តាមដានជាមួយយើង៖ Million Times

ឧកញ៉ា ឡេង ឫទ្ធី ប្រធានសមាគមធុរកិច្ចវៀតណាម-កម្ពុជាបានថ្លែងសង្ឃឹមជឿជាក់ថា ដោយមានការយកចិត្តទុកដាក់ និងការសម្របសម្រួលយ៉ាងជិតស្និទ្ធពីរដ្ឋាភិបាលនៃប្រទេសទាំងពីរ ក្រសួងឧស្សាហកម្ម និងពាណិជ្ជកម្មវៀតណាម និងក្រសួងពាណិជ្ជកម្មកម្ពុជា ដោយផ្ទាល់សហគ្រាសវៀតណាមនៅប្រទេសកម្ពុជា នឹងបន្តអភិវឌ្ឍយ៉ាងខ្លាំងក្លា រួមចំណែកជាវិជ្ជមានដល់ ការអភិវឌ្ឍន៍សេដ្ឋកិច្ច-សង្គមនៃប្រទេសទាំងពីរ ព្រមទាំងពង្រឹងទំនាក់ទំនងមិត្តភាពជាប្រពៃណីរវាងប្រទេស វៀតណាម និងប្រទេសកម្ពុជា។ 

លោកឧកញ៉ាបានស្នើរដល់អ្នកឧកញ៉ា គិត ម៉េង បន្តភ្ជាប់ទំនាក់ទំនងឲ្យកាន់តែរឹងមាំថែមទៀត ដើម្បីឲ្យសហគ្រាសវៀតណាម មកបណ្តាក់ទុននៅប្រទេសកម្ពុជា ហើយសហគ្រាសកម្ពុជា អាចបណ្ដាក់ទុននៅប្រទេសវៀតណាម ដើម្បីទាញយកផលប្រយោជន៍ និងកេងចំណេញពីភាពខ្លាំងនៃប្រទេសទាំងពីរ ដើម្បីអភិវឌ្ឍន៍គ្នាទៅវិញទៅមក។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា បានថ្លែងពីទំនាក់ទំនងសេដ្ឋកិច្ចរវាងកម្ពុជា និងវៀតណាម ដោយប្រទេសទាំងពីរបានកំណត់គោលដៅប្រកបដោយមហិច្ឆតា និងជំរុញទឹកចិត្តក្នុងការឈានទៅសម្រេចបានពាណិជ្ជកម្មទ្វេភាគីសរុប ២០ ពាន់លានដុល្លារនៅឆ្នាំខាងមុខ។ 

អ្នកឧកញ៉ាបន្តថា “ក្រៅពីពាណិជ្ជកម្ម វៀតណាមគឺជាវិនិយោគិនដ៏ធំមួយ ក្នុងចំណោមវិនិយោគិនបរទេសចំនួនប្រាំ ផ្សេងទៀតនៅកម្ពុជា ដោយមានគម្រោងលើសពី២០០គម្រោង ដែលមានតម្លៃទឹកប្រាក់ជិត ៣ពាន់លានដុល្លារ ក្នុងវិស័យដូចជា កសិកម្ម ទូរគមនាគមន៍ ធនាគារ ហិរញ្ញវត្ថុ ការកែច្នៃម្ហូបអាហារ រ៉ែ អាកាសចរណ៍ និងទេសចរណ៍”។ អ្នកឧកញ៉ាក៏លើកទឹកចិត្តឱ្យក្រុមហ៊ុនវៀតណាមមកបណ្តាក់ទុនក្នុងប្រទេសកម្ពុជា និងផ្សារភ្ជាប់ទំនាក់ទំនងដ៏រឹងមាំ និងការផ្តួចផ្តើមអាជីវកម្មយ៉ាងពិតប្រាកដដែលកើតឡើងពីការពិភាក្សានៅក្នុងសន្និសីទនេះ។

អ្នកស្រី ឡេង ដាវី អនុប្រធានសមាគមថ្មអារ បានបង្ហាញយ៉ាងក្បោះក្បាយអំពីទីតាំងសក្តានុពលនៃតំបន់ភាគឥសាន្ត ដែលមានខេត្តក្រចេះ ស្ទឹងត្រែង មណ្ឌលគិរី និងរតនគិរី ខណៈតំបន់នេះទទួលបានការគាំទ្រលើកទឹកចិត្តជាពិសេសពីរាជរដ្ឋាភិបាល។ បើតាមអ្នកស្រី តំបន់នេះមានធនធានធម្មជាតិដ៏សម្បូរបែប ដូចជា ដីល្អ ទន្លេ និងភ្នំ ដែលសមស្របសម្រាប់ការវិនិយោគលើវិស័យកសិកម្ម ដំណាំកៅស៊ូ កាហ្វេ ចន្ទី ស្រូវ ឧស្សាហកម្ម និងទេសចរណ៍។ 

 អ្នកស្រីបានបញ្ជាក់ថា ភាពជោគជ័យកន្លងមកមានក្រុមហ៊ុនធំៗដូចជា ក្រុមហ៊ុន VRG Group ដំណាំកៅស៊ូ និង Thaco Group ដំណាំចេក ចិញ្ចឹមគោ ព្រមទាំងអាជីវករជាច្រើនបានចាប់អារម្មណ៍ទៅវិនិយោគក្នុងតំបន់នេះចាប់តាំងពីឆ្នាំ ២០០៨ និងទទួលបានជោគជ័យយ៉ាងច្រើន។

សូមជម្រាបថា ទំហំពាណិជ្ជកម្មទ្វេភាគី នៃប្រទេសកម្ពុជា និងវៀតណាម បានបន្តកើនឡើងឥតឈប់ឈរក្នុងរយៈពេលប៉ុន្មានឆ្នាំកន្លងមកនេះ ដែលនៅក្នុងឆ្នាំ ២០២៤ ទំហំពាណិជ្ជកម្មទ្វេភាគីរវាងទាំងពីរ បានកើនឡើងគួរឱ្យកត់សម្គាល់ ដោយមានទំហំទឹកប្រាក់ច្រើនជាង ១០ ប៊ីលានដុល្លារ កើនឡើង ៥៣.៣៤% បើធៀបទៅនឹងឆ្នាំមុន ហើយគោលដៅសម្រាប់ប៉ុន្មានឆ្នាំខាងមុខទៀត ទំហំពាណិជ្ជកម្មរវាង ប្រទេសទាំងពីររំពឹងថានឹងឈានទៅដល់២០ប៊ីលានដុល្លារ៕

The post អ្នកជំនួញជោគជ័យលើវិស័យកសិកម្ម ជំរុញឲ្យវិនិយោគិនខ្មែរ-វៀតណាម បន្តភ្ជាប់ទំនាក់ទំនងឲ្យកាន់តែរឹងមាំថែមទៀត appeared first on Millions times.

