ហួត ហាក់ Archives - Millions times

ម្ចាស់ថោនគ្រុប លោកស្រី ជួប មាន អ្នកជំនួញស្រីទាំងស្អាត និងពូកែ Fashion

Vin Chang — Mon, 27 Apr 2026 10:05:35 +0000

លោកស្រី ជួប មាន ដែលជាម្ចាស់ថោនគ្រុប តែងតែត្រូវបានគេលើកសរសើរពីរូបសម្រស់ស្រស់ស្អាត និងពូកែលេង Fashion ប្រេនល្បីៗស័ក្ដិសមជាមួយរូបរាង សម្លៀកបំពាក់ គ្រប់ពេលវេលាតែម្ដង។

តាមដានជាមួយយើង៖ Million Times

អំឡុងពេលលោកស្រី ជួប មានទៅចូលជួបសម្ដែងការគួរសម និងពិភាក្សាការងារជាមួយលោក ហួត ហាក់ រដ្ឋមន្ត្រីក្រសួងទេសចរណ៍ ស្តីពី កិច្ចសហប្រតិបត្តិការក្នុងការលើកកម្ពស់វិស័យទេសចរណ៍កម្ពុជា អគ្គនាយិកាក្រុមហ៊ុន ថោន អេនធើធេនម៉ិនគ្រុប ស្ថិតក្នុងសម្លៀកបំពាក់ប្រពៃណី និងមានបន្ថែមគ្រឿងអលង្ការប្រេន Dior ។

ក្រវិល Dior Tribales Earrings Gold-Finish Metal with White Resin Pearls and Crystals ដែលមានតម្លៃខ្ទង់ពាន់ដុល្លារ ជាមួយឈុតផាមួងខ្មែរដ៏ស្រស់ស្អាត។ បូករួមស្បែកជើង Jimmy Choo Light Bronze Crystal Love 85 Pumps តម្លៃ ២ ៧៥៥ ដុល្លារ ស៊ីគ្នាជាមួយឈុត និងក្រវិល។

គួរបញ្ជាក់ថា នៅក្នុងជំនួបពិភាក្សាលោកស្រី ជួប មាន បានលោក ហួត ហាក់ រដ្ឋមន្ត្រីក្រសួងទេសចរណ៍ អំពីកិច្ចសហប្រតិបត្តិការរវាងក្រសួងទេសចរណ៍ និងក្រុមហ៊ុននាពេលកន្លងមក និងការប្តេជ្ញាចិត្តរបស់ក្រុមហ៊ុនក្នុងការចូលរួមចំណែកជាមួយក្រសួងទេសចរណ៍ ក្នុងការលើកកម្ពស់វិស័យទេសចរណ៍កម្ពុជា តាមរយៈការផលិតមាតិកាផ្សព្វផ្សាយ កម្មវិធីកម្សាន្ត និងសកម្មភាពកីឡា សិល្បៈ វប្បធម៌ ដើម្បីទាក់ទាញភ្ញៀវទេសចរអន្តរជាតិឱ្យទស្សនាកម្ពុជា ឱ្យកាន់តែច្រើនបន្ថែមទៀត។

អត្ថបទ៖ឆដា, រូបភាព៖ Huot Hak

The post ម្ចាស់ថោនគ្រុប លោកស្រី ជួប មាន អ្នកជំនួញស្រីទាំងស្អាត និងពូកែ Fashion appeared first on Millions times.

កើនឡើងខ្លាំង! កម្ពុជាទទួលភ្ញៀវទេសចរចិនជាង១លាននាក់ក្នុងឆ្នាំ២០២៥ កើនជាង៤០ភាគរយ

Vin Chang — Tue, 03 Feb 2026 09:29:19 +0000

ក្រោមយុទ្ធនាការជំរុញទីផ្សារយ៉ាងសកម្មរបស់កម្ពុជា ឃើញថាក្នុងឆ្នាំ២០២៥កន្លងទៅទទួលបានលទ្ធផលល្អប្រសើរមែនទែន ដោយកម្ពុជាទទួលបានភ្ញៀវទេសចរចិន១,៥លាននាក់ កើនឡើងដល់ទៅជាង៤០ភាគរយ។ នេះបើតាមរបាយការណ៍ក្រសួងទេសចរណ៍បង្ហាញពេញមួយឆ្នាំ២០២៥។

តាមដានជាមួយយើង៖ Million Times

ក្នុងពិធីបើកសន្និបាតបូកសរុបលទ្ធផលការងារវិស័យទេសចរណ៍ឆ្នាំ២០២៥ និងលើកទិសដៅការងារឆ្នាំ ២០២៦ រដ្ឋមន្ត្រីក្រសួងទេសចរណ៍ លោក ហួត ហាក់ មានប្រសាសន៍ថា ក្នុងឆ្នាំ២០២៥ កម្ពុជាទទួលបានទេសចរអន្តរជាតិសរុប ៥ ៥៦៩ ៧៥២នាក់ ថយចុះ ១៦,៩ភាគរយ បើធៀបនឹងឆ្នាំ២០២៤។ ប៉ុន្តែ ភ្ញៀវចិនដែលមកកម្សាន្តកម្ពុជា បែរជាមានកំណើនរហូតដល់ ៤១,៥ភាគរយ។

កាលឆ្នាំ២០២៥ កម្ពុជា ទទួលបានភ្ញៀវទេសចរចិន ១ ២០១ ៦៨១នាក់។ ដើម្បីទាក់ទាញភ្ញៀវទេសចរចិន ក្រសួងទេសចរណ៍បានដាក់ចេញយុទ្ធនាការ “ឆ្នាំទេសចរណ៍ កម្ពុជា-ចិន ២០២៥” ពិធីបិទ “ឆ្នាំនៃការផ្លាស់ប្ដូរប្រជាជន និងប្រជាជន កម្ពុជា-ចិន” ពិធីបើកជាផ្លូវការ “ឆ្នាំទេសចរណ៍ កម្ពុជា-ចិន ២០២៥” អមដោយការសម្ដែងសិល្បៈពិសេស “សម្រស់កម្ពុជា-ជាំងស៊ី” ការរៀបចំវេទិកាទេសចរណ៍កម្ពុជា-ចិន និងមហោស្រពតន្ត្រីទេសចរណ៍អន្តរជាតិនៅខេត្តសៀមរាប។ ចូលរួមព្រឹត្តិការណ៍នៅតាមបណ្ដាខេត្តរបស់ចិនដូចជា សានទុង, យូណាន, សានស៊ី (Shanxi) និងក្វាងស៊ី និងបង្កើតព្រឹត្តិការណ៍ជាច្រើនទៀត។

