អ្នកឧកញ៉ា លាង ម៉េង Archives - Millions times

លោក អ៊ឹង ឬទ្ធី កូនប្រុសច្បងរូបសង្ហា របស់អ្នកឧកញ៉ា លាង ម៉េង ចូលកាន់ការងារនៅធនាគារជីប ម៉ុង

Vin Chang — Tue, 25 Aug 2026 08:06:47 +0000

ក្រុមហ៊ុន ជីប ម៉ុង បានកំពុងនាំយកអ្នកជំនាន់ក្រោយដែលពោរពេញដោយសមត្ថភាព ហើយសុទ្ធសឹងតែជាកូនចៅប្រុសស្រីរបស់ខ្លួន ហើយជាក់ស្ដែងៗថ្មីៗនេះ កូនប្រុសៗរបស់សហស្ថាបនិក ជីប ម៉ុង លោកអ្នកឧកញ៉ា លាង ឃុន និងអ្នកឧកញ៉ា លាង ម៉េង បានបន្តចូលរួមក្នុងសម្ព័ន្ធដ៏ធំរបស់ក្រុមគ្រួសារ។

ក្នុងនោះ លោក អ៊ឹង ឬទ្ធី កូនប្រុសច្បងរបស់អ្នកឧកញ៉ា លាង ម៉េង ត្រូវបានតែងតាំងជា អគ្គនាយកបន្តវេន នៃធនាគារ ជីប ម៉ុង ដែលជាការបន្តចក្ខុវិស័យ និងការប្ដេជ្ញាចិត្តក្នុងការជំរុញធនាគារឲ្យបន្តរីកចម្រើន និងឈានទៅមុខយ៉ាងរឹងមាំ។

លោក អ៊ឹង ឬទ្ធី ទើបត្រឡប់មកពីបរទេស ដើម្បីសន្សំបទពិសោធន៍នៅប្រទេសធំ រង់ចាំថ្ងៃស័ក្តិសមវិលមកជួយក្រុមហ៊ុនរបស់គ្រួសារធំ ជីប ម៉ុង។ ធនាគារ ជីប ម៉ុង បានរៀបចំពិធីស្វាគមន៍យ៉ាងកក់ក្ដៅដល់លោក អ៊ឹង ឬទ្ធី និងភរិយា ក្នុងការចូលរួមបំពេញការងារក្នុងក្រុមហ៊ុន។

ធនាគារ ជីប ម៉ុង ជឿជាក់សមត្ថភាព ចក្ខុវិស័យ និងភាពជាអ្នកដឹកនាំរបស់លោក អ៊ឹង ឬទ្ធី ថា នឹងរួមចំណែកជំរុញការអភិវឌ្ឍន៍ថ្មីៗ លើកកម្ពស់នវានុវត្តន៍ និងបង្កើតតម្លៃកាន់តែប្រសើរជូនអតិថិជន ដើម្បីនាំ ធនាគារ ជីប ម៉ុង ក្នុងនាមជាធនាគារខ្មែរ ឆ្ពោះទៅរកការរីកចម្រើនកាន់តែរឹងមាំ និងប្រកបដោយចីរភាព។

គួរបញ្ជាក់ថា លោក អ៊ឹង ឬទ្ធី ទទួលបានការចាប់អារម្មណ៍ខ្លាំង នាថ្ងៃមង្គលការ ដែលបានរៀបចំឡើងកាលពីថ្ងៃ ២ ខែកក្កដា ឆ្នាំ ២០២២ ជាមួយកូនក្រមុំរូបស្រស់ ផន សុផានីសា ដែលជាចៅស្រី ឯកឧត្ដម ជា សុផារ៉ា។ អ្វីដែលធ្វើឲ្យមហាជនភ្ញាក់ផ្អើលពីមង្គលការដ៏ធំប្រចាំឆ្នាំ មានការតុបតែង និងរូបឆោមលោមពណ៌សមគ្នា ព្រមជាមួយបទចម្រៀងដែលអ្នកឧកញ៉ា លាង ម៉េង និងភរិយា ច្រៀងបរិយាយពីការទទួលស្វាគមន៍កូនប្រសាស្រីដ៏បវរ ល្បីល្បាញពេញប្រទេស៕

អត្ថបទ៖ ឆដា, រូបភាព៖ Chip Mong Bank

The post លោក អ៊ឹង ឬទ្ធី កូនប្រុសច្បងរូបសង្ហា របស់អ្នកឧកញ៉ា លាង ម៉េង ចូលកាន់ការងារនៅធនាគារជីប ម៉ុង appeared first on Millions times.