តាមដានជាមួយយើង៖ Million Times

គោលបំណង នៃកិច្ចសហប្រតិបត្តិការអនុស្សរណៈយោគយល់គ្នានេះ មានគោលបំណងពង្រឹងកិច្ចសហប្រតិបត្តិការជំរុញការតភ្ជាប់លើវិស័យ ពាណិជ្ជកម្ម វិនិយោគ សេដ្ឋកិច្ច និងធុរកិច្ចរវាងសភាពាណិជ្ជកម្មកម្ពុជា និងសមាគមសហព័ន្ធធុរកិច្ចវៀតណាម -កម្ពុជា តាមរយៈការលើកកម្ពស់ឱកាសអាជីវកម្ម ការផ្លាស់ប្តូរព័ត៌មាន និងការគាំទ្រសហគ្រិនរបស់ភាគីទាំងពីរ។

ទិសដៅ នៃកិច្ចសហប្រតិបត្តិការនេះ ភាគីទាំងពីរយល់ព្រមសហការគ្នាលើវិស័យ និងសកម្មភាព ដោយអនុលោមតាមលក្ខខណ្ឌ ដែលមានចែងក្នុងអនុស្សរណៈ នៃការយោគយល់គ្នានេះ ដោយលើកកម្ពស់ពាណិជ្ជកម្មឆ្លងដែន និងការវិនិយោគរវាងកម្ពុជា និងវៀតណាម។ លើកកម្ពស់ការផ្តល់អន្តរកម្មអាជីវកម្ម និងកាត់បន្ថយរបាំងពាណិជ្ជកម្ម។ គាំទ្រសហគ្រិនវៀតណាម និងកម្ពុជា ជាពិសេសក្នុងវិស័យឧស្សាហកម្ម កសិកម្ម និងបច្ចេកវិទ្យា។ រៀបចំសិក្ខាសាលា សន្និសីទ និងព្រឹត្តិការណ៍អាជីវកម្ម ដើម្បីជំរុញការទំនាក់ទំនងអាជីវកម្ម ពាណិជ្ជកម្ម និងការវិនិយោគ។ រៀបចំព្រឹត្តិការណ៍ដូចជា «កិច្ចសន្ទនាធុរកិច្ច» ដើម្បីភ្ជាប់សហគ្រិន និងវិនិយោគិន ។ ផ្តល់ព័ត៌មានឲ្យគ្នាទៅវិញទៅមកអំពីបទដ្ឋានច្បាប់ ឱកាសវិនិយោគ និងទីផ្សារសម្រាប់សហគ្រិន។ គាំទ្រការអភិវឌ្ឍសមត្ថភាពសហគ្រិន ជាពិសេសក្នុងវិស័យដែលមានសក្តានុពល។

ក្នុងឱកាសសន្និសីទតភ្ជាប់រវាងធុរកិច្ចវៀតណាម-កម្ពុជា ឆ្នាំ២០២៥នោះ ភាគីទាំងពីរកម្ពុជាវៀតណាមក៏បានរៀបចំកម្មវិធីសំនួរចម្លើយពាក់ព័ន្ធនឹងការចង់ដឹងព័ត៌មានស្តីពីការវិនិយោគរវាងប្រទេសទាំងពីរ ដោយបើកឱកាសដល់អ្នកចូលរួមបានសួរទៅកាន់វាគ្មិនដែលជាអ្នកជំនាញមកពីក្រសួងស្ថាប័នជាតិ និងវិស័យឯកជន នៃប្រទេសទាំងពីរ ។

ទន្ទឹមនឹងនេះសភាពាណិជ្ជកម្មកម្ពុជាក៏បានរៀបចំផ្គូផ្គងធុរកិច្ចផងដែរ ដែលផ្តល់ឱកាសពិសេសដល់គណៈប្រតិភូ កម្ពុជាដើម្បីភ្ជាប់ទំនាក់ទំនងជាមួយក្រុមហ៊ុនវៀតណាមទៅតាមវិស័យរៀងៗខ្លួន។ សភាពាណិជ្ជកម្មកម្ពុជាប្តេជ្ញាគាំទ្រសហគ្រាសកម្ពុជាក្នុងការធ្វើដំណើរទៅកាន់ទីផ្សារអន្តរជាតិ។ បេសកកម្ម ធុរកិច្ចនេះ រំពឹងថានឹងជួយបើកច្រកថ្មីសម្រាប់អ្នកនាំចេញ និងវិនិយោគិនកម្ពុជា ដែលរួមចំណែកដល់ពិពិធកម្ម និង កំណើនសេដ្ឋកិច្ចជាតិ៕

The post សមាគមសហព័ន្ធធុរកិច្ចវៀតណាម-កម្ពុជានិងសភាពាណិជ្ជកម្មកម្ពុជាចុះ MoU ស្តីពីការចូលរួមជំរុញកិច្ចសហប្រតិបត្តិការពាណិជ្ជកម្មវិនិយោគនិងសេដ្ឋកិច្ចរវាងកម្ពុជា-វៀតណាម appeared first on Millions times.

តាមដានជាមួយយើង៖ Million Times

ក្រុមហ៊ុន ឬទ្ធី ក្រានីត បានចែកបទពិសោធពីបទដ្ឋាននៃការដាក់ជីដោយប្រើដៃ ដែលបង្ហាញដោយក្រុមបច្ចេកទេសផ្ទាល់របស់ក្រុមហ៊ុន មាន ៣ប្រការធំៗ៖ 

១/ ការដាក់ជីដោយប្រើ ត្រាក់ទ័រផ្លុំស្លឹក៖ ពេលត្រាក់ទ័រផ្លុំស្លឹករួច យើងត្រូវបាចជីដោយប្រើដៃ រួចយើងប្រើរនាស់កាយស្លឹកលុបវិញ។

២/ ការដាក់ជីដោយមិនប្រើត្រាក់ទ័រ៖ យើងកាយស្លឹកចេញដោយតនាស់ រួចបាចជីដោយប្រើដៃ រួចយើងប្រើរនាស់កាយស្លឹកលុបវិញ។

៣/ ការដាក់ជីដែលមានចង្អូទឹកនៅរងកៅស៊ូ៖ យើងមិនអាចដាក់ជីនៅចង្អូទឹកបានទេ យើងត្រូវដាក់ជីនៅខាងលើចង្អូទឹក ដោយកាយស្លឹកចេញប្រវែង ៥០ សង់ទីម៉ែត្រ ទើបបាចជីដោយប្រើដៃ រួចយើងប្រើរនាស់កាយស្លឹកលុបវិញ។

សម្រាប់ការទស្សនាវីដេអូខាងក្រោម៖ 

សូមបញ្ជាក់ថា ក្រុមហ៊ុន «ឫទ្ធីក្រានីត» ជាក្រុមហ៊ុនវិនិយោគលើដីសម្បទានសេដ្ឋកិច្ច ដែលបានទទួលសិទ្ធិពីរាជរដ្ឋាភិបាល ដាំដុះដំណាំកៅស៊ូ លើផ្ទៃដីប្រមាណ ២,០០០ហិកតា។ ក្នុងឆ្នាំ២០១២ រហូតដល់បច្ចុប្បន្ននេះ បានផ្តល់ឱកាសការងារ ដល់ប្រជាពលរដ្ឋរស់នៅមូលដ្ឋានដោយផ្ទាល់ ធ្វើការជាកម្មករ កម្មការនី និងបុគ្គលិកក្រុមហ៊ុនជាច្រើនរយនាក់ផងដែរ៕

The post កៅស៊ូគុណភាពខ្ពស់ អនាម័យល្អរបស់ក្រុមហ៊ុន ឬទ្ធី ក្រានីត ដោយសារផ្តោតសំខាន់លើការដាក់ជីតាមបទដ្ឋានបច្ចេកទេសត្រឹមត្រូវ appeared first on Millions times.