ដោយឡែក លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជាបានឱ្យដឹងថា ការកើនឡើងនៃចំនួនភ្ញៀវទេសចរចិននេះ ដោយសារតែកម្ពុជាមានសកម្មភាពច្រើនទាំងរដ្ឋ និងឯកជនបានធ្វើការស្រុះគ្នា ក្នុងការផ្សព្វផ្សាយ ការចូលរួមពិព័រណ៍អន្តរជាតិនានានៅប្រទេសចិន។

យោងតាមរបាយការណ៍ធនាគារជាតិ នៃកម្ពុជាបានឱ្យដឹងថា ចំណូលទេសចរណ៍អន្តរជាតិឆ្នាំ២០២៥ ត្រូវបានប៉ាន់ស្មានថា អាចមានប្រមាណ ៣,៧ ពាន់លានដុល្លារ ដោយកើនឡើង ៣ភាគរយបើធៀបនឹងឆ្នាំ២០២៤។ ដែលប្រាក់ចំណូលពីវិស័យទេសចរអន្តរជាតិកើនឡើង ប៉ុន្តែចំនួនភ្ញៀវទេសចរអន្តរជាតិធ្លាក់ចុះ គឺអាចដោយសារតែជម្លោះប្រដាប់អាវុធនៅតាមព្រំដែនថៃ និងសភាពការណ៍ពិភពលោកមានការប្រែប្រួល៕

អត្ថបទ៖ ឆដា,រូបភាព៖ ក្រសួងទេសចរណ៍ និង អ៊ីនធឺណេត

The post កើនឡើងខ្លាំង! កម្ពុជាទទួលភ្ញៀវទេសចរចិនជាង១លាននាក់ក្នុងឆ្នាំ២០២៥ កើនជាង៤០ភាគរយ appeared first on Millions times.

ក្រុមហ៊ុនទេសចរណ៍ចិនធំមកពី ១៤ ខេត្ត ក្រុង និងរដ្ឋធានី ចាប់អាម្មរណ៍លើសក្តានុពលទេសចរណ៍កម្ពុជា

Vin Chang — Tue, 23 Dec 2025 07:58:14 +0000

ក្រុមហ៊ុនទេសចរណ៍ចិនធំៗ មកពី១៤ ខេត្ត ក្រុង និង រដ្ឋធានី ប៉េកាំង បានចាប់អារម្មណ៍លើសក្តានុពលទេសចរណ៍ និងកាលានុវត្តភាពវិនិយោគទេសចរណ៍ដ៏ទាក់ទាញរបស់ប្រទេសកម្ពុជា។ នេះបើតាមការឲ្យដឹងពីក្រសួងទេសចរណ៍កាលពីពេលថ្មីៗនេះ។

តាមដានជាមួយយើង៖ Million Times

រដ្ឋមន្ត្រីក្រសួងទេសចរណ៍លោក ហួត ហាក់ បានអញ្ជើញបើក «វេទិកាជំនួបផ្គូផ្គងធុរកិច្ចទេសចរណ៍អន្តរជាតិ កម្ពុជា-ចិន» ដោយមានការចូលរួមពីលោក Jiang Chao តំណាងស្ថានទូតសាធារណរដ្ឋប្រជាមានិតចិនប្រចាំកម្ពុជា ឯកឧត្ដម-ថ្នាក់ដឹកនាំតំណាងក្រសួង ស្ថាប័ន អភិបាលរងរាជធានីភ្នំពេញ ក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) សមាគមពាណិជ្ជកម្មចិន និងកម្ពុជា ក្រុមហ៊ុនទេសចរណ៍ និងធុរជនកម្ពុជា-ចិន ព្រមទាំងភ្ញៀវកិត្តិយសជាតិ និងអន្តរជាតិសរុបជាង ៥០០ នាក់ នៅសណ្ឋាគារសុខា រ៉េស៊ីដង់ រាជធានីភ្នំពេញ។

អ្នករៀបចំកម្មវិធីវេទិកាធុរកិច្ចចិន និងកម្ពុជា បានរាយការណ៍ជូនអំពីការចូលរួមក្នុងជំនួបផ្គូផ្គងដែលមានអ្នកទិញ ៦៣ ក្រុមហ៊ុនទេសចរណ៍ធំៗ ពីខេត្តក្រុង១៤ និងរដ្ឋធានីប៉េកាំងនៃប្រទេសចិន ប្រទេសម៉ាឡេស៊ី និងវៀតណាម ហើយអ្នកលក់ជាការីទេសចរណ៍កម្ពុជាធំៗ ៧៥ក្រុមហ៊ុន ដែលមានចាប់អារម្មណ៍ពីក្រុមហ៊ុនអាកាសចរណ៍ជាតិ Air Cambodia និងសណ្ឋាគារម៉ាកអន្តរជាតិល្បីៗ ជាច្រើនជាមួយនឹងការរំពឹងទុកលើលទ្ធផលចុះកិច្ចសន្យាទិញកញ្ចប់ទស្សនកិច្ចចាប់ពី ៧៥% ឡើងទៅ។

អ្នករៀបចំកម្មវិធី ក៏បានរៀបចំជូនអ្នកទិញដំណើរទស្សនកិច្ចស្វែងយល់ពីសក្ដានុពលទេសចរណ៍ទៅជាច្រើនគោលដៅទេសចរណ៍របស់កម្ពុជាដូចជារាជធានីភ្នំពេញ ខេត្តព្រះសីហនុ ខេត្តសៀមរាប។

ឆ្លៀតក្នុងឱកាស «វេទិកាជំនួបផ្គូផ្គងធុរកិច្ចទេសចរណ៍អន្តរជាតិ កម្ពុជា-ចិន» រដ្ឋមន្ត្រីក្រសួងទេសចរណ៍ បានកោតសរសើរ និងវាយតម្លៃខ្ពស់ ព្រមទាំងអំណរគុណ ចំពោះការអញ្ជើញមករបស់ធុរជនចិន ដែលពិតជាបានពិនិត្យមើលជាក់ស្ដែងពីសក្ដានុពលទេសចរណ៍ និងកាលានុវត្តវិនិយោគកម្ពុជា នាពេលនេះ ជាពិសេសប្រទេសកម្ពុជា គឺជាគោលដៅទេសចរណ៍អន្តរជាតិ ប្រកបដោយសុខសុវត្ថិភាព មិត្តភាព បដិសណ្ឋារកិច្ចកក់ក្ដៅ និងមានភាពទាក់ទាញ។

