អ្នកឧកញ៉ា លាង ម៉េង Archives - Millions times

កូនស្រីទី២អ្នកឧកញ៉ា លាង ម៉េង ដ៏ស្រស់ស្អាត កំពុងកាន់ការងារឲ្យ ជីប ម៉ុង គ្រុប បណ្ដើរៗ

Vin Chang — Wed, 20 May 2026 09:23:07 +0000

កូនចៅរបស់ស្ថាបនិក ជីប ម៉ុង គ្រុប គឺលោកអ្នកឧកញ៉ា ភាព ហៀក សឹងតែទាំងអស់បានចូលរួមក្នុងការងារក្រុមហ៊ុនគ្រួសារយក្សនេះជាបណ្ដើរៗហើយ។

តាមដានជាមួយយើង៖ Million Times

ក្នុងនោះក៏មានកញ្ញា អ៊ឹង វត្តី ជាកូនស្រីទី ២ របស់អ្នកឧកញ៉ា លាង ម៉េង និងលោកស្រី គឹម ចាន់ណា មិនត្រឹមជួយការងាររបស់ក្រុមហ៊ុននោះទេ ថែមតែងមមាញឹកក្នុងបចូលរួមកម្មវិធីរបស់ត្រកូលអភិជនដូចគ្នាជាមួយគ្រួសារ កំពុងតែកាន់ការងារបណ្ដើរៗហើយ។

ថ្មីៗនេះដែរ កញ្ញា អ៊ឹង វត្តី ក៏បានចូលរួមកម្មវិធីមង្គលការកូនប្រុសលោក ម៉ឹង មករា រដ្ឋលេខាធិការទីស្តីការគណៈរដ្ឋមន្ត្រី និងលោកស្រី ជា ជុតិម៉ា ត្រូវជាដន្លងរបស់ឪពុកម្ដាយខ្លួន។ កម្មវិធីមង្គលការ ២ ថ្ងៃកញ្ញាក៏បានចូលរួមទាំង ២ ថ្ងៃ ដោយបានគ្រងឈុតប្រពៃណី និងរ៉ូបរាត្រីសមោសរដ៏ស្រស់ស្អាត។

អ៊ឹង វត្តី បានបណ្ដើរគ្នាជាមួយគូដណ្ដឹង ដោយពេលរាត្រីកញ្ញាបានគ្រងឈុតពណ៌ខ្មៅផ្កាចម្រុះពណ៌ និងសំយេះស្មារបស់ប្រេន DOLCE & GABBANA។ សម្រាប់តម្លៃវិញថ្លៃកក់ពពក រហូតទៅដល់ជាង ៦ ៨០០ ដុល្លារ។

បើនិយាយពីសម្រស់វិញ កូនស្រីទី២របស់អ្នកឧកញ៉ា លាង ម៉េង និងលោកស្រី គឹម ចាន់ណា ពិតជាស្រស់ស្អាតខ្លាំងណាស់ ពិតជាដូចម្ដាយ៕

អត្ថបទ៖ ឆដា, រូបភាព៖ channakim99,Cambodia Sports Drink និង Sim Panha

The post កូនស្រីទី២អ្នកឧកញ៉ា លាង ម៉េង ដ៏ស្រស់ស្អាត កំពុងកាន់ការងារឲ្យ ជីប ម៉ុង គ្រុប បណ្ដើរៗ appeared first on Millions times.

Fashion លោកស្រី គឹម ចាន់ណា នាថ្ងៃមង្គលការកូនប្រុសដន្លង ស្អាតទាំងឈុតបុរាណ និងសម័យ

Vin Chang — Wed, 13 May 2026 07:19:23 +0000

នាថ្ងៃមង្គលការកូនប្រុសលោក ម៉ឹង មករា រដ្ឋលេខាធិការទីស្តីការគណៈរដ្ឋមន្ត្រី និងលោកស្រី ជា ជុតិម៉ា កាលពីពេលថ្មីៗនេះក៏មានវត្តមានអ្នកឧកញ៉ា លាង ម៉េង និងភរិយា គឺលោកស្រី គឹម ចាន់ណា ចូលរួមជាចាស់ទុំ ក្នុងនាមជាអ្នកដន្លងដែរ។

តាមដានជាមួយយើង៖ Million Times

រយៈពេល ២ ថ្ងៃនៃកម្មវិធីអាពាហ៍ពិពាហ៍កូនប្រុសដន្លងនោះ លោកស្រី គឹម ចាន់ណា បានគ្រងឈុតសម្លៀកបំពាក់បុរាណដែលជាប្រពៃណីខ្មែរជាច្រើន ដោយផ្លាស់ប្ដូរទៅតាមពិធីនីមួយៗ។ សម្រាប់ពេលរាត្រី ភរិយាអ្នកឧកញ៉ា លាង ម៉េង បានជ្រើសរើសរ៉ូបបែបសម័យវិញម្ដង។

បើនិយាយពីការជ្រើសរើសឈុតរបស់ លោកស្រី គឹម ចាន់ណា គឺថាបែប fashion ពិតៗតែម្ដង ដោយសម្លៀកបំពាក់ស៊ីគ្នានឹងគ្រឿងអលង្ការ និងរូបរាងខ្លួនតែម្ដង។ ដោយរ៉ូបនារាត្រីនោះ គឺជាប្រេន Saiid Kobeisy គឺជាម៉ាកសម្លៀកបំពាក់ប្រណីតដែលមានដើមកំណើតមកពីប្រទេសលីបង់។

