អូន ព័ន្ធមុនីរ័ត្ន Archives - Millions times

ឧបនាយករដ្ឋមន្រ្តី អូន ព័ន្ធមុនីរ័ត្ន ចូលរួមការដាក់ឲ្យប្រើប្រាស់ប្រព័ន្ធបច្ចេកវិទ្យាព័ត៌មាន គ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ

Vin Chang — Thu, 19 Dec 2024 09:51:28 +0000

កាលពីថ្ងៃ ១៨ ខែធ្នូ ម្សិលមិញ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អូន ព័ន្ធមុនីរ័ត្ន បានអញ្ជើញជាអធិបតីភាព ក្នុងពិធីប្រកាសដាក់ឲ្យប្រើប្រាស់ជាផ្លូវការ ប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ (State Asset Register Management Information System- SARMIS) ជំនាន់ថ្មីដល់ក្រសួង ស្ថាប័ន, អង្គភាពសាធារណៈប្រហាក់ប្រហែល, រដ្ឋបាលរាជធានី ខេត្ត, និងនីតិបុគ្គលសាធារណៈ។

តាមដានជាមួយយើង៖ Million Times

នាកម្មវិធីប្រកាសដាក់ឲ្យប្រើប្រាស់ប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ មានការចូលរួមពីថ្នាក់ដឹកនាំ និងមន្រ្តីនៃក្រសួង ស្ថាប័ន អង្គភាពសាធារណៈប្រហាក់ប្រហែល, រដ្ឋបាលរាជធានី ខេត្ត, និងនីតិបុគ្គលសាធារណៈ និងដៃគូអភិវឌ្ឍន៍ប្រមាណជិត ៤០០ នាក់។

ការដាក់ឲ្យប្រើប្រាស់ប្រព័ន្ធ SARMIS ថ្មីនេះ គឺដើម្បីជួយលើកកម្ពស់ការគ្រប់គ្រងទ្រព្យសម្បត្តិរដ្ឋឲ្យកាន់តែមានប្រសិទ្ធភាព ស័ក្តិសិទ្ធភាព តម្លាភាព និងគណនេយ្យភាព ហើយនឹងក្លាយជាផ្នែកមួយនៃប្រព័ន្ធ Ecosystem របស់រាជរដ្ឋាភិបាលផងដែរ។

រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងឲ្យដឹងក្នុងកម្មវិធីថា ដើម្បីបន្តដំណើរដោយភាពស្វាហាប់ ឈានទៅសម្រេចចក្ខុវិស័យឆ្នាំ ២០៥០ សំដៅប្រែក្លាយកម្ពុជាទៅជាប្រទេសមានចំណូលខ្ពស់ ត្រូវចាំបាច់ក្នុងការអភិវឌ្ឍ និងកែទម្រង់លើគ្រប់វិស័យ ពិសេសជំរុញលើកកម្ពស់វិស័យបច្ចេកវិទ្យាឌីជីថល៕

ខ្លឹមសារទាំងស្រុងនៃប្រសាសន៍ឧបនាយករដ្ឋមន្រ្តី អូន ព័ន្ធមុនីរ័ត្ន

អត្ថបទ៖ មេរ៉ា, រូបភាព៖ក្រសួងសេដ្ឋកិច្ច និងហិរញ្ញវត្ថុ

The post ឧបនាយករដ្ឋមន្រ្តី អូន ព័ន្ធមុនីរ័ត្ន ចូលរួមការដាក់ឲ្យប្រើប្រាស់ប្រព័ន្ធបច្ចេកវិទ្យាព័ត៌មាន គ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ appeared first on Millions times.