លោកក៏បានស្នើគ្រប់ភាគីទាំងអស់ ត្រូវបន្តជួយផ្សព្វផ្សាយ សក្ដានុពលទេសចរណ៍កម្ពុជា ពិសេសការលើកលែង ទិដ្ឋាការដល់ប្រជាជនចិននាឆ្នាំ២០២៦ ខាងមុខនេះឲ្យបានទូលំទូលាយ និងដល់ភ្ញៀវរបស់ក្រុមហ៊ុន ដើម្បីបង្កើនចំនួនភ្ញៀវចិន មកទស្សនាកម្ពុជាកាន់តែច្រើនឡើងបន្ថែមទៀត។

យោងតាមរយៈស្ថិតិទេសចរណ៍ រយៈពេល ១១ខែ ឆ្នាំ ២០២៥ នេះ កម្ពុជា ទទួលបានភ្ញៀវទេសចរអន្តរជាតិសរុបជិត ៥,២ លាននាក់ ដែលក្នុងនោះ ភ្ញៀវមកពីចិន មានចំនួនច្រើនជាង ១,១លាននាក់ កើនឡើងជិត ៤៤% ធៀបនឹងរយៈពេលដូចគ្នា កាលឆ្នាំ ២០២៤៕

អត្ថបទ៖ ឆដា, រូបភាព៖ ក្រសួងទេសចរណ៍

The post ក្រុមហ៊ុនទេសចរណ៍ចិនធំមកពី ១៤ ខេត្ត ក្រុង និងរដ្ឋធានី ចាប់អាម្មរណ៍លើសក្តានុពលទេសចរណ៍កម្ពុជា appeared first on Millions times.

ឧកញ៉ា ឌិន សុមេធារិទ្ធ ទៅធុរកិច្ចនៅម៉ាឡេស៊ី និងជួបតារាចិន ព្រមទាំងណែនាំពីព្រលានថ្មីដល់ Fan Bingbing

Vin Chang — Tue, 30 Sep 2025 07:56:39 +0000

ឧកញ៉ា ឌិន សុមេធារិទ្ធ សហស្ថាបនិក និងជានាយកប្រតិបត្តិនៅ The Frangipani Hotel Group បានធ្វើដំណើរអមរដ្ឋមន្ត្រីក្រសួងទេសចរណ៍ លោក ហួត ហាក់ ក្នុងកម្មវិធី ទិវាទេសចរណ៍ពិភពលោក នាទីក្រុងម៉ាឡាកា ប្រទេសម៉ាឡេស៊ី ដែលទើបបញ្ចប់កាលពីពេលថ្មីៗនេះ។

តាមដានជាមួយយើង៖ Million Times

សហស្ថាបនិក និងជានាយកប្រតិបត្តិនៅ The Frangipani Hotel Group ឧកញ៉ា ឌិន សុមេធារិទ្ធ ក៏ជា ប្រធានសហព័ន្ធទេសចរណ៍កម្ពុជាផងដែរ។ នាឱកាសចេញទៅចូលរួមWorld Tourism Day 2025 ឧកញ៉ា សុមេធារិទ្ធ និងគណៈប្រតិភូកម្ពុជាជាច្រើនរូបបានជួបពិភាក្សាតូចមួយ ជាមួយកំពូលតារាសម្ដែងចិន Fan Bingbing នៅទីនោះផងដែរ។

Fan Bingbing បេសកជនទេសចរណ៍របស់ទីក្រុងម៉ាឡាកា ហើយក្នុងជំនួបក្រៅផ្លូវការរវាងថ្នាក់ដឹកនាំក្រសួងទេសចរណ៍កម្ពុជា និងកំពូលតារាចិនមានគម្រោង និងសម្រេចបានផ្លែផ្កាយ៉ាងណានោះ ប្រធានសហព័ន្ធទេសចរណ៍កម្ពុជា មិនបានបញ្ជាក់ឡើយ។

មិនត្រឹមតែជួបពិភាក្សាគ្នាធម្មតាឡើយ ឧកញ៉ា ឌិន សុមេធារិទ្ធ ក៏ឆ្លៀតប្រម៉ូតប្រាប់ Fan Bingbing ពីព្រលានយន្តហោះថ្មី ដែលកម្ពុជាទើបដំណើរការនៅក្នុងខែនេះ។ នាយកប្រតិបត្តិនៅ The Frangipani Hotel Group បានបង្ហោះវីដេអូជាមួយតារាចិន ហើយក៏ជាអ្នកជំនួញគ្រឿងថែរក្សាសម្រស់ដ៏ល្បីរបស់ចិន ភ្ជាប់នឹងសំណេរថា «អួតពីព្រលានយន្តហោះអន្តរជាតិតេជោ ដល់តារាចិនដ៏ល្បីល្បាញ Fan Bing Bing ដើម្បីឲ្យគាត់មកលេងស្រុកខ្មែរ និងជួយផ្សព្វផ្សាយទេសចរណ៍កម្ពុជា ព្រោះគាត់មាន followers ជាងមួយពាន់លាននាក់»។

គណៈប្រតិភូកម្ពុជាដែលជាបុគ្គលសំខាន់ៗមានដូចជាលោក ហួត ហាក់ រដ្ឋមន្ត្រីក្រសួងទេសចរណ៍, ឧកញ៉ា ឌិន សុមេធារិទ្ធ ប្រធានសហព័ន្ធទេសចរណ៍កម្ពុជា ,លោកបណ្ឌិត ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិចប្រចាំប្រទេសកម្ពុជា, លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជាសុទ្ធតែបានជួប និងថតរូបជាមួយ Fan Bingbing៕

អត្ថបទ៖ ឆដា, រូបភាព៖ Sivlin Chhay, Somethearith Din, Thourn Sinan

The post ឧកញ៉ា ឌិន សុមេធារិទ្ធ ទៅធុរកិច្ចនៅម៉ាឡេស៊ី និងជួបតារាចិន ព្រមទាំងណែនាំពីព្រលានថ្មីដល់ Fan Bingbing appeared first on Millions times.

