តាមដានជាមួយយើង៖ Million Times

បច្ចុប្បន្ន​មានតែ​ក្រុមហ៊ុន​មួយ (ក្រុមហ៊ុន​ឥណ្ឌូ​ឆាយ​ណា) ដែល​កំពុង​ដំណើរ​ការ​សាងសង់​។ គម្រោង​នេះ​ស្ថិតនៅ​ភូមិ​ឡៅ​ការ សង្កាត់​សុខដុម ក្រុង​សែន​មនោរម្យ ហើយ​តាម​ផែនការ ក្រុមហ៊ុន​នីមួយ​ៗ​អាច​សាងសង់​បង្គោល​កង្ហា​ខ្យល់​ចន្លោះពី ២០ ទៅ ៣០ បង្គោល។

ការ​អភិវឌ្ឍ​គម្រោង​ថាមពល​ខ្យល់​នេះ ត្រូវ​បាន​ចាត់ទុកថា​ជា​ជំហាន​សំខាន់​ក្នុង​ការ​ជំរុញ​ការ​ប្រើប្រាស់​ថាមពល​ស្អាត និង​ថាមពល​​បៃតង​នៅ​កម្ពុជា ជាពិសេស​នៅ​តំបន់​ភ្នំ​នៃ​ខេត្ត​មណ្ឌលគិរី ដែល​មាន​សក្ដានុពល​ខ្យល់​ខ្លាំង និង​អាច​ប្រើប្រាស់​បាន​យូរអង្វែង។

កាលពី​ឆ្នាំ ២០២៥ រដ្ឋសភា​កម្ពុជា បាន​អនុម័ត​គម្រោង​ថាមពល​ខ្យល់ ៦ គម្រោង នៅខេត្តមណ្ឌលគិរី ដែល​មាន​អានុភាព​សរុប ៩០០ មេហ្គាវ៉ាត់។ រាជរដ្ឋាភិបាល​កំណត់​គោលដៅ​ថាមពល​ស្អាត​មាន​ចំណែក​ដល់ ៧០% នៅត្រឹមឆ្នាំ ២០៣០ ដើម្បីធានាការអភិវឌ្ឍមានចីរភាព និងទាក់ទាញវិនិយោគ។

គម្រោង​ទាំងនេះ​នឹង​ជួយដោះ​ស្រាយបញ្ហាកង្វះអគ្គិសនី បំពេញតម្រូវការកំពុងកើនឡើង និង​ធានាការផ្គត់ផ្គង់អគ្គិសនីឱ្យមានស្ថិរភាព តម្លៃសមរម្យ និងទាន់ពេលវេលា៕

អត្ថបទ៖ ឆដា, រូបភាព៖ អ៊ីនធឺណិត

second...

x

The post គម្រោងសាងសង់ស្ថានីយផលិតថាមពលអគ្គិសនីដើរដោយថាមពលខ្យល់ នៅក្រុងសែនមនោរម្យ សម្រេចវឌ្ឍនភាព ២០% appeared first on Millions times.

ឯកឧត្តម បានឱ្យដឹថា នៅខែមីនា ឆ្នាំ២០២៦កន្លងទៅថ្មីៗនេះ មានយានយន្តអគ្គិសនីចំនួន ១ ៦៧៦គ្រឿង បានចុះបញ្ជីនៅក្រសួងសាធារណការ និងដឹកជញ្ជូន(ក្នុងនោះរថយន្ត ១ ២៩៣ គ្រឿង) ដែលតួលេខនេះកើនឡើងជាលំដាប់។

តាមទិន្នន័យចុះបញ្ជី នៅខែមករា ឆ្នាំ២០២៦ មានយានយន្តអគ្គិសនីចុះបញ្ជីចំនួន ៤៨៨គ្រឿង(រថយន្ត ៤០៩គ្រឿង), ខែកុម្ភៈ ឆ្នាំ២០២៦ មានយានយន្តអគ្គិសនីចុះបញ្ជី ១ ០៧៨ គ្រឿង(រថយន្ត ៨៨៩គ្រឿង)។

ស្ថិតិចុះបញ្ជីយានយន្តអគ្គិសនីចុះបញ្ជីសរុប គិតត្រឹមខែមីនា ឆ្នាំ២០២៦ មានចំនួន ១៦ ២១០ គ្រឿង៖ – ទោចក្រយានយន្ត = ៣ ៨៣២គ្រឿង – ត្រីចក្រយានយន្ត = ៧២២គ្រឿង និង– រថយន្ត = ១១ ៦៥៦ គ្រឿង។

តាមដានជាមួយយើង៖ Million Times

ឯកឧត្តម ផន រឹម បាន​ឱ្យ​ដឹង​ថា ចាប់ពីឆ្នាំ២០១៨ មក ការចុះបញ្ជីយានយន្តមានការកើនឡើងជាបន្តបន្ទាប់ ដែលការកើនឡើងនេះស្របទៅនឹងនិន្នាការ នៃការប្រើប្រាស់យានយន្តអគ្គិសនីនៅលើពិភពលោក និងតំបន់ផងដែរ។

បច្ចុប្បន្នការអភិវឌ្ឍយានយន្តអគ្គិសនី គឺជានិន្នាការសកល ដែលកំពុងកើនឡើងយ៉ាងលឿន។ សម្រាប់កម្ពុជា ការចុះបញ្ជី​យានយន្តអគ្គិសនីចាប់ផ្តើមក្នុងអំឡុងឆ្នាំ ២០១៨ ដែលកាលណោះមានរថយន្តអគ្គីសនីតែ ១ គ្រឿងគត់ ដែលបានចុះបញ្ជីនៅក្រសួងសាធារណការ និងដឹកជញ្ជូន។

លោក ផន រឹម មន្រ្តីអ្នកនាំពាក្យក្រសួងសាធារណការ​និង​ដឹកជញ្ជូន​បានបញ្ជាក់ថា ការចុះបញ្ជីយានយន្តអគ្គិសនីមានកំណើនជារៀងរាល់ឆ្នាំដូចនឹងនិន្នាការកំណើនយានយន្តអគ្គិសនីលើសកលលោកដែរ។

ការប្រើប្រាស់យានយន្តអគ្គិសនីផ្តល់អត្ថប្រយោជន៍ជាច្រើនក្នុងទិដ្ឋភាពបរិស្ថាន សេដ្ឋកិច្ច សន្តិសុខថាមពល និងជាពិសេសការឈោងចាប់នូវបច្ចេកវិទ្យាថ្មីៗស្របនឹងនិន្នាការតំបន់និងសកលលោក។

