លោក Donald Trump បាននិយាយនៅក្នុងបណ្តាញសង្គម Truth កាលពីថ្ងៃព្រហស្បតិ៍ថា “ប្រសិនបើសហភាពអឺរ៉ុបធ្វើការជាមួយប្រទេសកាណាដាក្នុងគោលបំណងធ្វើឱ្យប៉ះពាល់ដល់សេដ្ឋកិច្ចសហរដ្ឋអាមេរិក ពន្ធទ្រង់ទ្រាយធំដែលមានទំហំធំជាងការគ្រោងទុកនាពេលបច្ចុប្បន្ន នឹងត្រូវដាក់លើពួកគេទាំងពីរ”។

តាមដានជាមួយយើង៖ Million Times

កាលពីថ្ងៃពុធមេដឹកនាំសេតវិមានបានប្រកាសថា លោកនឹងកំណត់ពន្ធ ២៥% លើរថយន្តទាំងអស់ដែលមិនត្រូវបានផលិតនៅក្នុងសហរដ្ឋអាមេរិក ជាមួយនឹងពន្ធដែលនឹងចូលជាធរមាននៅថ្ងៃទី២ ខែមេសា។

ជំនួយការសេតវិមានលោក Trump លោក Will Scharf បានប៉ាន់ប្រមាណថា វិធានការនេះនឹងនាំឱ្យប្រាក់ចំណូលប្រចាំឆ្នាំថ្មីជាង ១០០ ពាន់លានដុល្លារដល់សហរដ្ឋអាមេរិក៕

អត្ថបទ៖ សារ៉ាយ រូបភាព៖ The New York Times

The post Trump គំរាមដាក់ពន្ធធ្ងន់លើកាណាដា និងអឺរ៉ុប បើធ្វើឱ្យប៉ះពាល់សេដ្ឋកិច្ចអាមេរិក appeared first on Millions times.

ការបង្ហាញឆន្ទៈរបស់ប្រតិភូបណ្តាកុងស៊ុលកិត្តិយសអឺរ៉ុបនៅកម្ពុជា ចំនួន ១១ប្រទេស ក្នុងពេលចូលជួបសម្តែងការគួរសមជាមួយសម្តេច ហ៊ុន សែន ប្រធានព្រឹទ្ធសភា ដែលដឹកនាំដោយលោក Salah A Essa កុងស៊ុលកិត្តិយសប្រទេសស៉ីប (Cyprus) ប្រចាំនៅកម្ពុជា នៅវិមានព្រឹទ្ធសភា រាជធានីភ្នំពេញ នាថ្ងៃអង្គារ ខែមីនានេះ។

តាមដានជាមួយយើង៖ Million Times

នៅក្នុងឱកាសនោះ សម្ដេចបានរំលេចអំពីកិច្ចសហប្រតិបត្តិការរវាងកម្ពុជាជាមួយនឹងប្រទេសទាំង១១ ជាពិសេសគឺផ្ដោតទៅលើការធ្វើពាណិជ្ជកម្ម វិនិយោគ ទេសចរណ៍ ជាមួយនឹងបណ្ដាប្រទេសទាំងនោះឲ្យមានការកើនឡើងបន្ថែមទៀត ដែលជាការចង់បានរបស់ប្រទេសកម្ពុជា។

លោក Salah Essa បានលើកឡើងថា លោកនឹងខិតខំប្រឹងប្រែងជាមួយនឹងតំណាងនៃកុងស៊ូកិត្តិយសទាំង១០រូបទៀត ក្នុងការធ្វើយ៉ាងណាឲ្យការធ្វើពាណិជ្ជកម្ម វិនិយោគ អភិវឌ្ឍន៍សេដ្ឋកិច្ច និងទេសចរណ៍ រវាងប្រទេសកម្ពុជា ជាមួយបណ្ដាប្រទេសទាំង ១១ មានការរីកចម្រើនបន្ថែមទៀត ជាពិសេសលោកនឹងខិតខំប្រឹងប្រែងក្នុងការទាក់ទាញអ្នកវិនិយោគក្នុងចំណោមប្រទេសទាំង ១១នោះ មកវិនិយោគរកស៊ីធ្វើពាណិជ្ជកម្ម ឬបង្កើតនូវទេសចរណ៍នៅក្នុងប្រទេសកម្ពុជា ឲ្យមានការកើនឡើងបន្ថែមទៀត។

លោកក៏បានសរសើរដែរ ពីលក្ខណៈអំណោយផលរបស់ប្រទេសកម្ពុជាដែលមានកត្តាសុខសន្តិភាពក្រោមការដឹកនាំដោយសម្ដេច ហ៊ុន សែន កន្លងទៅ និងបន្តដឹកនាំដោយសម្ដេច ហ៊ុន ម៉ាណែត នាពេលបច្ចុប្បន្ន ដែលធ្វើឲ្យប្រទេសមានសុខសន្តិភាព និងរីកការកចម្រើន និងកត្តាសន្តិសុខល្អប្រសើរថែមទៀត ដែលអំណោយផលនៃបណ្ដាប្រទេសទាំង១១ មកទស្សនានៅក្នុងប្រទេសកម្ពុជាឲ្យមានការកើនឡើងបន្ថែមទៀតដែរ។

សម្ដេច ហ៊ុន សែន មានប្រសាសន៍ថា កម្ពុជារង់ចាំធ្វើការជាមួយនឹងបណ្ដាស្ថាប័ន ក៏ដូចជាបណ្ដានៃប្រទេសទាំង១១នោះ ដើម្បីធ្វើយ៉ាងណាជំរុញនូវវិស័យសេដ្ឋកិច្ច ពាណិជ្ជកម្ម ទេសចរណ៍ និងការវិនិយោគឲ្យកាន់តែល្អប្រសើរនៅក្នុងក្របខណ្ឌរវាងកម្ពុជា ជាមួយនឹងបណ្តាប្រទេសទាំង១១៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចតេជោ

The post ១១ ប្រទេសពីអឺរ៉ុប ប្តេជ្ញាទាក់ទាញអ្នកវិនិយោគរបស់ខ្លួនមករកស៊ីធ្វើពាណិជ្ជកម្មនៅកម្ពុជា appeared first on Millions times.

