ស្រីណៃ Archives - Millions times

រដូវកាលមាសឡើងថ្លៃ ស្រីណៃ មិនឲ្យចាញ់ CEO ល្បីៗដទៃទៀតឡើយ

Vin Chang — Mon, 09 Feb 2026 08:16:40 +0000

ប្រមាណ ១ ខែជាងមកនេះ តម្លៃហាងឆេងមាសកំពុងមានតែឡើងថ្លៃ ដូចនេះហើយក្នុងនាមជាអ្នកជំនួញលើវិថីអនឡាញល្បីឈ្មោះម្នាក់ ស្រីណៃ ក៏មិនខុសពី CEO ដទៃទៀតដែរ ដោយវិនិយោគលើមាសគីឡូរាប់សិបតម្លឹង។

តាមដានជាមួយយើង៖ Million Times

កាបូបមាសស៊ីគ្នានឹងឈុតប្រពៃណីខ្មែរ សំពត់បត់ ច្នៃពីសូត្រមានតម្លៃខ្ពស់ ដែលស្ទីល៍បែបនេះ ត្រូវបាន CEO គ្រឿងសម្អាង ឬម្ចាស់ផលិតផលថែរក្សាសម្រស់ជាច្រើនរូបរបស់ខ្មែរ តែងតែបង្ហាញបង្ហាញពីរសនិយមកាបូបច្នៃពីមាសសុទ្ធ ដែលមានតម្លៃរាប់ម៉ឺនដុល្លារ និងមានទម្ងន់រាប់សិបតម្លឹង។

ស្រីណៃ ក៏ជាសេដ្ឋិនីដែលរកស៊ីលើវិថីអនឡាញ មានកេរ្តិ៍ឈ្មោះបោះសំឡេងក្នុងប្រទេស ហើយក៏ជាបុគ្គលម្នាក់ដែលកាន់កាបូបមាស និងពាក់គ្រឿងអលង្ការធំៗ ធ្វើពីមាសសុទ្ធ មើលហើយពិតជាគួរឲ្យស្ងើចសរសើរ។

បើទោះជាតម្លៃហាងឆេងមាសកំពុងឡើងថ្លៃយ៉ាងណាក៏ដោយ តែសម្រាប់ ស្រីណៃ CEO MoJo រូបនេះមិនខ្លាចញញើតក្នុងការចំណាយលើគ្រឿងអលង្ការដែលធ្វើពីមាសឡើយ។ មិនត្រឹមតែកាបូបដៃមាសឡើយ ថ្មីៗនេះសេដ្ឋិនីអនឡាញរូបនេះទើបធ្វើដំណើរកម្សាន្តនៅក្រៅប្រទេស និងទិញកាបូបដៃម៉ាកល្បីជិត ៤ ម៉ឺនដុល្លារម្ដងរួចមកហើយ៕

អត្ថបទ៖ ឆដា, រូបភាព៖ NayNay Shanti

The post រដូវកាលមាសឡើងថ្លៃ ស្រីណៃ មិនឲ្យចាញ់ CEO ល្បីៗដទៃទៀតឡើយ appeared first on Millions times.

ស្រីណៃ ទៅដើរលេង និងទិញកាបូបប្រេនៗបន្ថែមក្ដីសុខឲ្យខ្លួនឯង

Vin Chang — Wed, 28 Jan 2026 10:01:39 +0000

កាបូប ខោអាវ ស្បែកជើង គ្រឿងអលង្ការប្រេនៗគឺជាដៃគូរបស់មនុស្សស្រី ជាពាក្យដែលគេឯងតែងនិយាយមិនខុសមែន។ ជាក់ស្ដែងអ្នកជំនួញ ស្រីណៃ បានធ្វើដំណើរទៅបរទេស ដើម្បីសម្រាកលម្ហែ និងទិញសម្ភារទំនើប បន្ថែមក្ដីសុខឲ្យខ្លួនឯង។

