ឡៃ ស៊ូយៀក Archives - Millions times

ទិញ Rolls Royce ជាង១ លានដុល្លារភ្លាម ថៅកែឡេ Miss ឡៃ ស៊ូយៀក ពាក់មាសជ្រែកខ្លួន រៀបចំបុកគ្រឹះសាងសង់ រោងចក្រ Pha Pha Global

Vin Chang — Fri, 30 Jan 2026 08:46:28 +0000

បើទោះជាតម្លៃមាសនៅតែបន្តឡើងថ្លៃមិនឈប់ ប៉ុន្តែវាមិនមែនជាបញ្ហាសម្រាប់លំដាប់ជួរមុខនៃអ្នកជំនួញ ឡៃ ស៊ូយៀក។ ជាក់ស្ដែងនាថ្ងៃបុកគ្រឹះសាងសង់រោងចក្រ Pha Pha Global ម្ចាស់រោងចក្ររូបនេះ បានពាក់មាសជ្រែកខ្លួន ជាមួយនឹងស្វាមីអ្នកឧកញ៉ា ឡាយ លីហួ។

តាមដានជាមួយយើង៖ Million Times

សេដ្ឋិនីអនឡាញដ៏ល្បីល្បាញ ឡៃ ស៊ូយៀក និងស្វាមី ពាក់មាសតាំងពីក្បាលដល់ចុងជើង រួមទាំងសម្លៀកបំពាក់ពណ៌មាសថែមទៀតផង ឆ្លុះក្រហមឆ្អិនឆ្អៅ។ ទាំងខ្សែកក ខ្សែដៃ ក្រវិល ចិញ្ចៀន កាបូបរបស់អគ្គនាយិកា ក្រុមហ៊ុន Miss Sunflower រូបនេះរាប់សិបតម្លឹង ទាំងប្ដីទាំងប្រពន្ធ ដោយមិនគិតពីនាឡិការបស់ស្វាមីទៀតនោះ។

ម្ចាស់ប្រេន Miss Sunflower ឡៃ ស៊ូយៀក បានរៀបចំពិធីក្រុងពាលីយ៉ាងឱឡារិក ដើម្បីបុកគ្រឹះសាងសង់រោងចក្រផលិតគ្រឿងសម្អាងដ៏ធំមួយសម្រាប់ប្រេនខ្លួនឯង និងទទួលផលិតឲ្យប្រេនដទៃទៀតផងដែរ។

មុនបុកគ្រឹះសាងសង់រោងចក្រដែលចំណាយទុនរាប់សិបលានដុល្លារតែប៉ុន្មានថ្ងៃ ថៅកែស្រីឡេ Miss Sunflower រូបនេះ បានជះប្រាក់ជាង១ លានដុល្លារ ទិញ Rolls-Royce 2026 Cullinan Black Badge-GC Edition ចូលផ្ទះ។

ក្រៅពីជាម្ចាស់ប្រេន Miss Sunflower ដែលកំពុងផ្ទុះទីផ្សារខ្លាំងនាប៉ុន្មានឆ្នាំនេះ គ្រួសារសេដ្ឋិនី ឡៃ ស៊ូយៀក ក៏មានការ៉ាសឡាន H.Y 9999 Auto ផងដែរ៕

អត្ថបទ៖ ឆដា, រូបភាព៖ Lay Lihou

The post ទិញ Rolls Royce ជាង១ លានដុល្លារភ្លាម ថៅកែឡេ Miss ឡៃ ស៊ូយៀក ពាក់មាសជ្រែកខ្លួន រៀបចំបុកគ្រឹះសាងសង់ រោងចក្រ Pha Pha Global appeared first on Millions times.