តាមដានជាមួយយើង៖ Million Times

ក្នុង​ឱកាស​ដែល​បាន​បង្ហាញ​វត្តមាន​នា​គ្រា​នោះ តន្ត្រីការិនីម្នាក់ ក្នុង​ចំណោមតន្ត្រីការិនី​ទាំង ២រូប​ បាន​បង្ហោះ​រូបភាព​ជាច្រើន​សន្លឹក ព្រម​ទាំង​រៀបរាប់​ពី​បទពិសោធន៍​ដែល​បាន​ទៅ​សម្ដែង​របាំ​បុរាណ​ខ្មែរ និង​លេង​ពិណ​បុរាណ​ខ្មែរ ឲ្យ​ភ្ញៀវ​អន្តរជាតិ​បាន​ស្គាល់។

ស្ងួន កវី សេរីរត្ន័ បាន​រៀបរាប់​ថា “ជា​កិត្តិយស​សម្រាប់​នាង​ខ្ញុំ​ទាំង​ពីរ​នាក់​បាន​ចូលរួម​សម្ដែង​ក្នុង​កម្មវិធី​ការ​តាំង​ពិព័រណ៍​ថ្ម​អន្តរ​ជាតិ​ហ៊្សាមែន ប្រទេស​ចិន​លើកទី២៥ (The 25th China Xiamen International Stone Fair) ដែល​ប្រារព្ធ​ធ្វើ​ឡើង​នៅ​មជ្ឈមណ្ឌល​ពិព័រណ៍ និង​សន្និសីទ​អន្តរជាតិ ទីក្រុង​ហ៊្សាមែន ខេត្ត​ហ៊្វូជៀន សាធារណរដ្ឋ​ប្រជាមានិត​ចិន សូម​ថ្លែង​អំណរ​គុណ​ដល់​ក្រុមហ៊ុន Rithy Granite Cambodia ដែល​បាន​អញ្ជើញ​នាង​ខ្ញុំ​ទាំង​ពីរ​នាក់ ចូលរួម​សម្ដែង​ឧបករណ៍​ពិណ​ខ្មែរ នៅ​លើ​ទឹកដី​ប្រទេស​ចិន។សូម​ជូនពរ​ឱ្យ​ក្រុមហ៊ុន​ដំណើរ​ការ​កាន់តែ​ជោគជ័យ​ទ្វេ​ដង”។

គួរ​បញ្ជាក់​ថា ពិព័រណ៍​ថ្ម​អន្តរជាតិ ហ្សាមែន លើកទី២៥ (The 25th China Xiamen International Stone Fair) កាលពី​ថ្ងៃ ១៦-១៩ ខែ​មីនា ឆ្នាំ២០២៥ នៅ​ប៊ូត​របស់​ក្រុមហ៊ុន Rithy Granite Cambodia មាន​ភ្ញៀវ​បរទេស​ជាច្រើន​ចូល​មក​ទស្សនា​ថ្ម​ធម្មជាតិ​ដែល​យក​ទៅ​តាំង​បង្ហាញ ហើយ​ភ្ញៀវ​ក៏​ជាប់​ចិត្ត​​ជាមួយ​ការ​សម្ដែង​ ឧបករណ៍​ពិណ​ខ្មែរ​នៅ​ទី​នោះ​ផង​ដែរ៕

អត្ថបទ៖ មេរ៉ា, រូបភាព៖ Rithy Granite Cambodia

The post តន្ត្រីការិនីបង្ហាញចំណាប់អារម្មណ៍បែបនេះ ពេលចូលរួមសម្ដែងក្នុងកម្មវិធីពិព័រណ៍ថ្មអន្តរជាតិនៅចិន appeared first on Millions times.

តាមដានជាមួយយើង៖ Million Times

ការ​ចូលរួម​ពិព័រណ៍ The 25th China Xiamen International Stone Fair របស់​ក្រុមហ៊ុន Rithy Granite ត្រូវ​បាន​ដឹកនាំ​ដោយ​ផ្ទាល់​ពី​សំណាក់​ឧកញ៉ា ឡេង ឫទ្ធី ស្ថាបនិក Rithy Granite (Cambodia) និង​ជា​ប្រធាន​សមាគម​ថ្ម​អារ​កម្ពុជា និង​លោកស្រី ឡេង ដាវី អគ្គនាយិកា Rithy Granite (Cambodia) និង​ជា​អនុប្រធាន​សមាគម​ថ្ម​អារ​កម្ពុជា។

ថ្លែងប្រាប់គេហទំព័រ Million Times ពីប្រទេសចិន លោកស្រី ឡេង ដាវី បានឲ្យដឹងថា ពិព័រណ៍​ថ្ម​អន្តរជាតិ​នេះ​មាន​ការ​ដាក់​តាំង​ជាង ២ ០០០ ប៊ូត មាន​ថ្ម​ជាង ២ ០០០ ប្រភេទ​ដាក់​បង្ហាញ ដែល​មាន​អ្នក​ចូល​មើល​រាប់​ម៉ឺន​នាក់​មក​ពី ១២០ ប្រទេស។ លោកស្រី​មាន​ប្រសាសន៍៖ «ការ​ចូល​រួម​នេះ​ក្នុង​គោលដៅ​ពង្រីក​ពាណិជ្ជកម្ម​ថ្ម​អារ​ជា​សកល ដែល​ដឹកនាំ និង​សម្របសម្រួល​របស់​សមាគម​ថ្ម​អារ​កម្ពុជា បាន​សហការ​គ្នា តាំង​បង្ហាញ​ថ្ម​ជា​ទ្រង់ទ្រាយ​ធំ ដោយ​សម្រេច​បាន​លើក​ទង់ជាតិ​តំណាង​ឲ្យ​ប្រទេស​កម្ពុជា ឲ្យ​បណ្ដា​ធុរជន​អន្តរជាតិ​បាន​ស្គាល់​ផង​ដែរ ដើម្បី​ជា​ការ​ឆ្លើយតប និង​អនុវត្ត​តាម​អនុសាសន៍​ណែនាំ​របស់​សម្ដេច​បវរធិបតី ហ៊ុន ម៉ាណែត នាយករដ្ឋមន្ត្រី​កម្ពុជា។

លោកស្រី​ថ្លែង​ថា ពិព័រណ៍​ថ្ម​អន្តរជាតិ ហ្សាមែន លើកទី២៥ ឆ្នាំ​នេះ យើង​បាន​បង្ហាញ​ពី​សក្តានុពល​វិស័យ​រ៉ែ​ថ្ម​អារ​ទាំង ១១ ខេត្ត និងមានក្រុមហ៊ុនរ៉ែ ព្រមទាំងរោងចក្រអារថ្ម ជាង ៦០ក្រុមហ៊ុន អាច​ផលិត​ថ្ម​ប្លុក​លើស​ពី 8,000m3ក្នុងមួយឆ្នាំ ជាពិសេសរោងចក្រអាចផលិតថ្ម ក្នុងបរិមាណ 800,000m2 ក្នុង​មួយ​ឆ្នាំ នេះ​ជា​ទំហំ​ដែល​អាច​ផ្គត់ផ្គង់​ទៅ​លើ​ទីផ្សារ​អន្តរជាតិ នា​ពេល​បច្ចុប្បន្ន និង​អាច​ពង្រីក​ការ​វិនិយោគ ហើយ​ផលិត​នាំ​ចេញ​បាន​លើស​នេះ​ច្រើន​ដង។