ក្រសួងទេសចរណ៍ និងធនាគារជាតិ ពិភាក្សាគ្នាជួយផ្សព្វផ្សាយឱ្យបានកាន់តែទូលំទូលាយនូវកម្មវិធីទូទាត់បាគងទេសចរ

Vin Chang — Thu, 17 Jul 2025 08:04:33 +0000

ក្រសួងទេសចរណ៍ និងធនាគារជាតិនៃកម្ពុជា បានប្រកាសរួមគ្នាពង្រឹងកិច្ចសហប្រតិបត្តិការលើការលើកកម្ពស់វិស័យទេសចរណ៍ និងជំរុញការប្រើប្រាស់ប្រាក់រៀល ដើម្បីលើកស្ទួយអត្តសញ្ញាណជាតិ។ ការប្រកាសធ្វើការរួមគ្នានេះ ធ្វើឡើងកាលរសៀលថ្ងៃទី១៦ ខែកក្កដា ឆ្នាំ២០២៥ តាមរយៈជំនួបរវាងលោក ហួត ហាក់ រដ្ឋមន្ត្រីក្រសួងទេសចរណ៍ និងលោកស្រី ជា សិរី ទេសាភិបាលធនាគារជាតិនៃកម្ពុជា។

តាមដានជាមួយយើង៖ Million Times

លោកបានកោតសរសើរ និងវាយតម្លៃខ្ពស់ចំពោះលោកស្រី ជា សិរី និងសហការី ចំពោះសមិទ្ធផលជាច្រើនដែលធនាគារជាតិនៃកម្ពុជា សម្រេចបាននាពេលកន្លងមក មានជាអាទិ៍៖ ការទទួលយកប្រាក់ដុល្លារដែលចាស់ឬប្រឡាក់, ប្រព័ន្ធទូទាត់បាគង, ការដាក់ឱ្យដំណើរការ «Bakong Tourist App» ដែលពិតជាបានចូលរួមចំណែកគាំទ្រវិស័យទេសចរណ៍នៅកម្ពុជា តាមរយៈការជួយសម្រួលដល់ការទូទាត់របស់ភ្ញៀវទេសចរអន្តរជាតិ ដែលអញ្ជើញមកកម្សាន្តនៅប្រទេសកម្ពុជា។

ក្នុងជំនួបនេះ ក្រសួងទេសចរណ៍ និងធនាគារជាតិនៃកម្ពុជា បានពិភាក្សាស្តីពីការជួយផ្សព្វផ្សាយឱ្យបានកាន់តែទូលំទូលាយនូវកម្មវិធីទូទាត់បាគងទេសចរ (Bakong Tourists App) ដែលនឹងអាចមានកិច្ចសហប្រតិបត្តិការជាមួយនឹង (Visit App Cambodia) ដើម្បីសម្រួលដល់ការទូទាត់របស់ភ្ញៀវទេសចរអន្តរជាតិ និងជួយផ្សព្វផ្សាយសារមន្ទីរសេដ្ឋកិច្ច និងរូបីយវត្ថុព្រះស្រីឦសានវ័រ្មន (ស.ស.រ.) ដែលជាផលិតផលទេសចរណ៍ប្រវត្តិសាស្ត្រមួយដែលស្ថិតនៅចំកណ្តាលបេះដូងរាជធានីភ្នំពេញ ព្រមទាំងចូលរួមផ្សព្វផ្សាយនូវយុទ្ធនាការទស្សនាកម្ពុជានៅរដូវកាលបៃតង ចាប់ពីខែឧសភា ដល់ខែតុលា។

ធនាគារជាតិនៃកម្ពុជា បានសម្ពោធដាក់ឱ្យដំណើរការបឋម កម្មវិធីទូទាត់បាគងទេសចរ (Bakong Tourists) នៅថ្ងៃចន្ទ ទី១៩ ខែសីហា ឆ្នាំ២០២៤ នៅខេត្តសៀមរាប ដែលនឹងរួមចំណែកលើកកម្ពស់វិស័យទេសចរណ៍នៅកម្ពុជា តាមរយៈការផ្តល់ជាមធ្យោបាយទូទាត់តាមអេឡិចត្រូនិក ដែលអាចឱ្យទេសចរអន្តរជាតិធ្វើប្រតិបត្តិការទូទាត់ទំនិញ និងសេវាប្រកបដោយប្រសិទ្ធភាព និងភាពងាយស្រួល ព្រមទាំងទទួលបាននូវបទពិសោធន៍ថ្មីនៃការទូទាត់ឌីជីថលនៅកម្ពុជា។

The post ក្រសួងទេសចរណ៍ និងធនាគារជាតិ ពិភាក្សាគ្នាជួយផ្សព្វផ្សាយឱ្យបានកាន់តែទូលំទូលាយនូវកម្មវិធីទូទាត់បាគងទេសចរ appeared first on Millions times.

កម្ពុជា-វៀតណាម ដាក់ផែនការរួមគ្នាទាក់ទាញភ្ញៀវទេសចរអន្តរជាតិមកទស្សនាក្នុងរដូវកាលបៃតង

Vin Chang — Wed, 28 May 2025 03:12:02 +0000

កម្ពុជា និងវៀតណាម រួមគ្នាសហការតភ្ជាប់ការដឹកជញ្ជូនទេសចរណ៍ ដើម្បីទាក់ទាញទេសចរអន្តរជាតិ និងក្នុងស្រុកឱ្យកាន់តែច្រើននៅក្នុងរដូវកាលបៃតង។ ប្រកាសរួមគ្នានេះបានធ្វើក្នុងជំនួបរវាងរដ្ឋមន្រ្តីក្រសួងទេសចរណ៍កម្ពុជា និងទូតវៀតណាមប្រចាំភ្នំពេញ កាលព្រឹកថ្ងៃទី២៧ ខែឧសភា ឆ្នាំ២០២៥។

