អ្នកឧកញ៉ា សំអាង វឌ្ឍនៈ Archives - Millions times

អ្នកឧកញ៉ាវ័យក្មេង សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ទៅលេងសង្រ្កាន្តសាលា NUM

Vin Chang — Fri, 03 Apr 2026 08:06:57 +0000

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី នាពេលព្រឹកថ្ងៃ៣ ខែមេសា ឆ្នាំ ២០២៦ នេះបានចូលរួមព្រឹត្តិការណ៍អិនយូអឹមសង្រ្កាន្ត ឆ្នាំ២០២៦ ព្រមទាំងបានចូលរួមឧបត្ថម្ភក្នុងកម្មវិធីនោះផងដែរ។

តាមដានជាមួយយើង៖ Million Times

វត្តមានអ្នកឧកញ៉ា សំអាង វឌ្ឍនៈ នាកម្មវិធីសង្ក្រាន្តនេះទទួលបានការចាប់អារម្មណ៍ និងមានអ្នកគាំទ្រច្រើន។ មិនតែប៉ុណ្ណោះអ្នកឧកញ៉ាវ័យក្មេងរូបសង្ហា រូបនេះបានចូលរួមលេងល្បែងកម្សាន្តតាមបែបប្រពៃណីបុរាណរបស់ខ្មែរជាមួយសិស្សានុសិស្ស ញ៉ាំងបរិយាកាសកាន់តែសប្បាយរីករាយថែមទៀតផង។

មុនឈានដល់កម្មវិធីក៏មានកម្មវិធីរាប់បាត្រដែលមានព្រះសង្ឃ ៦០ អង្គ។ នាពេលរសៀលកម្មវិធីសង្ក្រាន្តអិនយូអឹម មានកម្មវិធីបន្តបន្ទាប់ ថែមទាំងមានការរាំលេងកម្សាន្តផងដែរ ដោយមានតារាចម្រៀងប្រុសស្រីល្បីៗជាច្រើននាក់។

ថ្ងៃទី១ នៃព្រឹត្តិការណ៍អិនយូអឹមសង្រ្កាន្ត ឆ្នាំ ២០២៦ ទទួលបានការចូលរួមច្រើន ក្នុងនោះមានអ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ជាអធិបតី និងឯកឧត្តមសាស្ត្រាចារ្យ ហោ ប៉េង សាកលវិទ្យាធិការ នៃសាកលវិទ្យាល័យជាតិគ្រប់គ្រង រួមជាមួយសាកលវិទ្យាធិការរង ព្រឹទ្ធបុរស ព្រឹទ្ធបុរសរង សាស្ត្រាចារ្យ បុគ្គលិក និងនិស្សិត នៃសាកលវិទ្យាល័យជាតិគ្រប់គ្រង៕

អត្ថបទ៖ ឆដា, រូបភាព៖ National University of Management

The post អ្នកឧកញ៉ាវ័យក្មេង សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ទៅលេងសង្រ្កាន្តសាលា NUM appeared first on Millions times.

វឌ្ឍនៈ គ្រុប ឧបត្ថម្ភកងទ័ព និងប្រជាជនភៀសសឹក ១លានដុល្លារ និងសម្ភារៈជាច្រើន

Vin Chang — Thu, 11 Dec 2025 09:09:44 +0000

អ្នកឧកញ៉ា ឈុន លាង និងអ្នកឧកញ៉ា សំ អាង សហស្ថាបនិកក្រុមហ៊ុន វឌ្ឍនៈ គ្រុប បានចូលរួមបរិច្ចាគថវិកា ១ លានដុល្លារ ព្រមជាមួយសម្ភារៈផ្សេងៗជាច្រើនទៀត ដើម្បីគាំទ្រដល់ វីរកងទ័ព និងប្រជាជនភៀសសឹករាប់ម៉ឺននាក់។

តាមដានជាមួយយើង៖ Million Times

ក្រោមស្មារតីខ្មែរតែ ១ ក្រុមហ៊ុន វឌ្ឍនៈ គ្រុប បន្តឧបត្ថម្ភគាំទ្រដល់វីរកងទ័ព និងប្រជាជនភៀសសឹកជាថវិកា ១ លានដុល្លារ, អង្ករ ១០០ តោន, ទឹកពិសា វី-អាកទីវ ១.៥ លីត្រ ១០ ០០០ កេស និងក្រមា ១០០០០។