រ៉ូបមង្គលការកូនក្រមុំត្រកូលអភិជនយប់មិញ ប្រេន Oscar de la Renta តម្លៃជាង ១ ម៉ឺនដុល្លារ

Vin Chang — Thu, 12 Dec 2024 04:39:51 +0000

មង្គលការដ៏ធំប្រចាំចុងឆ្នាំ ២០២៤ នៃត្រកូលអភិជនជាន់ខ្ពស់យប់មិញ នៅតែជាប្រធានបទលើកយកមកនិយាយមិនឈប់លើបណ្ដាញសង្គម។ កូនក្រមុំ អូន ព័ន្ធមណីលក្ស្មី បន្ទាប់ពីចប់ឈុតប្រពៃណីដែលរៀបចំដោយ ស៊ីនឌី សម្អាងការ ចូលពេលយប់ក៏គ្រងរ៉ូបបែបសម័យ ដែលជាប្រេន Oscar de la Renta ហើយក៏ជា Collection ចុងក្រោយនៃម៉ូដរ៉ូបកូនក្រមុំនៃប្រេននេះដែរ។

តាមដានជាមួយយើង៖ Million Times

កូនស្រីសំណព្វរបស់ឧបនាយករដ្ឋមន្ត្រីអូន ព័ន្ធមុនីរ័ត្ន ដ៏ស្រស់ស្អាតទន់ភ្លន់បានជ្រើសរ៉ូបពីហាង Oscar de la Renta ស្ថិតក្នុង Bridal Spring 2024 ហើយក៏ជារ៉ូបដ៏មានតម្លៃថ្លៃ ព្រមទាំងលក់ដាច់ខ្លាំងផងដែរ។ រ៉ូបនោះមានឈ្មោះថា Oscar de la Renta Rosette Ball Gown និងមានតម្លៃ ១៤ ០០០ ដុល្លារ ដោយនេះមិនទាន់គិតរួមបញ្ចូលស្បៃគ្រប់សក់ឡើយ។

កូនប្រសាស្រីលោក ឡាំ ហេងហួត មន្រ្តីប្រតិភូអមនាយករដ្ឋមន្រ្តី និងជាអនុប្រធានគ្រប់គ្រងគ្រោះមហន្តរាយ ត្រូវបានមហាជនសរសើរមិនដាច់ពីមាត់ពីសម្រស់បែបធម្មជាតិ ព្រមទាំងឫកពាថ្លៃថ្នូរ ស្រគត់ស្រគំ ញញឹមចេញថ្ពាល់ខួចមានមន្តស្នេហ៍ខ្លាំងតែម្ដង ហើយកាន់តែមើលកាន់តែឃើញស្អាត រហូតគ្រប់ប្លង់រូបភាពចាប់បាន ឃើញកូនកំលោះសម្លឹងមិនដាក់ភ្នែក។

និយាយដល់រោងការដែលតុបតែងដោយផ្កាសលាយពណ៌ផ្កាឈូក ព្រមទាំងលម្អដោយអំពូលគ្រីស្តាល់ចែងចាំងពន្លឺគ្រប់ជ្រុងជ្រោយនៃសាលកម្មវិធីតែម្ដង៕

អត្ថបទ៖ មេរ៉ា, រូបភាព៖ One Memory

The post រ៉ូបមង្គលការកូនក្រមុំត្រកូលអភិជនយប់មិញ ប្រេន Oscar de la Renta តម្លៃជាង ១ ម៉ឺនដុល្លារ appeared first on Millions times.

ពេញដោយយសស័ក្ដិថ្ងៃចូលរោងការគ្រួសារអភិជនគូនេះ ល្បីសុះសាយ

Vin Chang — Wed, 11 Dec 2024 06:17:13 +0000

ថ្ងៃចូលរោងមង្គលការកូនប្រុសលោក ឡាំ ហេងហួត មន្រ្តីប្រតិភូអមនាយករដ្ឋមន្រ្តី និងជាអនុប្រធានគ្រប់គ្រងគ្រោះមហន្តរាយ ជាមួយកូនស្រីឧបនាយករដ្ឋមន្ត្រីអូន ព័ន្ធមុនីរ័ត្ន កាលពីម្សិលមិញ ធ្វើឲ្យអ្នកលេងបណ្ដាញសង្គមស្ញប់ស្ញែងពីភាពអស្ចារ្យនៃការតុបតែង ពិសេសគឺកូនកំលោះ-ក្រមុំតែម្ដង។