តាមដានជាមួយយើង៖ Million Times

ម្ចាស់ប្រេន Mojo បានទៅដើរលេងនៅម៉ាឡេស៊ី ដើម្បីដើរលេង ហើយក៏ដើរផ្សារទំនើបដើម្បីទិញកាបូបប្រេន Dior Mini Lady Dior – Himalaya Crocodile Niloticus ដែលមានតម្លៃជិត៤ ម៉ឺនដុល្លារ។

សេដ្ឋិនីអនឡាញ ស្រីណៃ បានបញ្ជាក់ពីតម្លៃកាបូប កាបូបដៃតូច Christian Dior Lady Dior ធ្វើពីស្បែកក្រពើ Niloticus ពណ៌ស ជាមួយនឹងបន្តោងកាបូបមានដាំគ្រីស្តាល់រាប់រយគ្រាប់ មានតម្លៃ ៣ ៨០០០ ដុល្លារ។

អ្នកជំនួញអនឡាញដែលមានកេរ្តិ៍ឈ្មោះល្បាញល្បី ស្រីណៃ តែងតែបំពេញក្ដីសុខរបស់ខ្លួន ដោយទិញរបស់របរមានតម្លៃមិនថាជាខោអាវ ឡានទំនើប ពិសេសបំផុតគឺកាបូបប្រេនៗនេះតែម្ដង។

លោកស្រី មានកាបូបប្រេនល្បីៗមិនថា Dior, LV, Hermès,Gucci និងប្រេនលំដាប់កំពូលដទៃទៀត ហើយគ្រាន់តែបន្ទប់ និងទូរដាក់កាបូបវិញ សឹងតែធំជាងហាងមួយទៅហើយ៕

អត្ថបទ៖ ឆដា, រូបភាព៖ Chamroeun Phannay

The post ស្រីណៃ ទៅដើរលេង និងទិញកាបូបប្រេនៗបន្ថែមក្ដីសុខឲ្យខ្លួនឯង appeared first on Millions times.

កាបូប Hermès អ្នកជំនួញអនឡាញ ស្រីណៃ មួយៗតម្លៃខ្ទង់ម៉ឺនដុល្លារ

Vin Chang — Tue, 11 Nov 2025 08:38:32 +0000

ម្ចាស់អាជីវកម្មអនឡាញស្រីសម្ដីក៏ផ្អែម ផលិតផលក៏មានគុណភាពល្អ ស្រីណៃ ក៏ជាបុគ្គលជោគជ័យក្នុងវិថី Skincare។ ការខិតខំរបស់ម្ចាស់ប្រេន MoJo វ័យក្មេងរូបនេះទទួលបានផ្លែផ្កាកាន់តេខ្លាំង នាប៉ុន្មានឆ្នាំចុងក្រោយនេះ ដោយអតិថិជនកាន់តែច្រើន កេរ្តិ៍ឈ្មោះក៏កាន់តែបោះសំឡេងថែមខ្លាំងថែមឡើង។

តាមដានជាមួយយើង៖ Million Times

ក្នុងនាមជាម្ចាស់ប្រន MoJo ស្រីណៃ ជានារីទាន់សម័យ ហើយការរៀបចំតុបតែងខ្លួនទៀតសោត មិនធម្មតាឡើយ ពិសេសពេលចូលរួមកម្មវិធី និងចេញក្រៅម្ដងៗ។ CEO ដ៏ស្រស់ស្អាតនេះមានរស់និយមខ្ពស់ណាស់ចំពោះប្រេនល្បី សម្រាប់តុបតែងខ្លួនមិនថាកាបូប សម្លៀកបំពាក់ ស្បែកជើង និងគ្រឿងពេជ្រ។

ស្រីណៃ និយមប្រើកាបូបសឹងតែគ្រប់ប្រេនធំៗទាំងអស់ ប៉ុន្តែ CEO MoJo brand រូបនេះប្រើម៉ាក Hermès ច្រើនខុសពីប្រេនដទៃ។ សម្រាប់កាបូប Hermès នីមួយៗសុទ្ធតែតម្លៃខ្ពស់កប់ពពក និងប្រណីតអស្ចារ្យ។