កូនស្រីច្បងអ្នកឧកញ៉ា គិត ម៉េង បង្ហាញខ្លួនក្នុងពិធីបើកការដ្ឋានសាងសង់រោងចក្រផលិតអាហារ និងភេសជ្ជៈ របស់ ជីប ម៉ុង

Vin Chang — Wed, 05 Aug 2026 03:04:06 +0000

កូនស្រីច្បងរបស់អ្នកឧកញ៉ា គិត ម៉េង គឺកញ្ញា គិត ស៊ូរៀរង្សី កាលពីពេលថ្មីៗនេះ បានចូលរួមពិធីក្រុងពាលីបញ្ចុះបឋមសិលា និងបើកការដ្ឋានសាងសង់ រោងចក្រផលិតអាហារ និងភេសជ្ជៈ ជីប ម៉ុង (Chip Mong Food & Beverages) ជាមួយគ្រួសារ។

តាមដានជាមួយយើង៖ Million Times

ដោយមហាជន ឬអតិថិជននៃអាជីវកម្មគ្រួសារ ជីប ម៉ុង ក្ដីរ៉ូយ៉ាល់ គ្រុប ក្ដីសុទ្ធតែដឹងថា អនាគត គិត ស៊ូរៀរង្សី និងក្លាយជាចំណែកនៃគ្រួសារអ្នកឧកញ៉ា លាង ម៉េង ហើយការចូលរួមកម្មវិធីរបស់អនាគតគ្រួសារសាច់ថ្លៃ ត្រូវបានអ្នកលេងបណ្ដាញសង្គមតូចធំចាប់អារម្មណ៍ខ្លាំង។

គិត ស៊ូរៀរង្សី បានចូលរួមក្នុងឈុតប្រពៃណីជាមួយប្អូនស្រី ម្ដាយ គឺអ្នកឧកញ៉ា គិត ម៉េង ហើយទទួលបានការស្វាគមន៍ទទួលរាក់ទាក់ខ្លាំងពីសំណាក់គ្រួសារសម្ព័ន្ធ ជីប ម៉ុង។ ក្នុងនោះលោកអ្នកឧកញ៉ា ភាព ហៀក ព្រមទាំងអនាគតគ្រួសារ គឺកំលោះសង្ហា អ៊ឹង វិសាល ហៅ Bryan ដែលជាអគ្គនាយកបន្តវេននៃក្រុមហ៊ុន ជីប ម៉ុង អ៊ីនដាស្ទ្រីស៍ និង ជីប ម៉ុង ត្រេឌីង។

លោក អ៊ឹង វិសាល បាននាំ គិត ស៊ូរៀរង្សី ណែនាំដល់សាច់ញាតិ ក៏ដូចជាចាស់ទុំខ្លះៗ មុនដល់កម្មវិធីផ្លូវការ តែទទួលបានការដឹងឮពីចាស់ទុំទាំងសងខាង។ តាមរយៈសកម្មភាពដែលលេចឡើងក្នុងបណ្ដាញសង្គម ឃើញថា កូនស្រីច្បងអ្នកឧកញ៉ា គិត ម៉េង ត្រូវបានអនាគតឪពុកម្ដាយក្មេកស្រលាញ់ថ្នាក់ថ្នម យកចិត្តទុកដាក់ខ្លាំងបាត់ទៅហើយ។

រង្សី កូនស្រីសំណព្វរបស់ប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន រ៉ូយ៉ាល់ គ្រុប ត្រូវបានអ្នកម្ដាយគឺលោកជំទាវអ្នកឧកញ៉ា ម៉ៅ ចំណាន បង្រៀនប្រៀបប្រដៅអប់រំបានយ៉ាងល្អ ដោយកញ្ញាមានអាកប្បកិរិយាសុភាពរាបសាររម្យទម សមសួនជាកូនស្រីនៃត្រកូលអភិជន។

បើងាកទៅមើអ្នកឧកញ៉ា គិត ម៉េង និងភរិយា ត្រូវបានអ្នកឧកញ៉ា លាង ម៉េង ហៅថាអ្នកដន្លងពេញៗមាត់បាត់ទៅហើយ ដូចនេះពិតជាមិនខុសពីការស្មានដែលកាលពីប្រមាណ ១ ខែមុន ប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន រ៉ូយ៉ាល់ គ្រុប និងក្រុមគ្រួសារបានរៀបចំកម្មវិធីឡើងភូមិគ្រឹះថ្មីនៅទីក្រុងម៊ែលប៊ន ប្រទេសអូស្ត្រាលី ដោយមានវត្តមានក្រុមគ្រួសារអ្នកឧកញ៉ា លាង ម៉េង និង Bryan ចូលរួមផងដែរ៕

អត្ថបទ៖ ឆដា, រូបភាព៖ សមាគមសិល្បករខ្មែរ, Sinoun Khoeun និងអ៊ីនធឺណេត

The post កូនស្រីច្បងអ្នកឧកញ៉ា គិត ម៉េង បង្ហាញខ្លួនក្នុងពិធីបើកការដ្ឋានសាងសង់រោងចក្រផលិតអាហារ និងភេសជ្ជៈ របស់ ជីប ម៉ុង appeared first on Millions times.