តាមដានជាមួយយើង៖ Million Times

កូនក្រមុំឈ្មោះ អូន ព័ន្ធមណីលក្ស្មី កូនស្រីឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ហើយដន្លងឯកឧត្ដម អូន ព័ន្ធមុនីរ័ត្ន គឺលោក ឡាំ ហេងហួត មន្រ្តីប្រតិភូអមនាយករដ្ឋមន្រ្តី ដែលមានកូនកំលោះឈ្មោះ ឡាំ ជុងហាវ។ មិនត្រឹមរូបសម្រស់គូស្វាមីភរិយាថ្មីៗនៃ គ្រួសារអភិជនគូនេះ ទាក់ចិត្តមហាជន សូម្បីតែតែខ្សែភ្នែកសម្លឹងគ្នា ក៏គូនេះបង្ហាញពីចរិតចាស់ទុំ ប្រកបដោយភាពថ្លៃថ្នូរផងដែរ។

កម្មវិធីអាវាហមង្គលនៃត្រកូលមានមុខមាត់ក្នុងសង្គមទាំង ២ បានអញ្ជើញសុទ្ធតែថ្នាក់ដឹកនាំធំៗតាមស្ថាប័នរដ្ឋផ្សេងៗ ហើយក៏មានអ្នកជំនួញច្រើនដូចគូស្វាមីភរិយាអភិជនដទៃទៀតដែរ។ មួយវិញទៀតភ្ញៀវកូនក្រមុំ និងកូនកំលោះសុទ្ធសឹងជាកូនបណ្ដាឥស្សរជនជាន់ខ្ពស់ដូចគ្នា ដោយរៀបចំខ្លួនសមសួននឹងកម្មវិធីទាំងព្រមតែម្ដង។

កូនកំលោះ ឡាំ ជុងហាវ និងកូនក្រមុំ អូន ព័ន្ធមណីលក្ស្មី ភ្ជាប់ពាក្យតាំងពីអំឡុងខែមីនា ឆ្នាំ ២០២០ មកម្ល៉េះ ហើយពេលនេះជាវេលាជ័យដ៏ធំក្នុងជីវិត៕

អត្ថបទ៖ មេរ៉ា, រូបភាព៖ One Memory និង Kun FotoCity

The post ពេញដោយយសស័ក្ដិថ្ងៃចូលរោងការគ្រួសារអភិជនគូនេះ ល្បីសុះសាយ appeared first on Millions times.

មកមើលទិដ្ឋភាព Pre-Wedding កូនស្រីឧបនាយករដ្ឋមន្រ្តី អូន ព័ន្ធមុនីរ័ត្ន

Vin Chang — Tue, 10 Dec 2024 06:20:58 +0000

ក្រោយភ្ជាប់ពាក្យរួចច្រើនឆ្នាំពេលនេះ កូនកំលោះ ឡាំ ជុងហាវ កូនក្រមុំ អូន ព័ន្ធមណីលក្ស្មី កូនស្រីឧបនាយករដ្ឋមន្ត្រី អូន ព័ន្ធមុនីរ័ត្ន ត្រៀមចូលរោងការហើយ។

តាមដានជាមួយយើង៖ Million Times

កូនកំលោះគឺជាកូនប្រុសរដ្ឋមន្ត្រីប្រតិភូអមនាយករដ្ឋមន្ត្រី។ កម្មវិធីនៃគ្រួសារអភិជនទាំង ២ នឹងត្រូវរៀបចំឡើងនៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ និងចូលរោងការនៅថ្ងៃនេះ។

កម្មវិធីជយមង្គលនេះនឹងរៀបចំអធិកអធមខ្លាំងហើយ ព្រោះគ្រាន់តែទិដ្ឋភាព Proposal និង Pre-Wedding ក៏តុបតែងឡើងប្រណីត ព្រមទាំងស្រស់ស្អាត ទាក់ភ្នែកហើយ។ មួយវិញទៀត ទាំងកូនកំលោះ និងកូនក្រមុំ ឫកពាសមរម្យ គឺជាគូស្នេហ៍យ៉ាងស័ក្ដិសមគ្នាទាំងរូបសម្រស់ និងវង្សត្រកូល។

គួរបញ្ជាក់ថា កូនកំលោះ ឡាំ ជុងហាវ កូនក្រមុំ អូន ព័ន្ធមណីលក្ស្មី បានភ្ជាប់ពាក្យកាលពីអំឡុងខែមីនា ឆ្នាំ ២០២០ រហូតដល់ថ្ងៃចូលរោងការមានរយៈពេល ៤ ឆ្នាំហើយ៕

អត្ថបទ៖ មេរ៉ា, រូបភាព៖ FAST films&photography

The post មកមើលទិដ្ឋភាព Pre-Wedding កូនស្រីឧបនាយករដ្ឋមន្រ្តី អូន ព័ន្ធមុនីរ័ត្ន appeared first on Millions times.