អនុប្រធាន​សមាគម​ថ្ម​អារ​កម្ពុជា បាន​បន្ត​ឲ្យ​ដឹង​ទៀត​ថា មិនត្រឹមតែកែច្នៃថ្មក្នុងស្រុកទេ កម្ពុជា​ក៏​មាន​តម្រូវការ​នាំ​ចូល​ថ្ម​គ្រប់​ប្រភេទ​ចូល​ទៅ​កាន់​ទីផ្សារ​កម្ពុជា​ដែល​មាន​បរិមាណ​ច្រើន​ម៉ឺន​ម៉ែត្រ​ការ៉េ​ផង​ដែរ។

បើ​តាម​ការ​បញ្ជាក់​ពី​លោកស្រី ឡេង ដាវី ត​ទៅ​មុខ កម្ពុជា​អាច​នឹង​ទទួល​បាន​ការ​វិនិយោគ​រោងចក្រ​កែច្នៃ​ថ្ម​អារ, កែច្នៃ​ទាំង​ថ្ម​ប្លុក​ក្នុង​ស្រុក និង​ថ្ម​ប្លុក​ពី​បរទេស ជាច្រើន​ប្រភេទ ដើម្បី​ចែកចាយ​ក្នុងស្រុក ក្នុង​តំបន់​អាស៊ី និង ចែកចាយ​ជា​សកល។

ទន្ទឹម​គ្នា​នេះ​អគ្គ​នាយិកា​ក្រុមហ៊ុន Rithy Granite បាន​គូស​បញ្ជាក់​ថា មកឆ្នាំនេះ ពិសេសជាងសព្វដង ជាមួយ​ថ្ម​ថ្មី​ពិសេស ស្ដេច​ថ្ម​កម្ពុជា​ដោយ​ភាព​អស្ចារ្យ​នៃ​ការ​ប្រមូល​ផ្ដុំ​ថ្ម​កម្ពុជា​គ្រប់​ប្រភេទ​ជា​កាឡាក់ស៊ី​ថ្ម នេះ​ជា​ភស្តុតាង​ថា កម្ពុជា​ពិតជា​មាន​ប្រភព​រ៉ែ​ដ៏​សម្បូរ​បែប ដែល​មាន​ភស្តុតាង​ជាក់ស្ដែង​លើ​បណ្ដុំ​ថ្ម​ជាច្រើន​ប្រភេទ​ចម្រុះ ជា​ថ្ម​កាឡាក់ស៊ី ដែល​អ្នក​ទាំងអស់​គ្នា​អាច​មើល​ឃើញ ជា​បណ្ដុំ​នៃ​រ៉ែ​ធម្មជាតិ​ចម្រុះ​គ្នា​គ្រប់​ធាតុ បើ​តាម​ជំនឿ​អ្នក​ប្រើប្រាស់​ថ្ម​ចម្រុះ​ធាតុ​នេះ ​អាច​ជួយ​លើក​រាសី ផ្ដល់​លាភ​សំណាង ភាព​ត្រជាក់ត្រជំ ដូច​មាន​ទឹកជ្រោះ​ថ្ម​ធម្មជាតិ​​ចម្រុះ​ពណ៌​នៅ​ក្នុង​គេហដ្ឋាន សណ្ឋាគារ ក្រុមហ៊ុន អាគារ​របស់​អ្នក​ទាំងអស់​គ្នា។

លោកស្រី​បាន​បញ្ជាក់​បន្ថែម​ទៀត​ថា ការ​រីកចម្រើន និង​ការ​ការ​កុម្ម៉ង់​ទិញ ការ​វិនិយោគ​រោងចក្រ ដើម្បី​កែច្នៃ​ថ្ម​កំពុង​រីកចម្រើន ឥត​ឈប់ឈរ ក្រោម​ការ​ដឹកនាំ​ដ៏​ឈ្លាសវៃ ច្បាស់លាស់ រហ័ស​ទាន់​សម័យ​កាល របស់​រាជរដ្ឋាភិបាល ក្រោម​ការ​ដឹកនាំ​របស់​សម្ដេច​បវរ​ធិបតី ហ៊ុន ម៉ាណែត នាយករដ្ឋមន្ត្រី​កម្ពុជា។ ដោយ​មាន​ការ​គាំទ្រ​ពី​រដ្ឋាភិបាល ទើប​ឆ្នាំ​នេះ​សមាគម​ថ្ម​អារ មាន​កម្លាំង និង​បាន​សហការ​គ្នា​ជាច្រើន​ក្រុមហ៊ុន ក្នុង​ការ​រៀបចំ​ឲ្យ​មាន​ការ​ដាក់​តាំង​បង្ហាញ​ទាំង​ផលិតផល​ថ្ម​អារ, ការ​រចនា​ស្តង់​បែប​សហសម័យ ភ្ជាប់​ជាមួយ​ចម្លាក់​វប្បធម៌ និង​ការ​សម្ដែង​សិល្បៈ​បុរាណ​ខ្មែរ ឲ្យ​ភ្ញៀវ​អន្តរជាតិ​បាន​ទស្សនា និង​អាច​ទាក់ទាញ​ភ្ញៀវ​ទេសចរ​ផង​ដែរ។ កម្ពុជា​ជា​ដៃ​គូ​ដ៏​មាន​សក្ដានុពល ស្វាគមន៍​មក​កាន់​កម្ពុជា។

លោកស្រី ឡេង ដាវី បានថ្លែងបញ្ជាក់ថា «នាង​ខ្ញុំ​បាន​ចូលរួម តាំង​ពី​ឆ្នាំ ២០១៥ មក​ម្ល៉េះថ្ម​ខ្មែរ​ជាច្រើន​ប្រភេទ​បាន​មក​ដាក់​តាំង​បង្ហាញ​ជាច្រើន​ឆ្នាំ​មក​ហើយ ការ​ចូលរួម​ពិព័រណ៍​នៅ​សៀមិន​នេះ​គឺ​ជា​ការ​តាំង​បង្ហាញ​ជា​សកល ដែល​បាន​ផល​ពិត​មែន ដោយ​ថ្ម​ខ្មែរ​បាន​លក់​ចេញ​ទៅ​ទូទាំង​សកល​ក្នុង​រយៈពេល ១០ ឆ្នាំ​មក​នេះ»។

កូនស្រី​ឧកញ៉ា ឡេង ឫទ្ធី រូប​នេះ​កត់​សម្គាល់​ថា លទ្ធផល​ទទួល​​វិជ្ជមាន​ជាច្រើន ដូចជា​ការ​លក់ ,ការ​ទទួល​បាន​ការ​បញ្ជា​ទិញ ទទួល​បាន​ដៃគូ​សហការ​ធ្វើ​ទីផ្សារ​ទទួល​ទិញ ដើម្បី​ចែក​ចាយ​បន្ត​ទៅ​ប្រទេស​ចិន, អឺរ៉ុប, អាមេរិក, អូស្ត្រាលី, ហ្វីលីពីន និង​នេប៉ាល់​ជាដើម។ ជាពិសេស​ទទួល​បាន​ការ​សរសើរ​មិន​នឹកស្មាន​ថា កម្ពុជា​មាន​សក្ដានុពល​ថ្ម​អារ មាន​រោងចក្រ​ជាច្រើន​កំពុង​ចែកចាយ​ជុំវិញ​ពិភពលោក​ដូចនេះ​ឡើយ ។