អ៊ឹង វីនីកា កូនស្រីពៅអ្នកឧកញ៉ា លាង ម៉េង ស្រស់ស្អាតដូចព្រះនាងក្នុងព្រេងនិទាន នាថ្ងៃខួបកំណើត

Vin Chang — Mon, 03 Aug 2026 04:57:41 +0000

អ្នកឧកញ៉ា លាង ម៉េង សហស្ថាបនិក និងជាប្រធានក្រុមហ៊ុន ជីប ម៉ុង គ្រុប បានរៀបចំកម្មវិធីខួបកំណើតឲ្យកូនស្រីពៅ អ៊ឹង វីនីកា នារាត្រីថ្ងៃ ១ សីហា ឆ្នាំ ២០២៦ បន្ទាប់ពីកម្មវិធីពេលព្រឹករបស់ក្រុមហ៊ុន រៀបចំពិធីក្រុងពាលីបញ្ចុះបឋមសិលា និងបើកការដ្ឋានសាងសង់ រោងចក្រផលិតអាហារ និងភេសជ្ជៈ ជីប ម៉ុង។

តាមដានជាមួយយើង៖ Million Times

កូនស្រីពៅ អ្នកឧកញ៉ា លាង ម៉េង និងលោកស្រី គឹម ចាន់ណា ដែលទើបបញ្ចប់ការសិក្សា North Bridge International Schoolកាលពីពេលថ្មីៗនេះ។

ក្នុងថ្ងៃខួបកំណើត ស្រីស្រស់ Vinika ពិតជាមិនធម្មតាដោយកញ្ញាគ្រងឈុតដូចព្រះនាងក្នុងព្រេងនិទាន។ កូនស្រីពៅរបស់អ្នកឧកញ៉ា លាង ម៉េង បានជ្រើសរើសប្រេន WAAD ALOQAILI ដ៏អស្ចារ្យ មិនជារ៉ូបដែលលក់ដាច់ខ្លាំង។

វីនីកា បានគ្រងឈុតពណ៌ផ្កាឈូកស្រាលជាយីហា WAAD ALOQAILI មានទីតាំងនៅទីក្រុងរីយ៉ាដ ប្រទេសអារ៉ាប៊ីសាអ៊ូឌីត។ ឈុតនោះមានឈ្មោះ ORLA GOWN ជារ៉ូបគ្មានខ្សែដ៏មានមន្តស្នេហ៍ ដែលឌិនដោយដៃរាប់ពាន់អង្កាំឲ្យចេញជារូបផ្កាឈូក នៅផ្នែកខាងលើ។ រ៉ូបសាទីននេះត្រូវបានបង្កើតឡើងដោយសិល្បៈ និងក្រុមជាងដេរដ៏ជំនាញ ក្នុងរយៈពេល ៦០០ ម៉ោង ដែលជាកំពូលនៃសិប្បកម្មរចនាម៉ូដ និងឧត្ដមភាពនៃការរចនា។

អ៊ឹង វីនីកា បង្ហាញសម្រស់យ៉ាងត្រចះត្រចង់ក្នុងឈុត ORLA GOWN តម្លៃជាង ២ ពាន់ដុល្លារ ហើយការរៀបចំទៀតសោតដូច fairy tale ស័ក្ដិសមនឹងសម្រស់នារីអភិជនរូបនេះតែម្ដង។ ចៅស្រីរបស់អ្នកឧកញ៉ា ភាព ហៀក រូបនេះ មានរូបសម្រស់ កម្ពស់កំព ដូចតារា ធ្វើឲ្យកញ្ញាពេលបង្ហាញខ្លួនជាមួយគ្រួសារម្ដងៗ តែងតែត្រូវបានគេចាប់អារម្មណ៍។ កម្មវិធីខួបកំណើតរបស់កញ្ញា មានការចូលរួមលក្ខណៈគ្រួសារ និងអ្នកជិតស្និទ្ធប៉ុណ្ណោះ៕

អត្ថបទ៖ ឆដា, រូបភាព៖ Chea Sopanha, Bong Joy និង Maha Virak Make Up Artist

The post អ៊ឹង វីនីកា កូនស្រីពៅអ្នកឧកញ៉ា លាង ម៉េង ស្រស់ស្អាតដូចព្រះនាងក្នុងព្រេងនិទាន នាថ្ងៃខួបកំណើត appeared first on Millions times.

លោកស្រី គឹម ចាន់ណា និងកូនស្រីពៅ រៀបចំតុបតែងខ្លួនយ៉ាងសោភា ចូលរួមមង្គលការរួមគ្នា

Vin Chang — Tue, 21 Jul 2026 08:49:05 +0000

អ្នកឧកញ៉ា លាង ម៉េង និងលោកស្រី គឹម ចាន់ណា ព្រមទាំងកូនៗប្រុសស្រី បានចូលរួមកម្មវិធីមង្គលការកូនប្រុសនៃគ្រួសារដន្លង គឺអ្នកឧកញ៉ា ស៊ី ហ៊ូហ៊ុយ កាលពីពេលថ្មីៗនេះ។ លោកស្រី គឹម ចាន់ណា ក៏មានតួនាទីជាអ្នកដឹកដៃឲ្យកូនកំលោះ ស៊ី ស៊ាងកុក នាកម្មវិធីប្រពៃណីខ្មែរជាច្រើនហូរហែ។ ក្រោយចប់ពិធីប្រពៃណីខ្មែរ លោកស្រី គឹម ចាន់ណា បានបង្ហាញខ្លួនក្នុងឈុតសម័យដ៏ស្រស់ស្អាត ជាមួយកូនស្រីពៅ អ៊ឹង វីនីកា។