លោក អូន ព័ន្ធមុនីរ័ត្ន៖ កម្ពុជានឹងបន្តខិតខំជំរុញផ្នែកសេដ្ឋកិច្ច និងពាណិជ្ជកម្មជាមួយចិនឱ្យឈានដល់កម្រិតថ្មីមួយទៀត

Vin Chang — Wed, 06 Nov 2024 07:59:44 +0000

លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានលើកឡើងថា កម្ពុជានឹងបន្តខិតខំជំរុញកិច្ចសហប្រតិបត្តិការផ្នែកសេដ្ឋកិច្ច និងពាណិជ្ជកម្ម រវាងកម្ពុជា និងចិនឱ្យឈានដល់កម្រិតថ្មីមួយទៀត ជាពិសេសកិច្ចសហប្រតិបត្តិការផ្នែកសេដ្ឋកិច្ចឌីជីថល និងពាណិជ្ជកម្មតាមប្រព័ន្ធអេឡិចត្រូនិក។

លោកថា តាមរយៈការប្រើប្រាស់ប្រព័ន្ធបច្ចេកវិទ្យាព័ត៌មាន ដូចជា ប្រព័ន្ធបញ្ជរតែមួយជាតិជាដើម បានចូលរួមក្នុងកិច្ចសម្រួលពាណិជ្ជកម្ម និងជំរុញការធ្វើពាណិជ្ជកម្ម តាមប្រព័ន្ធអេឡិចត្រូនិកផងដែរ។

តាមដានជាមួយយើង៖ Million Times

នៅក្នុងវេទិកាសហប្រតិបត្តិការសេដ្ឋកិច្ចឌីជីថលចិន–កម្ពុជា ឆ្នាំ២០២៤ កាលពីថ្ងៃទី៤ ខែវិច្ឆិកា ឆ្នាំ២០២៤ លោក អូន ព័ន្ធមុនីរ័ត្ន បានឲ្យដឹងថា ក្រសួងសេដ្ឋកិច្ច គ្រោងនឹងដាក់ឱ្យអនុវត្តនូវប្រព័ន្ធវិក្កយបត្រអេឡិចត្រូនិក (e-invoicing system) នាពេលដ៏ខ្លីខាងមុខ ដែលការណ៍នេះនឹងបង្កភាពកាន់តែងាយស្រួលដល់ការធ្វើពាណិជ្ជកម្មឆ្លងកាត់ព្រំដែន។ ជាងនេះទៀត ក្នុងក្របខណ្ឌនៃកិច្ចសហប្រតិបត្តិការសម្រាប់សេដ្ឋកិច្ចឌីជីថល កម្ពុជា និងចិន បាននិងកំពុងសហការគ្នាយ៉ាងជិតស្និទ្ធ។

លោកបន្ថែមថា សម្រាប់ពាណិជ្ជកម្មតាមប្រព័ន្ធអេឡិចត្រូនិក តាមរយៈក្រសួងពាណិជ្ជកម្ម កម្ពុជាបានអនុវត្តគម្រោង Go4eCam ដែលបានចូលរួមចំណែកក្នុងការអភិវឌ្ឍពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា។ កាលពីឆ្នាំ ២០២៣កន្លងទៅ កម្ពុជាក៏បានចុះអនុស្សារណៈភាពជាដៃគូនៃវេទិកាពាណិជ្ជកម្មពិភពលោក បែបអេឡិចត្រូនិកជាមួយក្រុមហ៊ុន Alibaba ដើម្បីជំរុញការនាំចេញការពង្រីកទីផ្សារពាណិជ្ជកម្មអេឡិចត្រូនិក ការកសាងសមត្ថភាព និង បច្ចេកវិទ្យាឌីជីថល និងការអភិវឌ្ឍវិស័យទេសចរណ៍ផងដែរ។