ដើម្បី​ឲ្យ​មាន​ការ​សហការ​គ្នាកាន់តែ​ល្អ​ថែម​ទៀត លោកស្រី ឡេង ដាវី បង្ហាញ​ក្ដី​សង្ឃឹមថា ក្រសួង​ពាណិជ្ជកម្ម​យកចិត្តទុកដាក់​ជួយ​រៀបចំ និង​គាំទ្រ​ដល់​ដំណើរ​ការ​នៃ​ការ​ពិព័រណ៍​រួមគ្នា​ថ្នាក់​ជាតិ​ទៅ​ឲ្យ​បាន​ច្រើន​ប្រទេស,ច្រើន​វិស័យ ផ្សារ​ភ្ជាប់​វប្បធម៌ និង​អរិយធម៌​ខ្មែរ ក្នុង​ការ​ទាក់ទាញ​អ្នក​វិនិយោគ​ក៏​ដូចជា​ភ្ញៀវ​ទេសចរ៕

អត្ថបទ៖ មេរ៉ា, រូបភាព៖ ផ្ដល់ឲ្យ

The post លោកស្រី ឡេង ដាវី នាំស្តេចថ្មអារធម្មជាតិខ្មែរ ចូលរួមពិព័រណ៍ថ្មអន្តរជាតិនៅចិន អ្នកចូលរួមរាប់ម៉ឺននាក់មកពី ១២០ប្រទេស appeared first on Millions times.

តាមដានជាមួយយើង៖ Million Times

លើបណ្តាញសង្គមក្រុមហ៊ុន Rithy Agriculture បានលើកឡើងអបអរទិវានារីអន្តរជាតិលើកទី១១៤ ក្រោមប្រធានបទ៖ “សិទ្ធិ សមភាព និង ភាពអង់អាច ចំពោះស្រ្តី និង ក្មេងស្រីគ្រប់រូប” ក្នុងឱកាសអបអរទិវាសិទ្ធិនារីអន្តរជាតិនេះ លោកស្រី CEO Leng Davy បានរៀបជាកាដូក្រមាខ្មែរជាពិសេសជូនស្រ្តីៗ អ្នកម្តាយ បងស្រី ប្អូនស្រី កូនស្រី ជាកាដូលើកចិត្ត និងផ្តល់ក្តីស្រលាញ់ដែលខិតខំប្រឹងប្រែងធ្វើការងារ និងដឹកនាំក្រុមគ្រួសារបានល្អ។

ការចូលរួមយុទ្ធនាការទិវាអន្តរជាតិនារី ៨មីនារបស់លោកស្រី ដាវី ស្តែងឱ្យឃើញពីការយកចិត្តទុកដាក់ខ្ពស់ពីក្រុមហ៊ុន ឬទ្ធី ក្រានីត ដើម្បីចូលរួមកិច្ចអភិវឌ្ឍន៍សេដ្ឋកិច្ច-សង្គម ជាពិសេសការខិតខំជំរុញឱ្យការលើកកម្ពស់សមភាពយេនឌ័រ និងកាលានុវត្តភាពនានា សម្រាប់ស្ត្រីកម្ពុជានាពេលបច្ចុប្បន្ន និងនាពេលអនាគតឱ្យកាន់តែមានភាពប្រសើរឡើង៕

The post CEO ឡេង ដាវី ផ្តល់កាដូក្រមាខ្មែរជូនដល់ស្រ្តីៗ ក្នុងឱកាសអបអរទិវាអន្ដរជាតិនារី ៨មីនា ឆ្នាំ២០២៥ appeared first on Millions times.

តាមការឲ្យដឹងពីក្រុមហ៊ុន ឬទ្ធីក្រានីត ក្នុងបុព្វហេតុផ្សព្វផ្សាយក្តានុពលវិស័យថ្មអារ និងផលិតផលថ្មក្រានីតខ្មែរ មិនខុសពីឆ្នាំកន្លងទៅនោះទេ គឺក្រុមហ៊ុនតែងតែចេញធ្វើសកម្មភាពផ្សព្វផ្សាយទាំងក្នុងស្រុក និងក្រៅប្រទេស។ ជាក់ស្តែងក្នុងឆ្នាំ២០២៤នេះក្រុមហ៊ុន ឬទ្ធីក្រានីត បានចូលរួមតាំងពិព័រណ៌ក្នុងកម្មវិធីធំៗជាច្រើនដើម្បីបង្ហាញវិស័យថ្មអារ និងផលិតផលថ្មអារកម្ពុជា។

សេដ្ឋីនីវ័យក្មេង ឡេង ដាវី ធ្លាប់បង្ហើបប្រាប់គេហទំព័រមីលានថាមស៍ឲ្យដឹងថា នៅឆ្នាំ២០២៤ ក្នុងខែមីនា លោកស្រីដឹកនាំក្រុមហ៊ុន ក្រានីត បានចូលរួមក្នុងពិព័រណ៍​ XIAMEN Stone Fair នៅប្រទេសចិន​ រយៈពេល ៤ថ្ងៃ ចាប់ពីថ្ងៃ​ទី១៦​ ដល់​ ១៩ ដែលមានការដាក់តាំងបង្ហាញថ្មជាច្រេីនប្រភេទ​ និងមានការតាំងបង្ហាញស្ដេចថ្មធម្មជាតិ។ លោកស្រីថ្លែងថា ភ្ញៀវដែលបានឃើញពីថ្មម៉ាប និងថ្មក្រានីតរបស់ក្រុមហ៊ុនលោកស្រី លាន់មាត់សរសើរពីគុណភាព និងភាពប្រណីតភ្លឺចែងចាំងរបស់រ៉ែកម្ររបស់កម្ពុជា។ 

តាមដានជាមួយយើង៖ Million Times

នៅថ្ងៃទី២ ខែមេសា ឬទ្ធីក្រានីត ចូលរួម​ការដាក់តាំងបង្ហាញផលិតផលិរ៉ែថ្មក្រានីតធម្មជាតិកម្ពុជា ក្នុងកម្មវិធី Cambodia-asian business summit 2024 ស្ថិតនៅសណ្ឋាគារ សូហ្វីតែលភ្នំពេញ ដែលទទួលការចាប់អារម្មណ៍យ៉ាងខ្លាំងពីភ្ញៀវក្រោយបានទស្សនា។

នៅខែកញ្ញា ក្រុមហ៊ុន ឫទ្ធី ក្រានីត (ខេមបូឌា) និងក្រុមហ៊ុន ឫទ្ធី2ធ្នូ អ៊ិនវេសមេន ឯ.ក​ ត្រូវបានអញ្ជើញចូលរួមតាំងពិព័រណ៍ចិន-អាស៊ាន លើកទី21 “The 21th China-ASEAN Expo”​ ដែលប្រព្រឹត្តរយៈពេល ៤ថ្ងៃ ចាប់ពីថ្ងៃទី២៤ ដល់ថ្ងៃទី២៧ នៅមជ្ឈមណ្ឌលសន្និសិទ្ធ​ និងពិព័រណអន្តរជាតិ នាទីក្រុងណា និងតំបន់ស្វ័យ័តក្វាងស៊ី ប្រទេសចិន។