តាមដានជាមួយយើង៖ Million Times

ភរិយាអ្នកឧកញ៉ា លាង ម៉េង និងកូនស្រីពៅ អ៊ឹង វីនីកា បានតុបតែងខ្លួនយ៉ាងស្រស់ស្អាត ជាមួយរ៉ូបដ៏ស្រស់ស្អាត និងជាប្រេនម៉ាកល្បីស័ក្តិសមជាមួយរូបរាង។

ដោយកញ្ញា អ៊ឹង វីនីកា បានគ្រងរ៉ូបពណ៌ផ្កាឈូករបស់ប្រេន Nicoleand+Felicia ដែលមានតម្លៃជាង ៤ ០០០ ដុល្លារ។ ដោយកញ្ញារូបស្រស់កម្ពស់បាន សម្បុរភ្លឺ និងការផាត់មុខបែបធម្មជាតិ ពិតជាស្អាតសមសួនខ្លាំង ព្រមជាមួយគ្រឿងអលង្ការផ្សេងៗ ជះសម្រស់កាន់តែលេចធ្លោ។

ចំណែកលោកស្រី គឹម ចាន់ណា វិញពេលល្ងាច បានជ្រើសរើសរ៉ូបពណ៌បៃតងដែលជាយីហោ Jenny Packham Women’s Green Benue Sequined Mesh Halterneck Gownមានតម្លៃជាង ៤ ៧០០ ដុល្លារ៕

អត្ថបទ៖ ឆដា, រូបភាព៖ Davit Sato

The post លោកស្រី គឹម ចាន់ណា និងកូនស្រីពៅ រៀបចំតុបតែងខ្លួនយ៉ាងសោភា ចូលរួមមង្គលការរួមគ្នា appeared first on Millions times.

ក្រុមគ្រួសារនៃអ្នកឧកញ៉ា លាង ម៉េង ចូលរួមមង្គលការដន្លងអ្នកឧកញ៉ា ស៊ី ហ៊ូហ៊ុយ

Vin Chang — Sat, 18 Jul 2026 00:10:22 +0000

ក្រុមគ្រួសារនៃអ្នកឧកញ៉ា លាង ម៉េង និងលោកស្រី គឹម ចាន់ណា ទាំងអស់គ្នា បានចូលរួមកម្មវិធីសិរីមង្គលកូនប្រុសអ្នកឧកញ៉ា ស៊ី ហ៊ូហ៊ុយ ព្រោះគ្រួសារទាំង ២ គឺជាដន្លងនឹងគ្នាស្រាប់ដែរ។

តាមដានជាមួយយើង៖ Million Times

ក្នុងនោះលោកស្រី គឹម ចាន់ណា ដែលគេមើលឃើញច្បាស់ថា ជាស្ត្រីមានភ័ព្វវាសនាខ្ពស់ និងមានសម្រស់ចំណេះដឹង កិរិយាមារយាទល្អ បានដើរតួនាទីជាអ្នកដឹកដៃឲ្យឲ្យកូនកំលោះ ស៊ី ស៊ាងកុក ត្រូវជាកូនប្រុសនៃអ្នកដន្លង។

ចំណែកកញ្ញា អ៊ឹង វត្តី បណ្ដើរគ្នាយ៉ាងត្រសងជាមួយដណ្ដឹង ស៊ី ហ៊ួតកុក ចូលរួមមង្គលការអនាគតបងថ្លៃប្រុស និងបងថ្លៃស្រីក្នុងសម្លៀកបំពាក់យ៉ាងស្រស់ស្អាតសមសួនក្នុងសម្លៀកបំពាក់ខ្មែរ ជាមួយគ្រឿងអលង្ការពេជ្រភ្លឺចិញ្ចាច។

មិនត្រឹមតែគ្រួសារអ្នកឧកញ៉ា លាង ម៉េង ឡើយ មានលោកអ្នកឧកញ៉ា ភាព ហៀក, លោកអ្នកឧកញ៉ា លាង ឃុន និងភរិយា តែ សុវណ្ណី , អ្នកឧកញ៉ា លាង ពៅ និងលោកស្រី គឹម ចាន់ថា ព្រមទាំងលោកស្រី លី សុខឆេង និងស្វាមី។

ម្នាក់ៗនៃគ្រួសារ ជីប ម៉ុង បានរៀបចំខ្លួនយ៉ាងស្រស់ស្អាត និងសង្ហាក្នុងសម្លៀកបំពាក់ និងគ្រឿងតុបតែងផ្សេងៗគ្នា។ ក្នុងនោះក៏មិនភ្លេចនូវគ្រឿងពេជ្រចិញ្ចាច។

បើទោះជាកូនប្រុសឧកញ៉ា ស៊ី ហ៊ូហ៊ុយ គឺ ស៊ី ហ៊ួតកុក មិនទាន់រៀបការជាមួយកូនស្រីអ្នកឧកញ៉ា លាង ម៉េង ក៏ពិតមែន តែទាំង ២ បានចូលខ្លួនចូលរួមគ្រប់សកម្មភាពនៃជំនួញគ្រួសារ ព្រមទាំងបង្ហាញខ្លួនចូលរួមកម្មវិធីផ្សេងៗជាមួយគ្នាផងដែរ។