រ៉ូបវែងពណ៌ទឹកមាសរបស់ Saiid Kobeisy របស់លោកស្រី មានតម្លៃ ៤ ០៥២ ដុល្លារ និងបន្ថែមដោយគ្រឿងអលង្ការ bulgari ដ៏ប្រណីត ស័ក្ដិសមនឹងឋានៈ មុខមាត់ក្នុងសង្គម។ លោកស្រីបានផាត់មុខបែបធម្មជាតិ តែមើលទៅស្អាត មិនសាំញ៉ាំ ទាក់ភ្នែក។

គួរបញ្ជាក់ផងដែរថា លោកស្រី គឹម ចាន់ណា បើទោះជាមានកូនប្រសាស្រីហើយយ៉ាងណា ក៏សម្រស់ និងរូបរាងនៅតែស្អាតមិនចាញ់ក្មេងឡើយ៕

អត្ថបទ៖ ឆដា, រូបភាព៖ channakim99 និង The Ring

The post Fashion លោកស្រី គឹម ចាន់ណា នាថ្ងៃមង្គលការកូនប្រុសដន្លង ស្អាតទាំងឈុតបុរាណ និងសម័យ appeared first on Millions times.

ធនាគារ ជីប ម៉ុង ប្រកាសសហការជាមួយក្រុមហ៊ុនថែទាំសុខភាពធំបំផុតរបស់សិង្ហបុរី IHH Healthcare Singapore

Vin Chang — Wed, 11 Feb 2026 07:04:39 +0000

កាលពីថ្ងៃ ១០ ខែកុម្ភៈ ឆ្នាំ ២០២៦ កន្លងទៅធនាគារ ជីប ម៉ុង បានប្រកាសជាផ្លូវការពីកិច្ចសហប្រតិបត្តិការ ជាមួយក្រុមហ៊ុនអន្តរជាតិ IHH Healthcare Singapore ដើម្បីដាក់ចេញនូវអត្ថប្រយោជន៍ ពិសេសសម្រាប់សេវាផ្នែកសុខភាពនៅមន្ទីរពេទ្យ ៤ ទីតាំងក្នុងប្រទេសសិង្ហបុរី ដល់អតិថិជនធនាគារ ជីប ម៉ុង។

តាមដានជាមួយយើង៖ Million Times

ធនគារ ជីប ម៉ុង បានឲ្យដឹងពីគោលបំណងនៃកិច្ចសហការនេះ គឺផ្ដល់ជូនសម្រាប់អតិថិជនដែលប្រើប្រាស់គ្រប់ប្រភេទកាតឥណទាន និងកាតឥណពន្ធ ប្រភេទ Platinum របស់ ជីប ម៉ុង នឹងទទួលបានការបញ្ចុះតម្លៃ លើកញ្ចប់សេវាពិនិត្យសុខភាព និងអត្ថប្រយោជន៍ដទៃទៀត។

ក្រៅពីអត្ថប្រយោជន៍ពីមន្ទីរពេទ្យរបស់ក្រុមហ៊ុន IHH Healthcare Singapore ហើយនោះ ក៏ទទួលបានសេវាធ្វើដំណើរពីអាកាសយានដ្ឋាន Changi និងអាទិភាពណាត់ជួបជាមួយវេជ្ជបណ្ឌិតជំនាញបាន២៤ ម៉ោងក្នុង១សប្ដាហ៍។

កម្មវិធីនោះធ្វើឡើងនៅទីស្នាក់ការកណ្ដាលធនាគារ ជីប ម៉ុង អាគារ ជីប ម៉ុង ថៅវើរ ចូលរួមដោយអ្នកឧកញ៉ា លាង ម៉េង អគ្គនាយកធនាគារ ជីប ម៉ុង និង លោក វីនស៊ិន ឡៃ នាយកប្រចាំប្រទេសកម្ពុជា នៃក្រុមហ៊ុន IHH Healthcare Singapore ព្រមទាំងថ្នាក់ដឹកនាំផ្សេងៗទៀតនៃក្រុមហ៊ុនទាំងពីរ។

គួរបញ្ជាក់ផងដែរថា IHH Healthcare Singapore គឺជាអ្នកផ្ដល់សេវាថែទាំសុខភាពឯកជនធំជាងគេរបស់ប្រទេសសិង្ហបុរី ដោយដំណើរការបណ្ដាញរួមបញ្ចូលគ្នានៃមន្ទីរពេទ្យលំដាប់កំពូលចំនួនបួនគឺ Gleneagles, Mount Elizabeth (Orchard និង Novena) និង Parkway East រួមជាមួយគ្លីនិកជាង ៣០ មជ្ឈមណ្ឌល ថត ឆ្លុះ X-ray និងមន្ទីរពិសោធន៍។ ពួកគេផ្ដល់ការថែទាំដ៏ទូលំទូលាយ ចាប់ពីសេវាកម្មបឋមរហូតដល់សេវាថែទាំសុខភាពកម្រិតទីបួន ដែលគាំទ្រដោយអ្នកឯកទេសជាង ១ ៥០០ នាក់៕

អត្ថបទ៖ ឆដា, រូបភាព៖ Chip Mong Bank

The post ធនាគារ ជីប ម៉ុង ប្រកាសសហការជាមួយក្រុមហ៊ុនថែទាំសុខភាពធំបំផុតរបស់សិង្ហបុរី IHH Healthcare Singapore appeared first on Millions times.