ថៅកែឡេ Miss ឡៃ ស៊ូយៀក ទិញ Rolls-Royce 2026 ចូលផ្ទះបន្ថែម តម្លៃជាង ១ លានដុល្លារ

Vin Chang — Mon, 26 Jan 2026 07:27:31 +0000

ឡៃ ស៊ូយៀក ថៅកែអនឡាញស្រីដែលល្បីទាំងរឿងសប្បុរសធម៌ និងជីវិតហាយសូដល់កម្រិតកំពូលមួយនៅក្នុងស្រុកខ្មែរ។ ថ្មីៗនេះម្ចាស់ប្រេន Miss Sunflower បាននាំសមាជិកថ្មីចូលផ្ទះថែមទៀតហើយ នោះគឺឡាន Rolls-Royce តម្លៃរាប់លានដុល្លារ។

តាមដានជាមួយយើង៖ Million Times

ដូចដឹងស្រាប់ហើយថា កាលពីអំឡុងខែតុលា ឆ្នាំ ២០២៥ កន្លងទៅថ្មីៗនេះដែរ ថៅកែគ្រឿងថែរក្សាសម្រស់ Miss Sunflower ទើបនាំចូល Lamborghini Urus Mansory មានតម្លៃដើម ៧២២ ៩៣៥ ដុល្លារ និងសម្រាប់នាំចេញប្រមាណ ៦០៧ ២៥៩ ដុល្លារ ដែលជាតម្លៃនាំចេញលក់ក្រៅស្រុក ព្រោះត្រូវថែមពន្ធតាមប្រទេសនីមួយៗ បើតាមការប៉ាន់ប្រមាណពីអ្នកជំនាញ Lamborghini Urus Mansory មកដល់ស្រុកខ្មែរអាចមានតម្លៃចន្លោះពី១.៤ លាន ទៅ ២ លានដុល្លារ។

មកដើមឆ្នាំ ២០២៦ នេះសេដ្ឋិនីអនឡាញ ឡៃ ស៊ូយៀក បានទិញ Rolls-Royce មកមួយគ្រឿងទៀត ចូលផ្ទះដែលតម្លៃក៏មិនធម្មតាដែរ។ 2026 Rolls Royce Cullinan Black Badge-GC Edition ដែលជាគ្រឿងដំបូងនៅប្រទេសកម្ពុជា និងមានតម្លៃដល់ទៅជាង ១ លានដុល្លារឯណោះ។

គួរបញ្ជាក់ថាថៅកែអនឡាញម្ចាស់ប្រេន Miss Sunflower ដែលមានស្វាមីគឺអ្នកឧកញ៉ា ឡាយ លីហួ ដែលមានជំនួញជាច្រើនក្នុងដៃមិនថាការាស់លក់ឡាន គ្រឿងសម្អាង និងផលិតផលថែរក្សាសម្រស់ជាច្រើនមុខចាប់ពីចុងសក់ដល់ចុងជើង។

សេដ្ឋិនី ឡៃ ស៊ូយៀក តាំងពីចាប់ដៃគ្នាជាមួយស្វាមី ការរកស៊ីក៏កាន់តែរីកចម្រើនទៅមុខឥតឈប់ឈរ។ ជំនួញជួញដូរក៏កាក់កប ការជួយសង្គមជាតិ ក៏គ្រួសារនេះមិនដែលភ្លេចឡើយនាប៉ុន្មានឆ្នាំមកនេះ៕

អត្ថបទ៖ ឆដា, រូបភាព៖ Miss Sunflower Brand

The post ថៅកែឡេ Miss ឡៃ ស៊ូយៀក ទិញ Rolls-Royce 2026 ចូលផ្ទះបន្ថែម តម្លៃជាង ១ លានដុល្លារ appeared first on Millions times.