គួរបញ្ជាក់ផងដែរថា កាលពីពេលថ្មីៗនេះ រាជរដ្ឋាភិបាលបានដាក់ចេញគោលនយោបាយជាតិស្តីពីការអភិវឌ្ឍវិស័យយានយន្តអគ្គិសនី២០២៤-២០៣០។ គោលនយោបាយនេះ គឺជាត្រីវិស័យ និងជាឧបករណ៍គោលនយោបាយរបស់រាជរដ្ឋាភិបាលក្នុងការតម្រង់ទិសនិងជំរុញការអភិវឌ្ឍវិស័យយានយន្តអគ្គិសនីនៅកម្ពុជា។

គោលនយោបាយនេះត្រូវបានរៀបចំឡើងដោយផ្អែកលើការសិក្សាស្រាវជ្រាវ និងការសំយោគគោលនយោបាយដែលមានស្រាប់ បទពិសោធអន្តរជាតិ ព្រមទាំងការពិភាក្សាជាមួយក្រសួង ស្ថាប័ន និងភាគីពាក់ព័ន្ធ ដោយមានការកំណត់នូវចក្ខុវិស័យ គោលបំណង គោលដៅ និងគោលការណ៍ ច្បាស់លាស់ ព្រមទាំងដាក់ចេញនូវវិធានការមុតស្រួចដែលមានភាពប្រទាក់ក្រឡាគ្នា បំពេញគ្នាទៅវិញទៅមក និងភាពគ្រប់ជ្រុងជ្រោយ ដោយកំណត់យន្តការ និងក្រសួង ស្ថាប័នអនុវត្តច្បាស់លាស់ក្នុងក្របខ័ណ្ឌ ពេលវេលាជាក់លាក់៕

អត្ថបទ៖ ប៊ី

second...

x

The post ឯកឧត្តម ផន រឹម៖ និន្នាការប្រើប្រាស់យានយន្តអគ្គិសនីនៅកម្ពុជាមានតួលេខកើនខ្ពស់ជាលំដាប់ appeared first on Millions times.

តាមដានជាមួយយើង៖ Million Times

សេចក្តីជូនដំណឹងរបស់អគ្គនាយកដ្ឋានគយ និងរដ្ឋករកម្ពុជា​ ផ្សព្វផ្សាយនៅថ្ងៃទី២៩ ខែមីនានេះ បានឱ្យដឹងថា រាជរដ្ឋាភិបាលកម្ពុជា បានចេញអនុក្រឹត្យកែសម្រួលអត្រាពន្ធគយ និងអត្រាអាករនាំចេញលើមុខទំនិញមួយចំនួនដូចជា៖

១-បញ្ចុះអត្រាពន្ធនាំចូលពី ៧% មក០% លើមុខទំនិញ ឧបករណ៍សាកអាគុយរថយន្តអគ្គិសនី, ឆ្នាំងដាំបាយអគ្គិសនី និងចង្កៀងសូឡាចំនួន ៩បន្ទាត់ពន្ធ។

២-បញ្ចុះអត្រាពន្ធនាំចូលពី ១៥% មក០% លើមុខទំនិញម៉ូទ័រសម្រាប់យានយន្តអគ្គិសនី, ប្រព័ន្ធថាមពលសូឡា, អាគុយលីចូម (អាគុយកុំព្យូទ័រយួរដៃ, អាគុយយន្តហោះ, អាគុយយានយន្ត, អាគុយសូឡា និងឧបករណ៍ផ្ទុកថាមពលដូចជា Power bank, Power station, ថ្មទូរសព្ទ ជាដើម), ចង្ក្រានកម្ដៅអគ្គិសនី, កំសៀវអគ្គិសនី, រថយន្តដឹកអ្នកដំណើរ និងដឹកទំនិញប្រភេទ HEV, PHEV និង EV ចំនួន ១៧៩ បន្ទាត់ពន្ធ។

៣-បញ្ចុះអត្រាពន្ធនាំចូលពី ៣៥% មក៧% លើមុខទំនិញរថយន្តគ្រួសារប្រភេទ PHEV ចំនួន ៩២ បន្ទាត់ពន្ធ។

៤-បញ្ចុះអត្រាពន្ធនាំចូលពី ៣៥% មក០% លើមុខទំនិញ ចង្ក្រានអគ្គិសនី, ចង្ក្រានអាំងនំប៉័ង និងរថយន្តគ្រួសារប្រភេទ EV ចំនួន ១២បន្ទាត់ពន្ធ។

៥-បញ្ចុះអត្រាអាករនាំចេញពី ២៥% មក១០% លើមុខទំនិញរ៉ែបុកស៊ីត (រ៉ែអាលុយមីញ៉ូម) ចំនួន ០១ បន្ទាត់ពន្ធ។

អគ្គនាយកដ្ឋានគយ និងរដ្ឋករកម្ពុជា បានបញ្ជាក់ថា អត្រាពន្ធគយ និងអត្រាអាករនាំចេញកែសម្រួលថ្មីនេះ នឹងចូលជាធរមានចាប់ពីថ្ងៃទី១ ខែមេសា ឆ្នាំ២០២៦តទៅ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post រដ្ឋសម្រេចកែសម្រួលបញ្ចុះតម្លៃអត្រាពន្ធ និងអត្រាអាករនាំចេញលើមុខទំនិញមួយចំនួន​   appeared first on Millions times.

របាយការណ៍ បានឱ្យដឹងទៀតថា ពេញមួយខែកុម្ភៈ ឆ្នាំ២០២៦ មានយានយន្តអគ្គិសនីចុះបញ្ជីសរុប ១ ០៧៨គ្រឿង(រថយន្ត ៨៨៩គ្រឿង) ខណៈដែលពេញមួយខែមករា ឆ្នាំ២០២៦ មានយានយន្តអគ្គិសនីចុះបញ្ជីសរុប ៤៨៨គ្រឿង(រថយន្ត ៤០៩គ្រឿ) ខណៈដែលនិន្នាការនេះមានការកើនឡើងជាបន្តបន្ទាប់។

ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានបញ្ជាក់ប្រាប់ថា ចាប់ពីឆ្នាំ២០១៨មក ការចុះបញ្ជីយានយន្តមានការកើនឡើងជាបន្តបន្ទាប់ ដែលការកើនឡើងនេះស្របទៅនឹងនិន្នាការ នៃការប្រើប្រាស់យានយន្តអគ្គិសនីនៅលើពិភពលោក និងតំបន់ផងដែរ។ បច្ចុប្បន្ន ការអភិវឌ្ឍយានយន្តអគ្គិសនី គឺជានិន្នាការសកល ដែលកំពុងកើនឡើងយ៉ាងលឿន។

តាមដានជាមួយយើង៖ Million Times

សម្រាប់កម្ពុជា ការចុះបញ្ជីយានយន្តអគ្គិសនីចាប់ផ្តើមក្នុងអំឡុងឆ្នាំ ២០១៨ ដែលកាលណោះមានរថយន្តអគ្គីសនីតែ១គ្រឿងគត់ ដែលបានចុះបញ្ជីនៅក្រសួងសាធារណការ និងដឹកជញ្ជូន។