អ្នកឧកញ៉ា លាង ម៉េង ជួយសាងសង់អគារសិក្សាថ្មី ១ខ្នង នៅខេត្តឧត្ដរមានជ័យ ដែលរងការខូចខាតដោយសារសង្រ្គាម

Virak វីរៈ — Sun, 25 Jan 2026 13:07:38 +0000

អ្នកឧកញ៉ា លាង ម៉េង អគ្គនាយកក្រុមហ៊ុន ខ្មែរ ប៊ែវើរីជីស បានឧបត្ថម្ភសាងសង់អគារសិក្សាថ្មី ១ខ្នង នៅសាលាបឋមសិក្សាគោកប្រាសាទ ស្ថិតក្នុងក្រុងសំរោង ខេត្តឧត្ដរមានជ័យ ក្រោយពីអគារសិក្សាបានរងការបំផ្លិចបំផ្លាញ ដោយសារសង្រ្គាមឈ្លានពានពីសំណាក់យោធាថៃ នាពេលកន្លងមក។

តាមដានជាមួយយើង៖ Million Times

ក្រសួងអប់រំ យុវជន និងកីឡា បានឱ្យដឹងនៅថ្ងៃទី២៥ ខែមករា ឆ្នាំ២០២៦នេះថា អ្នកឧកញ៉ា លាង ម៉េង បានសម្រេចឧបត្ថម្ភការសាងសង់អគារសិក្សាថ្មី ១ខ្នង ជូនដល់សាលាបឋមសិក្សាគោកប្រាសាទ ស្ថិតក្នុងក្រុងសំរោង ដើម្បីឆ្លើយតបទៅនឹងតម្រូវការសិក្សារបស់សិស្សានុសិស្ស ក៏ដូចជាការស្តារឡើងវិញនូវហេដ្ឋារចនាសម្ព័ន្ធអប់រំ ដែលបានរងការបំផ្លិចបំផ្លាញ និងខូចខាតយ៉ាងធ្ងន់ធ្ងរ ដោយសារសង្រ្គាមឈ្លានពានពីសំណាក់យោធាថៃ នាពេលកន្លងមក។

ការសម្រេចផ្តល់ជូនអគារសិក្សានេះ បានធ្វើឡើងក្នុងឱកាសដែលឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្ដរមានជ័យ បានដឹកនាំក្រុមការងារ និងអញ្ជើញអ្នកឧកញ៉ា ចុះពិនិត្យស្ថានភាពជាក់ស្តែង និងទីតាំងសម្រាប់ត្រៀមដំណើរការសាងសង់ក្នុងពេលឆាប់ៗ ខាងមុខនេះ។

ក្រសួងអប់រំ យុវជន និងកីឡា បានថ្លែងអំណរគុណចំពោះសប្បុរសជន ដែលតែងតែចូលរួមចំណែកជាមួយរាជរដ្ឋាភិបាល ក្នុងការកសាងហេដ្ឋារចនាសម្ព័ន្ធសិក្សាឱ្យកាន់តែរឹងមាំ និងផ្តល់បរិយាកាសសិក្សាប្រកបដោយសុវត្ថិភាពដល់កុមារកម្ពុជា។

ចំណែកឯកឧត្តម មាន ចាន់យ៉ាដា ក្នុងនាមរដ្ឋបាលខេត្តឧត្ដរមានជ័យ ក៏បានថ្លែងអំណរគុណចំពោះអ្នកឧកញ៉ា លាង ម៉េង អគ្គនាយកក្រុមហ៊ុន ខ្មែរ ប៊ែវើរីជីស ដែលបានសម្រេចចិត្តឧបត្ថម្ភសាងសង់អគារសិក្សាថ្មីជូនដល់សិក្សានុសិស្ស នៅតំបន់ព្រំដែនដែលរងផលប៉ះពាល់ ដោយសារសង្រ្គាមកន្លងមក ស្ថិតនៅក្នុងភូមិសាស្ត្រខេត្តឧត្ដរមានជ័យ៕

អត្ថបទ៖ វីរៈ រូបភាព៖ ក្រសួងអប់រំ

The post អ្នកឧកញ៉ា លាង ម៉េង ជួយសាងសង់អគារសិក្សាថ្មី ១ខ្នង នៅខេត្តឧត្ដរមានជ័យ ដែលរងការខូចខាតដោយសារសង្រ្គាម appeared first on Millions times.