គួរបញ្ជាក់ថាកាលពីថ្ងៃ ២២ ខែធ្នូ ឆ្នាំ ២០២៤ កំលោះសង្ហា ស៊ី ហ៊ួតកុក បានភ្ជាប់ពាក្យជាមួយកញ្ញា អ៊ឹង វត្តី៕

អត្ថបទឆដា, រូបភាព៖ One Memery

The post ក្រុមគ្រួសារនៃអ្នកឧកញ៉ា លាង ម៉េង ចូលរួមមង្គលការដន្លងអ្នកឧកញ៉ា ស៊ី ហ៊ូហ៊ុយ appeared first on Millions times.

អ្នកឧកញ៉ា គិត ម៉េង និងអ្នកឧកញ៉ា លាង ម៉េង ជិតមានដំណឹងល្អឬ?

Vin Chang — Thu, 25 Jun 2026 07:39:20 +0000

កាលពីសប្ដាហ៍មុនអ្នកឧកញ៉ា គិត ម៉េង ប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន រ៉ូយ៉ាល់ គ្រុប និងក្រុមគ្រួសារបានរៀបចំកម្មវិធីឡើងភូមិគ្រឹះថ្មីនៅទីក្រុងម៊ែលប៊ន ប្រទេសអូស្ត្រាលី ដោយមានវត្តមានភ្ញៀវទៅពីស្រុកខ្មែរ ដែលសុទ្ធសឹងតែជាមនុស្សជំនិត និងមិត្តសម្លាញ់ក្នុងវិជ័យជំនួញ។

តាមដានជាមួយយើង៖ Million Times

ក្នុងនោះដែរ គេក៏ឃើញមានវត្តមានអ្នកឧកញ៉ា លាង ម៉េង និងលោកស្រី គឹម ចាន់ណា និងកូនប្រុសទី ២ កំលោះ អ៊ឹង ប្រីយ៉ាន ដែលជាអ្នកបន្តវេនរបស់ ជីប ម៉ុង គ្រុប ចូលរួមផងដែរ។ តាមរយៈរូបភាពបានបង្ហាញឲ្យឃើញយ៉ាងច្បាស់ថា កញ្ញា គិត ស៊ូរៀ រង្សី កូនស្រីច្បងរបស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់ គ្រុប ថតទន្ទឹមគ្នាជាមួយលោក អ៊ឹង ប្រីយ៉ាន។

ធ្វើឲ្យមហាជនយល់ឃើញថា អ្នកបន្តវេនគ្រួសារសេដ្ឋីទាំង ២ គិត ស៊ូរៀ រង្សី និង អ៊ឹង ប្រីយ៉ាន អាចនឹងឈានទៅដល់ការមានដំណឹងល្អក្នុងពេលឆាប់ៗនេះ។ ព្រោះក្នុងកម្មវិធីនោះ គ្រួសារ ជីប ម៉ុង មានតែអ្នកឧកញ៉ា លាង ម៉េង និងលោកស្រី គឹម ចាន់ណា និងកូនប្រុសទី ២ ព្រមជាមួយលោកអ្នកឧកញ៉ា ភាព ហៀក។ ចំណែកកូនចៅ លោកអ្នកឧកញ៉ា ភាព ហៀក មិនមានវត្តមាននៅទីនោះឡើយ។

គួរបញ្ជាក់ថា លោក អ៊ឹង ប្រីយ៉ាន កាលពីឆ្នាំ ២០២៥ បានបញ្ចប់ការសិក្សានៅសាកលវិទ្យាល័យ Suffolk និងជាសាកលវិទ្យាល័យស្រាវជ្រាវឯកជនមួយនៅទីក្រុង Boston រដ្ឋ Massachusetts សហរដ្ឋអាមេរិក៕

អត្ថបទ៖ ឆដា, រូបភាព៖ អ៊ីនធឺណិត និង Khat Vaihang

The post អ្នកឧកញ៉ា គិត ម៉េង និងអ្នកឧកញ៉ា លាង ម៉េង ជិតមានដំណឹងល្អឬ? appeared first on Millions times.