ក្នុងកាលៈទេសៈដែលប្រទេសជាតិទទួលរងទុក្ខលំបាកពីការឈ្លានពានរបស់សត្រូវ ក៏ជាពេលដែលប្រជាជនខ្មែរត្រូវរួបរួមគ្នាជាងពេលណាទាំងអស់។ ដូច្នេះសូមបងប្អូនចូលរួមសាមគ្គីគ្នា ជឿជាក់ បន្តឧបត្ថម្ភ គាំទ្រដល់វីរកងទ័ពខ្មែរ និងប្រមុខរាជរដ្ឋាភិបាលទាំងអស់គ្នា។

វឌ្ឍនៈ គ្រុប បានចូលរួមឧបត្ថម្ភ និងជួយដល់សកម្មភាពសប្បុរសធម៌ជាច្រើន។ មិនតែប៉ុណ្ណោះក៏ចូលរួមលើកស្ទួយវិស័យទេសចរណ៍របស់កម្ពុជា ហើយក៏តែងគាំទ្រកសិករខ្មែររហូតមកដែរ៕

អត្ថបទ៖ ឆដា,រូបភាព៖ Vattanac Brewery

The post វឌ្ឍនៈ គ្រុប ឧបត្ថម្ភកងទ័ព និងប្រជាជនភៀសសឹក ១លានដុល្លារ និងសម្ភារៈជាច្រើន appeared first on Millions times.

ក្រុមហ៊ុនអ្នកឧកញ៉ា សំអាង វឌ្ឍនៈ រៀបចំការប្រកួតវាយកូនគោលលំដាប់អន្តរជាតិលើកដំបូងនៅកម្ពុជា

Virak វីរៈ — Sat, 15 Nov 2025 09:35:59 +0000

ក្រុមហ៊ុនវឌ្ឍនៈ ហ្គោល រីហ្សត របស់អ្នកឧកញ៉ា សំអាង វឌ្ឍនៈ នឹងរៀបចំព្រឹត្តិការណ៍ប្រកួតវាយកូនគោលពានរង្វាន់ (Vattanac Legends Championship) ដែលជាព្រឹត្តិការណ៍លំដាប់អន្តរជាតិ និងជាលើកដំបូងក្នុងប្រទេសកម្ពុជា នៅថ្ងៃទី១៩ ខែវិច្ឆិកា ឆ្នាំ២០២៥ខាងមុខនេះ។

តាមដានជាមួយយើង៖ Million Times

អ្នកឧកញ៉ា សំអាង វឌ្ឍនៈ អភិបាល និងជានាយកប្រតិបត្តិក្រុមហ៊ុនវឌ្ឍនៈ ហ្គោល រីហ្សត និងសហការី បានចូលជួបសម្តែងការគួរសម និងពិភាក្សាការងារ លើការរៀបចំព្រឹត្តិការណ៍ប្រកួតនេះ ជាមួយឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ កាលពីថ្ងៃទី១៣ ខែវិច្ឆិកាកន្លងទៅនេះ។

បើតាមអ្នកឧកញ៉ា ការប្រកួតកម្រិតអន្តរជាតិ និងជាព្រឹត្តិការណ៍កីឡាទេសចរណ៍ដ៏អស្ចារ្យនេះ នឹងមានការចូលរួមពីកីឡាករអាជីពថ្មីៗលំដាប់ពិភពលោកចំនួន ៦០នាក់ មកពី ១៦ប្រទេស (អាហ្សង់ទីន, បារាំង, ស៊ុយអ៊ែត, អេស្ប៉ាញ, ហូឡង់, អៀរឡង់, ស្កុតលែន, ឥណ្ឌា, ណូវែលសេឡង់, ប្រេស៊ីល, អូទ្រីស, អង់គ្លេស, អាល្លឺម៉ង់, សាធារណរដ្ឋអាហ្រិចខាងត្បូង, អៀរឡង់ខាងជើង និងអ៊ីតាលី)។