អ្នកឧកញ៉ា លាង ម៉េង៖ ធនាគារ ជីប ម៉ុង គាំទ្រម្ចាស់អាជីវកម្មខ្មែរ តាមរយៈកម្ចីមានអត្រាការប្រាក់សមរម្យ

Virak វីរៈ — Mon, 19 Jan 2026 06:18:00 +0000

អ្នកឧកញ៉ា លាង ម៉េង អគ្គនាយកធនាគារ ជីប ម៉ុង បានប្រកាសគាំទ្រម្ចាស់អាជីវកម្មខ្មែរដែលមានបំណងចង់ពង្រីកអាជីវកម្មឱ្យកាន់តែរីកចម្រើន តាមរយៈការផ្ដល់កម្ចីដែលមានអត្រាការប្រាក់ទាបសមរម្យ ឯកសារមិនស្មុគស្មាញ និងផ្ដល់ការប្រឹក្សាយោបល់ច្បាស់លាស់។

តាមដានជាមួយយើង៖ Million Times

តាមរយៈវីដេអូមួយ បង្ហោះនៅថ្ងៃទី១៩ ខែមករានេះថា អ្នកឧកញ៉ា លាង ម៉េង មានប្រសាសន៍ថា ក្នុងនាមលោក ជាថ្នាក់ដឹកនាំកំពូលរបស់ក្រុមហ៊ុន ជីប ម៉ុង ពិតជាស្វាគមន៍យ៉ាងកក់ក្ដីចំពោះអាជីវករខ្មែរទាំងអស់ ដែលបានចូលរួមតាំងពិព័រណ៍នៅផ្សារទំនើប ជីប ម៉ុង ហើយក៏ប្រកាសគាំទ្រអាជីវកម្មខ្មែរទាំងអស់ តាមរយៈការផ្ដល់កម្ចីពង្រីកអាជីវកម្ម ដែលមានអត្រាការប្រាក់ទាបសមរម្យ។

អ្នកឧកញ៉ា លាង ម៉េង បានបន្ថែមថា «ជាពិសេសក្នុងនាមខ្ញុំជាអគ្គនាយកធនាគារ ជីប ម៉ុង សូមគាំទ្រដល់អាជីវកម្មខ្មែរទាំងអស់ ធនាគារខ្មែរ គាំទ្រអាជីវកម្មខ្មែរ ជាពិសេសផ្ដល់កម្ចី Loan ដល់បងប្អូនខ្មែរដែលចង់ពង្រីកអាជីវកម្ម ហើយផ្ដល់តម្លៃមួយគឺល្អពិសេស ការប្រាក់ដែលពិសេសបំផុត»។

ម្ចាស់ធនាគារ ជីប ម៉ុង បានបន្តថា កន្លងមក ធនាគាររបស់លោក ក៏បានផ្ដល់កម្ចីដល់ប្រជាកសិករ ហើយក៏បានកំពុងតែបញ្ជូនក្រុមការងារទៅសហការជាមួយរោងម៉ាស៊ីននៅខេត្តបាត់ដំបង ហើយនិងធ្វើជាបន្តបន្ទាប់ទៀត។ លើសពីនេះទៀត ធនាគារ ជីប ម៉ុង ក៏បានសហការជាមួយក្រុមហ៊ុនកែច្នៃគ្រាប់ស្វាយចន្ទី នៅខេត្តព្រះវិហារ ផងដែរ។

អ្នកឧកញ៉ា លាង ម៉េង បានគូសបញ្ជាក់ថា ក្នុងនាមជាធនាគារ ជីប ម៉ុង ដែលជាធនាគារខ្មែរចង់ធ្វើយ៉ាងណាឱ្យអាជីវកម្មខ្មែរខ្លាំង និងរឹងមាំ ដើម្បីជួយជំរុញកំណើនសេដ្ឋកិច្ចទាំងអស់គ្នា ហើយលោកសង្ឃឹមថា ធនាគារ ជីប ម៉ុង នឹងបន្តបម្រើសេវាកម្មជូនអតិថិជនខ្មែររាប់រយឆ្នាំទៅខាងមុខទៀត៕

អត្ថបទ៖ វីរៈ រូបភាព៖ ធនាគារ ជីប ម៉ុង

The post អ្នកឧកញ៉ា លាង ម៉េង៖ ធនាគារ ជីប ម៉ុង គាំទ្រម្ចាស់អាជីវកម្មខ្មែរ តាមរយៈកម្ចីមានអត្រាការប្រាក់សមរម្យ appeared first on Millions times.

អ្នកឧកញ៉ា លាង ម៉េង បន្តឧបត្ថម្ភ ៥ ០០០ តង់ដល់ជនភៀសសឹក

Vin Chang — Thu, 25 Dec 2025 03:54:56 +0000

អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស បានប្រកាសឧបត្ថម្ភនូវតង់ ៥០០០ សម្រាប់ស្នាក់នៅបណ្ដោះអាសន្នដល់ជនភៀសសឹក។

តាមដានជាមួយយើង៖ Million Times

ដោយមើលឃើញពីការលំបាកដែលប្រជាជនខ្មែរជាច្រើនបានចាកចេញពីផ្ទះ ដោយសារថៃបានឈ្លានពាន។ ការស្នាក់នៅជំរំពិតជាមិនស្រួលឡើយ ដូចនេះហើយទើបអ្នកឧកញ៉ា លាង ម៉េង បានប្រកាសឧបត្ថម្ភតង់ ដែលអាចជួយបិទបាំង និងជ្រកកោនបានមួយគ្រា។