អ្នកជំនាញអនឡាញល្បីៗ ដែលប្រើកាបូបផលិតពីមាសសុទ្ធ

Vin Chang — Tue, 28 Oct 2025 09:24:16 +0000

នៅរយៈពេលប៉ុន្មានឆ្នាំចុងក្រោយនេះរបររកស៊ីតាមរយៈអនឡាញកាន់តែរីកដុះដាលឡើងៗ រហូតធ្វើឲ្យមនុស្សជាច្រើនចាប់យកការរកស៊ីមួយនេះ មិនថាជាការបង្កើតផលិតផលឈរឈ្មោះជាម្ចាស់ប្រេនខ្លួនឯង និងទទួលបន្តឡើយ។

អ្នករកស៊ីជំនួញអនឡេញដែលជាម្ចាស់ផលិតផលថែរក្សាសម្រស់ ជាស្ត្រីកាន់តែឈានដល់ចំណុចកំពូលមួយហើយ ដោយអាចកែប្រែជីវភាព និងការរស់នៅកាន់តែអស្ចារ្យពីមួយថ្ងៃទៅមួយថ្ងៃ។ បច្ចុប្បន្ននេះអ្នកជំនួញអនឡាញល្បីៗចូលចិត្តសម្ភារៈនិយមក្នុងនោះមានកាបូបស្បែកជើង សម្លៀកបំបាក់ប្រេនៗ គ្រឿងអលង្ការ និងឡានស៊េរីទំនើបជាដើម។

មិនតែប៉ុណ្ណោះអ្នកលក់អនឡាញខ្លះ ក៏ចូលចិត្តពាក់មាសស្រោចខ្លួនផងដែរ ហើយក៏ច្នៃមាសធ្វើជាកាបូបដៃយ៉ាងស្រស់ឆើតឆាយថែមទៀតផង។ ខាងក្រោមនេះជាអ្នកជំនួញអនឡាញស្រីល្បីៗ និងចូលចិត្តកាបូបមាស៖

១. ឡៃ ស៊ូយៀក ម្ចាស់ប្រេន Miss Sunflower

ស្រ្តីវ័យក្មេងជាអ្នកជំនួញធំក្នុងវិស័យអនឡាញរូបនេះ មានគ្រប់សព្វបែបយ៉ាងមិនថាលុយ ឡាន ផ្ទះវីឡាស្កឹមស្កៃ ហើយក៏មានកាបូបមាសជាច្រើនគ្រឿងផងដែរ។

តាមដានជាមួយយើង៖ Million Times

២. យូរ៉ា

ម្ចាស់សិប្បកម្ម MI Yura In White ជាអ្នកជំនួញនៅខេត្តឧត្តរមានជ័យ ក៏ជាមនុស្សស្រីស្រលាញ់ឈុតមាសនេះដែរ មិនថាកាបូបឡើយ ខ្សែក ខ្សែដៃធំៗ ហើយក៏ឧស្សាហ៍ឃើញអ្នកនាងពាក់ក្នុងកម្មវិធីធំៗដែរ។

៣. ដេននី ក្វាន់

អ្នកជំនួញស្រី វិវឌ្ឍន៍ខ្លួនពីតារាសម្ដែង ដេននី ក្វាន់ ដែលមានឈ្មោះពិត ជួន កាប៉ាន់ ចូលចិត្តគ្រឿងមាសខ្លាំងបំផុត៕

អត្ថបទ៖ ឆដា, រូបភាព៖ souyiek lai, Denny Kwan និង Yura In White

The post អ្នកជំនាញអនឡាញល្បីៗ ដែលប្រើកាបូបផលិតពីមាសសុទ្ធ appeared first on Millions times.

មិនធម្មតាមែនថៅកែស្រី Miss Sunflower ទិញឡាន Lamborghini Urus Mansory គ្រាន់តែតម្លៃចេញពីរោងចក្រជាង ៦០ ម៉ឺនដុល្លារ

Vin Chang — Tue, 14 Oct 2025 07:52:59 +0000

បើនិយាយពីឈ្មោះម្ចាស់ប្រេន Miss Sunflower លោកស្រី ឡៃ ស៊ូយៀក មហាជនច្បាស់ជាដឹងពីជីវភាពដ៏សម្បូរសប្បាយដែលជាផ្លែផ្កាបានមកពីការខិតខំរកស៊ីនៃជំនួញ skincare នោះ។