ឯកឧត្តម ផន រឹម បានឱ្យដឹងថា ចាប់ពីពេលនោះមក ការចុះបញ្ជីយានយន្តអគ្គិសនីមានកំណើនជារៀងរាល់ឆ្នាំ ដូចនឹងនិន្នាការកំណើនយានយន្តអគ្គិសនីលើសកលលោកដែរ។ យានយន្ត គឺជាមធ្យោបាយចម្បងសម្រាប់ការធ្វើដំណើរប្រចាំថ្ងៃ និងការដឹកជញ្ជូនអ្នកដំណើរ និងទំនិញនៅទូទាំងប្រទេស។ ជាក់ស្តែង អត្រានៃការប្រើប្រាស់យានយន្តកើនយ៉ាងខ្លាំង ជាពិសេសទោចក្រយានយន្តនិងរថយន្ត។

ទន្ទឹមនេះ អ្នកនាំពាក្យក្រសួងសាធារណការ និងដឹកជញ្ជូន បានរៀបរាប់ពីការប្រើប្រាស់យានយន្តអគ្គិសនី ដែលនឹងផ្តល់អត្ថប្រយោជន៍ជាច្រើនក្នុងទិដ្ឋភាពបរិស្ថាន សេដ្ឋកិច្ច សន្តិសុខថាមពល និងជាពិសេសការឈោងចាប់នូវបច្ចេកវិទ្យាថ្មីៗស្របនឹងនិន្នាការតំបន់និងសកលលោក ដែលមានដូចខាងក្រោម៖

១-ការកាត់បន្ថយការបំភាយឧស្ម័នកាបូនិក៖

ការប្រើប្រាស់យានយន្តអគ្គិសនីនឹងរួមចំណែកកាត់បន្ថយការប្រែប្រួលអាកាសធាតុតាមរយៈការកាត់បន្ថយការពឹងផ្អែកលើការប្រើប្រាស់ប្រេងឥន្ធនៈដែលជាប្រភពនៃការបំភាយឧស្ម័នផ្ទះកញ្ចក់ដ៏ចម្បង។ យានយន្តអគ្គិសនីគ្មានការបញ្ចេញឧស្ម័នពុលតាមបំពង់ស៊ីម៉ាំងដូចយានយន្តប្រើប្រាស់ប្រេងឥន្ធនៈដែលបញ្ចេញឧស្ម័នកាបូនម៉ូណូអុកស៊ីដ នីត្រូសែនអុកស៊ីដ និងភាគល្អិតនានា ដែលកត្តាទាំងនេះរួមចំណែកក្នុងការពង្រឹងគុណភាពខ្យល់ក្នុង បរិយាកាស។

ការបង្កើនការប្រើប្រាស់យានយន្តអគ្គិសនីនឹងកាត់បន្ថយការបញ្ចេញឧស្ម័នពុលក្នុង សកលលោកប្រមាណពាក់កណ្តាលនៅឆ្នាំ២០៥០ ធៀបនឹងបច្ចុប្បន្ន និងកាត់បន្ថយការស្លាប់មុន អាយុពីប្រមាណ៥,៤លាននាក់ នៅឆ្នាំ២០២០ មកត្រឹមប្រមាណ២,៨លាននាក់ នៅឆ្នាំ២០៥០។ តាមការវិភាគនៃការបញ្ចេញឧស្ម័នពុលនៅក្នុងវដ្ដជីវិតនៃយានយន្ត ការប្រើប្រាស់រថយន្តអគ្គិសនីសុទ្ធមានការបញ្ចេញឧស្ម័នពុលតិចជាងរថយន្តដែលប្រើប្រាស់ប្រេងឥន្ធនៈរហូតដល់ទៅជិត៤០% រីឯការប្រើប្រាស់ទោចក្រយានយន្តអគ្គិសនីបញ្ចេញឧស្ម័នពុលតិចជាងទោចក្រយានយន្តដែលប្រើប្រាស់ប្រេងឥន្ធនៈប្រមាណ១០ដង។

២-សន្តិសុខថាមពល៖

ការជំរុញការប្រើប្រាស់យានយន្តអគ្គិសនីនឹងចូលរួមចំណែកក្នុងការកាត់បន្ថយ ការប្រើប្រាស់ប្រេងឥន្ធនៈ។ ដោយហេតុថាកម្ពុជាជាប្រទេសពឹងផ្អែកទាំងស្រុងលើការនាំចូល ប្រេងឥន្ធនៈពីទីផ្សារអន្តរជាតិនិងបណ្តាប្រទេសក្នុងតំបន់ ការកាត់បន្ថយការប្រើប្រាស់ប្រេងឥន្ធនៈ នឹងជួយពង្រឹងសន្តិសុខថាមពលរបស់កម្ពុជា តាមរយៈការកាត់បន្ថយការពឹងផ្អែកលើការនាំចូលប្រេងឥន្ធនៈ ព្រមទាំងការកាត់បន្ថយហានិភ័យនៃការប្រែប្រួលថ្លៃប្រេងឥន្ធនៈដែលមានភាពមិនប្រាកដប្រជាខ្ពស់។ បន្ថែមលើនេះ អស្ថិរភាពនៃថ្លៃប្រេងឥន្ធនៈបានដាក់សម្ពាធយ៉ាងខ្លាំងលើការគ្រប់គ្រងទុនបម្រុងរូបិយប័ណ្ណអន្តរជាតិ។

៣-ការសន្សំសំចៃ៖

ការប្រើប្រាស់យានយន្តអគ្គិសនីមានលក្ខណៈសន្សំសំចៃខ្ពស់ជាងការប្រើប្រាស់យានយន្តប្រើប្រាស់ប្រេងឥន្ធនៈ។ យានយន្តអគ្គិសនីមានប្រសិទ្ធផល ឬ ខ្ពស់ជាងថាមពលម៉ាស៊ីន ប្រើប្រាស់ប្រេងឥន្ធនៈប្រមាណ៥ ទៅ ៦ដង នៅក្នុងការបំប្លែងថាមពលទៅជាចលនាដែលធ្វើឱ្យ ចំណាយទាបក្នុងការផ្លាស់ទី ។

៤-ការឈោងចាប់យកនូវបច្ចេកវិទ្យាថ្មីៗ៖

បណ្ដាប្រទេសក្នុងតំបន់និងសកលលោកកំពុងផ្ដោតការយកចិត្តទុកដាក់ខ្ពស់ក្នុងការជំរុញវិស័យយានយន្តអគ្គិសនី ជាពិសេសការប្រើប្រាស់បច្ចេកវិទ្យា បញ្ញាសិប្បនិម្មិត បច្ចេកវិទ្យាបើកបរដោយស្វ័យប្រវត្តិ និងបច្ចេកវិទ្យាផ្សេងៗទៀតដែលពង្រឹង សុវត្ថិភាពដល់អ្នកប្រើប្រាស់។ កម្ពុជាក៏ត្រូវសម្របខ្លួនក្នុងនិន្នាការថ្មីនេះ ដើម្បីរក្សាភាពប្រកួតប្រជែង សេដ្ឋកិច្ចរបស់ខ្លួន។