ក្នុងព្រឹត្តិការណ៍លោកស្រី ឡេង ដាវី នាយិកា និងជាអនុប្រធានសមាគមថ្មអារកម្ពុជា បានបង្ហាញ​ទៅកាន់វិនិយោគិនអាស៊ាន និងចិន ព្រមទាំងអ្នកវិនិយោគទូទាំងពិភពលោកអោយបានស្គាល់ ពីវត្ថុធាតុដើមរហូតដល់ផលិតផលសំរេចក្នុងវិស័យថ្មអារ។

នៅខែកញ្ញាដដែល អ្នកស្រី ដាវី ក៏បានដឹកនាំគណៈប្រតិភូក្រុមហ៊ុន ឫទ្ធី2ធ្នូ អ៊ិនវេសមេន ឯ.ក​ អញ្ជើញចូលរួម​ព្រឹត្តិការណ៍​តាំងបង្ហាញថ្មម៉ាប Marmomac នៅ​ Verona Stone Fiere ដែលមានទីតាំងស្ដិតនៅប្រទេសអុីតាលី ក្នុងគោលបំណងផ្សព្វផ្សាយផលិតផលថ្មក្រានីតខ្មែរ និងឱកាសពាណិជ្ជកម្ម​ផងដែរ។

ក្នុងខែធ្នូឆ្នាំនេះ ឬទ្ធីក្រានីត និងក្រុមហ៊ុន​ ឬទ្ធី២ធ្នូ​ អិនវេសមិន​ ឯ.ក​ ត្រូវ​បាន​អញ្ជើញ​ចូល​រួម​តាំង​ពិព័រណ៍​ឧស្សាហកម្ម​សំណង់​កម្ពុជា​ អន្តរជាតិ​ ឆ្នាំ២០២៤ Cambodia International Construction Industry Expo 2024 នាថ្ងៃទី​៥ ដល់ថ្ងៃទី៧ ស្ថិតនៅ​សាលពិពរណ៍កោះពេជ្យ​ ដែលមានការចូលរួមជាមួយក្រុមហ៊ុនសំណង់​ អចលនទ្រព្យ​ ធនាគារ​ និងគ្រឿងចក្រ​ សំណង់​ជាច្រេីនប្រភេទទៀត​។

លើសពីនេះទៅ ក្រោយចប់បេសកម្មនៅភ្នំពេញ លោកស្រី ឡេង ដាវី ក៏ត្រូវបានអញ្ជើញចូលរួមក្នុងពិព័រណ៌ Asean Stone Exhibition នៅនៅមជ្ឈមណ្ឌលពិព័រណ៍ និងសន្និបាតសៃហ្គន (SECC) នៅទីក្រុងហូជីមិញ ប្រទេសវៀតណាម រយៈពេល ៣ថ្ងៃ ចាប់ពីថ្ងៃទី១១ ដល់ថ្ងៃទី១៣ ខែធ្នូ ឆ្នាំ២០២៤។

បន្ថែមពីលើនេះទៅទៀត ក្នុងនាមជាអ្នកវិនិយោគមុខជំនួញថ្មអារ លោកស្រី ឡេង ដាវី អនុប្រធានសមាគមថ្មអារកម្ពុជា និងនាយិកាប្រតិបត្តិ ក្រុមហ៊ុន ឫទ្ធី ក្រានីត (ខាមបូឌា) បានឡើងថ្លែងសុន្ទរកថា និងកម្មវិធីជជែកពិភាក្សាក្នុងពិធីពិព័រណ៌ថ្មសេរ៉ាមិច និងថ្មអាស៊ាន ក្នុងពិព័រណ៌ Asean Stone Exhibition ផងដែរ។

ក្នុងពេលធ្វើបង្ហាញនោះ លោកស្រី ឡេង ដាវី បញ្ជាក់ថា លោកស្រីបានចែករំលែកព័ត៌មាន សក្តានុពល កាលានុវត្តភាពថ្មីលើវិស័យថ្មអារ និងឪកាសវិនិយោគមកកាន់ប្រទេសកម្ពុជាទៅកាន់ក្រុមវិនិយោគិនមកពីបណ្តាប្រទេសអាស៊ាន និងអឺរ៉ុប។

អត្ថបទ៖ សាងតេជៈ រូបភាព៖ ផ្តល់ឲ្យ

The post ក្នុងបុព្វហេតុផ្សព្វផ្សាយសក្តានុពលថ្មម៉ាប សេដ្ឋីនី ឡេង ដាវី អនុប្រធានសមាគមថ្មអារកម្ពុជា ចូលរួមតាំងពិព័ណ៌ច្រើនប្រទេសឆ្នាំ២០២៤ appeared first on Millions times.

ពិធីចុះហត្ថលេខា MoU លើកិច្ចព្រមព្រៀងផ្គត់ផ្គង់អង្កររវាងរោងម៉ាស៊ីនកិនស្រូវកូនខ្មែរ ធ្វើឡើងក្នុងវេទិកាជំរុញពាណិជ្ជកម្ម និងវិនិយោគវៀតណាម-កម្ពុជា ក្រោមប្រធានបទ «បង្កើនកិច្ចសហប្រតិបត្តិការពាណិជ្ជកម្មអេឡិចត្រូនិកឆ្លងព្រំដែន និងសេដ្ឋកិច្ចឌីជីថល» ដែលសហការរៀបចំដោយ ស្ថាប័នពាណិជ្ជកម្មវៀតណាម ស្ថានទូតវៀតណាមប្រចាំនៅកម្ពុជា ជាមួយក្រសួងឧស្សាហកម្ម និងពាណិជ្ជកម្មវៀតណាម និងសមាគមធុរកិច្ចវៀតណាម-កម្ពុជា (VCBA) កាលពីថ្ងៃទី២៥ ខែធ្នូ ឆ្នាំ២០២៤។

តាមដានជាមួយយើង៖ Million Times

វេទិកានេះក៏មានការអញ្ជើញចូលរួមពីលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា លោក Nguyen Huy Tang ឯកអគ្គរដ្ឋទូតវៀតណាមប្រចាំកម្ពុជា ឧកញ៉ា ឡេង ឫទ្ធី ប្រធានសមាគមសហព័ន្ធធុរកិច្ចវៀតណាមនៅកម្ពុជា ព្រមទាំងធុរជននៃប្រទេសទាំងពីរសរុប ១៤០នាក់។

គោលបំណងនៃវេទិកានេះគឺ ដើម្បីតភ្ជាប់ គាំទ្រ និងបង្កើតលក្ខខណ្ឌងាយស្រួលសម្រាប់ធុរកិច្ចវៀតណាមក្នុងការស្វែងរកដៃគូពាណិជ្ជកម្ម និងវិនិយោគជាមួយនឹងសហគមន៍ធុរកិច្ចនៅកម្ពុជា។

សូមជម្រាបថា រោងម៉ាស៊ីនកិនស្រូវ “កូនខ្មែរ” មានទីតាំងស្ថិតនៅបណ្តោយផ្លូវជាតិលេខ៥ នៃភូមិគោកត្រប់ ឃុំតាម៉ឺន ស្រុកថ្មគោល ខេត្តបាត់ដំបង ដែលបានដំណើរការតាំងពីឆ្នាំ២០០៧មកម្លេះ ដោយផ្តោតទៅលើគុណភាព និង អនាម័យជាចម្បង។ 