ឯកឧត្តមរដ្ឋមន្ត្រី បានសម្តែងនូវការកោតសរសើរ វាយតម្លៃខ្ពស់ និងថ្លែងអំណរគុណចំពោះអ្នកឧកញ៉ា ក៏ដូចជា វឌ្ឍនៈ គ្រុប ដែលជានិច្ចជាកាលតែងតែបានចូលរួមសហការ ឧបត្ថម្ភគាំទ្រ សព្វគ្រប់បែបយ៉ាង តាមគ្រប់រូបភាព តាមគ្រប់មធ្យោបាយនៅរាល់ព្រឹត្តិការណ៍ទេសចរណ៍ ពិព័រណ៍ និងកម្មវិធីនានារបស់ក្រសួងទេសចរណ៍ ក៏ដូចជាបានជួយលើកស្ទួយវិស័យទេសចរណ៍កម្ពុជា ព្រមទាំងកិត្តិនាមកម្ពុជានៅលើឆាកអន្តរជាតិ។

ក្នុងនោះដែរ ឯកឧត្តមរដ្ឋមន្ត្រី បានគូសរំលេចថា ព្រឹត្តិការណ៍កីឡាលំដាប់អន្តរជាតិ នឹងបង្ហាញពិភពលោកឃើញថា កម្ពុជាជាគោលដៅសុវត្ថិភាព, មានសមត្ថភាព និងសម្បទាគ្រប់គ្រាន់ក្នុងការរៀបចំព្រឹត្តិការណ៍លំដាប់អន្តរជាតិបាន។

ឯកឧត្តម ហួត ហាក់ បានបញ្ជាក់ថា ក្រសួងទេសចរណ៍ គាំទ្រយ៉ាងពេញទំហឹងចំពោះការរៀបចំព្រឹត្តិការណ៍ប្រកួតកីឡាវាយកូនគោលពានរង្វាន់ Vattanac Legends Championship និងផ្តល់កិច្ចសហការរៀបចំព្រឹត្តិការណ៍នាពេលខាងមុខនេះ ឱ្យបានជោគជ័យ៕

អត្ថបទ៖ វីរៈ រូបភាព៖ ក្រសួងទេសចរណ៍

The post ក្រុមហ៊ុនអ្នកឧកញ៉ា សំអាង វឌ្ឍនៈ រៀបចំការប្រកួតវាយកូនគោលលំដាប់អន្តរជាតិលើកដំបូងនៅកម្ពុជា appeared first on Millions times.

មកស្គាល់សេដ្ឋីវាល់លានស្រុកខ្មែរ និងជាថៅកែស្រាបៀ ៤ ម៉ាកយីហោ

Vin Chang — Mon, 28 Apr 2025 10:06:24 +0000

ក្រុមហ៊ុនស្រាបៀលំដាប់អន្តរជាតិជាច្រើននៅកម្ពុជា ស្ថិតនៅក្រោមការគ្រប់គ្រងរបស់សេដ្ឋីវាល់លាន និងមានជំនួញច្រើនមុខក្នុងដៃ។ ខាងក្រោមនេះជាម្ចាស់ស្រាបៀបង្កើតឡើងដោយកូនខ្មែរ មានទាំងកេរ្តិ៍ឈ្មោះល្បីល្បាញ និងដណ្ដើមបានទីផ្សារក្នុងស្រុក។

១.ស្រាបៀ គ្រុឌ

វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយ និងមានក្រុមហ៊ុនជាច្រើនវិនិយោគលើវិស័យផ្សេងៗដូចជាវិស័យទំនិញ សេវាកម្ម អចលនទ្រព្យ សួនឧស្សាហកម្ម ធនាគារ សណ្ឋាគារ និងផលិតផលភេសជ្ជៈ។

