក្រមុំទាំងគូនោះ ដូចព្រះអង្គម្ចាស់ និងព្រះនាងនៅក្នុងព្រេងនិទាន។

គ្រួសារដន្លងនឹងគ្នា គឺអ្នកឧកញ៉ា អ៊ឹង ប៊ុនហ៊ូវ និងលោកស្រី ហេង សុខា ជាអ្នកមានគុណខាងស្រី ចំណែកឧកញ៉ា ចាប មួយហុង និងលោកស្រី លឹម សុខចេង ម្ចាស់ហាងលក់សម្លៀកបំពាក់ លីម ហុង ជាមេបាខាងប្រុស។ ការផ្សារជាប់សាច់ឈាមនៃគ្រួសារត្រកូលអភិជនទាំង ២ បានកក្រើកខ្លាំង ព្រោះទាំងសងខាងសុទ្ធតែជាអ្នកមានកំពូល ក្នុងដៃកាន់កាប់ជំនួញជាច្រើន។

សម្រាប់ថ្ងៃចូលរោងជ័យនៃកូនស្រីប្រធានអគ្គនាយកក្រុមហ៊ុន ING Holdings Co., Ltd. និងកូនកំលោះឧកញ៉ា ចាប មួយហុង អាចនឹងរៀបចំក្នុងពេលខាងមុខនេះ៕

អត្ថបទ៖ ឆដា, រូបភាព៖ The ring wedding cambodia

The post ក្រោយភ្ជាប់ពាក្យ ២ ឆ្នាំ ពេលនេះកូនស្រីអ្នកឧកញ៉ា អ៊ឹង ប៊ុនហ៊ូវ បង្ហាញរូបភាព Pre-wedding appeared first on Millions times.

លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ ស្លៀកឈុតប្រេន Jenny Packham តម្លៃជាង ៦ ពាន់ដុល្លារ

Vin Chang — Tue, 02 Dec 2025 07:04:01 +0000

លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ សហស្ថាបនិកក្រុមហ៊ុន អាយអិនជី ហូលឌីង នាថ្ងៃមង្គលការកូនប្រុសទី៣ អ៊ឹង ស៊ីវឈន់ កន្លងទៅថ្មីៗនេះ បានធ្វើឲ្យភ្ញៀវចូលរួម ក៏ដូចជាអ្នកតាមដានលើបណ្ដាញសង្គមពីកម្មវិធីធំប្រចាំឆ្នាំ ដែលសែរាជវង្សបានផ្សាសាច់ផ្សាឈាមជាមួយគ្រួសារជំនួញ លាន់មាត់សរសើរ។

តាមដានជាមួយយើង៖ Million Times

ភរិយាឯករបស់សេដ្ឋីលំដាប់ជួរមុខស្រុកខ្មែរទៅហើយ ការរៀបចំតុបតែងខ្លួនថ្ងៃសិរីជ័យមង្គលកូនប្រុសទៀតនោះ ពិតជាមិនអាចឲ្យធម្មតាៗបានឡើយ។ ដោយលោកស្រី សុខា បានបង្ហាញពីភាពអស្ចារ្យ តាមរយៈសម្លៀកបំពាក់បុរាណ អមជាមួយគ្រឿងពេជ្រ គជ់ខ្យង និងត្បូងទទឹម ត្បូង ធំៗចែងចាំងភ្នែក។

មង្គលការកូនប្រុសរយៈពេល ២ថ្ងៃ លោកស្រីបានផ្លាស់ប្ដូរឈុតសម្លៀកបំពាក់បុរាណ ដែលច្នៃពីហូលផាមួងប្រណីតរបស់ខ្មែរច្រើនឈុត ហើយគ្រឿងអលង្ការក៏បានដូរម៉ូដរហូតដែរ ដើម្បីឲ្យស៊ីជាមួយពណ៌សម្លៀកបំពាក់។

ចំណែកនាល្ងាចកម្មវិធីមង្គលការកូនប្រុសជាមួយព្រះអង្គម្ចាស់ក្សត្រិយ៍ នរោត្តម ពង្ស់សូរិយា អ្នកម្ដាយកូនកំលោះបានគ្រងឈុតដ៏ប្រណីតនៃប្រេន Jenny Packham ពណ៌ឈាមជ្រូកហើយក៏ជាម៉ូដដែលលក់អស់ពីស្ដុកផងដែរ។