កាលពីពេលថ្មីៗនេះ រាជរដ្ឋាភិបាលបានដាក់ចេញគោលនយោបាយជាតិស្តីពីការអភិវឌ្ឍវិស័យយានយន្តអគ្គិសនី២០២៤-២០៣០។ គោលនយោបាយនេះ គឺជាត្រីវិស័យ និងជាឧបករណ៍គោលនយោបាយរបស់រាជរដ្ឋាភិបាលក្នុងការតម្រង់ទិសនិងជំរុញការអភិវឌ្ឍវិស័យយានយន្តអគ្គិសនីនៅកម្ពុជា។

គោលនយោបាយនេះត្រូវបានរៀបចំឡើងដោយផ្អែកលើការសិក្សាស្រាវជ្រាវ និងការសំយោគគោលនយោបាយដែលមានស្រាប់ បទពិសោធអន្តរជាតិ ព្រមទាំងការពិភាក្សាជាមួយក្រសួង ស្ថាប័ន និងភាគីពាក់ព័ន្ធ ដោយមានការកំណត់នូវចក្ខុវិស័យ គោលបំណង គោលដៅ និងគោលការណ៍ ច្បាស់លាស់ ព្រមទាំងដាក់ចេញនូវវិធានការមុតស្រួចដែលមានភាពប្រទាក់ក្រឡាគ្នា បំពេញគ្នាទៅវិញទៅមក និងភាពគ្រប់ជ្រុងជ្រោយ ដោយកំណត់យន្តការ និងក្រសួង ស្ថាប័នអនុវត្តច្បាស់លាស់ក្នុងក្របខ័ណ្ឌ ពេលវេលាជាក់លាក់៕

អត្ថបទ៖ ប៊ី

second...

x

The post កម្ពុជាមានយានយន្តអគ្គិសនីចុះបញ្ជីសរុបចំនួនជាង ១៤ ៥០០ គ្រឿង គិតត្រឹមខែកុម្ភៈ ឆ្នាំ២០២៦ appeared first on Millions times.

តាមដានជាមួយយើង៖ Million Times

ការស្វាគមន៍យ៉ាងដូច្នេះ ស្របពេលដែលឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី កាលពីថ្ងៃទី១៩ ខែកុម្ភៈ បានអញ្ជើញទទួលជួបពិភាក្សាការងារជាមួយគណៈប្រតិភូក្រុមហ៊ុនអគ្គិសនីបារាំង (EDF) ដែលដឹកនាំដោយលោកស្រី Marie Buscail ភារធារីស្តីទីនៃស្ថានទូតបារាំងប្រចាំកម្ពុជា និងលោក Erkki Maillard  អនុប្រធានជាន់ខ្ពស់ទទួលបន្ទុករដ្ឋាភិបាល និងកិច្ចការអន្តរជាតិនៃក្រុមហ៊ុន EDF។  

ក្នុងជំនួបនេះ ឯកឧត្តម វង្សី វិស្សុត បានស្វាគមន៍ចំពោះគណៈប្រតិភូក្រុមហ៊ុន EDF ដែលមានបំណងវិនិយោគគម្រោងវារីអគ្គិសនីដ៏ធំមួយទំហំ ៨០០ មេហ្កាវ៉ាត់នៅកម្ពុជា។ ឯកឧត្តម បានបន្តថា ទីស្តីការគណៈរដ្ឋមន្រ្តីរីករាយផ្តល់កិច្ចសម្របសម្រួល តាមដែលអាចធ្វើទៅបានក្នុងមុខងាររបស់ខ្លួន ដើម្បីភាពជោគជ័យនៃគម្រោងវិនិយោគដែលត្រូវចំណាយទុនធំរហូតដល់ជាង ១ ២០០លានដុល្លារអាមរិក ព្រោះគម្រោងវិនិយោគនេះ គឺជានិមិត្តរូបសបញ្ជាក់ឱ្យឃើញពីចំណងមិត្តភាព និងកិច្ចសហប្រតិបត្តិការដ៏ជិតស្និទ្ធរវាងកម្ពុជា-បារំាង។  

ឯកឧត្ដម រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី បា​នលើកឡើងថា ថាមពលបានក្លាយជាបញ្ហាសន្តិសុខជាតិ ជាពិសេសនៅក្នុងបរិបទនៃការវិវត្តនៃភូមិសាស្ត្រនយោបាយ និងភូមិសាស្ត្រសេដ្ឋកិច្ចសកលនាពេលបច្ចុប្បន្ន។ ដូច្នេះ ការធានាការផ្គត់ផ្គង់ថាមពលដែលមានតម្លៃសមរម្យ និងមានស្ថិរភាព គឺជាអាទិភាពចម្បងរបស់រាជរដ្ឋាភិបាលកម្ពុជា។

ចំណែកលោកស្រី Marie Buscail បានគូសបញ្ជាក់ពីការគាំទ្ររបស់រដ្ឋាភិបាលបារាំង ចំពោះការវិនិយោគរបស់ក្រុមហ៊ុន EDF ក្នុងវិស័យថាមពលនៅកម្ពុជា។ រីឯលោក Erkki Maillard ក៏បានបញ្ជាក់នូវការប្តេជ្ញាចិត្តរបស់ក្រុមហ៊ុន EDF ក្នុងការកសាងភាពជាដៃគូរយៈពេលវែងជាមួយកម្ពុជា ជាជាងការផ្តល់ត្រឹមតែឧបករណ៍ ឬបច្ចេកវិទ្យា និងបានសង្កត់ធ្ងន់ថា ហេដ្ឋារចនាសម្ព័ន្ធថាមពលទ្រង់ទ្រាយធំ ដូចជាវារីអគ្គិសនី ត្រូវដំណើរការជាច្រើនទសវត្សរ៍ ដែលទាមទារឱ្យមានកិច្ចសហប្រតិបត្តិការដ៏រឹងមាំមួយ។

លោកបានបន្តថា ក្រុមហ៊ុន EDF ប្រកាន់ខ្ជាប់ចំពោះស្តង់ដាអន្តរជាតិខ្ពស់បំផុត ទាក់ទិននឹងបញ្ហាសុវត្ថិភាព និងសន្តិសុខប្រតិបត្តិការ, ការការពារបរិស្ថាន និងសង្គម, អភិបាលកិច្ច និងអនុលោមភាព, និងឧត្តមភាពបច្ចេកទេស៕

អត្ថបទ៖ វីរៈ រូបភាព៖ ទីស្ដីការគណៈរដ្ឋមន្ត្រី​

second...

x

The post មន្ត្រីជាន់ខ្ពស់ ស្វាគមន៍ចំពោះក្រុមហ៊ុនអគ្គិសនីបារាំង​ ដែលមានបំណងវិនិយោគលើគម្រោងវារីអគ្គិសនីដ៏ធំនៅកម្ពុជា   appeared first on Millions times.