សម្រាប់តង់កម្ពុជាជម្រកនៃក្ដីសង្ឃឹម ចាប់ផ្ដើមដឹកជូនទៅដល់ខេត្តពោធិ៍សាត់ហើយ។ ប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស បានឲ្យដឹងថា ប្រជាជនជាច្រើនធ្លាប់តែរស់ក្រោមដំបូលផ្ទះ ឥឡូវបែរជាយកមេឃជាដំបូលវិញ។

អ្នកឧកញ៉ា មានភាពក្ដុកក្ដួលដោយឃើញពីការលំបាកអស់ទាំងនោះ និងធ្លាប់បានឆ្លងកាត់ការរស់នៅមានតែដំបូលផ្ទះ គ្មានជញ្ជាំងអ្នកឧកញ៉ា លាង ម៉េង បានបញ្ជូនតង់ទៅគ្រប់កន្លែងនៃជំរំដែលមានជនភៀសសឹកស្នាក់នៅ។

រាប់ត្រួសៗពីការចំណាយថវិការបស់ ជីប ម៉ុង គ្រុប៖

កាលខែ ៧ ដំបូង ៥០ ម៉ឺនដុល្លារ
ថ្ងៃ៧ ខែធ្នូ ៣ លានដុល្លារ
អង្ករ ៥០០ តោន
ទឹកសុទ្ធកម្ពុជា,ភេសជ្ជៈរាប់ម៉ឺនកេស

សហស្ថាបនិក ជីប ម៉ុង គ្រុប អ្នកឧកញ៉ា លាង ម៉េង បានបញ្ជាក់ថាសរុបទាំងអស់ប្រហែល ៧ លានដុល្លារ៕

អត្ថបទ៖ឆដា, រូបភាព៖ Cambodia Beer

The post អ្នកឧកញ៉ា លាង ម៉េង បន្តឧបត្ថម្ភ ៥ ០០០ តង់ដល់ជនភៀសសឹក appeared first on Millions times.

ភរិយាសេដ្ឋី លាង ម៉េង កាន់កាបូបដៃ Hermès តូចមួយ តែតម្លៃថ្លៃមិនចាញ់កាបូបធំៗ

Vin Chang — Fri, 05 Dec 2025 04:26:49 +0000

លោកស្រី គឹម ចាន់ណា ភរិយាសេដ្ឋី លាង ម៉េង សហស្ថាបនិក និងប្រធានក្រុមអគ្គនាយក ជីប ម៉ុង តែងតែជាទីចាប់អារម្មណ៍ពេលបង្ហាញខ្លួនក្នុងកម្មវិធីមង្គលការលំដាប់អភិជនដូចគ្នា។

តាមដានជាមួយយើង៖ Million Times

នាថ្ងៃមង្គលការកូនស្រីអគ្គនាយកក្រុមហ៊ុន PTC Computer គឺអ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ ក៏មានវត្តមានលោកស្រី គឹម ចាន់ណា និងក្រុមគ្រួសារចូលរួមផងដែរ។ ដោយបង្ហាញវត្តមានចូលរួមតាំងពីថ្ងៃទី១ ជាសម្លៀកបំពាក់ប្រពៃណី ហើយរហូតដល់វេលាជប់លៀងបញ្ចប់ល្ងាចថ្ងៃទី ២ នាយិការងជាន់ខ្ពស់ និងជាសមាជិកក្រុមប្រឹក្សាភិបាលក្រុមហ៊ុន ជីប ម៉ុង បានគ្រងឈុតដ៏ស្រស់ស្អាត។

នារាត្រីនោះ លោកស្រី គឹម ចាន់ណា ក៏បានកាន់កាបូបដៃដ៏ម៉ាកដ៏ល្បី និងប្រណីត ហើយក៏ជារបស់កម្រក្នុងពិភពលោក Hermès។ សម្រាប់កាបូប Hermès ដែលភរិយាសេដ្ឋី លាង ម៉េង កាន់មានឈ្មោះថា Hermès Crocodile Niloticus Egee Clutch – Green មានរាងស៊ីឡាំង ប្រវែង ២៥ សង់ទីម៉ែត្រ ដោយមានតម្លៃជាង ១ ម៉ឺនដុល្លារ។

កាបូប Hermès Crocodile Niloticus Egee Clutch តម្លៃចាប់ពី១ ម៉ឺនដុល្លារឡើងទៅ ហើយក៏តម្លៃក៏ប្រែប្រួលទៅតាមពណ៌ដែរ។ គួរបញ្ជាក់ផងដែរថា ភរិយាសេដ្ឋី លាង ម៉េង សហស្ថាបនិក និងប្រធានក្រុមអគ្គនាយក ជីប ម៉ុង ជាស្ត្រីដែលទទួលបានការកោតសរសើរខ្លាំងលើការតុបតែងខ្លួន និងជ្រើសរើសសម្លៀកបំពាក់ មិនថាជាពេលធ្វើជំនួញ និងការចូលរួមកម្មវិធីម្ដងៗ គឺថាអស្ចារ្យគ្រប់ពេល។

បើទោះជាមានកូនៗធំទន្ទឹមខ្លួន តែលោកស្រី គឹម ចាន់ណា នៅតែស្រស់ស្អាត រាងស្រឡូនមិនប្រែប្រួលទៅតាមវ័យឡើយ៕

អត្ថបទ៖ ឆដា, រូបភាព៖ Instagram channakim99

The post ភរិយាសេដ្ឋី លាង ម៉េង កាន់កាបូបដៃ Hermès តូចមួយ តែតម្លៃថ្លៃមិនចាញ់កាបូបធំៗ appeared first on Millions times.