តាមដានជាមួយយើង៖ Million Times

អ្នកឧញ៉ា សំអាង វឌ្ឍនៈ ដែលជានាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានឈ្មោះបោះសំឡេងខ្លាំងក្នុងចំណោមអគ្គនាយករបស់ក្រុមហ៊ុនស្រាបៀល្បីៗក្នុងស្រុក។ វឌ្ឍនៈ ប្រ៊ូវើរី មានផលិតផលដូចជាស្រាបៀ វឌ្ឍនៈ, គ្រុឌ និងវឌ្ឍនៈ ព្រីមៀមបៀរ រួមទាំងភេសជ្ជៈប៉ូវកម្លាំងជាច្រើនទៀត។

២. ស្រាបៀហ្គ្រីត

ក្រុមហ៊ុនឆេមពានគ្រុប ដែលមានភេសជ្ជៈប៉ូវកម្លាំងច្រើនប្រភេទ និងផលិតផលស្រាបៀហ្គ្រីតក្នុងក្រោមក្រុមហ៊ុន ស្ថិតក្រោមការគ្រប់គ្រងរបស់អ្នកឧកញ៉ា សុខ សុភាព។

៣. ស្រាហនុមាន

ក្រុមហ៊ុន ហនុមាន ប៊េវើរីជីស គឺជារបស់លោកស្រី លោកស្រី ខៀវ សស៊ីលៀប ដែលជាសេដ្ឋីនីវ័យក្មេងកាន់កាប់ជំនួញមួយនេះ។ ក្រុមហ៊ុន ហនុមាន ប៊ែវើរីជីស ឯ.ក បានដាក់សម្ពោធកាលពីចុងឆ្នាំ ២០២២ ដែលមាន២ ផលិតផលគឺ ស្រាបៀ ហនុមាន lager និង ហនុមាន Black។

៤. ស្រាបៀកម្ពុជា របស់ក្រុមហ៊ុនខ្មែរ ប៊ែវើរីជីស

ខ្មែរ ប៊ែវើរីជីស (KHB) របស់អ្នកឧកញ៉ា លាង ម៉េង ជាក្រុមហ៊ុនផលិតស្រាបៀ និងភេសជ្ជៈ ឈានមុនគេនៅកម្ពុជា គ្រប់គ្រងដោយវិនិយោគិនខ្មែរ ១០០%។ ខ្មែរ ប៊ែវើរីជីសមានសមត្ថភាពផលិតកម្មស្រាបៀរផលិតផលជាច្រើនដូចជា ស្រាបៀរ Barrley Black Extra Stout, ស្រាបៀ Kudo, ភេសជ្ជៈប៉ូវកម្លាំង Wurkz, Ize Cola, Ize Lemon, Ize Fruit Punch និងទឹកបរិសុទ្ធកម្ពុជា។ ខ្មែរ ប៊ែវើរីជីស ជាបុត្រសម្ព័ន្ធរបស់ក្រុមហ៊ុន ជីប ម៉ុង ដ៏ធំរបស់ប្រទេសកម្ពុជា៕

អត្ថបទ៖ មេរ៉ា, រូបភាព៖ Vattanak, Hanuman, Greet និង Chip Mong Group

The post មកស្គាល់សេដ្ឋីវាល់លានស្រុកខ្មែរ និងជាថៅកែស្រាបៀ ៤ ម៉ាកយីហោ appeared first on Millions times.

អ្នកឧកញ៉ា សំអាង វឌ្ឍនៈ Archives - Millions times

អ្នកឧកញ៉ាវ័យក្មេង សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ទៅលេងសង្រ្កាន្តសាលា NUM

វឌ្ឍនៈ គ្រុប ឧបត្ថម្ភកងទ័ព និងប្រជាជនភៀសសឹក ១លានដុល្លារ និងសម្ភារៈជាច្រើន

ក្រុមហ៊ុនអ្នកឧកញ៉ា សំអាង វឌ្ឍនៈ រៀបចំការប្រកួតវាយកូនគោលលំដាប់អន្តរជាតិលើកដំបូងនៅកម្ពុជា

មកស្គាល់សេដ្ឋីវាល់លានស្រុកខ្មែរ និងជាថៅកែ​ស្រាបៀ ៤ ម៉ាកយីហោ

មកស្គាល់សេដ្ឋីវាល់លានស្រុកខ្មែរ និងជាថៅកែស្រាបៀ ៤ ម៉ាកយីហោ