តាមដានជាមួយយើង៖ Million Times

ឯកឧត្ដមរដ្ឋមន្ត្រីក្រសួងរ៉ែ និងថាមពល ​នៅថ្ងៃទី៥ ខែមករា ឆ្នាំ២០២៦នេះ បានអញ្ជើញដឹកនាំគណៈប្រតិភូអញ្ជើញទៅត្រួតពិនិត្យ ការដ្ឋានសាងសង់គម្រោងអគ្គិសនីដើរដោយឧស្ម័ន LNG នេះ នៅស្រុកបុទុមសាគរ ខេត្តកោះកុង។

តាមរយៈបណ្ដាញសង្គមហ្វេសប៊ុក ឯកឧត្តម កែវ រតនៈ បានឱ្យដឹងបែបនេះថា «គម្រោងអគ្គិសនីដើរដោយឧស្ម័ន LNG ៩០០មេហ្កាវ៉ាត់ជាប្រវត្តិសាស្ត្រ នឹងដាក់ឱ្យដំណើរការនៅចុងឆ្នាំ២០២៦ និង២០២៧ ដូចផែនការរបស់រាជរដ្ឋាភិបាល។ គម្រោងនេះនឹងដើរតួនាទីសំខាន់ក្នុងការផ្តល់អគ្គិសនីបន្ថែម ពង្រឹងសន្តិសុខថាមពលជាតិ និងពង្រឹងស្ថិរភាពឱ្យបណ្តាញអគ្គិសនីកម្ពុជា»។

គូសបញ្ជាក់ថា គម្រោងអគ្គិសនីដើរដោយឧស្ម័ន LNG ៩០០មេហ្កាវ៉ាត់នេះ មានទីតាំងស្ថិតនៅក្នុងភូមិថ្ម និងភូមិចម្លងគោ ឃុំថ្មស ស្រុកបុទុមសាគរ ខេត្តកោះកុង ត្រូវបានបើកការដ្ឋានសាងសង់ កាលពីថ្ងៃទី១៦ ខែតុលា ឆ្នាំ២០២៤នេះ ដោយក្រុមហ៊ុន រ៉ូយ៉ាល់គ្រុប របស់អ្នកឧកញ៉ា គិត ម៉េង ទទួលបានសិទ្ធិពីរាជរដ្ឋាភិបាលកម្ពុជាលើការវិនិយោគ ក្នុងទុនវិនិយោគជាង ១ពាន់ ៣រយលានដុល្លារ។

នៅពេលរោងចក្រអគ្គិសនីនេះដំណើរការ នឹងមានតួនាទីដូចជា៖ បង្កើនប្រភពអគ្គិសនីនិងជួយពង្រឹងសន្តិសុខថាមពលជាតិ, បង្កើនស្ថិរភាពរបស់បណ្តាញជាតិដោយជួយធ្វើជាបង្អែកឱ្យថាមពលពន្លឺព្រះអាទិត្យ ថាមពលខ្យល់ ហើយបំពេញការខ្វះខាតឱ្យថាមពលវារីអគ្គិសនីនៅខែប្រាំង និងបំភាយជាតិពុលទៅបរិយាកាសតិចជាងថាមពលដើរដោយធ្យូងថ្ម ក្នុងរយៈពេលអន្តរកាលថាមពលមុនឆ្នាំ២០៥០៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម កែវ រតនៈ

second...

x

The post គម្រោងអគ្គិសនីដើរដោយឧស្ម័ន LNG ៩០០មេហ្កាវ៉ាត់ជាប្រវត្តិសាស្ត្រ នឹងដាក់ឱ្យដំណើរការតាមផែនការ appeared first on Millions times.

ឯកឧត្តម ផន រឹម បានបន្ថែមថា ជាទូទៅ យានយន្តអគ្គិសនីត្រូវបានបែងចែកជា៣ប្រភេទ៖ ១/-ប្រភេទប្រើប្រាស់អគ្គិសនីសុទ្ធ (Battery Electric Vehicle-BEV ) ២/-ប្រភេទប្រើប្រាស់ប្រេងឥន្ធនៈ និងអាគុយ (Hybrid Electric Vehicle-HEV) និង៣/-ប្រភេទប្រើប្រាស់ប្រេងឥន្ធនៈ និងអាគុយ តែអាចបញ្ចូលថាមពលដូចយានយន្តអគ្គិសនីសុទ្ធបាន (Plug-In HEV-PHEV)។

តាមដានជាមួយយើង៖ Million Times

ឯកឧត្តម អ្នកនាំពាក្យ បានឱ្យដឹងទៀតថា នាពេលបច្ចុប្បន្ន ការអភិវឌ្ឍយានយន្តអគ្គិសនី គឺជានិន្នាការសកល ដែលកំពុងកើនឡើងយ៉ាងលឿន។ សម្រាប់កម្ពុជា ការចុះបញ្ជីយានយន្តអគ្គិសនីចាប់ផ្តើមក្នុងអំឡុងឆ្នាំ២០១៨ ដែលកាលណោះមានរថយន្តអគ្គីសនីតែ១គ្រឿងគត់ដែលបានចុះបញ្ជីនៅក្រសួងសាធារណការ និងដឹកជញ្ជូន។

ឯកឧត្តម បានបន្តថា ចាប់ពីពេលនោះមក ការចុះបញ្ជីយានយន្តអគ្គិសនីមានកំណើនជារៀងរាល់ឆ្នាំ ដូចនឹងនិន្នាការកំណើនយានយន្តអគ្គិសនីលើសកលលោកដែរ។

គិតត្រឹមខែកញ្ញា ឆ្នាំ២០២៥ មានយានយន្តអគ្គិសនីចុះបញ្ជីសរុប ១០ ៥៦៨គ្រឿង ក្នុងនោះរថយន្តអគ្គិសនី ៧ ១៨៧គ្រឿង, ត្រីចក្រយានយន្តអគ្គិសនីចំនួន ៦៧១គ្រឿង និងម៉ូតូអគ្គិសនីចំនួន ២៧១០គ្រឿង៕

អត្ថបទ៖ ប៊ី

second...

x

The post ឯកឧត្តម ផន រឹម ពន្យល់ពីប្រភេទយានយន្តដែលសម្គាល់ថាជាយានយន្តអគ្គិសនី (EV) appeared first on Millions times.