ឈុតសម្លៀកបំពាក់កូនស្រីពៅអ្នកឧកញ៉ា លាង ម៉េង អំឡុងចូលរួមមង្គលការសាច់ញាតិនៅអឺរ៉ុប

Vin Chang — Tue, 09 Jun 2026 01:54:10 +0000

កញ្ញា អ៊ឹង វីនីកា ដែលជាកូនស្រីពៅរបស់អ្នកឧកញ៉ា លាង ម៉េង ដ៏ស្រស់សោភា វង់ភក្ត្រស្រទន់ កាលពីពេលថ្មីៗកន្លងទៅ ក៏មានវត្តមានចូលរួមក្នុងកម្មវិធីមង្គលការសាច់ញាតិ នៅលើទឹកដីអឺរ៉ុបដែល។

តាមដានជាមួយយើង៖ Million Times

ក្នុងនាមជាប្អូនស្រីជីដូនមួយរបស់កូនកំលោះ លោក អ៊ឹង វីរៈ ប្រធានបន្តវេនរបស់ក្រុមហ៊ុន Khmer Beverages កញ្ញា អ៊ឹង វីនីកា បានបង្ហាញវត្តមានជាមួយរូបរាងស្រស់បំព្រង និងសមសួនបំផុតនៃគ្រួសារធំទាំងមូល។

សម្រាប់រ៉ូបដំបូងកញ្ញា អ៊ឹង វីនីកា ស្លៀករ៉ូបពណ៌លឿង របស់ប្រេន Elie Saab តម្លៃ ៨ ៨៩៩ ដុល្លារ។ ក្រៅពីរ៉ូប Elie Saab ហើយនោះ អ៊ឹង វីនីកាដ៏ស្រស់ស្អាតបានផ្លាស់ប្ដូរឈុតជាច្រើនទៀត តាមកម្មវិធីជាក់ស្ដែង និងការដើរកម្សាន្តផ្ទាល់។

ក្នុងនោះមានដូចជារ៉ូបសខ្លីប្រេន Houseofcb, ឈុតកំណាត់ពណ៌ផ្កាឈូកប្រេន PUCCI៕

រ៉ូបប្រេន Elie Saab

រ៉ូបប្រេន Houseofcb

ឈុតប្រេន PUCCI

អត្ថបទ៖ ឆដា, រូបភាព៖ Instagram vinika.u

The post ឈុតសម្លៀកបំពាក់កូនស្រីពៅអ្នកឧកញ៉ា លាង ម៉េង អំឡុងចូលរួមមង្គលការសាច់ញាតិនៅអឺរ៉ុប appeared first on Millions times.

អ្នកឧកញ៉ា លាង ម៉េង ចេញមកបញ្ជាក់ពិធីមង្គលការ CEO បន្តវេនក្រុមហ៊ុន Khmer Beverages អ៊ឹង វីរៈ នឹងធ្វើនៅខ្មែរនាខែវិច្ឆិកា

Vin Chang — Fri, 05 Jun 2026 10:14:37 +0000

បន្ទាប់ពីមានការជជែកវែកញែកកម្មវិធីមង្គលការរវាង CEO បន្តវេនក្រុមហ៊ុន Khmer Beverages លោក អ៊ឹង វីរៈ ជាមួយកូនស្រីឧបនាយករដ្ឋមន្ត្រី ស៊ុន ចាន់ថុល នៅលើទឹកដីអឺរ៉ុប កាលពីសប្ដាហ៍មុន។

តាមដានជាមួយយើង៖ Million Times

ក្រោយវីដេអូ និងរូបភាពនៃកម្មវិធីសិរីសួស្ដីនៃគ្រួសារសេដ្ឋី និងគ្រួសារមន្រ្តីផ្សារសាច់ផ្សារឈាម បែរជារងការរិះគន់ពីសំណាក់ជនអគតិមួយចំនួន។ ពេលនេះ អ្នកឧកញ៉ា លាង ម៉េង ដែលត្រូវជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស និងត្រូវជាឪពុកមារបស់ លោក អ៊ឹង វីរៈ ក្រោយពីត្រឡប់មកដល់ខ្មែរវិញ បានបកស្រាយពីការដែលក្មួយប្រុស រៀបចំកម្មវិធីមង្គលការនៅទឹកដីអឺរ៉ុប។

តាមរយៈវីដេអូខ្លីមួយ ដែលអ្នកឧកញ៉ា លាង ម៉េង បានទៅចូលរួមកម្មវិធីមួយកាលពីម្សិលមិញថ្ងៃ ៤ខែមិថុនា ឆ្នាំ ២០២៦ ដោយលើកឡើងពីហេតុផលដែល CEO បន្តវេនក្រុមហ៊ុន Khmer Beverages អ៊ឹង វីរៈ និងភរិយា ស៊ុន ស៊ីមុនី ត្រូវរៀបចំនៅអឺរ៉ុបបែបតូចមួយ បែបគ្រួសារតែប៉ុណ្ណោះ។ ការរៀបការនៅលើទឹកដីអឺរ៉ុបក៏ព្រោះតែកូនចៅទាំងអស់ បន្តការសិក្សានៅក្រៅប្រទេស ហើយមានពេលវេលាខ្លីក្នុងការជួបជុំគ្នា។

មុនរៀបការនៅអឺរ៉ុប លោក អ៊ឹង វីរៈ និងភរិយា ស៊ុន ស៊ីមុនី បានថតរូប Pre-Wedding នៅលើទឹកដីខ្មែរ នាអង្គរតូច អង្គរធំ។

សម្រាប់កម្មវិធីធំបែបប្រពៃណីខ្មែរ គឺមិនអាចចោលបានឡើយ គឺត្រូវរៀបចំនៅលើទឹកដីខ្មែរ នាខែវិច្ឆិកា ឆ្នាំ ២០២៦ ខាងមុខ។ អ្នកឧកញ៉ា លាង ម៉េង បញ្ជាក់យ៉ាងច្បាស់ថា មង្គលការនៅស្រុកខ្មែរបែបប្រពៃណីនឹងមិនអាចខ្វះបានឡើយ៕

អត្ថបទ៖ ឆដា, រូបភាព៖ អ៊ីនធឺណេត

The post អ្នកឧកញ៉ា លាង ម៉េង ចេញមកបញ្ជាក់ពិធីមង្គលការ CEO បន្តវេនក្រុមហ៊ុន Khmer Beverages អ៊ឹង វីរៈ នឹងធ្វើនៅខ្មែរនាខែវិច្ឆិកា appeared first on Millions times.