តាមដានជាមួយយើង៖ Million Times

ប៉ុន្មានឆ្នាំចុងក្រោយនេះ គេសង្កេតឃើញថាផលិតផលថែរក្សាសម្រស់របស់ Miss Sunflower កាន់តែពេញនិយម និងលក់ដាច់ឡើងពីមួយថ្ងៃ ហើយការចំណេញក៏ទៅតាមនោះដែរ។ ដូចនេះហើយការរស់នៅប្រចាំថ្ងៃក៏កាន់តែហ៊ឺហា ហើយក៏ឧស្សាហ៍ទិញឡានទំនើបៗចូលផ្ទះដ៏ធំស្កឹមស្កៃផងដែរ។

ដោយកាលពីម្សិលមិញនេះដែរ ថៅកែ Miss Sunflower បាននាំយកឡានស៊េរីទំនើបបំផុត Lamborghini Urus Mansory ដែលមានតម្លៃរាប់សែនដុល្លារចេញពីរោងចក្រ។ ចំណែកតម្លៃនាំចេញរហូតមកដល់កម្ពុជានៅមិនទាន់ច្បាស់ឡើយ។

Lamborghini Urus Mansory មានតម្លៃដើម ៧២២ ៩៣៥ ដុល្លារ និងសម្រាប់នាំចេញប្រមាណ ៦០៧ ២៥៩ ដុល្លារ ដែលជានាំចេញលក់ក្រៅស្រុក ព្រោះត្រូវថែមពន្ធតាមប្រទេសនីមួយៗទៀត។ បើតាមការប៉ាន់ប្រមាណពីអ្នកជំនាញ Lamborghini Urus Mansory របស់ថៅកែប្រេន Miss មកដល់ស្រុកខ្មែរអាចមានតម្លៃចន្លោះពី១.៤ លាន ទៅ ២ លានដុល្លារ។

ទោះជាយ៉ាងណាលោកស្រី ឡៃ ស៊ូយៀក មិនបានបង្ហើបតម្លៃឡានថ្មី Lamborghini Urus Mansory នេះឡើយ ដោយបានត្រឹមបញ្ជាក់ថា Lamborghini Urus Mansory ថ្លៃជាងឡានចាស់ Lamborghini ពណ៌លឿនរបស់ខ្លួន៕

អត្ថបទ៖ ឆដា, រូបភាព៖ Lai Souyiek

The post មិនធម្មតាមែនថៅកែស្រី Miss Sunflower ទិញឡាន Lamborghini Urus Mansory គ្រាន់តែតម្លៃចេញពីរោងចក្រជាង ៦០ ម៉ឺនដុល្លារ appeared first on Millions times.

ម្ចាស់ប្រេន ២ នាក់ ចែកទូរសព្ទ Iphone 17 ដល់អតិថិជន និងអ្នកគាំទ្រ

Vin Chang — Thu, 09 Oct 2025 10:05:29 +0000

ប្រេន Skincare ដែលជារបស់កូនខ្មែរនៅពេលបច្ចុប្បន្នកំពុងទទួលបានការគាំទ្រខ្លាំងពីសំណាក់អតិថិជនក្នុងស្រុក។ មិនត្រឹមតែតម្លៃល្អប៉ុណ្ណោះទេ ប្រេនខ្លះបានធ្វើទីផ្សារត្រូវ ដូចជាការចែករង្វាន់ផ្សេងៗជាដើម ធ្វើឲ្យមហាជនកាន់តែចង់ដឹង តាមដាន និងឈានទៅដល់ការប្រើប្រាស់តាម។