តាមដានជាមួយយើង៖ Million Times

សេចក្តីប្រកាសព័ត៌មានរបស់រដ្ឋសភា បានឲ្យដឹងថា ការពិភាក្សា និងអនុម័តសេចក្ដីព្រាងច្បាប់ចំនួន២៤ យល់ព្រមលើការធានាទូទាត់របស់រាជរដ្ឋាភិបាលឱ្យក្រុមហ៊ុនវិនិយោគវិស័យអគ្គិសនីនៅកម្ពុជា រួមមាន៖ ១-ក្រុមហ៊ុន បានយ៉ាន អេនើជី ឯ.ក វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព៣០០មេហ្កាវ៉ាត់ នៅខេត្តកំពង់ឆ្នាំង។ ២- ក្រុមហ៊ុន វេ សាន់ ស៊ី.អេ.ភី យូណាយធីត អ៊ិនវេសម៉ិន ឯ.ក វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព១០០មេហ្កាវ៉ាត់ នៅខេត្តបាត់ដំបង។ ៣-ក្រុមហ៊ុន ផល ភ្លូ ដត ឌីវេឡុបម៉ិន ឯ.ក វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព ១២០ មេហ្កាវ៉ាត់ នៅខេត្តព្រៃវែង។ ៤-ក្រុមហ៊ុន អេនើរើស ឯ.ក វិនិយោគស្ថានីយផលិតអគ្គិសនី ដើរដោយ ថាមពលពន្លឺព្រះអាទិត្យ អានុភាព៣៥០មេហ្កាវ៉ាត់ នៅខេត្តពោធិ៍សាត់។ ៥- ក្រុមហ៊ុន រីស៊ីលាន មិរ៉ាយ ឯ.ក វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព១០០មេហ្កាវ៉ាត់ នៅខេត្តពោធិ៍សាត់។

៦-ក្រុមហ៊ុន សិនកែ ភីវី អ៊ិនវេសម៉ិន ឯ.ក វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព១០០មេហ្កាវ៉ាត់ នៅខេត្តព្រះសីហនុ។ ៧-ក្រុមហ៊ុន តាំង ឡៃស៊ី អ៊ីមផត អិចផត វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព៣០ មេហ្កាវ៉ាត់ នៅខេត្តពោធិ៍សាត់។ ៨-ក្រុមហ៊ុន រ៉ូយ៉ាល់គ្រុប ផោវ័រ ខូ អិលធីឌី វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព២០០ មេហ្កាវ៉ាត់ នៅខេត្តស្ទឹងត្រែង។ ៩- ក្រុមហ៊ុន ឆេមពាន គ្រុប ឯ.ក វិនិយោគស្ថានីយ ផលិតអគ្គិសនី ដើរដោយថាមពលពន្លឺព្រះអាទិត្យ អានុភាព៥០មេហ្កាវ៉ាត់ នៅខេត្តពោធិ៍សាត់។ ១០-ក្រុមហ៊ុន ប៊ីលហ្គេ្រត ខនស្ត្រាក់សិន ឯ.ក វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព៣៥០មេហ្កាវ៉ាត់ នៅខេត្តពោធិ៍សាត់។

១១-ក្រុមហ៊ុន ច័ន្ទ និមល ឌីវេឡុបម៉ិន ឯ.ក វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព ១៥០មេហ្កាវ៉ាត់ នៅខេត្តកំពង់ចាម។ ១២-ក្រុមហ៊ុន ម៉ឌើនីធី ហូលឌីង វិនិយោគស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព១០០មេហ្កាវ៉ាត់ នៅខេត្តកំពង់ឆ្នាំង។  ១៣-ក្រុមហ៊ុន អេច ខេ អូអេស៊ីស ផោវ័រ អេនើជី ឌីវេឡុបម៉ិន ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព ១៥០មេហ្កាវ៉ាត់ នៅខេត្តមណ្ឌលគិរី។  ១៤-ក្រុមហ៊ុន ស្នេថេក ខូ អិលធីឌី វិនិយោគស្ថានីយផលិតអគ្គិសនី ដើរដោយ ថាមពលខ្យល់ អានុភាព១៥០មេហ្កាវ៉ាត់ នៅខេត្តមណ្ឌលគិរី ១៥-ក្រុមហ៊ុន ឥណ្ឌូឆាយណា វីន ផោវ័រ ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់ នៅខេត្តមណ្ឌលគិរី។ ១៦-ក្រុមហ៊ុន លីឌើរ វីន អេនើជី (ខេមបូឌា) ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់ នៅខេត្តមណ្ឌលគិរី។ ១៧-ក្រុមហ៊ុន គោព្រៃ វីនហ្វាម ឯ.ក សម្រាប់គម្រោងវិនិយោគស្ថានីយផលិតអគ្គិសនី ដើរដោយ ថាមពលខ្យល់ អានុភាព១៥០មេហ្កាវ៉ាត់ នៅខេត្តមណ្ឌលគិរី ១៨-ក្រុមហ៊ុន បេជីង ហ្វេងហ្គ័ង អ៊ីនហ្វីនីត វីន អេនើជី ឯ.ក សម្រាប់គម្រោងវិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់ នៅខេត្តមណ្ឌលគិរី ។

១៩-ក្រុមហ៊ុន អេសភីអេចភី (ខេមបូឌា) ឯ.ក វិនិយោគស្ថានីយផលិតអគ្គិសនី ដើរដោយថាមពលជីវម៉ាស អានុភាព៥០មេហ្គាវ៉ាត់ និងស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព៤០មេហ្កាវ៉ាត់ ផ្គួបគ្នា នៅខេត្តកំពង់ស្ពឺ។ ២០-ក្រុមហ៊ុន បុទុមសាគរ អេនើជី ឯ.ក វិនិយោគស្ថានីយផលិតអគ្គិសនី ដើរដោយឧស្ម័នធម្មជាតិ អានុភាព៩០០មេហ្គាវ៉ាត់ នៅខេត្តកោះកុង។ ២១-ក្រុមហ៊ុន អេនើសួរ ឯ.ក វិនិយោគវារីអគ្គិសនី ព្រែកល្អាង១និង២ អានុភាព ១១០មេហ្កាវ៉ាត់ នៅខេត្តរតនគិរី។ ២២-ក្រុមហ៊ុន ស្នេថេក ខូ អិលធីឌី វិនិយោគស្ថានីយប្រព័ន្ធអាគុយស្ដុកទុក ថាមពល អានុភាព២០០មេហ្កាវ៉ាត់ នៅខេត្តពោធិ៍សាត់ និងអានុភាព៣០០មេហ្កាវ៉ាត់ នៅខេត្តកំពង់ឆ្នាំង។ ២៣-ក្រុមហ៊ុន ស្នេថេក ខូ អិលធីឌី វិនិយោគស្ថានីយប្រព័ន្ធអាគុយស្ដុកទុក ថាមពល អានុភាព៥០០មេហ្កាវ៉ាត់ នៅខេត្តពោធិ៍សាត់។ ២៤-ក្រុមហ៊ុន ឆាយណា ណេសិនណល ហេវី ម៉ាស៊ីនើរី ខបភើរេសិន វិនិយោគស្ថានីយវារីអគ្គិសនីបូមទឹកស្តុកទុក អានុភាព១០០០មេហ្កាវ៉ាត់ នៅខេត្តកោះកុង។