អ្នកឧកញ៉ាពីររូប ប្រកាសជួយសកម្មភាពសម្តែងចាប៉ី ក្នុងមួយឆ្នាំ ១២០លានរៀល

Virak វីរៈ — Mon, 24 Nov 2025 07:28:33 +0000

អ្នកឧកញ៉ា ម៉ៅ ចំណាន គិតម៉េង និងអ្នកឧកញ៉ា លាង ម៉េង បានប្រកាសជួយដល់សកម្មភាពការសម្តែងចាប៉ីដងវែង នូវទឹកប្រាក់សរុបក្នុងមួយឆ្នាំ ១២០លានរៀល។ ការប្រកាសជួយបែបនេះ គឺនៅក្នុងពិធីអបអរសាទរខួបទី ៩ឆ្នាំ ចាប៉ីដែងវែង ត្រូវបានចុះបញ្ជីជាបេតិកភណ្ឌវប្បធម៌អរូបី របស់អង្គការយូណេស្កូ ដែលរៀបចំដោយតារាចម្រៀងអ្នកនាង ម៉េង កែវពេជ្ជតា ក្រោមការឧបត្ថម្ភពេញទំហឹងដោយក្រុមហ៊ុនជីបម៉ុង នៅផ្សារទំនើបជីបម៉ុង មេហ្គាម៉ល ២៧១ កាលពីយប់ថ្ងៃទី ២៣ ខែវិច្ឆិកា ឆ្នាំ២០២៥។

តាមដានជាមួយយើង៖ Million Times

បើយោងតាមការចុះផ្សាយ នៅលើទំព័រហ្វេសប៊ុករបស់សមាគមសិល្បករខ្មែរ បានឱ្យដឹងថា នៅក្នុងឱកាសនោះ អ្នកឧកញ៉ា ម៉ៅ ចំណាន គិតម៉េង បានមានប្រសាសន៍ថា ចាប៉ីដងវែង គឺជាស្នាដៃសិល្បៈដ៏អស្ចារ្យរបស់ដូនតា ដែលបានបង្រួមបញ្ចូលរវាងភាសា តន្ត្រី និងប្រាជ្ញាខ្មែរយើង។ វាមិនត្រឹមជាឧបករណ៍តន្ត្រី ឬតន្ត្រីសម្រាប់ការកម្សាន្តតែមួយមុខនោះទេ ប៉ុន្តែចាប៉ីដងវែង ជាវិធីនៃការបង្ហាញគំនិត ការអប់រំ និងការចែករំលែកអារម្មណ៍រីករាយនៅក្នុងជីវភាពប្រចាំថ្ងៃ។

អ្នកឧកញ៉ា បានបន្ថែមថា «ពេលវេលាចេះតែវិវត្ត យើងសង្កេតឃើញថា នៅក្នុងរយៈពេលចុងក្រោយៗ នេះ យុវសិល្បកររបស់យើងបានបន្ថែមនូវគំនិតច្នៃប្រឌិត និងបានបង្កើតបទចម្រៀងថ្មីៗ ដោយបានរួម បញ្ចូលនូវសូរសំនៀងចាប៉ីជាមួយ ដែលធ្វើឱ្យបទភ្លេង និងបទចម្រៀងកាន់តែមានរសជាតិ ពិសេសប្លែក, ជាក់ស្តែង ដូចជាបទ Time to Rise ដែលលេងច្រៀង និងសម្តែង រួមគ្នារវាងព្រឹទ្ធាចារ្យ កោសល្យវោហារ គង់ ណៃ និងប្អូន វណ្ណដា ជាដើម។ សំឡេង ចាប៉ី គឺជាសំឡេង នៃការចងចាំអតីតកាល និងជាសំឡេង នៃក្តីសង្ឃឹមសម្រាប់អនាគត»។

ដើម្បីលើកស្ទួយវិស័យសិល្បៈបុរាណ និងបន្តនិរន្តភាពនៃសិល្បៈចាប៉ីដងវែង អ្នកឧកញ៉ា លាង ម៉េង សហស្ថាបនិកក្រុមហ៊ុនជីបម៉ុង និងអ្នកឧកញ៉ា ម៉ៅ ចំណាន គិតម៉េង បានប្រកាសជួយដល់សកម្មភាពការសម្តែងចាប៉ី ទូទាំងប្រទេសក្នុងមួយឆ្នាំ ១២០លានរៀល។ ក្នុងនោះ ១០០លាន រៀលជាថវិការបស់ក្រុមហ៊ុន ជីប ម៉ុង និង ២០លានរៀលទៀត ជាថវិការបស់សមាគមសិល្បករខ្មែរ។

ក្នុងឱកាសនោះដែរ អ្នកនាង ម៉េង កែវពេជ្ជតា បានថ្លែងអំណរគុណចំពោះអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស (Khmer Beverages) និងលោកជំទាវ គឹម ចាន់ណា ដែលបានឧបត្ថម្ភថវិកា ១០០លានរៀល និងអ្នកឧកញ៉ា ម៉ៅ ចំណាន បានឧបត្ថម្ភ ២០លានរៀលក្នុងមួយឆ្នាំ ដើម្បីគាំទ្រដល់កម្មវិធីសម្តែងនិងការផ្សព្វផ្សាយចាប៉ីដងវែង ផងដែរ។