រ៉ូបប្រេន Jenny Packham ពណ៌ក្រហមក្រមៅមានឌិនអង្កាំសុះសាច់រ៉ូបនេះមានតម្លៃ ៦ ៦៥៦ ដុល្លារ។ ចំណែកគ្រឿងពេជ្រវិញក៏ស៊ីនឹងរ៉ូបទៀត ដែលមានទាំងពណ៌ស និងត្បូងពណ៌ក្រហមធំៗ៕

គួរបញ្ជាក់ថា កម្មវិធីមង្គលការ CEO រូបសង្ហាកាន់កាប់ ៥ ក្រុមហ៊ុនក្នុងដៃ អ៊ឹង ស៊ីវឈន់ និងព្រះអង្គម្ចាស់ក្សត្រិយ៍ នរោត្តម ពង្ស់សូរិយា បានបញ្ចប់ទៅដោយភាពស្រស់ស្អាត និងជាការចងចាំនៃមហាជនខ្មែរ៕

អត្ថបទ៖ ឆដា, រូបភាព៖ the ring wedding cambodia, One Memory និង NaThib Makeup Artist

The post លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ ស្លៀកឈុតប្រេន Jenny Packham តម្លៃជាង ៦ ពាន់ដុល្លារ appeared first on Millions times.

ថ្ងៃមង្គលការ CEO អ៊ឹង ស៊ីវឈន់ ប្អូនស្រីពៅគ្រងឈុតជាង ៤ ពាន់ដុល្លារ

Vin Chang — Mon, 01 Dec 2025 09:46:04 +0000

នាថ្ងៃមង្គលការ CEO រូបសង្ហា អ៊ឹង ស៊ីវឈន់ ក្រុមគ្រួសារទាំងមូលគ្មានមួយរូបណាអវត្តមានឡើយ ហើយក្នុងនោះក៏សង្កេតឃើញកូនស្រីពៅសេដ្ឋី អ៊ឹង ប៊ុនហ៊ូវ ដែលមានគណនី Instagram Seav Meng Seu Ing ឬ អ៊ឹង ស៊ាវម៉េងស៊ឺ។

តាមដានជាមួយយើង៖ Million Times

ស្ថិតក្នុងវ័យ ២០ ឆ្នាំ កូនស្រីពៅរបស់ជាសហស្ថាបនិកក្រុមហ៊ុន អាយអិនជី ហូលឌីង បានគ្រងឈុតប្រពៃណីជាច្រើនឈុតក្នុងកម្មវិធីព្រះវិវាហមង្គលអាពាហ៍ពិពាហ៍ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និងលោក អ៊ង ស៊ីវឈន់ ដែលជាបងប្រុសសម្លាញ់ចិត្ត។

បើនិយាយពីថ្ងៃជប់លៀងពេលល្ងាចវិញកូនស្រីពៅសេដ្ឋី អ៊ឹង ប៊ុនហ៊ូវ ដែលទើបបញ្ចប់ការសិក្សានៅអង់គ្លេសកាលពីពេលថ្មីនេះ បានគ្រងឈុតដ៏ប្រណីតតម្លៃជាង ៤ ពាន់ដុល្លារ ដែលជាម៉ាករបស់ Jenny Packham របស់អ្នកឌីហ្សាញអង់គ្លេស។

រ៉ូបពណ៌ទឹកមាសរបស់ Jenny Packham ដែល អ៊ឹង ស៊ាវម៉េងស៊ឺ ពាក់ជារ៉ូបដ៏ប្រណីត ភ្លឺចែងចាំង និងជារ៉ូបចោមពុង ហើយផ្នែកខាងក្រោមជាសំពត់កន្ទុយត្រី មានតម្លៃពេញ ៤ ៣៥៥ ដុល្លារ ដែលមិនទាន់គិតការដឹកជញ្ជូនមកក្រៅប្រទេស។

ជាកូនស្រីសេដ្ឋីដ៏ល្បី និងមានជំនួញច្រើនក្នុងដៃកញ្ញាគ្រងឈុតដ៏ថ្លៃប្រេនៗបែបនេះ គឺជារឿងធម្មតាទៅហើយ ដ្បិតគ្រួសារក៏ធូរធារស្រាប់៕

អត្ថបទ៖ឆដា, រូបភាព៖ Ahyi Hairstyles និង One Memory

The post ថ្ងៃមង្គលការ CEO អ៊ឹង ស៊ីវឈន់ ប្អូនស្រីពៅគ្រងឈុតជាង ៤ ពាន់ដុល្លារ appeared first on Millions times.

ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់

Vin Chang — Thu, 27 Nov 2025 06:03:52 +0000

មកដល់ថ្ងៃនេះជាថ្ងៃទី ២ នៃមង្គលការគូស្នេហ៍បុព្វេសន្និវាស ដែលកូនកំលោះគឺជាកូនប្រុសសេដ្ឋីប្រចាំស្រុកខ្មែរអ្នកឧកញ៉ា អ៊ឹង ប៊ុនហ៊ូវ មាននាមថា អ៊ឹង ស៊ីវឈន់ ចំណែកកូនក្រមុំជាសែរាជវង្ស និងជាបុត្រីពៅសម្ដេចក្រុមព្រះ នរោត្តម ច័ក្រពង្ស់ ព្រះនាម ព្រះអង្គម្ចាស់ក្សត្រិយ៍ នរោត្តម ពង្ស់សូរិយា។

តាមដានជាមួយយើង៖ Million Times

មង្គលការនៃសែរាជវង្ស និងត្រកូលអភិជន និងជាអ្នកជំនួញធំកក្រើកអស់បណ្ដាញសង្គម ក៏ព្រោះតែកម្មវិធីបានរៀបចំឡើងយ៉ាងគគ្រឹកគគ្រេង មានការចូលរួមពីញាតិវង្សានុវង្ស និងមន្ត្រីរាជការ អ្នកមុខអ្នកការ អ្នកជំនួញធំៗទាំងក្រៅ និងក្នុងប្រទេស។

គូស្នេហ៍ដែលសមគ្នាទាំងព្រមមិនថាជារូបសម្បត្តិ ទ្រព្យធន ចំណេះវិជ្ជា និងឋានៈមុខមាត់ឡើយ ដោយម្នាក់ជាកូនអ្នកជំនួញមានក្រុមហ៊ុន និងបុត្រសម្ពន្ធច្រើន ហើយម្នាក់ទៀតគឺជាចៅស្រីបង្កើតព្រះមហាវីរក្សត្រ ព្រះបរមរតនៈកោដ្ឋ ព្រះករុណា ព្រះបាទ នរោត្តម សីហនុ។

ក្នុងពិធីជយកូនប្រុសសេដ្ឋី អ៊ឹង ប៊ុនហ៊ូវ ព្រមទាំងបុត្រីពៅ សម្ដេចក្រុមព្រះ នរោត្តម ច័ក្រពង្ស់ បានរៀបចំតុបតែងឡើងយ៉ាងប្រណីត។ ផ្កាស្រស់ អំពូលគ្រីស្ដាល់ និងគ្រឿងលម្អផ្សេងៗបានបញ្ចេញសោភណភាពស្រស់បំព្រងគ្រប់ជ្រុងជ្រោយនៃកន្លែងប្រារព្ធកម្មវិធី។

ចំណែកសាមីខ្លួនទាំង ២ ត្រូវបានសម្អិតសម្អាងដោយផ្ចិតផ្ចង់ ព្រោះទ្រង់ជាសែរាជវង្ស និងជាបុគ្គលសំខាន់ដែលថែរក្សាមរតកដូនតាខ្មែរ។ ទាំងភ្ញៀវម្ចាស់ដើមការ បានគ្រងឈុតបុរាណមានហូលផាមួង អាវប៉ាក់ បូករួមគ្រឿងអលង្ការភ្លឺចិញ្ចែងចិញ្ចាច៕

អត្ថបទ៖ ឆដា, រូបភាព៖ The ring wedding cambodia

The post ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់ appeared first on Millions times.

CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ

Vin Chang — Wed, 26 Nov 2025 06:23:55 +0000

ថ្ងៃមង្គលជ័យនៃត្រកូលអភិជនទាំងទ្វេ គឺ CEO អ៊ឹង ស៊ីវឈន់ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា បានមកដល់ហើយ តាមព្រះរាជបវេណីក្នុងព្រះទីន័ងទេវាវិនិច្ឆ័យ ព្រះបរមរាជវាំងចតុម្មុខសិរីមង្គល។

តាមដានជាមួយយើង៖ Million Times

ថ្ងៃវិវាហមង្គល ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង CEO អ៊ឹង ស៊ីវឈន់ ក្រោមព្រះរាជាធិបតីភាពព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល។

មង្គលការនៃគ្រួសារខ្ពង់ខ្ពស់ទាំង ២ ចាត់ទុកជាមង្គលការធំប្រចាំចុងឆ្នាំ ២០២៥ នេះ ដោយខាងកូនកំលោះគឺជាអ្នកជំនួញ ហើយខាងស្រីគឺសែរាជវង្ស។ ទិដ្ឋភាពនាព្រឹកនេះ បានបង្ហាញចេញមកខ្លះៗតាមរយៈអ្នកផ្នួង និងក្រុមការងារមួយចំនួនតែប៉ុណ្ណោះ៕

អត្ថបទ៖ ឆដា, រូបភាព៖ ស៊ីនឌី សំអាងការ

The post CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ appeared first on Millions times.