សូមជម្រាបថា សេចក្ដីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជា ឱ្យក្រុមហ៊ុនវិនិយោគវិស័យអគ្គិសនីនៅកម្ពុជាទាំង២៤ រៀបចំឡើងក្នុងគោលបំណង ឆ្លើយតបទៅនឹងតម្រូវការអគ្គិសនីដែលកើនឡើងជាបន្តបន្ទាប់រហូតដល់ឆ្នាំ២០២៨ ដោយផ្អែកតាមផែនការមេអភិវឌ្ឍន៍វិស័យថាមពល អគ្គិសនីនៅព្រះរាជាណាចក្រកម្ពុជា (២០២០.២០៤០) និងផែនការមេថ្មីដែលបានធ្វើបច្ចុប្បន្នភាព នៅឆ្នាំ២០២៤ និងដោយសារតែនៅចន្លោះពីឆ្នាំ២០២១ដល់ឆ្នាំ២០២៣ មានការរឹតបន្តឹងវិធានការរបស់ពិភពលោក ក្នុងការប្រយុទ្ធប្រឆាំងនឹងបម្រែបម្រួលអាកាសធាតុកាន់តែខ្លាំងឡើង បាននាំឱ្យគម្រោងអភិវឌ្ឍរោងចក្រផលិត អគ្គិសនីដុតធ្យូងថ្ម ដែលកម្ពុជាបានចុះហត្ថលេខាតាំងពីមុនឆ្នាំ២០១៩ ទាំងការអភិវឌ្ឍក្នុងប្រទេស ទាំងការនាំចូល អគ្គិសនីពីប្រទេសឡាវ ត្រូវបានជាប់គាំង ដោយសារមិនអាចរកហិរញ្ញ-ប្បទានបាន។ ការផ្គត់ផ្គង់អគ្គិសនី នៅកម្ពុជាពីឆ្នាំ២០២៥ដល់ឆ្នាំ២០២៨ អាចប្រឈមនឹងកង្វះប្រភពអគ្គិសនី ប្រសិនបើមិនមានការរៀបចំការអភិវឌ្ឍ ប្រភពអគ្គិសនីថ្មីមកជំនួសឱ្យបានទាន់ពេលវេលា៕

អត្ថបទ៖ សាងតេជៈ រូបភាព៖ ផេករដ្ឋសភា

second...

x

The post រដ្ឋសភាអនុម័តសេចក្តីព្រាងច្បាប់ស្តីពី ការទូទាត់របស់រាជរដ្ឋាភិបាល ឱ្យក្រុមហ៊ុនវិនិយោគវិស័យអគ្គិសនីចំនួន ២៤ appeared first on Millions times.

រដ្ឋាភិបាលថៃកាលពីព្រឹកថ្ងៃពុធបានកាត់ផ្តាច់ការផ្គត់ផ្គង់អគ្គិសនីដល់តំបន់ Myawaddy, Payathongzu និង Tachileik តាមអំពាវនាវរបស់អាជ្ញាធរចិនដែលបាននិយាយថា ប្រតិបត្តិការក្រុមឆបោកតាមអនឡាញកំពុងក្លាយជាការគំរាមកំហែងកាន់តែខ្លាំងឡើងចំពោះសុវត្ថិភាពរបស់ពលរដ្ឋចិន។

តាមដានជាមួយយើង៖ Million Times

ក្នុងពេលចុះត្រួតពិនិត្យការដាច់ចរន្តអគ្គិសនីនៅទីស្នាក់ការរបស់អាជ្ញាធរអគ្គិសនីខេត្ត (PEA) រដ្ឋមន្ត្រីក្រសួងមហាផ្ទៃ លោក Anutin Charnvirakul លើកឡើងថា ការកាត់ផ្តាច់នេះបានប៉ះពាល់ដល់ការផ្គត់ផ្គង់អគ្គិសនីចំនួន ២០ មេហ្គាវ៉ាត់។

លោកថា PEA រកចំណូលបានប្រហែល ៦០០ លានបាតក្នុងមួយឆ្នាំពីការផ្គត់ផ្គង់ថាមពលឆ្លងព្រំដែនទៅកាន់ប្រទេសមីយ៉ាន់ម៉ា ដែលជាចំនួនដ៏តូចមួយធៀបនឹងចំនួនសរុប ៦០០ ពាន់លានបាតក្នុងមួយឆ្នាំ។

លោក Anutin បាននិយាយថា ប្រសិនបើមីយ៉ាន់ម៉ាសន្យាជាផ្លូវការថានឹងបង្ក្រាបក្រុមឆបោកតាមអនឡាញ នោះការលក់អគ្គិសនីពីប្រទេសថៃអាចបន្តបាន។ លោក​បដិសេធ​មិន​ធ្វើ​អត្ថាធិប្បាយ​ទេ នៅ​ពេល​សួរ​ថា តើ​ការ​កាត់​ផ្តាច់​នេះ​នឹង​មាន​ប្រសិទ្ធភាព​ដោះស្រាយ​ក្រុម​ឆបោក​ ឬ​យ៉ាង​ណា។

លោក Charin Thongsuk អភិបាលខេត្តឈៀងរ៉ៃ ដែលមានព្រំប្រទល់ជាប់ខេត្ត Tachileik បាននិយាយថា អាជ្ញាធរនៅទីនោះកំពុងបង្កើនការនាំចូលអគ្គិសនីពីប្រទេសឡាវ ដើម្បីយកមកជំនួសឲ្យកាត់ផ្តាច់ពីប្រទេសថៃ។

បើតាមការចុះផ្សាយពីកាសែតក្នុងស្រុកថៃ ការផ្ដាច់ចរន្តអគ្គិសនីនេះបានប៉ះពាល់ដល់គ្រួសារប្រហែល ៧,៥០០ ព្រះវិហារ ៦៥ សាលារៀន ៤៥ ជំរុំយោធា ១៥ និងមន្ទីរពេទ្យចំនួន ៥ នៅក្នុងក្រុង Tachileik ៕

អត្ថបទ៖ សារ៉ាយ រូបភាព៖ Assawin Pinitwong 

second...

x

The post ថៃផ្តាច់អគ្គិសនី ដើម្បីដាក់សម្ពាធមីយ៉ាន់ម៉ាឱ្យបង្ក្រាបក្រុមឆបោកតាមអនឡាញតាមព្រំដែន appeared first on Millions times.