ប្រេនសម្លៀកបំពាក់ភរិយាអ្នកឧកញ៉ា លាង ម៉េង និងកូនស្រីៗថ្ងៃមង្គលការសាច់ញាតិលើទឹកដីអឺរ៉ុប

Vin Chang — Tue, 02 Jun 2026 07:54:48 +0000

នាថ្ងៃមង្គលការក្មួយប្រុសប្រធានបន្តវេនរបស់ក្រុមហ៊ុន Khmer Beverages អ៊ឹង វីរៈ លើទឹកដីអឺរ៉ុប កាលពីសប្ដាប៍មុន ក្រុមគ្រួសាររបស់អ្នកឧកញ៉ា លាង ម៉េង ក៏បានចូលរួមឲ្យពរជ័យដល់គូស្វាមីភរិយាថ្មីថ្មោងដែរ។ សមាជិកគ្រួសារអ្នកឧកញ៉ា លាង ម៉េង មានលោក ភរិយាគឺលោកស្រី គឹម ចាន់ណា, កូនប្រុស អ៊ឹង ឬទ្ធី និងភរិយា ផន សុផានីសា, កូនស្រី អ៊ឹង វត្តី ហៅ Marshell និងគូដណ្ដឹង ស៊ី ហ៊ួតកុក, កូនប្រុស អ៊ឹង ប្រីយ៉ាន និងកូនស្រីពៅ អ៊ឹង វីនីកា។

ក្រឡេកទៅមើល Fashion សុភាពនារីទាំង ៤ រូបនៃគ្រួសារអ្នកឧកញ៉ា លាង ម៉េង ពិតជាស្រស់ស្អាតសមនឹងរូបសម្បត្តិម្នាក់ៗ។ ក្នុងនោះបើនិយាយចាប់តាំងពីលោកស្រី គឹម ចាន់ណា ជាម្ដាយបានរៀបចំសម្លៀកបំបាក់បានយ៉ាងអស្ចារ្យ។

១. លោកស្រី គឹម ចាន់ណា គ្រង់រ៉ូបពណ៌ស្វាយប្រេន IRIS SERBAN តម្លៃ ២ ៧៨៩ ដុល្លារ

តាមដានជាមួយយើង៖ Million Times

២. អ្នកនាង ផន សុផានីសា គ្រង់រ៉ូបពណ៌ក្រហមវែងគ្មានខ្សែរបស់ Rebecca Vallance រចនាដោយ Alora តម្លៃ ២ ៣៦០ ដុល្លារ

៣. កញ្ញា អ៊ឹង វត្តី ហៅ Marshell ជ្រើសឈុតពណ៌ដីនៃប្រេន Elie Saab តម្លៃ ៥ ៨៦៦ ដុល្លារ

៤. កញ្ញា អ៊ឹង វីនីកា ស្លៀករ៉ូបពណ៌លឿង របស់ប្រេន Elie Saab តម្លៃ ៨ ៨៩៩ ដុល្លារ

ដោយឡែកសុភាពបុរសវិញបានជ្រើសរើសឈុតអាវធំពណ៌ខ្មៅទាំងអស់គ្នា៕

អត្ថបទ៖ ឆដា, រូបភាព៖ channakim99

The post ប្រេនសម្លៀកបំពាក់ភរិយាអ្នកឧកញ៉ា លាង ម៉េង និងកូនស្រីៗថ្ងៃមង្គលការសាច់ញាតិលើទឹកដីអឺរ៉ុប appeared first on Millions times.

អ្នកឧកញ៉ា លាង ម៉េង ទៅអបអរកូនស្រីពៅ បញ្ចប់ការសិក្សាថ្នាក់ទី១២

Vin Chang — Mon, 25 May 2026 10:09:58 +0000

ថ្មីៗនេះអ្នកឧកញ៉ា លាង ម៉េង និងភរិយាគឺលោកស្រី គឹម ចាន់ណា បានទៅចូលរួមអបអរសាទរកូនស្រីពៅ ដែលទើបបញ្ចប់ការសិក្សានៅ North Bridge International School។ ដោយកូនស្រីពៅរបស់សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស មានឈ្មោះថា អ៊ឹង វីនីកា។