តាមដានជាមួយយើង៖ Million Times

នៅក្នុងជំនួបនេះ កម្ពុជា វៀតណាម បានពិភាក្សាផ្លាស់ប្តូរទស្សនៈ និងយុទ្ធសាស្រ្ត ដើម្បីពង្រឹង និងពង្រីកកិច្ចសហប្រតិបត្តិលើវិស័យទេសចរណ៍បន្ថែមទៀត ជាពិសេសគឺការទាក់ទាញភ្ញៀវទេសចរអន្តរជាតិមកទស្សនាប្រទេសជិតខាងទាំងពីរឱ្យច្រើនឡើងថែមទៀតក្នុងរដូវកាលបៃតងនេះ ដោយផ្តោតលើការអភិវឌ្ឍហេដ្ឋារចនាសម័ន្ធតភា្ជប់គោលដៅទេសចរណ៍រវាងប្រទេសទាំងពីរឱ្យកាន់តែមានភាពងាយស្រួលនិងចំណេញពេលវេលា ទាំងផ្លូវគោក ផ្លូវទឹក និងផ្លូវអាកាសដោយបង្កើនការហោះហើរត្រង់ និងទៀងទាត់ពីទីក្រុងធំៗ របស់វៀតណាមមកតំបន់ទេសចរណ៍កម្ពូជា ការសំរួលបែបបទធ្វើដំណើរ ព្រមទាំងកិច្ចសហការរៀបចំព្រឹត្តការណ៍ទេសចរណ៍ជាលក្ខណៈអន្តរជាតិថ្មីៗ និងទាក់ទាញ។ល។

រដ្ឋមន្ត្រីក្រសួងទេសចរណ៍ លោក ហួត ហាក់ និងឯកអគ្គរដ្ឋទូតវៀតណាមប្រចាំកម្ពុជា លោក Nguyễn Minh Vũ បានបង្ហាញនូវទស្សនៈរួមគ្នាថា ទេសចរណ៍ត្រូវបានថ្នាក់ដឹកនាំជាន់ខ្ពស់នៃប្រទេសទាំងពីរ ចាត់ទុកថាមានសារៈសំខាន់ក្នុងការជួយជម្រុញកំណើនសេដ្ឋកិច្ច និងលើកស្ទួយជីវភាពប្រជាជន ព្រមទាំងបានជួយលើកកម្ពស់ការពង្រឹងចំណងសាមគ្គីភាព និងមិត្តភាពជាប្រពៃណីរវាងប្រជាជននៃប្រទេសទាំងពីរ ហើយកំណើនចំនួនទេសចរវៀតណាមមកកម្ពុជាពីមួយឆ្នាំទៅមួយឆ្នាំនេះ បានមកពីកត្តាសុខសន្តិភាព ស្ថិរភាពនយោបាយ សណ្តាប់ធ្នាប់សាធារណៈល្អរបស់កម្ពុជាដែលធ្វើកម្ពុជាត្រូវបានចាត់ទុកថាជាគោលដៅទេសចរណ៍មានសុខសុវត្តិភាពខ្ពស់ និងមានការអភិវឌ្ឍឆាប់រហ័សលើគ្រប់វិស័យពីសំណាក់អ្នកទេសចរ និងធុរជនវៀតណាម និងអន្តរជាតិ។

បើតាមរបាយការណ៍របស់ក្រសួងទេសចរណ៍កម្ពុជា នៅក្នុងឆ្នាំ២០២៤ ទទួលបានភ្ញៀវទេសចរបរទេសចំនួន ៦,៧០០,១២៥ នាក់កើនឡើងចំនួន ២២.៩ ភាគរយ បើធៀបរយៈពេលដូចគ្នាក្នុងឆ្នាំ២០២៣។ ក្នុងនោះភ្ញៀវទេសចរបរទេសដែលមកកម្ពុជាច្រើនជាងគេ មានដូចជា៖ ថៃ ២,១៤៦,៦៧៤ នាក់, វៀតណាម ១,៣៤០,៥៨៧ នាក់, ចិន ៨៤៨,៩៥២ នាក់, ឡាវ ៣៣៤,៤៤៨ នាក់, សហរដ្ឋអាម៉េរិក ២១៤,៥២៩ នាក់, សាធារណរដ្ឋកូរ៉េ ១៩២,៣០៥ នាក់, ឥណ្ឌូវនេស៊ី ១៦៦,៧៩៥ នាក់, បារាំង ១៣១,៧៣៨ នាក់, អង់គ្លេស ១១៥,១៤៨ នាក់, ជប៉ុន ១១២,៧១៨ នាក់៕

អត្ថបទ៖ លីហ្សា រូបភាព៖ ផេកក្រសួងទេសចរណ៍

The post កម្ពុជា-វៀតណាម ដាក់ផែនការរួមគ្នាទាក់ទាញភ្ញៀវទេសចរអន្តរជាតិមកទស្សនាក្នុងរដូវកាលបៃតង appeared first on Millions times.

កូនប្រុសរដ្ឋមន្រ្តី ៣រូបបញ្ចប់ការសិក្សាថ្នាក់ទី១២ ពីសាលាអន្តរជាតិ ISPP

Vin Chang — Mon, 26 May 2025 02:50:45 +0000

នាពេលថ្មីៗនេះ យុវជន ៣រូបដែលជាកូនប្រុសរដ្ឋមន្រ្តីក្នុងគណៈរដ្ឋមន្រ្តីកម្ពុជាបានបញ្ចប់ការសិក្សាថ្នាក់ទី១២ នៅសាលាអន្តរជាតិភ្នំពេញ International School of Phnom Penh (ISPP) ជាសាលាលំដាប់អភិជន។

យុវជនកូនរដ្ឋមន្រ្តីទាំង ៣រូបដែលបានប្រឡងជាប់ថ្នាក់ទី១២ ពីសាលាអន្តរជាតិភ្នំពេញ (ISPP DIPLOMA) ទី១ ឈ្មោះ ឈាង សុវណ្ណមុនីរ័ត្ន កូនលោក ឈាង រ៉ា រដ្ឋមន្រ្តីក្រសួងសុខាភិបាល ទី២ ឈ្មោះ ហួត ហង់បញ្ញាភក្តី កូនលោក ហួត ហាក់ រដ្ឋមន្រ្តីក្រសួងទេសចរណ៍ និងទី៣ ឈ្មោះ ចាយ សុវណ្ណរាជ កូនរដ្ឋមន្រ្តីក្រសួងធម្មការ និងសាសនា។