អ្នកនាង ម៉េង កែវពេជ្ជតា បានបញ្ជាក់ថា ការជួយឧបត្ថមនេះជាក្តីសង្ឃឹមដ៏ធំធេង នៅក្នុងវិស័យសិល្បៈ ពិសេសសិល្បៈចាប៉ីដងវែងនេះ តែម្តង៕

អត្ថបទ៖ វីរៈ រូបភាព៖ សមាគមសិល្បករខ្មែរ

The post អ្នកឧកញ៉ាពីររូប ប្រកាសជួយសកម្មភាពសម្តែងចាប៉ី ក្នុងមួយឆ្នាំ ១២០លានរៀល appeared first on Millions times.

ធនាគារ ជីប ម៉ុង និង ក្រុមហ៊ុន អេមរុរ៉ាស៍ចាប់ដៃគ្នាជំរុញហិរញ្ញប្បទានក្នុងវិស័យស្រូវអង្ករដើម្បីបង្កើនការនាំចេញ

Vin Chang — Wed, 25 Jun 2025 02:40:09 +0000

ធនាគារ ជីប ម៉ុង ដែលជាធនាគារក្នុងស្រុកដ៏ធំមួយ បានសហការជាមួយក្រុមនាំចេញអង្ករដ៏ធំជាងគេរបស់កម្ពុជា ក្រុមហ៊ុន អេមរុរ៉ាស៍(Amru Rice Cambodia) ក្នុងភាពជាដៃគូយុទ្ធសាស្រ្តហិរញ្ញប្បទានដើម្បីជម្រុញកសិកម្មស្រូវអង្ករក្នុងការបង្កើនការនាំចេញទៅកាន់ទីផ្សារអន្តរជាតិឱ្យកាន់តែច្រើនថែមទៀត។

តាមដានជាមួយយើង៖ Million Times

ការសម្រេចបាននូវភាពជាដៃគូយុទ្ធសាស្រ្តហិរញ្ញប្បទាននេះត្រូវបានធ្វើឡើងរវាងអ្នកឧកញ៉ា លាង ម៉េង សហស្ថាបនិក និងប្រធានក្រុមអគ្គនាយក ជីប ម៉ុង និងលោកឧកញ៉ា សុង សារ៉ន ប្រធានអគ្គនាយកក្រុមហ៊ុនអេមរុរ៉ាស៍ កាលពីថ្ងៃតី២៤ ខែមិថុនាម្សិលមិញនេះ។

លោកឧកញ៉ា សុង សារ៉ន បានថ្លែងមកកាន់កម្ពុជាថ្មីនៅព្រឹកថ្ងៃទី២៥ ខែមិថុនានេះថា តាមរយៈការសម្រេចបាននូវ MoU នេះ កសិករដែលមានបំណងផ្គត់ផ្គង់មក្រុមហ៊ុនលោកនឹងទទួលបានហិរញប្បទានពីធនាគារ ជីប ម៉ុង ក្នុងអត្រាការប្រាក់ទាប បែបបទងាយស្រួល និងរហ័ស។

លោកឧកញ៉ាថ្លែងថា៖«កាលពីម្សិលមិញនេះយើងបានចុះអនុស្សរណៈនៃការយោគយល់គ្នាជាមួយធនាគារ Chip Mong ដើម្បីទទួលបានហិរញ្ញប្បទានយុទ្ធសាស្រ្តដល់កសិករដែលដាំដុះស្រូវផ្គត់ផ្គង់ដល់ក្រុមហ៊ុន Amru Rice។ ក្រោមកិច្ចសហការនេះ ប្រជាកសិករដែលផលិតស្រូវដើម្បីផ្គត់ផ្គង់ដល់ក្រុមហ៊ុនយើងនឹងទទួលបានហិរញ្ញប្បទានដែលមានអត្រាការប្រាក់ទាប ការផ្តល់ឥណទានមានភាពងាយស្រួល និងរហ័ស។

លោកឧកញ៉ា សុង សារ៉បានថ្លែងបញ្ជាក់ទៀតថា សម្រាប់ជំហានបន្ទាប់ខាងធនាគារនឹងចុះទៅជួបជាមួយប្រជាកសិករតាមបណ្តាខេត្តនានា ដោយផ្ទាល់តែម្តងដើម្បីប្រមូលព័ត៌មាន ដឹងអំពីតម្រូវការផ្សេងដើម្បីរៀបចំឥណទានជូនពួកគាត់។

ក្រុមហ៊ុន Amru Rice (Cambodia) ជាមួយក្រុមហ៊ុន Stabil Nutrition, LLC នៅថ្ងៃទី ២៣ ខែកញ្ញា ឆ្នាំ ២០២៤ បានចុះអនុស្សារណៈនៃការយោគយល់ លើការវិនិយាគរោងចក្រកែច្នៃកន្ទក់សរីរាង្គ។

The post ធនាគារ ជីប ម៉ុង និង ក្រុមហ៊ុន អេមរុរ៉ាស៍ចាប់ដៃគ្នាជំរុញហិរញ្ញប្បទានក្នុងវិស័យស្រូវអង្ករដើម្បីបង្កើនការនាំចេញ appeared first on Millions times.