ក្នុងទិដ្ឋភាពនៃការទូទាត់សងប្រាក់ឌីជីថល ថ្មីៗនេះ ធនាគារជាតិនៃកម្ពុជា បានដាក់ឲ្យប្រើប្រាស់នូវការទូទាត់សងប្រាក់ឆ្លងកាត់ព្រំដែន ដោយប្រើប្រាស់ឃ្យូអរកូដ ជាមួយក្រុមហ៊ុន Ant International តាមរយៈហេដ្ឋារចនាសម្ព័ន្ធទូទាត់សងប្រាក់ ឌីជីថលកម្ពុជា ហៅកាត់ថា «បាគង»ជាមួយនឹង «Allpay+» ដែលត្រូវបានប្រើប្រាស់ជាមធ្យោបាយទូទាត់សងប្រាក់ដ៏ពេញនិយមមួយរបស់ប្រជាជនចិន។ កិច្ចសហការនេះ នឹងសម្រួលច្រើនដល់ការបញ្ជាទិញ និងការទូទាត់របស់ប្រជាជន ជាពិសេស សម្រាប់ភ្ញៀវទេសចររវាងប្រទេសទាំង២ ។

បើតាមរដ្ឋមន្រ្តីក្រសួងសេដ្ឋកិច្ច ក្រុមហ៊ុនបច្ចេកវិទ្យាធំៗជាច្រើនរបស់ចិន បាននិងកំពុងវិនិយោគ និងមានប្រតិបត្តិការអាជីវកម្មនៅកម្ពុជា ដែលប្រការនេះបាននាំមកនូវឱកាសការងារ និងការបណ្តុះបណ្តាលជំនាញឌីជីថលថ្មី ក៏ដូចជា ការផ្ទេរបច្ចេកវិទ្យា ដែលជាយថាហេតុនឹងជួយជំរុញការអភិវឌ្ឍសង្គម-សេដ្ឋកិច្ចកម្ពុជា ជារួមផងដែរ៕

អត្ថបទ៖ សេដ្ឋានី រូបភាព៖ ក្រសួងសេដ្ឋកិច្ច

The post លោក អូន ព័ន្ធមុនីរ័ត្ន៖ កម្ពុជានឹងបន្តខិតខំជំរុញផ្នែកសេដ្ឋកិច្ច និងពាណិជ្ជកម្មជាមួយចិនឱ្យឈានដល់កម្រិតថ្មីមួយទៀត appeared first on Millions times.

ចាប់ផ្តើមសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី៣ តម្លៃ២៥៧លានដុល្លារ

Vin Chang — Tue, 25 Jun 2024 08:06:21 +0000

រោងចក្រប្រព្រឹត្តកម្មទឹកស្អាតបាក់ខែងជំហានទី៣ ដែលមានតម្លៃ ២៥៧លានដុល្លារ មានសមត្ថភាពផលិតទឹកស្អាតបាន ១៩៥,០០០ម៉ែត្រគីប ត្រូវបានបើកការដា្ឋនសាងសង់នៅថ្ងៃទី២៥ ខែមិថុនានេះ ហើយគម្រោងនេះគ្រោងបញ្ចប់ការសាងសង់នៅត្រីមាសទី៣ ឆ្នាំ២០២៧។

លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ ក្នុងពិធីបើកការដ្ឋានសាងសង់ជំហានទី៣ បានឲ្យដឹងថា បន្ទាប់ពីគម្រោងសាងសង់ជំហានទី៣ ត្រូវបានបញ្ចប់ រោងចក្រប្រព្រឹត្តកម្មទឹកស្អាតបាក់ខែង នឹងមានសមត្ថភាពផលិតទឹកស្អាត បានចំនួនប្រមាណ ១៩ ម៉ឺន ៥ពាន់ម៉ែត្រគូប បន្ថែមទៀតក្នុងមួយថ្ងៃ ដើម្បីឆ្លើយតបទៅនឹងតម្រូវការទឹកស្អាតប្រចាំថ្ងៃនៅក្នុងរាជធានីភ្នំពេញ និងក្រុងតាខ្មៅនៃខេត្តកណ្តាល ដែលចេះតែបន្តកើនឡើងជាលំដាប់។