តាមដានជាមួយយើង៖ Million Times

យុវជនទាំង ៣ មានឱពុកជារដ្ឋមន្រ្តី ហើយក៏ធ្លាប់ទទួលបានការអប់រំខ្ពស់ខ្ពង់នៅបរទេសផងដែរ។ ការណ៍នេះបង្ហាញថា ពួកគេដើរមាគ៌ាដ៏ត្រឹមត្រូវរបស់លោកឱពុក ដើម្បីក្លាយជាយុវដ៏ឆ្នើមរបស់ជាតិ។

សូមជម្រាបថា ISPP គឺឈរក្នុងបញ្ជីឈ្មោះសាលាអន្តរជាតិដែលមានការបង់ថ្លៃសិក្សាខ្ពស់ជាងគេមួយនៅក្នុងស្រុកខ្មែរសម្រាប់កូនលោកអ្នកឧកញ៉ា អ្នកឧកញ៉ា លោកឧកញ៉ា កូនអ្នកមាន កូនទូត កូនបរទេស៕

អត្ថបទ៖ សាងតេជៈ រូបភាព៖ បណ្តាញសង្គម

The post កូនប្រុសរដ្ឋមន្រ្តី ៣រូបបញ្ចប់ការសិក្សាថ្នាក់ទី១២ ពីសាលាអន្តរជាតិ ISPP appeared first on Millions times.

លោក ហួត ហាក់ ស្នើវិស័យឯកជនជួយបញ្ចុះតម្លៃផលិតផលទាំងការស្នាក់នៅ និងម្ហូបអាហារក្នុងរដូវកាលបៃតង

Vin Chang — Fri, 09 May 2025 03:15:47 +0000

លោក ហួត ហាក់ រដ្ឋមន្ត្រីក្រសួងទេសចរណ៍ បានដឹកនាំកិច្ចប្រជុំក្រុមការងារជំរុញយុទ្ធនាការទេសចរណ៍ក្នុងរដូវកាលបៃតង (Green Season) ជាមួយភាគីពាក់ព័ន្ធសំខាន់ៗ ក្នុងវិស័យទេសចរណ៍ នៅថ្ងៃទី៧ ខែឧសភា ឆ្នាំ២០២៥។

តាមដានជាមួយយើង៖ Million Times

ដើម្បីពង្រឹងគុណភាពការធ្វើបដិសណ្ឋារកិច្ចភ្ញៀវទេសចរជាតិ និងអន្តរជាតិក្នុងរដូវកាលបៃតង (Green Season) នេះ លោក ហួត ហាក់ បានស្នើវិស័យឯកជនត្រូវរួមគ្នាបញ្ចុះតម្លៃស្នាក់នៅតាមសណ្ឋាគារ និងម្ហូបអាហារ ការពង្រឹងបដិសណ្ឋារកិច្ចឲ្យល្អ និងកក់ក្តៅ។ ជាពិសេសត្រូវរួមគ្នាបង្កើតព្រឹត្តិការណ៍ទេសចរណ៍នានានៅតាមបណ្តារាជធានីខេត្ត ដោយត្រូវរៀបចំជាលក្ខណៈយុទ្ធសាស្ត្រ និងប្រកបដោយភាពច្នៃប្រឌិត និងមានអត្តសញ្ញាណវប្បធម៌ខ្មែរ ជាពិសេសកិច្ចសហការឲ្យបានសកម្ម និងផុសផុលពីបណ្តាភាំគីពាក់ព័ន្ធទាំងអស់ ជាជវភាពនៃតួអង្គតែមួយ ដើម្បីរួមគ្នាសម្រេចឲ្យបាននូវកំណើនភ្ញៀវទេសចរបន្ថែមទៀតនាឆ្នាំ២០២៥ នេះ។

សូមជម្រាបថា សម្ដេច ហ៊ុន ម៉ាណែត នាយករដ្ឋមន្ត្រី ក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់មហាគ្រួសារវិស័យទេសចរណ៍ កាលពីថ្ងៃទី២៧ ខែកុម្ភៈឆ្នាំ២០២៥ បានគាំទ្រការដាក់ចេញនូវយុទ្ធនាការ «រដូវកាលបៃតង» (Green Season) ជំនួសឲ្យពាក្យរដូវកាលថយភ្ញៀវនារដូវវស្សា ចាប់ពីខែមេសា ដល់ខែតុលា ដោយផ្តល់ជូនដល់អ្នកទេសចរនូវបទពិសោធ ទេសចរណ៍ដ៏សែនស្រស់ស្រាយ និងសម្រស់ដ៏ល្អឯករបស់ប្រទេសកម្ពុជានារដូវវស្សា ដែលទេសភាពពោរពេញដោយពណ៌បៃតង អាកាសធាតុត្រជាក់ និងបរិយាកាសដ៏ស្ងប់ស្ងាត់។

លោក ហួត ហាក់ បានឲ្យដឹងថា ក្នុងរយៈពេល ៣ខែ ដើមឆ្នាំ២០២៥នេះ ចំនួនភ្ញៀវទេសចរអន្តរជាតិ ដែលមកទស្សនាកម្ពុជាមានចំនួនជិត២លាននាក់ ពោលគឺកើនឡើងជាង ១៦% បើធៀបនឹងរយៈពេលដូចគ្នា កាលពីឆ្នាំ២០២៤។ លោកថា នេះសបញ្ជាក់ឲ្យឃើញអំពីសក្តានុពលទេសចរណ៍ និងសុខសន្តិភាព ស្ថិរភាពនយោបាយ សន្តិសុខ សុវត្ថិភាព សណ្តាប់ធ្នាប់សាធារណៈល្អ ជាពិសេសបដិសណ្ឋារកិច្ចដ៏កក់ក្តៅ ជម្រើសការស្នាក់នៅ ម្ហូបអាហារដ៏មានឱជារស ការកម្សាន្តដ៏សម្បូរបែប ហេដ្ឋារចនាសម្ព័ន្ធមានការអភិវឌ្ឍ ដែលជំរុញឲ្យភ្ញៀវទេសចរ ជ្រើសរើសអញ្ជើញមកទស្សនា និងកម្សាន្តនាពេលបច្ចុប្បន្ននេះ៕

អត្ថបទ៖ ពិសិដ្ឋ រូបភាព៖ ក្រសួងទេសចរណ៍

The post លោក ហួត ហាក់ ស្នើវិស័យឯកជនជួយបញ្ចុះតម្លៃផលិតផលទាំងការស្នាក់នៅ និងម្ហូបអាហារក្នុងរដូវកាលបៃតង appeared first on Millions times.

