នាយករដ្ឋមន្ត្រី លោក Denys Shmygal បាននិយាយថា ប្រទេសអ៊ុយក្រែនបានត្រៀមខ្លួនរួចជាស្រេចក្នុងការចុះហត្ថលេខាលើកិច្ចព្រមព្រៀងរ៉ែដែលរំពឹងទុកជាច្រើនជាមួយសហរដ្ឋអាមេរិក ខណៈដែលភាគីទាំងពីរបានបញ្ចប់ព័ត៌មានលម្អិត។

តាមដានជាមួយយើង៖ Million Times

សូមជម្រាបថា កិច្ចព្រមព្រៀងនេះនឹងឃើញទីក្រុងវ៉ាស៊ីនតោន និងទីក្រុង Kyiv រួមគ្នាអភិវឌ្ឍធនធានរ៉ែរបស់អ៊ុយក្រែន ដែលជាការរៀបចំមួយ ប្រធានាធិបតីអាមេរិកលោក Donald Trump បានហៅ ប្រាក់ត្រឡប់មកវិញ សម្រាប់ជំនួយកាលពីសម័យសង្គ្រាមដែលខ្លួនបានទទួលពីសហរដ្ឋអាមេរិក។

លោក Shmygal បាននិយាយក្នុងទូរទស្សន៍ជាតិកាលពីថ្ងៃពុធថា “នេះពិតជាកិច្ចព្រមព្រៀងអន្តរជាតិដ៏ល្អ ស្មើភាព និងមានប្រយោជន៍លើការវិនិយោគរួមគ្នាក្នុងការអភិវឌ្ឍន៍ និងការស្តារឡើងវិញនៃអ៊ុយក្រែន” ។

លោកបានបន្ថែមថា “ខ្ញុំសង្ឃឹមថាកិច្ចព្រមព្រៀងនឹងត្រូវបានចុះហត្ថលេខានាពេលខាងមុខ ក្នុងរយៈពេល ២៤ ម៉ោងខាងមុខ ហើយយើងនឹងបោះជំហានដំបូង” ។

អ៊ុយក្រែន និងសហរដ្ឋអាមេរិកមានគម្រោងចុះហត្ថលេខាលើកិច្ចព្រមព្រៀងកាលពីសប្តាហ៍មុន ប៉ុន្តែការប៉ះទង្គិចគ្នាយ៉ាងខ្លាំងក្លារវាងលោក Trump និងលោក Volodymyr Zelenskyy នៅក្នុងសេតវិមានបានធ្វើឱ្យកិច្ចពិភាក្សាអូសបន្លាយពេល៕

អត្ថបទ៖ សារ៉ាយ រូបភាព៖ AP

The post អ៊ុយក្រែន​ត្រៀម​ចុះ​ហត្ថលេខា​លើ​កិច្ច​ព្រមព្រៀង​រ៉ែ​ជាមួយ​អាមេរិក ក្នុងរយៈពេល ២៤ ម៉ោងខាងមុខ appeared first on Millions times.

ទន្ទឹមនឹងនេះ លោក Volodymyr Zelenskyy នឹងជួបជាមួយលោក Donald Trump នៅវ៉ាស៊ីនតោននាថ្ងៃសុក្រខាងមុខនេះ ហើយថាកិច្ចប្រជុំនេះត្រូវបានស្នើឡើងដោយភាគីអាមេរិក។