ខ្សែចង្វាក់ផលិតកម្មនីមួយៗ ចាប់តាំងពីជំហ៊ានដំបូង រហូតបានក្លាយជាផលិតផលសម្រេចចុងក្រោយសម្រាប់ផ្គត់ផ្គង់ដល់អ្នកប្រើប្រាស់ប្រចាំថ្ងៃក្នុងស្រុក ក៏ដូចជាការនាំចេញទៅក្រៅប្រទេស គឺមានភាពល្អិតល្អន់ សម្រិតសម្រាំង ច្បាស់លាស់ និងយកចិត្តទុកដាក់ខ្ពស់ទៅលើការត្រួតពិនិត្យលើគុណភាព និងអនាម័យ ដោយប្រើប្រាស់នូវគ្រឿងចក្រ និងបរិក្ខាទំនើបៗ គ្រប់គ្រាន់តាមលក្ខណៈបច្ចេកទេស និងស្របតាមស្តង់ដាត្រឹមត្រូវ ដើម្បីប្រាកដថាគ្រប់ គ្រាប់អង្ករនីមួយៗគឺមានគុណប្រយោជន៍ខ្ពស់ទាំងសារធាតុចិញ្ចឹម និងឱជារសឈ្ងុយឆ្ញាញ់៕

អត្ថបទ៖ សាងតេជៈ រូបភាព៖ ផ្តល់ឲ្យ

The post រោងម៉ាស៊ិនកិនស្រូវ Kon Khmer ចុះ MoU ជាមួយបណ្តាក្រុមហ៊ុនវៀតណាម appeared first on Millions times.

អគ្គនាយិវ័យក្មេង តែពោរពេញដោយសមត្ថភាព ឡេង ដាវី  បានផ្ដល់បទសម្ភាសន៍ពីវៀតណាម មកកាន់គេហទំព័រ Million Times ថា ស្ដង់តាំងពិព័រណ៍ថ្មអារបស់ក្រុមហ៊ុន Rithy Granite Cambodia ទទួលបានការចូលទស្សនាច្រើន ពីសំណាក់ភ្ញៀវចូលរួមក្នុងកម្មវិធីសន្និសីទ ជាពិសេសជនជាតិអឺរ៉ុបតែម្ដង។ ភ្ញៀវដែលបានឃើញពីថ្មម៉ាប និងថ្មក្រានីតរបស់ក្រុមហ៊ុនលោកស្រីហើយនោះ លាន់មាត់សរសើរពីគុណភាព និងភាពប្រណីតភ្លឺចែងចាំងរបស់រ៉ែកម្ររបស់កម្ពុជាតែម្ដង។ 

តាមដានជាមួយយើង៖ Million Times

ក្នុងចំណោមអ្នកចូលទស្សនាស្ដង់ក្រុមហ៊ុន Rithy Granite Cambodia មានទាំងអ្នកជំនួញផ្នែករ៉ែថ្មនេះស្រាប់ អ្នកវិនិយោគ និងអ្នកចូលរួមដែលចង់ដឹង និងសិក្សាស្រាវជ្រាវ។ ភ្ញៀវដែលបានឃើញរ៉ែថ្មដ៏ធំនៃកម្ពុជានេះ ហើយមិនត្រឹមលាន់មាត់សរសើរទេ ថែមទាំងបានយកដៃទៅគោះ ស្ទាប និងអង្អែល ដោយយកចិត្តទុកដាក់។

ស្ដង់តាំងពិព័រណ៍ថ្មរបស់សេដ្ឋីវ័យក្មេង ឡេង ដាវី នៅទីក្រុងហូជីមិញ ប្រទេសវៀតណាម ក៏បានដាក់បង្ហាញវីដេអូ នៃដំណើររករុក កន្លែងផលិត ព្រមទាំងខ្សែសង្វាក់ផលិតកម្មទម្រាំ ច្នៃចេញជាថ្មមួយផ្ទាំងៗដែលជាផលិតផលសម្រេច ពិតជាមិនងាយស្រួលឡើយ។ 

សន្និសីទ ASEAN STONE ធ្វើឡើងនាប្រទេសវៀតណាម បានជួយធ្វើឲ្យក្រុមហ៊ុនរបស់សេដ្ឋីស្រុកខ្មែរ ឡេង ឬទ្ធី កាន់តែមានឈ្មោះបោះសំឡេងថែមមួយកម្រិតទៀត ទៅកាន់ពិភពលោក និងធ្វើឲ្យវិនិយោគិនបរទេសច្រើនឡើង មើលឃើញពីភាពសម្បូរបែបនៃធនធានសំខាន់ៗ ហើយក៏មានប្រទេសដែលមិនទាន់បានស្គាល់ពីសម្បត្តិធម្មជាតិខ្មែរ ងាកមកចាបអារម្មណ៍ចង់សហការជាមួយ ព្រមទាំងជាវយកទៅតុបតែងកន្លែងផ្សេងៗ។

ស្រ្តីខ្មែរក្នុងវិស័យរករុករ៉ែរូបនេះ បញ្ជាក់ថា ជនបរទេសដែលបានចូលទៅក្នុងស្ដង់ និងឃើញពីថ្ម ពិតជាភ្ញាក់ផ្អើល មិននឹកស្មានថាប្រទេសកម្ពុជាមានថ្មកម្រ ប្រណីតបែបនេះឡើយ ក្រោយចប់ពិព័រណ៍ភ្លាម មានការបញ្ជាទិញកើនឡើងច្រើនដូចជា អូស្រ្តាលី អ៊ីតាលី ពិសេសប្រទេសវៀតណាមតែម្ដង។ ចំណែកប្រទេសដែលនៅឆ្ងាយៗ គេបញ្ជាទិញមួយទូរៗសិន ដើម្បីពិនិត្យមើលពីគុណភាពថ្ម និងសាកល្បងក្នុងការទំនាក់ទំនងមកខាងក្រុមហ៊ុន Rithy Granite Cambodia។

ការចូលរួមក្នុងពិព័រណ៍ ASEAN STONE លើកនេះ CEO  ដាវី បង្ហាញយ៉ាងមុតមាំថា ពិតជាទទួលបានភាពជោគជ័យខ្លាំង ព្រោះអ្នកវិនិយោគមកពីអឺរ៉ុប មានបំណងចង់ទិញថ្មពីអាស៊ីទៅលក់បន្តមែន។ ជាពិសេសថ្មខ្មែរ ដែលបានដាក់តាំង រៀបចំស្អាតផ្លឹង ដែលមានសម្រស់ចែងចាំង ទាក់ចិត្តអ្នកឃើញហើយ មិនអាចរំលងបាន។

នៅក្នុងកម្មវិធីពិព័រណ៍ ASEAN STONE បានបង្ហាញឲ្យឃើញកាន់តែច្បាស់ពីថ្មអារខ្មែរ ដែលនាំចេញទៅដោយក្រុមហ៊ុន ឬទ្ធី ក្រានីត នោះ មានភាពលេចធ្លោខ្លាំង ទាំងពណ៌ថ្ម និងការរៀបចំបន្ថែមមានភាពខុសប្លែកពីថ្មប្រទេសដទៃ គ្រាន់តែក្រឡេកទៅភ្លាមឃើញនូវភាព Unique រំលេចចេញនូវអត្តសញ្ញាណខ្មែរ មើលទៅមានភាពថ្លៃថ្នូរជាពិសេស។ 