តាមដានជាមួយយើង៖ Million Times

សម្រាប់ប្រេន ២ ដែលកំពុងដេញចែករង្វាន់ដល់អតិថិជន មានរបស់សេដ្ឋិនី ឡៃ ស៊ូយៀក ដែលជា founder of Miss Sunflower និងសេដ្ឋិនីវ័យក្មេង ឡុង ម៉ានីន ម្ចាស់ប្រេន MN។ បើនិយាយពីសម្ភារៈនិយមដែលម្ចាស់ប្រេនទាំង ២ តែងបង្ហាញលើបណ្ដាញសង្គម ធ្វើឲ្យមហាជនចង់មានជីវិតហ៊ឺហា ឡូយឆាយបែបនោះណាស់។

ទាំងសេដ្ឋិនី ឡៃ ស៊ូយៀក និង ឡុង ម៉ានីន បានកំពុងផ្ដល់រង្វាន់ជាទូរសព្ទដៃទំនើបស៊េរីចុងក្រោយ iphone 17 ជាច្រើនគ្រឿង។ ដ្បិតតែជាយុទ្ធសាស្ត្រទីផ្សារដែលទទួលបានការពេញនិយម និងធ្វើឲ្យប្រេននោះមានឈ្មោះបោះសំឡេង ហើយក៏ធ្វើឲ្យមហាជនទូទៅស្គាល់ពីផលិតផល ទោះមិនប្រើក៏ដោយ។

ក្រឡេកទៅមើលទ្រព្យសម្បត្តិម្ចាស់ប្រេនកំពុងល្បីក្នុងស្រទាប់យុវវ័យសម័យថ្មីទាំង ២ មានឃើញថា ពិតជាមិនអាចបរិយាយបានឡើយ។ មិនត្រឹមមានជំនាញអនឡាញគ្រឿងសម្អាង ម្នាក់ៗមានជំនួញអចលនទ្រព្យផ្សេងៗទៀត។

បើនិយាយពីសម្ភារៈនិយមអ្នកទាំង ២ សុទ្ធតែមានមានពេជ្រ សម្លៀកបំពាក់ កាបូបប្រេន និងផ្ទះឡានទំនើបជាច្រើន។ ដូចនេះហើយការចែករង្វាន់នូវទូរសព្ទបំផុតនេះ មិនមែនជាបញ្ហាដល់ក្រុមហ៊ុនឡើយ មានតែចំណេញប្រជាប្រិយភាពវិញ ហើយកាដូទូរសព្ទមិនមែនជាលើកដំបូងនៃប្រេន Miss Sunflower និងប្រេន MN ដែរ៕

អត្ថបទ៖ ឆដា, រូបភាព៖ Lai Souyiek និង long Manin

The post ម្ចាស់ប្រេន ២ នាក់ ចែកទូរសព្ទ Iphone 17 ដល់អតិថិជន និងអ្នកគាំទ្រ appeared first on Millions times.

ម្ចាស់ឡេប្រេន Miss ឯណោះក៏ធម្មតា ក្នុងព្រឹត្តិការណ៍ Gumball 3000 យកឡាន ២ គ្រឿងទៅចូលរួម

Vin Chang — Tue, 17 Sep 2024 10:11:37 +0000

ដូចដឹងស្រាប់ហើយថា ព្រឹត្តិការណ៍ Gumball 3000 នៅកម្ពុជាបានអង្រួនអស់ហើយអ្នកជំនួញគ្រប់ប្រភេទ និងគ្រប់វិស័យ។ ក្នុងនោះអ្នកប្រឡូកវិស័យអនឡាញក៏មិនណយប៉ុន្មានដែរ ដោយអ្នកលក់ឡេទាំងនោះសុទ្ធតែយករថយន្តទំនើបៗ មកចូលរួមជាមួយការតាំងបង្ហាញកំពូល Supercar និង Hypercar ប្រណីតៗ។