តាមដានជាមួយយើង៖ Million Times

លោក Donald Trump បាននិយាយកាលពីថ្ងៃចន្ទថា សមភាគីអ៊ុយក្រែន “ចង់ចុះហត្ថលេខាលើកិច្ចព្រមព្រៀងរ៉ែជាមួយខ្ញុំ” ។ ទោះជាយ៉ាងណា លោក Trump ចាត់ទុកប្រតិបត្តិការរ៉ែជាមួយអ៊ុយក្រែនថា ជាមធ្យោបាយដ៏ត្រឹមត្រូវមួយដើម្បីប្រមូលមកវិញនូវទឹកប្រាក់រាប់ពាន់លានដុល្លារដែលអាមេរិកបានផ្តល់ឲ្យដល់ទីក្រុង Kyiv តាមរយៈអាវុធ និងជំនួយហិរញ្ញវត្ថុ ក្នុងការប្រយុទ្ធប្រឆាំងនឹងការឈ្លានពានរបស់រុស្ស៊ីក្នុងរយៈពេលបីឆ្នាំកន្លងមកនេះ។

ប្រធានាធិបតីអាមេរិកបាននិយាយថា សមភាគីអ៊ុយក្រែនរបស់លោកនឹង មកបំពេញទស្សនកិច្ចនៅថ្ងៃសុក្រ។ លោក​​បន្ថែម​ថា​៖ «​យើង​បាន​ចរចា​ច្រើន​​លើ​កិច្ចព្រមព្រៀង​របស់​យើង​លើ​រ៉ែកម្រ​»​។

កិច្ចព្រមព្រៀងនេះកំណត់លក្ខខណ្ឌដើម្បីបង្កើតមូលនិធិថ្មីមួយដើម្បីវិនិយោគលើរ៉ែរបស់អ៊ុយក្រែន វត្ថុធាតុកម្រ និងធនធានធម្មជាតិដ៏មានតម្លៃផ្សេងទៀត។

លោក Olha Stefanishyna ឧបនាយករដ្ឋមន្ត្រី និងជារដ្ឋមន្ត្រីយុត្តិធម៌របស់ប្រទេសអ៊ុយក្រែន ដែលបានដឹកនាំការចរចា បានប្រាប់អ្នកកាសែតកាលពីថ្ងៃអង្គារថា ការអភិវឌ្ឍន៍នេះកើតឡើងបន្ទាប់ពីលោក Trump បានធ្វើឱ្យមេដឹកនាំអឺរ៉ុបភ្ញាក់ផ្អើលកាលពីសប្តាហ៍មុនដោយហៅលោក Zelenskyy ថាជា “ជនផ្តាច់ការ” និងឲ្យទីក្រុងកៀវ សងបំណុលចំពោះជំនួយយោធាដែលទីក្រុងវ៉ាស៊ីនតោនជួយអ៊ុយក្រែន ក្នុងសង្គ្រាមជាមួយរុស្ស៊ីនោះ។

ជាការឆ្លើយតប មេដឹកនាំអ៊ុយក្រែននិយាយថា លោក Trump និយាយបំផ្លើសពេកហើយដែលថា អ៊ុយក្រែនជំពាក់លុយអាមេរិក ៣៥០ពាន់លានដុល្លារ។ អ៊ុយក្រែន ទទួលបានជំនួយតែ ១០០ពាន់លានទេ មិនមែន៣៥០ពាន់លាន ៥០០ពាន់លានឬ៧០០ពាន់លានដែរ ហើយសូម្បីលុយ១០០ពាន់លាន ក៏អ៊ុយក្រែន នឹងមិនទទួលស្គាល់ថាជាបំណុលដែរ។

លោកសង្កត់ធ្ងន់ថា លោកបានឈានដល់កិច្ចព្រមព្រៀងជាមួយអតីតប្រធានាធិបតីអាមេរិក Joe Biden ថាប្រាក់ទាំងនេះគឺជាជំនួយឥតសំណង ដូច្នេះមិនចាំបាច់សងទេ៕

អត្ថបទ៖ សារ៉ាយ រូបភាព៖ Reuters

The post ប្រធានាធិបតីអ៊ុយក្រែន នឹងជួបលោក Trump ជជែកលើលក្ខខណ្ឌនៃកិច្ចព្រមព្រៀងរ៉ែសំខាន់ៗ appeared first on Millions times.