ការទៅចូលរួមពិព័រណ៍លើកនេះ គឺលក្ខណៈជាសមាគមដូចច្នេះហើយមានពណ៌ជាច្រើន ដែលអាចឲ្យអ្នកវិនិយោគទាក់ចិត្ត និងចង់សហការជាមួយក្រុមហ៊ុនរបស់លោកឧកញ៉ា ឡេង ឬទ្ធី។ នេះបើតាមការឲ្យដឹងពីស្រ្តីអ្នកជំនួញឆ្នើម ឡេង ដាវី។

CEO ឡេង ដាវី បានឡើងថ្លែងបទបង្ហាញកាលពីព្រឹកថ្ងៃ១២ ខែធ្នូ លើប្រធានបទស្ដី៖ «ពីការចែករំលែក និងការអភិវឌ្ឍន៍ថ្មនៃកម្ពុជា» ស្ថិតនៅក្នុង Hall2 Saigon មជ្ឈមណ្ឌលពិព័រណ៍ និងសន្និបាត ទីក្រុងហូជីមិញ ប្រទេសវៀតណាម៕

The post បរទេសលាន់មាត់សរសើរគុណភាពថ្មអារក្រុមហ៊ុន Rithy Granite Cambodia ដែលយកទៅពិព័រណ៍នៅវៀតណាម appeared first on Millions times.

ការតាំងពិព័រណ៍ឧស្សាហកម្មសំណង់កម្ពុជា-អន្តរជាតិ ឆ្នាំ២០២៤ ត្រូវបានបើកសម្ពោធក្រោម​អធិបតី​ភាព​លោក​ សាយ​ សំអាល់​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​ដែនដី​ នគរូបនីយកម្ម​ និង​សំណង់, លោកអ្នកឧកញ៉ា ពុង ឃាវសែ​ ប្រធានសមាគមអ្នកសាងសង់កម្ពុជា និងលោក​ ឃួង​ ស្រេង​ អភិបាល​រាជធានីភ្នំពេញ ស្ថិតមជ្ឈមណ្ឌលសន្និបាត និងពិព័រណ៍កោះពេជ្រ។

តាមដានជាមួយយើង៖ Million Times

ក្រុមហ៊ុន Rithy Granite Cambodia ដែល​បាន​ឈរ​ជើង​លើ​វិស័យ​​អាជីវកម្ម​ថ្ម​អា​ជាង​២៥ ឆ្នាំ​មក​ហើយ និង​ជា​ក្រុមហ៊ុន​នាំ​មុខ ដែល​នាំ​ចេញ​ប្រភេទ​ថ្ម​ម៉ាប និង​ថ្ម​ក្រានីត​យក​ទៅ​ក្រៅ​ប្រទេស។ ក្នុង​បទ​សម្ភាសន៍​ជាមួយ Million Times អគ្គ​នាយិកា​វ័យ​ក្មេង ឡេង ដាវី បាន​ឲ្យ​ដឹង​ថា ក្រុមហ៊ុន​អ្នកស្រី​បាន​រុករក​រ៉ែ​ថ្ម​នេះ នៅ​កម្ពុជា​១០ ខេត្ត​ឯណោះ ហើយ​ខេត្ត​ដែល​សម្បូរ​ជាង​គេ គឺ​ក្រចេះ កំពង់ស្ពឺ បាត់ដំបង ព្រះវិហារ ស្ទឹងត្រែង កំពង់ឆ្នាំង តាកែវ និង​ខេត្ត​កំពត។

បើតាមអ្នកស្រី អំឡុង​ឆ្នាំ ២០១៥-២០១៩ Rithy Granite Cambodia បាន​ទាក់ទាញ​អ្នក​វិនិយោគ​បាន​ជាង ៦០ គម្រោង។ អ្នកស្រី​បាន​បន្ត​ថា ក្រោម​ការ​ជួយ​ជ្រោមជ្រែង​ពី​សំណាក់​ប្រមុខ​ដឹក​នាំ​ប្រទេស​សម្ដេចបវរ​ធិបតី ហ៊ុន ម៉ាណែត នាយករដ្ឋមន្ត្រី​កម្ពុជា ក្នុង​ការ​កាត់​បន្ថយ​​ពន្ធ​នាំ​ចេញ និង​សម្រួល​បែបបទ វិស័យថ្ម​អា​កាន់តែ​រីក​ចម្រើន​ខ្លាំង​ថែម​ទៀត ដោយសារ​តែ​អ្នក​វិនិយោគ​មាន​ទឹក​ចិត្ត​កាន់តែ​ខ្លាំង។

សេដ្ឋី​នី​វ័យ​ក្មេង​រូបនេះ​បាន​បន្ត​ទៀត​ថា ការ​លក់​ចេញ​ថ្ម​អា​ឆ្នាំ ២០២៣-២០២៤ នេះ មាន​ការ​កើន​ឡើង​ដល់​ទៅ ៤ ដង​ឯណោះ ស្មើ​ពី ២ ទៅ ៣ ម៉ឺន​កុងតឺន័រ/ខែ) ហើយ​មួយ​ឆ្នាំ​អាច​ចន្លោះ​ពី ២០ ទៅ ៣០ ម៉ឺន​កុងតឺន័រ។ និយាយ​ដល់​គុណ​សម្បត្តិ​នៃ​​ថ្ម​អារ គឺ​ធន់ រឹង មិន​ឆ្ងួត ហើយ​ ក្រុមហ៊ុន Rithy Granite Cambodia និង​ក្រុមហ៊ុន ឫទ្ធី 2ធ្នូ អ៊ិនវេសមេន មិន​ត្រឹម​ចែកចាយ​ផលិតផល​នៅ​ក្នុង​ស្រុក​ឡើយ ប្រទេស​ជាច្រើន​ក៏​បាន​ទំនាក់ទំនង​នាំ​ចូល​ថ្ម​ពី​ក្រុមហ៊ុន​អ្នកស្រី​ដូចគ្នា។

ក្នុង​នោះ​ប្រទេស​នៅ​អាស៊ី​មាន​ដូចជា​វៀតណាម ចិន តៃវ៉ាន់ ចំណែក​ប៉ែក​អឺរ៉ុប​មាន អ៊ីតាលី អាល្លឺម៉ង់ ប្រទេស​តួគី និង​ប្រទេស​ជាច្រើន​ទៀត​ជុំវិញ​ពិភពលោក។ រីឯ​តម្លៃ​ថ្ម​របស់​ក្រុមហ៊ុន ឬទ្ធី ក្រានីត វិញ​មាន​ចាប់ពី ១០ ដុល្លារ រហូត​ដល់ ១០០០ ដុល្លារ/ម៉ែត្រ​ការ៉េ។ ចក្ខុវិស័យ​បន្ត​នៃ​ក្រុមហ៊ុន Rithy Granite Cambodia គឺ​បន្ត​ការ​ចូលរួម​តាំង​ពិព័រណ៌ និង​ធ្វើ​បទ​បង្ហាញ​ផ្សេង​ៗ ដើម្បី​ចាប់​យក​ការ​វិនិយោគ និង​ការ​នាំ​ចេញ​បន្ថែម​ទៅ​ទ្វីប​អឺរ៉ុប៕

អត្ថបទ៖ មេរ៉ា រូបភាព៖ ជេកម៉ា

The post ពិតជាមិនធម្មតា ក្រុមហ៊ុន Rithy Granite Cambodia របស់សេដ្ឋីនី ឡេង ដាវី នាំថ្មម៉ាបចេញទៅច្រើនប្រទេសថ្នាក់នេះ appeared first on Millions times.