អតីតប្រធានាធិបតីអាមេរិក Joe Biden បានជំរុញយ៉ាងខ្លាំងក្នុងការជំរុញឥទ្ធិពលរបស់សហរដ្ឋអាមេរិកនៅក្នុងអតីតសត្រូវ ដោយចាត់ទុកប្រទេសនេះថា ជាដៃគូដ៏សំខាន់ក្នុងយុទ្ធសាស្ត្រទប់ទល់នឹងប្រទេសចិន ប៉ុន្តែទំនាក់ទំនងទ្វេភាគីអាចនឹងចុះខ្សោយ ប្រសិនបើលោក Donald Trump ដាក់ពន្ធលើទីក្រុងហាណូយ ជាគោលដៅសក្តានុពលនៃពន្ធគយដែលគម្រាមកំហែងដោយសារតែអតិរេកពាណិជ្ជកម្មដ៏ធំ។

តាមដានជាមួយយើង៖ Million Times

ទន្ទឹមនឹងភាពមិនច្បាស់លាស់នេះ បណ្តាប្រទេសនៅអឺរ៉ុបកំពុងបង្កើនទំនាក់ទំនងរបស់ពួកគេជាមួយវៀតណាម ដោយប្រធានគណៈកម្មការអឺរ៉ុប លោកស្រី Ursula von der Leyen និងប្រធានាធិបតីបារាំងលោក Emmanuel Macron គ្រោងនឹងធ្វើទស្សនកិច្ចនៅខែក្រោយនេះ។ មន្ត្រីនិងអ្នកការទូតអឺរ៉ុបបាននិយាយថា ការបំពេញទស្សនកិច្ចត្រូវបានគ្រោងទុកជាយូរណាស់មកហើយ តែមិនទាន់បានបញ្ជាក់នៅឡើយ។

មន្ត្រីជាន់ខ្ពស់សហភាពអឺរ៉ុបបាននិយាយថា លោក Macron អាចធ្វើដំណើរទៅកាន់ប្រទេសវៀតណាមនៅចុងខែឧសភា ក្នុងគោលបំណងជំរុញទំនាក់ទំនងជាមួយអតីតអាណានិគមនេះ បន្ទាប់ពីទីក្រុងប៉ារីសបានបង្កើនទំនាក់ទំនងការទូតជាផ្លូវការកាលពីឆ្នាំមុន ខណៈដែលលោកស្រី von der Leyen អាចទៅបំពេញទស្សនកិច្ចមុននេះក្នុងគោលដៅធ្វើឱ្យប្រសើរឡើងនូវទំនាក់ទំនងជាផ្លូវការ។

គួរកត់សម្គាល់ថា សហភាពអឺរ៉ុបបាននាំចូលទំនិញមានតម្លៃ ៥២ ពាន់លានដុល្លារពីវៀតណាមកាលពីឆ្នាំមុន តិចជាងពាក់កណ្តាលនៃការនាំចូលរបស់សហរដ្ឋអាមេរិក ប៉ុន្តែនៅតែជាទីផ្សារនាំចេញទី៣ របស់វៀតណាម ដោយសារកិច្ចព្រមព្រៀងពាណិជ្ជកម្មសេរីដែលមានស្រាប់ផងដែរ។

ការស្ទង់មតិមួយបានរកឃើញថា ក្រុមហ៊ុនរបស់សហរដ្ឋអាមេរិកនៅវៀតណាម ពឹងផ្អែកលើការនាំចេញទៅកាន់អាមេរិកច្រើនជាងគូប្រជែងនៅអឺរ៉ុប ហើយរំពឹងថានឹងមានការកាត់បន្ថយកម្លាំងពលកម្ម ប្រសិនបើលោក Trump ដំឡើងពន្ធ។

សេណារីយ៉ូនោះ ទោះបីជាជាលទ្ធផលដែលមន្ត្រីសហភាពអឺរ៉ុបបាននិយាយថា ជាការផ្លាស់ប្តូរមហន្តរាយនៅក្នុងពាណិជ្ជកម្មសកលក៏ដោយ ប៉ុន្តែអាចនាំឱ្យមានការនាំចេញរបស់វៀតណាមកាន់តែច្រើនទៅកាន់សហភាពអឺរ៉ុប ហើយអាចជួយសម្រួលដល់ការវិនិយោគនៅក្នុងប្រទេសវៀតណាមដោយក្រុមហ៊ុនអឺរ៉ុបទៀតផង៕

អត្ថបទ៖ សារ៉ាយ រូបភាព៖ Reuters 

The post វៀតណាមចំណេញកប់! បណ្តាមេដឹកនាំអឺរ៉ុបត្រៀមធ្វើទស្សនកិច្ចទៅកាន់ទីក្រុងហាណូយ appeared first on Millions times.