Pre-wedding នៃត្រកូលសេដ្ឋី និងសែរាជវង្សដ៏ល្បី បានបង្ហាញរូបភាពបណ្ដើរៗហើយ

Vin Chang — Fri, 26 Sep 2025 06:35:26 +0000

ព្រះអង្គម្ចាស់ក្សត្រិយ៍ នរោត្តម ពង្ស់សូរិយា ជាសែរាជវង្សខ្មែរដែលមានទាំងចំណេះដឹងខ្ពង់ខ្ពស់បានភ្ជាប់ពាក្យជាមួយកូនប្រុសសេដ្ឋីកំពូលប្រចាំស្រុកខ្មែរ គឺលោក អ៊ឹង ស៊ីវឈន់ កូនប្រុសសេដ្ឋី អ៊ឹង ប៊ុនហ៊ូវ សហស្ថាបនិកក្រុមហ៊ុន អាយអិនជី ហូលឌីង គ្រុប តាមបែបប្រពៃណីខ្មែរ ព្រមទាំងត្រៀមចូលរោងការផងដែរ។

តាមដានជាមួយយើង៖ Million Times

មុនថ្ងៃជ័យមង្គលមកដល់ គូស្នេហ៍នៃត្រកូលខ្ពង់ខ្ពស់ទាំង២ បានថត Pre-wedding ក្នុងសម្លៀកបុរាណខ្មែរជាច្រើនឈុតនៅលើទឹកដីខេត្តសៀមរាប។ ព្រោះតែរូបសម្បត្តិ ឋានៈ ចំណេះដឹង និងវង្សត្រកូលដ៏ល្អឥត ខ្ចោះរបស់ព្រះនាង និង CEO វ័យក្មេងមានជំនួញ ៥ ធំៗក្នុងដៃ ស័ក្ដិសមគ្នាពេក ទើបទាំងគូជាទីចាប់អារម្មណ៍របស់ក្រសែភ្នែកមហាជន។

សម្រាប់រូបភាព Pre-wedding របស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និងលោក អ៊ឹង ស៊ីវឈន់ បានថតនៅសៀមរាបក្នុងបរិវេណតំបន់អង្គរ។ ស្ថិតក្នុងព្រះជន្ម ២៧ ព្រះវស្សា ព្រះបុត្រីពៅសម្ដេចក្រុមព្រះ នរោត្តម ចក្រពង្ស់ គ្រងឈុតបុរាណ មើលទៅពិតជាមានស្រស់សោភា។

បើតាមការបង្ហោះរបស់សម្អាងការ ស៊ីនឌី បានរៀបរាប់ថា “ឈុតដែលតុបតែងឆ្លងនៅលើព្រះកាយព្រះអង្គម្ចាស់ក្សត្រិយ៍ គឺជាឈុតមួយយកតាមលំនាំតាមឈុតនៃសម្ដេចព្រះវររាជមាតាជាតិខ្មែរ កាលទ្រង់ក្រសាលកុនកាលពីទស្សវត្សរ៍៦០ ជាមួយសម្ដេចព្រះបិតាជាតិ ព្រះបរមរតនកោដ្ឋ“។

គូស្នេហ៍ ១ នេះក៏បានរៀបចំកម្មវិធីលាភាពនៅលីវតាមបែបអឺរ៉ុបរួចរាល់ហើយដែរ តាំងពីដើមខែ សីហា ឆ្នាំ ២០២៥ មកម្ល៉េះ តែរៀបចំលក្ខណៈគ្រួសារតែប៉ុណ្ណោះ និងបានបង្ហាញជាសាធារណៈឡើយ។