តាមដានជាមួយយើង៖ Million Times

ម្ចាស់ប្រេន Miss សេដ្ឋីនី ឡៃ ស៊ូយៀក ដែលស្វាមីទើបទទួលបានងារជាអ្នកឧកញ៉ាកាលពីខែមុននោះ ក៏បានយកឡានទំនើប ២ គ្រឿងគឺ Lamborghini និងBrabus តម្លៃកប់ពពកនោះ ក៏ធ្វើឲ្យហ្វេនៗចូលរួមទស្សនាស្រែកហៅឈ្មោះ ២ នាក់ប្ដីប្រពន្ធ នៅកន្លែងកម្មវិធីម្ដុំវិមានឯករាជ្យ។

ជីវិតប្ដីប្រពន្ធអ្នកជំនួញអនឡាញទាំង ២ ជារឿយៗតែងតែទទួលបានការចាប់អារម្មណ៍ពីអ្នកលេងបណ្ដាញសង្គម គឺឡូយឆាយសម្បើមខ្លាំងតែម្ដង មិនថាស៊េរីរថយន្ត សម្លៀកបំពាក់ និងរបស់ប្រើប្រាស់រួមមានទឹកអប់ ក្រែម ម្សៅ ទិញម្ដងៗអ្នកលក់រៀបចំសឹងមិនទាន់ ព្រោះច្រើនខ្លាំងពេក។ សម្រាប់ ព្រឹត្តិការណ៍ Gumball 3000 អ្នកលក់ឡេជាសេដ្ឋីនីរូបនេះ បានយកឡាន Lamborghini ពណ៌លឿងដែលទើបទិញចូល និងBrabus ជាង១លានដុល្លារ។

គ្រួសារកំពុងសាងជីវភាពកាន់តែស្ដុកស្ដម្ភនេះ ឡានប្រើប្រាស់លក្ខណៈគ្រួសារ និងឡានក្រុមហ៊ុនជាច្រើនបន្ថែមទៀត ដើម្បីងាយស្រួលក្នុងការផ្លាស់ប្ដូរ និងឲ្យស័ក្តិសមជាអ្នកមានមុខមានមាត់ក្នុងសង្គម។ ចំណែកផ្ទះវិញមានទាំងផ្ទះសម្រាប់រស់នៅ និងផ្ទះសម្រាប់សម្រាកលំហែនៅខេត្តសៀមរាប ព្រមទាំងកំពុងកសាងភូមិគ្រឹះថែមមួយទៀត ម្ដុំផ្លូវជិតលេខ 6A។

គួរបញ្ជាក់ថាដំណើរការអាជីវកម្មឡេអនឡាញរបស់អ្នកនាង ឡៃ ស៊ូយៀក កាក់កបកាន់តែខ្លាំងក្នុងរយៈពេល ២-៣ ឆ្នាំចុងក្រោយ ហេតុដូចនេះមិនជាចម្លែកឡើយដែលអាចឲ្យគ្រួសារតូចនេះ រស់នៅលើផ្ទះធំដូចលំដាប់អ្នកមានៗក្នុងស្រុកដទៃទៀត៕

រូបភាព៖ ហ្វេសប៊ុក MISS sun flower body lotion

The post ម្ចាស់ឡេប្រេន Miss ឯណោះក៏ធម្មតា ក្នុងព្រឹត្តិការណ៍ Gumball 3000 យកឡាន ២ គ្រឿងទៅចូលរួម appeared first on Millions times.

គ្រួសារថៅកែស្រីប្រេន Missកាន់តែថ្កុំថ្កើង ក្រោយស្វាមីទទួលបានគោរមងារជាអ្នកឧកញ៉ា

Vin Chang — Mon, 09 Sep 2024 07:52:28 +0000

បើនិយាយដល់អ្នកលក់ឡេអនឡាញ មិនអាចរំលងបានឡើយម្ចាស់ប្រេន Miss ដែលស្វាមីអ្នកស្រីទើបទទួលបានការតែងតាំងជាអ្នកឧកញ៉ាកាលពីថ្ងៃ ៨ ខែកញ្ញា ឆ្នាំ ២០២៤ ថ្មីៗនេះឯង។ ស្ថាបនិកហ្គារ៉ាស H.Y 9999 Auto ឧកញ៉ា ឡាយ លីហួ ត្រូវបានសម្ដេចតេជោ ហ៊ុន សែន ប្រមុខរដ្ឋស្ដីទី ចេញព្រះរាជក្រឹត្យផ្ដល់គោរមងារ ជា «អ្នកឧកញ៉ា»។