តាមដានជាមួយយើង៖ Million Times

មិនត្រឹមតែមានវត្តមាន អ្នកឧកញ៉ា លាង ម៉េង និងភរិយាប៉ុណ្ណោះទេ លោកអ្នកឧកញ៉ា ភាព ហៀក ក៏បានទៅផ្ដល់កម្លាំងចិត្តដល់ចៅស្រីដ៏ស្រស់ស្អាតរបស់ខ្លួនដែរ។ ក្រោយកម្មវិធីចប់រួចរាល់អ្នកទាំង ៤ ក៏បានថតរូបជាអនុស្សាវរីយ៍ជុំគ្នា នាគ្នាបញ្ចប់ការសិក្សានោះ។

លោកស្រី គឹម ចាន់ណា បានជូនពរកូនស្រីបណ្ដូលចិត្តយ៉ាងមានអត្ថន័យថា “សូមអបអរសាទរដល់កូនតូចរបស់ម៉ាក់ @vinika.u !!! ម៉ាក់មានមោទនភាពចំពោះកូនខ្លាំងណាស់ដែលសម្រេចបានជំហានដំបូងក្នុងព្រឹត្តិការណ៍ដ៏សំខាន់នេះនៃជីវិតរបស់កូន សូមជូនពរឱ្យកូនមាន សុភមង្គល ជោគជ័យ និងដំណើរដ៏ស្រស់ស្អាតនៅខាងមុខ។ ស្រលាញ់កូនជានិច្ច”។

គួរបញ្ជាក់ថា កាលពីឆ្នាំ ២០២៥ កន្លងទៅ ប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស អ្នកឧកញ៉ា លាង ម៉េង និងគ្រួសារបានទៅអបអរកូនប្រុសទី៣ អ៊ឹង ប្រីយ៉ាន ដែលបញ្ចប់ការសិក្សានៅអាមេរិក និងបានត្រឡប់មកជួយការងារក្រុមហ៊ុនឪពុកម្ដាយខ្លួន។

មកទល់ពេលនេះ ជីប ម៉ុង គ្រុប ពោរពេញទៅដោយ Young CEO ដែលសុទ្ធសឹងជាកូនចៅ និងជាធនធានជំនាន់ក្រោយទទួលបានការអប់រំ ចំណេះដឹងល្អមកពីក្រៅប្រទេស៕

អត្ថបទ៖ឆដា, រូបភាព៖ channakim99

The post អ្នកឧកញ៉ា លាង ម៉េង ទៅអបអរកូនស្រីពៅ បញ្ចប់ការសិក្សាថ្នាក់ទី១២ appeared first on Millions times.

អ្នកឧកញ៉ា លាង ម៉េង Archives - Millions times

លោក អ៊ឹង ឬទ្ធី កូនប្រុសច្បងរូបសង្ហា របស់អ្នកឧកញ៉ា លាង ម៉េង ចូលកាន់ការងារនៅធនាគារជីប ម៉ុង

អ៊ឹង វីនីកា កូនស្រីពៅអ្នកឧកញ៉ា លាង ម៉េង ស្រស់ស្អាតដូចព្រះនាងក្នុងព្រេងនិទាន នាថ្ងៃខួបកំណើត

លោកស្រី គឹម ចាន់ណា និងកូនស្រីពៅ រៀបចំតុបតែងខ្លួនយ៉ាងសោភា ចូលរួមមង្គលការរួមគ្នា

ក្រុមគ្រួសារនៃអ្នកឧកញ៉ា លាង ម៉េង ចូលរួមមង្គលការដន្លង​អ្នក​​ឧកញ៉ា ស៊ី ហ៊ូហ៊ុយ

អ្នកឧកញ៉ា គិត ម៉េង និងអ្នកឧកញ៉ា លាង ម៉េង ជិតមានដំណឹងល្អឬ?

ឈុតសម្លៀកបំពាក់កូនស្រីពៅអ្នកឧកញ៉ា លាង ម៉េង អំឡុងចូលរួមមង្គលការ​សាច់ញាតិ​នៅ​អឺរ៉ុប ​

អ្នកឧកញ៉ា លាង ម៉េង ចេញមកបញ្ជាក់ពិធីមង្គលការ CEO បន្តវេនក្រុមហ៊ុន Khmer Beverages អ៊ឹង វីរៈ នឹងធ្វើនៅខ្មែរនាខែវិច្ឆិកា

ប្រេនសម្លៀកបំពាក់ភរិយាអ្នកឧកញ៉ា លាង ម៉េង និងកូនស្រីៗថ្ងៃមង្គលការសាច់ញាតិលើទឹកដីអឺរ៉ុប

អ្នកឧកញ៉ា លាង ម៉េង ទៅអបអរកូនស្រីពៅ បញ្ចប់ការសិក្សាថ្នាក់ទី១២

ក្រុមគ្រួសារនៃអ្នកឧកញ៉ា លាង ម៉េង ចូលរួមមង្គលការដន្លងអ្នកឧកញ៉ា ស៊ី ហ៊ូហ៊ុយ

ឈុតសម្លៀកបំពាក់កូនស្រីពៅអ្នកឧកញ៉ា លាង ម៉េង អំឡុងចូលរួមមង្គលការសាច់ញាតិនៅអឺរ៉ុប