រំឭកពីប្រវត្តិព្រះអង្គម្ចាស់ក្សត្រិយ៍ នរោត្តម ពង្ស់សូរិយា ទ្រង់មានព្រះជន្ម ២៧ ព្រះវស្សា បានបញ្ចប់ការសិក្សាពីយ៉ាងជោគជ័យថ្នាក់បរិញ្ញាបត្រ និងអនុបណ្ឌិតជំនាញនយោបាយអន្តជាតិ និងទទួលបានរង្វាន់សម្រាប់និស្សិតឆ្នើមបំផុតនាសកលវិទ្យាល័យ University of International Business and Economics រដ្ឋធានីប៉េកាំង សាធារណរដ្ឋប្រជាមានិតចិន។ ចំណែកភាសាវិញ ទ្រង់អាចប្រើប្រាស់បាន ៥ រួមទាំងខេមរភាសា និងបារាំង,អង់គ្លេស, ចិន និងថៃ។

ទ្រង់ នរោត្តម ពង្សសូរិយា ជាព្រះបុត្រីនៃសម្ដេចក្រុមព្រះ នរោត្តម ចក្រពង្ស់។ ដូច្នេះព្រះអង្គជាព្រះរាជនត្តាក្សត្រី (ចៅស្រី) របស់ព្រះករុណាព្រះបាទសម្ដេចព្រះ នរោត្តម សីហនុ ព្រះបរមរតនកោដ្ឋ និងជាព្រះភាគិនេយ្យា (ក្មួយស្រី) នៃព្រះករុណាជាអម្ចាស់ជីវិតលើត្បូងព្រះបាទសម្ដេចព្រះបរមនាថ ព្រះមហាក្សត្រកម្ពុជា៕

អត្ថបទ៖ ឆដា, រូបភាព៖ Cindy Premium Wedding Planner

The post Pre-wedding នៃត្រកូលសេដ្ឋី និងសែរាជវង្សដ៏ល្បី បានបង្ហាញរូបភាពបណ្ដើរៗហើយ appeared first on Millions times.

កាបូបដៃម៉ាកកម្រភរិយាសេដ្ឋី អ៊ឹង ប៊ុនហ៊ូវ ថ្ងៃសិរីមង្គលព្រះពិធីចែចូវរបស់កូនប្រុស

Vin Chang — Sat, 03 May 2025 03:00:00 +0000

ក្នុងថ្ងៃសិរីមង្គលព្រះពិធីចែចូវរបស់កូនប្រុស លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ បានរៀបចំខ្លួនយ៉ាងប្រពៃជាមួយឈុតបុរាណខ្មែរសំពត់អាវផាមួងពណ៌ក្រហម បូករួមជាមួយគ្រឿងអលង្ការគជ់ខ្យង និងកង់ដៃពេជ្រភ្លឺ រលោង ចាំងភ្នែក ពិតជាសមសួនមែនទែន។

តាមដានជាមួយយើង៖ Million Times

ឈុតសម្លៀកបំពាក់ប្រពៃណីរបស់ភរិយាសហស្ថាបនិកក្រុមហ៊ុន អាយអិនជី ហូលឌីង ស៊ីគ្នាជាមួយកាបូបមានតម្លៃដែលជាប្រភេទកម្រលើលោក គឺម៉ាកHermès Crocodile Kelly Cut Clutch ពណ៌ឈាមជ្រូក ដែលមានតម្លៃប្រមាណជាង ៣២ ០០០ ដុល្លារ។

លោកស្រី ហេង សុខា បានបង្ហាញក្ដីស្រលាញ់យ៉ាងធំធេង និងរំភើបចំពោះកូនប្រុសទី៣ លោក អ៊ឹង ស៊ីវឈន់ ដែលរកឃើញដៃគូជីវិតដ៏ស័ក្តិសម និងស្មោះត្រង់ចំពោះគ្នា។

បើនិយាយពីស្រ្តីអភិជនរូបនេះ ជាអ្នកមិនចូលចិត្តបង្ហាញអ្វីច្រើនលើបណ្ដាញសង្គមឡើយ តែគ្រប់យ៉ាងដែលភរិយាសេដ្ឋី អ៊ឹង ប៊ុនហ៊ូវ ស្លៀកពាក់ គ្រឿងតុបតែងខ្លួនសុទ្ធសឹងជាប្រេនធំៗ និងមានតម្លៃខ្ពស់ សមជាអ្នកមានពិតៗ៕

អត្ថបទ៖ មេរ៉ា, រូបភាព៖ The ring wedding cambodia

The post កាបូបដៃម៉ាកកម្រភរិយាសេដ្ឋី អ៊ឹង ប៊ុនហ៊ូវ ថ្ងៃសិរីមង្គលព្រះពិធីចែចូវរបស់កូនប្រុស appeared first on Millions times.