តារា​សម្ដែង និង​ពិធី​ការិនី ហ៊ិន ច័ន្ទនីរ័ត្ន កាន់តែស្រស់ស្អាត​ទៅ​ៗ ក្រោយ​មាន​ស្វាមី និង​ត្រូវ​បាន​មិត្ត​រួម​អាជីព​ហៅ​បែប​បង្អាប់​លេង​ថា លោក​ជំទាវ​ៗ​ពេញ​ៗ​មាត់។ នីរ័ត្ន ក្លាយ​ជា​តារា​ស្រី​ហាយសូ ដែល​កាន់​កាបូប និង​ប្រើប្រាស់​ឡាន​ស៊េរី​ទំនើប។

តាមដានជាមួយយើង៖ Million Times

ហ៊ិន ច័ន្ទនីរ័ត្ន ខុស​ពី​តារា​មួយ​ចំនួន បើ​ទោះ​ជា​ក្រោយ​រៀបការហើយ តែ​ការងារ​អ្នកនាង បែរជា​កាន់តែ​កាន់​ឡើង។ ស្វាមី​ក៏​ជា​អ្នក​មាន​មុខ​មាត់​ក្នុង​សង្គម​ដែរ​នោះ តែ​លោក ពេជ្រ តាម​ចិត្ត​ភរិយា​រូប​ស្រស់ ដោយ​បន្ត​ការងារ​ជា​អ្នក​សិល្បៈ​ដដែល ហើយ​លោក​ថែម​ទាំង​ចូល​រួម​ថត​ផ្សាយផលិតផល​ជាមួយ​ភរិយា​ទៀត​ផង។

អ្នក​សិល្បៈ​ដូច​គ្នា​ក៏​លាន់​មាត់​សរសើរ​ពី​ព្រេងវាសនា​តារា​ស្រី​វ័យ ៣៤ ឆ្នាំ​នេះ​ថា កាន់​តែ​ស្អាត ហើយ​ការ​រៀបចំ​ខ្លួន​ក៏​បែប​អភិជន​ទៅតាម​ឋានៈ​ស្វាមី​ផង​ដែរ ព្រម​ទាំង​បាន​រស់នៅ​ក្នុង​ភូមិគ្រឹះ​ធំ​ល្វឹងល្វើយ ឡាន​តម្រៀប​គ្នា​ពេញ​មុខ​ផ្ទះ។ កាន់តែ​ពិសេស​មាន​ស្វាមី​ស្រលាញ់​ ថ្នាក់ថ្នម​មិន​ឲ្យ​ឃ្នើស​ចិត្ត និង​តែង​លេច​មុខ​ក្នុង​កម្មវិធី​ធំ​ៗ​បណ្ដើរ​គ្នា​ត្រសង។ អ្នក​គាំទ្រក៏​សរសើរ​ថារាសី នីរ័ត្ន ឡើង​ស្រឺត​ៗក្រោយ​មាន​ស្វាមី​ជា​មន្រ្តី ព្រោះ​ទាំងការ​ងារ​មិន​បាន​ថមថយ​ហើយ សម្រស់​កាន់តែ​ក្មេង​ជាង​វ័យ​ទៅ​វិញ។

មិន​តែ​ប៉ុណ្ណោះ​គេ​សង្កេត​ឃើញ​ថា ស្វាមី របស់​អ្នកនាង ហ៊ិន ច័ន្ទនីរ័ត្ន តាំង​ពី​រៀបការ​រួច​មក តាម​នាង​គ្រប់​ជំហាន ថែម​ទាំងជា​អ្នក​​ថត​ភរិយា​គ្រប់​សកម្មភាព​ផង​ដែរ។ ងាក​មក​មើល​ការ​តុបតែង​ខ្លួន និង​ការ​លេង Style វិញ​ពិធី​ការិនី​របស់​ស្ថានីយ​ទូរទស្សន៍​បាយ័ន រូប​នេះ កាន់តែ​ប្លែក និង​របស់​ប្រើប្រាស់​សុទ្ធតែ​ម៉ាក​ល្បី​ៗ។

ហ៊ិន ច័ន្ទនីរ័ត្ន បាន​ធ្វើឲ្យ​មហាជន​ស្ញប់ស្ញែង​ខ្លាំង ក្រោយ​ចូល​រោងការ​រៀបចំ​បែប​អភិជន​មិន​ចាញ់​កូន​សេដ្ឋី​ដទៃ​ក្នុង​ស្រុក​ឡើយ ហើយ​ភ្ញៀវ​ទៀតសោត​សុទ្ធតែ​ជា​ថ្នាក់​ដឹកនាំ​តាម​ស្ថាប័ន​ធំ​ៗ និង​អ្នក​ជំនួញ​លំដាប់​ប្រទេស៕

The post ហ៊ិន ច័ន្ទនីរ័ត្ន ក្រោយមានស្វាមីរាសីឡើងស្រឺតៗក្លាយជាតារាស្រីហាយសូ សមឋានៈ appeared first on Millions times.