ក្រុមសិល្បករ ៥ប្រទេសមកជំរុញការផ្សព្វផ្សាយគោលដៅទេសចរណ៍ខេត្តសៀមរាប

Vin Chang — Mon, 17 Mar 2025 02:02:16 +0000

ក្រុមសិល្បករ សិល្បការិនី ៥ប្រទេសរួមមាន កម្ពុជា ឥណ្ឌូណេស៊ី ចិន ហ្វីលីពីន និងឥណ្ឌា បានចូលរួមព្រឹត្តិការណ៍សម្តែងសិល្បៈអន្តរជាតិសៀមរាប-អង្គរ កាលពីល្ងាចថ្ងៃទី១៥ ខែមីនា ឆ្នាំ២០២៥ សំដៅជំរុញការផ្សព្វផ្សាយគោលដៅទេសចរណ៍ខេត្តសៀមរាប ឱ្យកាន់តែទូលំទូលាយទៅកាន់ទីផ្សារអន្តរជាតិ។

តាមដានជាមួយយើង៖ Million Times

លោក ង៉ូវ សេងកាក់ អភិបាលរងខេត្តសៀមរាប បានលើកឡើងថា ព្រឹត្តិការណ៍សម្តែងសិល្បៈអន្តរជាតិនៅអង្គរនាពេលនេះ ត្រូវបានរៀបចំឡើងដោយក្រសួងទេសចរណ៍ ក្នុងគោលបំណងសំដៅជំរុញការផ្សព្វផ្សាយគោលដៅទេសចរណ៍ខេត្តសៀមរាបឱ្យកាន់តែទូលំទូលាយទៅកាន់ទីផ្សារអន្តរជាតិ ក្នុងន័យចូលរួមចំណែកលើកកម្ពស់ប្រពៃណី វប្បធម៌ អរិយធម៌ខ្មែរ ក៏ដូចជាផ្សព្វផ្សាយពីសក្តានុពលធនធានវប្បធម៌ ប្រវត្តិសាស្រ្ត និងធនធានធម្មជាតិទៅកាន់ពិភពលោក ដើម្បីជំរុញឱ្យមានការរីកចម្រើននូវវិស័យទេសចរណ៍ក្នុងខេត្តសៀមរាប ក៏ដូចជាវិស័យទេសចរណ៍ទូទាំងប្រទេសកម្ពុជា។

លោកបានបន្តថា ការសម្តែងសិល្បៈអន្តរជាតិ សៀមរាប-អង្គរ បានប្រមូលផ្តុំនូវទស្សនីយភាពជាច្រើនប្រភេទប្លែកៗ រួមមានរបាំកូរសមុទ្រទឹកដោះ នឹកស្រុក របាំក្រមាខ្មែរ របាំមរតកដូនតា ការប្រគុំឧបករណ៍តន្រ្តី និង ចម្រៀង ដែលបង្កប់អត្តន័យ រូបភាព បរិយាកាសដ៏ស្រស់ស្អាតដល់ភ្ញៀវទេសចរណ៍ ។ ក្នុងការសម្តែង និង ការប្រគុំតន្រ្តី មានការចូលរួមដោយសិល្បករសិល្បការិនីពីសហភាពអឺរ៉ុប និងកម្ពុជា ដែលបង្ហាញឲ្យឃើញពីទំនាក់ទំនងរវាងគ្នាយ៉ាងជិតស្និត ក្នុងគ្រប់វិស័យ រួមទាំងសិល្បៈវប្បធម៌ផងដែរ ។

លោក ហួត ហាក់ រដ្ឋមន្រ្តីក្រសួងទេសចរណ៍ បានថ្លែងថា ក្រសួងទេសចរណ៍ បានដាក់ចេញសសរស្តម្ភនៃកិច្ចសហប្រតិបត្តិការចំនួន៦ និង ធ្វើការផ្សព្វផ្សាយនូវយុទ្ធនាការ ទេសចរណ៍ ដើម្បីទាំងអស់គ្នា ទាំងអស់គ្នាដើម្បីទេសចរណ៍! ទេសចរណ៍រីកលូតលាស់ក្នុងសន្តិភាព! ម្នាក់ៗ ជាអ្នកផ្សព្វផ្សាយទេសចរណ៍កម្ពុជាម្នាក់! ។

លោកគូសបញ្ជាក់ថា «ព្រឹតិ្តការណ៍សម្តែងសិល្បៈអន្តរជាតិ សៀមរាប-អង្គរនឹងអាចផ្សព្វផ្សាយកាន់តែទូលំទូលាយនូវវប្បធម៌ អរិយធម៌ ប្រពៃណី និងសក្តានុពលទេសចរណ៍ដ៏សម្បូរបែប ទៅកាន់ប្រជាជនកម្ពុជា និងប្រជាជននៅទូទាំងពិភពលោក ហើយខ្ញុំមានជំនឿយ៉ាងមុតមាំថា នឹងមានការចូលរួមផ្សព្វផ្សាយកាន់តែខ្លាំងក្លាពីគ្រប់ភាគីពាក់ព័ន្ធ អំពីអត្តសញ្ញាណ សិល្បៈ វប្បធម៌កម្ពុជា ក៏ដូចជាបណ្តាប្រទេសក្នុងតំបន់ដែលនឹងក្លាយជាចលករដ៏សំខាន់ ក្នុងការជម្រុញកំណើនទេសចរមកកាន់កម្ពុជា កាន់តែច្រើនថែមទៀត ពិសេសគោលដៅបេតិកភណ្ឌពិភពលោកសៀមរាប-អង្គរ»៕

អត្ថបទ៖ សាងតេជៈ រូបភាព៖រដ្ឋបាលខេត្តសៀមរាប

The post ក្រុមសិល្បករ ៥ប្រទេសមកជំរុញការផ្សព្វផ្សាយគោលដៅទេសចរណ៍ខេត្តសៀមរាប appeared first on Millions times.