តាមដានជាមួយយើង៖ Million Times

ជីវិតគ្រួសារអ្នកលក់ឡេអនឡាញលំដាប់ប្រទេសរូបនេះ ពីមួយថ្ងៃទៅមួយថ្ងៃកាន់តែស៊ីវីល័យឡើងៗហើយ ដោយសារតែជំនួញប្រាក់វាល់លានប្រពន្ធ និងប្ដី។

ស្វាមីថៅកែស្រីម្ចាស់ផលិតផលឡេ Miss Sunflower ឡៃ ស៊ូយៀក កាលពីអំឡុងចុងឆ្នាំ ២០២២ កន្លងទៅ លោក ឡាយ លីហួ ធ្លាប់ទទួលបានការត្រាស់បង្គាប់ផ្ដល់គោរមងារជា ឧកញ៉ា ដោយព្រះរាជក្រឹត្យលេខ នស/រកត/១២២២/១៥៣៧ ចុះថ្ងៃទី៦ ខែធ្នូ ឆ្នាំ២០២២។

គូស្វាមីភរិយាដ៏មានទ្រព្យសម្បត្តិហូរហៀរនេះ ពិតជាចាយជីវិតឆើតឆាយ ចំណាយមិនញញើតដៃក្នុងការផ្ដល់រង្វាន់ដល់ខ្លួនឯង ដូចជាទិញឡានស៊េរីថ្មី គ្រឿងពេជ្រ និងរបស់របរប្រើប្រាស់គ្រឿងសម្អាងយីហោល្បីៗលំដាប់ពិភពលោក។

គូស្វាមីដែលល្បីខ្លាំងខាងលេងម៉ូដឡានរូបនេះ ក៏កំពុងកសាងផ្ទះលំហែនៅខេត្តទេសចរណ៍ដ៏សំខាន់របស់ខ្មែរ ដែលម៉ូដនោះចំណាយលើការសាងសង់ខ្ទង់សែនដុល្លារ។ ដោយសារតែជាអ្នកលក់ឡានស្រាប់ ដូចនេះហើយថៅកែឡេអនឡាញដ៏ហាយសូរូបនេះមិនខ្វះឡើយឡានទំនើបជិះ មានទាំង Brabus តម្លៃក្បែរលានដុល្លារ និង Lamborghini។

គ្រួសារអភិជននេះក៏នៅមានឡានប្រើប្រាស់លក្ខណៈគ្រួសារ និងឡានក្រុមហ៊ុនជាច្រើនបន្ថែមទៀត ដើម្បីងាយស្រួលក្នុងការផ្លាស់ប្ដូរ និងឲ្យស័ក្តិសមជាអ្នកមានមុខមានមាត់ក្នុងសង្គម។ គួរបញ្ជាក់ថាដំណើរការអាជីវកម្មឡេអនឡាញរបស់អ្នកនាង ឡៃ ស៊ូយៀក កាក់កបកាន់តែខ្លាំងក្នុងរយៈពេល ២-៣ ឆ្នាំចុងក្រោយ ហេតុដូចនេះមិនជាចម្លែកឡើយដែលអាចឲ្យគ្រួសារតូចនេះ រស់នៅលើផ្ទះធំដូចលំដាប់អ្នកមានៗក្នុងស្រុកដទៃទៀត៕

រូបភាព៖ FB Brand Miss

The post គ្រួសារថៅកែស្រីប្រេន Missកាន់តែថ្កុំថ្កើង ក្រោយស្វាមីទទួលបានគោរមងារជាអ្នកឧកញ៉ា appeared first on Millions times.