ក្នុងឱកាសបើកសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់អាជ្ញាធរអគ្គិសនីកម្ពុជា នៅព្រឹកថ្ងៃទី០៣ ខែកុម្ភៈ លោក កែវ រតនៈ រដ្ឋមន្ត្រីក្រសួងរ៉ែ និងថាមពល លើកឡើងថា៖ «យើងចង់បានឆ្នាំ២០២៥នេះ ជាឆ្នាំដែលសេវាផ្តត់ផ្គង់អគ្គិសនី ត្រូវធ្វើប្រតិបត្តិការលើ App ទាំងអស់ សូមឱ្យការបង់ថវិកាពីអតិថិជន គឺមានភាគរយមិនលើសពី៥ភាគរយ ដែលបង់ថវិកាដោយផ្ទាល់ ទៅទីតាំងបញ្ជរបង់ប្រាក់ សូមឱ្យ៩៥ភាគរយ ត្រូវតែបង់ថវិកាតាមប្រព័ន្ធធនាគារទាំងអស់ នេះជាផែនការ សម្រាប់ឆ្នាំ២០២៥»។

តាមដានជាមួយយើង៖ Million Times

បន្ថែមពីនេះ លោកបានសង្កត់ធ្ងន់ៗថា រាល់ការដាក់ពាក្យស្នើសុំតភ្ជាប់ចរន្តអគ្គិសនី និងការបង្កើតកម្លាំងអំពែអគ្គិសនីជាដើម គឺសុំឱ្យធ្វើប្រតិបត្តិការនៅឆ្នាំ២០២៥នេះ នៅត្រឹមឱ្យចប់នៅចុង១២ខែ ឆ្នាំ២០២៥។ ពោល សម្រាប់ការសុំដំឡើងអំពែថាមពលអគ្គិសនីនេះ ត្រូវធ្វើតាមប្រព័ន្ធអ៊ិនធឺណែត ដោយមិនតម្រូវឱ្យអតិថិជនមកបំពេញបែបបទ ដល់ទីតាំងផ្តល់សេវាករអគ្គិសនីទៀតនោះទេ។

លោកបានបន្តថា អាជ្ញាធរអគ្គិសនីកម្ពុជា, អគ្គិសនីកម្ពុជា ត្រូវតែដើរជាតួមុខគេ ដើម្បីធ្វើយ៉ាងណាជួយគាំទ្រឱ្យសេវាករឯកជនជាង ៤០០ទីតាំង អាចមានលទ្ធភាពធ្វើដំណើរការលើថ្នាល់ប្រព័ន្ធឌីជីថល មានភាពប្រហាក់ប្រហែលគ្នាផងដែរ។

លោក កែវ រតនៈ គូសបញ្ជាក់ថា ដាច់ខាតសេវាករផ្គត់ផ្គង់អគ្គិសនីទាំងអស់ ត្រូវឱ្យមានលេខផ្ទាល់របស់ក្រុមហ៊ុន និងដាច់ខាតមិនត្រូវយកលេខទូរស័ព្ទដៃរបស់បុគ្គលិក ដើម្បីធ្វើជា Hotline របស់ក្រុមហ៊ុននោះទេ ហើយអាជ្ញាធរទាមទារឱ្យសេវាករដែលគ្រប់សេវាកម្មមួយកន្លែង ត្រូវមានភ្នាក់ងារទទួលបន្ទុកការងារអតិថិជនច្បាស់លាស់ ដែលអាចទាក់ទងបាន។

លោក យឹម វិសិដ្ឋ ប្រធានអាជ្ញាធរអគ្គិសនីកម្ពុជា បានឱ្យដឹងថា អាជ្ញាធរអគ្គិសនីកម្ពុជាបានបង្កើត EAC-App សម្រាប់អ្នកប្រើប្រាស់អគ្គិសនី នៅក្នុងតំបន់ផ្គត់ផ្គង់របស់អ្នកផ្គត់ផ្គង់ឯកជនប្រើ ហើយមកដល់ពេលនេះ EAC-App ត្រូវបានបន្ថែមមុខងារប្រើប្រាស់ជាបន្តបន្ទាប់ ហើយមុខងារសំខាន់ដែលត្រូវបន្ថែមក្នុងឆ្នាំ២០២៥ គឺមុខងារអនុញ្ញាតឱ្យអ្នកប្រើប្រាស់អាចស្នើសុំបន្តចរន្ត និងបន្ថែមកម្លាំងប្រើប្រាស់បាន។

ទន្ទឹមនឹងនេះ លោកក៏បានលើកឡើងពីបញ្ហាប្រឈមចំបងនាពេលកន្លងមក ដែលធ្វើឱ្យ EAC-App ដំណើរការមិនសូវរលូន គឺទិន្នន័យរបស់អ្នកកាន់អាជ្ញាបណ្ណមិនអាចអនឡាញគ្រប់ពេល ប៉ុន្តែបញ្ហាប្រឈម នេះត្រូវបានដោះស្រាយរួចរាល់ តាមរយៈការជួល Cloud រួម ឱ្យអ្នកកាន់អាជ្ញាបណ្ណប្រើដោយអាជ្ញាធរអគ្គិសនីកម្ពុជាជាអ្នកទទួលបន្ទុកចំណាយ។ ជាមួយគ្នានេះត្រូវរៀបចំវគ្គបណ្តុះបណ្តាលដល់បុគ្គលិករបស់ អ្នកកាន់អាជ្ញាបណ្ណនូវរបៀបដំឡើង និងរបៀបប្រើ ជំរុញការផ្សព្វផ្សាយ និងជួយណែនាំរបៀបដំឡើង និងរបៀបប្រើបន្តដល់អតិថិជន។

លោកបានបន្ថែមថា ដើម្បីដំណើរការ EAC-App ឲ្យរលូនតម្រូវឱ្យអ្នកកាន់អាជ្ញាបណ្ណត្រូវមានហ្វេសបុក លេខហតឡាញ លេខទំនាក់ទំនងអតិថិជន បានចាប់ផ្តើមច្រើនឆ្នាំដែរហើយ ប៉ុន្តែមកដល់ពេលនេះ អាជ្ញាធរអគ្គិសនីកម្ពុជាសង្កេតឃើញថា នៅមានគណនីហ្វេសបុកពុំច្បាស់លាស់ ឈ្មោះគណនីហ្វេសបុក មិនដូចនឹងឈ្មោះអាជ្ញាបណ្ណ លេខហតឡាញ លេខទំនាក់ទំនងអតិថិជន តេមិនចូល តេមិនលើក ផ្លាស់ប្តូរគ្មានការជូនដំណឹង យកលេខរបស់បុគ្គលិកមកប្រើជាដើម៕

អត្ថបទ៖ សាងតេជេៈ រូបភាព៖ ក្រសួងរ៉ែ

second...

x

The post ២០២៥ ក្រសួងរ៉ែ និងថាមពល ដាក់ផែនការឲ្យសេវាករផ្គត់ផ្គង់អគ្គិសនីទូទាំងប្រទេសប្រតិបត្តិការលើ App ទាំងអស់ appeared first on Millions times.