សេដ្ឋី លាង ម៉េង នាំគ្រួសារទៅអបអរកូនប្រុសពៅទទួលសញ្ញាប័ត្រនៅអាមេរិក និងឆ្លៀតដើរកម្សាន្តជុំគ្នា

sovanmoly tep — Tue, 27 May 2025 10:23:47 +0000

ៅប្រុសម្នាក់ទៀតរបស់លោកអ្នកឧកញ៉ា ភាព ហៀក បញ្ចប់ការសិក្សានៅបរទេស ដែលនោះគឺជាកូនប្រុសពៅរបស់សេដ្ឋី លាង ម៉េង កំលោះ អ៊ឹង ប្រីយ៉ាន។

តាមដានជាមួយយើង៖ Million Times

ក្រៅពីកញ្ញា Nicole កូនស្រីឧកញ៉ា លាង ហួង ដែលទើបបញ្ចប់ការសិក្សានៅរាជធានីភ្នំពេញ ចៅប្រុសលោកអ្នកឧកញ៉ា ភាព ហៀក ម្នាក់ទៀតក៏ទើបបញ្ចប់ការសិក្សានៅសាកលវិទ្យាល័យ Suffolk និងជាសាកលវិទ្យាល័យស្រាវជ្រាវឯកជនមួយនៅទីក្រុង Boston រដ្ឋ Massachusetts សហរដ្ឋអាមេរិក។

ក្នុងនាមជាឪពុកម្ដាយ សេដ្ឋី លាង ម៉េង និងភរិយាបាននាំក្រុមគ្រួសារទាំងមូល មានកូនបង្កើត កូនប្រសា និងអនាគតកូនប្រសាទៅអបអរសាទរសម្រាប់សមិទ្ធផលការសិក្សារបស់កូនប្រុស អ៊ឹង ប្រីយ៉ាន នៅអាមេរិក។

ឆ្លៀតឱកាសនោះដែរ សហស្ថាបនិក និងប្រធានក្រុមអគ្គនាយក ជីប ម៉ុង បាននាំភរិយានិងកូនៗទាំងអស់ដើរលេងលំហែអារម្មណ៍នៅអាមេរិក ដោយរូបភាពកក់ក្ដៅនៅតុអាហារ ចែករំលែកលើបណ្ដាញសង្គម Instagram លោកស្រី គឹម ចាន់ណា៕

អត្ថបទ៖ មេរ៉ា, រូបភាព៖IG Channa Kim

The post សេដ្ឋី លាង ម៉េង នាំគ្រួសារទៅអបអរកូនប្រុសពៅទទួលសញ្ញាប័ត្រនៅអាមេរិក និងឆ្លៀតដើរកម្សាន្តជុំគ្នា appeared first on Millions times.

អ្នកឧកញ៉ា លាង ម៉េង Archives - Millions times

កូនស្រីទី២អ្នកឧកញ៉ា លាង ម៉េង ដ៏ស្រស់ស្អាត កំពុងកាន់ការងារឲ្យ ជីប ម៉ុង គ្រុប បណ្ដើរៗ

Fashion លោកស្រី គឹម ចាន់ណា នាថ្ងៃមង្គលការកូន​ប្រុសដន្លង ស្អាតទាំងឈុតបុរាណ និងសម័យ

ធនាគារ ជីប ម៉ុង ប្រកាសសហការជាមួយក្រុមហ៊ុនថែទាំសុខភាពធំបំផុតរបស់សិង្ហបុរី IHH Healthcare Singapore

អ្នកឧកញ៉ា លាង ម៉េង ជួយសាងសង់អគារសិក្សាថ្មី ១ខ្នង នៅខេត្តឧត្ដរមានជ័យ ដែលរងការខូចខាតដោយសារសង្រ្គាម

អ្នកឧកញ៉ា លាង ម៉េង៖ ធនាគារ ជីប ម៉ុង គាំទ្រម្ចាស់អាជីវកម្មខ្មែរ តាមរយៈកម្ចីមានអត្រាការប្រាក់សមរម្យ

អ្នកឧកញ៉ា លាង ម៉េង បន្តឧបត្ថម្ភ ៥ ០០០ តង់ដល់ជនភៀសសឹក

ភរិយាសេដ្ឋី លាង ម៉េង កាន់កាបូបដៃ Hermès តូចមួយ តែតម្លៃថ្លៃមិនចាញ់កាបូបធំៗ

អ្នកឧកញ៉ាពីររូប ប្រកាសជួយសកម្មភាពសម្តែងចាប៉ី ក្នុងមួយឆ្នាំ ១២០លានរៀល

សេដ្ឋី លាង ម៉េង នាំគ្រួសារទៅអបអរកូនប្រុសពៅទទួលសញ្ញាប័ត្រនៅអាមេរិក និងឆ្លៀតដើរកម្សាន្តជុំគ្នា

Fashion លោកស្រី គឹម ចាន់ណា នាថ្ងៃមង្គលការកូនប្រុសដន្លង ស្អាតទាំងឈុតបុរាណ និងសម័យ