លោក ហួត ហាក់ ដាក់ផែនការរកលុយឲ្យបាន ៥.១០០លានដុល្លារពីទេសចរអន្តរជាតិក្នុងឆ្នាំ២០២៥

Vin Chang — Thu, 27 Feb 2025 09:26:59 +0000

លោក ហួត ហាក់ បានឲ្យដឹងថា អង្គសន្និបាតក្រសួងទេសចរណ៍បានវាយតម្លៃខ្ពស់ពីការចូលរួមរបស់វិស័យទេសចរណ៍ទៅក្នុងសេដ្ឋកិច្ចជាតិ ក្នុងនោះឆ្នាំ២០២៣ ចំណូលទេសចរណ៍អន្តរជាតិមានចំនួន ៣.០៨៣ លានដុល្លារ ក្នុងឆ្នាំ២០២៤ ចំណូលទេសចរណ៍អន្តរជាតិមានចំនួន ៣.៦៣៧ លានដុល្លារ ដោយរួមចំណែកប្រមាណ ៩.៤% នៃផលិតផលក្នុងស្រុកសរុប។

ក្នុងពិធីបិទសន្និបាតការងារក្រសួងទេសចរណ៍រសៀលថ្ងៃទី២៧ ខែកុម្ភៈនេះ លោក ហួត ហាក់ រដ្ឋមន្ត្រីក្រសួងទេសចរណ៍ បង្ហាញការព្យាករណ៍ក្នុងឆ្នាំ២០២៥ ចំណូលទេសចរណ៍អន្តរជាតិមានចំនួន ៥.១០០ លានដុល្លារអាម៉េរិក ដោយរួមចំណែកប្រមាណ ១០.៥% នៃផលិតផលក្នុងស្រុកសរុប។ លោកបានវាយតម្លៃខ្ពស់ពីស្ថានភាពកញ្ចប់ទស្សនកិច្ចក្នុងឆ្នាំ២០២៤ និងមានសុទិដ្ឋិនិយមចំពោះឆ្នាំ២០២៥។

តាមដានជាមួយយើង៖ Million Times

លោកបានឱ្យដឹងថា ស្ថិតិទេសចរណ៍នៅឆ្នាំ២០២៤ កម្ពុជាទទួលបានភ្ញៀវទេសចរអន្តរជាតិសរុប ៦.៧ លាននាក់ កើនឡើងប្រមាណ ២៣% ធៀបនឹងឆ្នាំ២០២៣ ជាមួយទេសចរជាតិប្រមាណ ២២.៥២ លាននាក់ កើនឡើង ២០,១% ធៀបនឹងឆ្នាំ២០២៣។

បើតាមលោករដ្ឋមន្ត្រី អង្គសន្និបាតរបស់ក្រសួងទេសចរណ៍នៅពេលនេះ បានស្នើឱ្យមានការរៀបចំព្រឹត្តិការណ៍ទេសចរណ៍ឱ្យបានកាន់តែច្រើនថែមទៀត ដោយបន្ថែមការរៀបចំបុណ្យទន្លេ បុណ្យសមុទ្រ និងឈានទៅការរៀបចំបុណ្យទេសចរណ៍តំបន់ភ្នំ ទេសចរណ៍សាសនា ទេសចរណ៍ម្ហូបអាហារ និងទេសចរណ៍វត្ថុអនុស្សាវរីយ៍ជាដើម ដើម្បីបង្កើនការទាក់ទាញទេសចរមកកម្សាន្តនៅកម្ពុជាឱ្យបានកាន់តែច្រើនថែមទៀត៕

អត្ថបទ៖ សាងតេជៈ រូបភាព៖ បណ្តាញសង្គម

The post លោក ហួត ហាក់ ដាក់ផែនការរកលុយឲ្យបាន ៥.១០០លានដុល្លារពីទេសចរអន្តរជាតិក្នុងឆ្នាំ២០២៥ appeared first on Millions times.

ហួត ហាក់ Archives - Millions times

ម្ចាស់​ថោនគ្រុប លោកស្រី ជួប មាន អ្នកជំនួញស្រីទាំងស្អាត និងពូកែ Fashion

កើន​ឡើងខ្លាំង! ​កម្ពុជា​ទទួល​ភ្ញៀវ​ទេសចរ​ចិន​ជាង​១​លាន​នាក់​ក្នុង​ឆ្នាំ​២០២៥ ​កើន​ជាង​៤០​ភាគរយ

ក្រុមហ៊ុនទេសចរណ៍ចិនធំមកពី ១៤ ខេត្ត ក្រុង និងរដ្ឋធានី ចាប់អាម្មរណ៍លើសក្តានុពលទេសចរណ៍កម្ពុជា

ឧកញ៉ា ឌិន សុមេធារិទ្ធ ទៅធុរកិច្ចនៅម៉ាឡេស៊ី និងជួបតារាចិន ព្រមទាំងណែនាំពីព្រលានថ្មីដល់ Fan Bingbing

ក្រសួងទេសចរណ៍ និងធនាគារជាតិ ពិភាក្សាគ្នាជួយផ្សព្វផ្សាយឱ្យបានកាន់តែទូលំទូលាយនូវកម្មវិធីទូទាត់បាគងទេសចរ

កម្ពុជា-វៀតណាម ដាក់ផែនការរួមគ្នាទាក់ទាញភ្ញៀវទេសចរអន្តរជាតិមកទស្សនាក្នុងរដូវកាលបៃតង

កូនប្រុសរដ្ឋមន្រ្តី ៣រូបបញ្ចប់ការសិក្សាថ្នាក់ទី១២ ពីសាលាអន្តរជាតិ ISPP

លោក ហួត ហាក់ ស្នើវិស័យឯកជនជួយបញ្ចុះតម្លៃផលិតផលទាំងការស្នាក់នៅ និងម្ហូបអាហារក្នុងរដូវកាលបៃតង

ក្រុមសិល្បករ ៥ប្រទេសមកជំរុញការផ្សព្វផ្សាយគោលដៅទេសចរណ៍ខេត្តសៀមរាប

លោក ហួត ហាក់ ដាក់ផែនការរកលុយឲ្យបាន ៥.១០០លានដុល្លារពីទេសចរអន្តរជាតិក្នុងឆ្នាំ២០២៥

ម្ចាស់ថោនគ្រុប លោកស្រី ជួប មាន អ្នកជំនួញស្រីទាំងស្អាត និងពូកែ Fashion

កើនឡើងខ្លាំង! កម្ពុជាទទួលភ្ញៀវទេសចរចិនជាង១លាននាក់ក្នុងឆ្នាំ២០២៥ កើនជាង៤០ភាគរយ