តាមដានជាមួយយើង៖ Million Times

លោកបានលើកឡើងថា ការសម្រេចបាននូវសមិទ្ធផលដ៏ធំនៃវិស័យទឹកស្អាត តាមរយៈការសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី១ ជំហានទី២ និងជំហានទី៣ ដែលផ្តល់លទ្ធភាពនៃការផលិតទឹកស្អាតរហូតដល់ចំនួនជាង ១លាន ១៧ម៉ឺនម៉ែត្រគូប ក្នុងមួយថ្ងៃ តាមផែនការរំពឹងទុកនៅត្រឹមចុងឆ្នាំ ២០២៧ខាងមុខ ដើម្បីគាំទ្រដល់ការអនុវត្តកម្មវិធីនយោបាយ និងគោលនយោបាយរបស់រាជរដ្ឋាភិបាល រដ្ឋាករទឹកស្វយ័តក្រុងភ្នំពេញ កំពុងបន្តពង្រឹងសមត្ថភាពរបស់ខ្លួន ក្នុងការផលិត និងការផ្គត់ផ្គង់ទឹកស្អាតក្នុងរាជធានីភ្នំពេញ និងក្រុងតាខ្មៅ នៃខេត្តកណ្តាល ស្របតាមផែនការមេរបស់ខ្លួន។

សូមជម្រាបថា គម្រោងសាងសង់រោងចក្រប្រព្រឹត្តកម្មទឹកស្អាតបាក់ខែងទាំង ៣ជំហាន គ្រោងនឹងចំណាយថវិកាសរុបចំនួនប្រមាណ ៦៦០លានដុល្លារអាម៉េរិក ដែលក្នុងនោះឥណទានសម្បទានពីទីភ្នាក់ងារបារាំងសម្រាប់ការអភិវឌ្ឍ (AFD) ចំនួន ៤១០លានដុល្លារអាម៉េរិក, ឥណទានសម្បទានពីធនាគារវិនិយោគអឺរ៉ុប (EIB) ចំនួន ១០០លានដុល្លារអាម៉េរិក, ហិរញ្ញប្បទានឥតំណងពីសហគមន៍អឺរ៉ុប (EU) ចំនួន ២៦លានដុល្លារអាម៉េរិក និងថវិកាបដិភាគពីរដ្ឋាករទឹកស្វយ័តក្រុងភ្នំពេញចំនួន ១២៤លានដុល្លារអាម៉េរិក៕

អត្ថបទ៖ ផល កុសល រូបភាព៖ រដ្ឋាករទឹកស្វយ័តក្រុងភ្នំពេញ

The post ចាប់ផ្តើមសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី៣ តម្លៃ២៥៧លានដុល្លារ appeared first on Millions times.

រដ្ឋមន្រ្តី៤រូប ចូលរួមសម្ពោធអគារកណ្តាលថ្មីធនាគារអភិវឌ្ឍន៍ជនបទ និងកសិកម្មតម្លៃជាង ៣១ពាន់លានរៀល

Vin Chang — Tue, 30 Apr 2024 09:49:28 +0000

រដ្ឋមន្រ្តីមកពីក្រសួងចំនួន ៤រូបចូលរួមសម្ពោធដាក់ឲ្យប្រើប្រាស់អគារការិយាល័យកណ្តាលថ្មីរបស់ធនាគារអភិវឌ្ឍន៍ជនបទ និងកសិកម្ម នាថ្ងៃអង្គារ ទី៣០ ខែមេសានេះ ស្ថិតនៅអគារលេខ១៦៨ ផ្លូវបេតុងលេខ៧ ភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

រដ្ឋមន្រ្តីមកពីក្រសួងទាំំង ៤រូបនោះដែលមានលោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ ជាអធិបតី អមដោយលោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ, លោក នេត ភក្រ្តា រដ្ឋមន្រ្តីក្រសួងព័ត៌មាន, លោក ហួត ហាក់ រដ្ឋមន្រ្តីក្រសួងអធិការកិច្ច ព្រមទាំងតំណាងក្រសួង-ស្ថាប័ននៃរាជរដ្ឋាភិបាល តំណាងដៃគូអភិវឌ្ឍន៍ តំណាងវិស័យឯកជន ភ្ញៀវកិត្តិយសជាតិ និងអន្តរជាតិ ជាច្រើនរូបផ្សេងទៀត។

លោក កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម បានឲ្យដឹងថា អគារកណ្តាលថ្មីនៃធនាគារអភិវឌ្ឍន៍ជនបទ និងកសិកម្ម (ARDB) មានតម្លៃសរុបចំនួន ៣១.៩១៩លានរៀល រចនាឡើងតាមបែបក្លាស៊ិកចម្រុះគ្នា រវាងស្ថាបត្យកម្មសម័យបុរាណខ្មែរ និងស្ថាបត្យកម្មសម័យទំនើប សហសម័យ ដោយមានការតុបតែងគ្រឿងលម្អវិចិត្រកម្មបុរាណខ្មែរ សម័យអង្គរនិយម។

លោកថា អគារកណ្តាលថ្មីនៃធនាគារ ARDB នេះ ត្រូវបានគូសប្លង់ និងត្រួតពិនិត្យ គុណភាពសំណង់ដោយស្ថាបត្យករ និងវិស្វករខ្មែរ ដោយចាប់ផ្តើមសាងសង់លើផ្ទៃដីចំនួន ៦.១០២ ម៉ែត្រការ៉េ ពីថ្ងៃទី១៦ ខែកក្ដដា ឆ្នាំ២០២១ និងបានបញ្ចប់ការដ្ឋាននៅថ្ងៃទី២៥ ខែធ្នូ ឆ្នាំ២០២៣ ដោយចំណាយពេល ២៩ ខែ។

គួរបញ្ជាក់ថា ធនាគារអភិវឌ្ឍន៍ជនបទ និងកសិកម្ម ត្រូវបានបង្កើតឡើងនៅថ្ងៃទី២៧ ខែសីហា ឆ្នាំ២០១៩ ជាសហគ្រាសធារណៈក្រោមទម្រង់ជាក្រុមហ៊ុនរដ្ឋ ស្ថិតក្រោមអាណាព្យាបាលបច្ចេកទេស និងហិរញ្ញវត្ថុពីក្រសួងសេដ្ឋកិច្ច និងហិរិញ្ញវត្ថុ និងស្ថិតនៅក្រោមការត្រួតពិនិត្យរបស់ធនាគារជាតិនៃកម្ពុជា៕

អត្ថបទ៖ កុល បុត្រា រូបភាព៖ ARDB

តាមដានជាមួយយើង៖ Million Times

The post រដ្ឋមន្រ្តី៤រូប ចូលរួមសម្ពោធអគារកណ្តាលថ្មីធនាគារអភិវឌ្ឍន៍ជនបទ និងកសិកម្មតម្លៃជាង ៣១ពាន់លានរៀល appeared first on Millions times.

អូន ព័ន្ធមុនីរ័ត្ន Archives - Millions times

រ៉ូបមង្គលការកូនក្រមុំត្រកូលអភិជនយប់មិញ ប្រេន Oscar de la Renta តម្លៃជាង ១ ម៉ឺនដុល្លារ

ពេញដោយយសស័ក្ដិថ្ងៃចូលរោងការគ្រួសារអភិជនគូនេះ ល្បីសុះសាយ​

មកមើលទិដ្ឋភាព Pre-Wedding កូនស្រីឧបនាយករដ្ឋមន្រ្តី អូន ព័ន្ធមុនីរ័ត្ន

ចាប់ផ្តើមសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី៣ តម្លៃ២៥៧លានដុល្លារ

រដ្ឋមន្រ្តី៤រូប ចូលរួមសម្ពោធអគារកណ្តាលថ្មីធនាគារអភិវឌ្ឍន៍ជនបទ និងកសិកម្មតម្លៃជាង ៣១ពាន់លានរៀល

ពេញដោយយសស័ក្ដិថ្ងៃចូលរោងការគ្រួសារអភិជនគូនេះ ល្បីសុះសាយ