មកមើលពីម៉ូដ និងតម្លៃពីម៉ាក Hermès របស់ CEO MoJo brand ស្រីណៃ ទាំង ៤ ខាងក្រោមនេះ៖

១. Hermes Kelly 25 Black Epsom Sellier Ghw តម្លៃប្រហែល ៣២ ៥០០ ដុល្លារ

២. Hermès Kelly Mini II 20 Black Epsom GHW តម្លៃប្រមាណ ៣៦ ៥០០ ដុល្លារ

៣. Hermès Kelly 32 Alligator Vert Emerald តម្លៃប្រមាណ ៩៧ ០០០ ដុល្លារ

៤. Hermès Birkin 25 Swift Alezan តម្លៃប្រមាណ ៣៩ ៥០០ ដុល្លារ

អត្ថបទ៖ ឆដា, រូបភាព៖ Chamroeun Phannay

The post កាបូប Hermès អ្នកជំនួញអនឡាញ ស្រីណៃ មួយៗតម្លៃខ្ទង់ម៉ឺនដុល្លារ appeared first on Millions times.

អ្នកជំនួញអនឡាញ ស្រីណៃ ទទួលបានកាដូរខួបកំណើតឡាន Lamborghini Aventador SVJ មានតែ១ គ្រឿងប៉ុណ្ណោះក្នុងស្រុកខ្មែរ

Vin Chang — Wed, 25 Dec 2024 07:57:44 +0000

អ្នកជំនួញអនឡាញដ៏ល្បីឈ្មោះ ស្រីណៃ ដែលនរណាៗក៏ស្គាល់ពីភាពមានបានឡូយឆាយនាពេលបច្ចុប្បន្ននេះដោយបង្ហាញឲ្យអ្នកគាំទ្រ និងអតិថិជនឃើញពីសមិទ្ធផល ទទួលបានផ្លែផ្កាមកពីផលិតផលថែរក្សាសម្រស់។

តាមដានជាមួយយើង៖ Million Times

កាលពីថ្ងៃ ១៩ ខែធ្នូ ឆ្នាំ ២០២៤ ដែលជាថ្ងៃខួបកំណើតរបស់ហាយសូសម័យថ្មី ស្រីណៃ វ័យ ២៨ ឆ្នាំ ស្វាមីអ្នកជំនួញស្រីដ៏ឆើតឆាយរូបនេះ បាន surprise កាដូដ៏ភ្ញាក់ផ្អើលមួយ ក្នុងចំណោមភ្ញៀវចូលរួមកុះករ នោះគឺឡានទំនើប Lamborghini Aventador SVJ ពណ៌ស១ គ្រឿង ថ្មីសន្លាង ដែលមានតម្លៃក្បែរ ១ លានដុល្លារទៅហើយ។

អ្នកលេងបណ្ដាញសង្គម តែងនិយាយថា ស្រីណៃ ជាស្រ្តីរឹងមាំ និងតស៊ូក្នុងអាជីព បើទោះជាចាប់ផ្ដើមដំបូងមិនរលូនប៉ុន្មានក៏ដោយ។ តែពេលនេះ ស្រីណៃ ក្លាយជាសេដ្ឋីនីជំនាន់ថ្មីទាំងល្បី និងរកចំណូលបានក្រាស់ក្រែលពីអាជីវកម្មផលិតផលថែរក្សាសម្រស់តាមអនឡាញ។

Lamborghini Aventador SVJ ពណ៌ស១ បានជះរាងយ៉ាងសង្ហានៅពីមុខផ្ទះ តាំងបង្ហាញឲ្យភ្ញៀវចូលរួមបានឃើញផងដែរ។ ក្រៅពីកាដូរពីស្វាមីតម្លៃប្រមាណ ៩០ ម៉ឺនដុល្លាររួចមក អភិជនជាន់ថ្មីនេះ ក៏ទទួលបានអំណោយពីភ្ញៀវមកចូលរួមក្នុងកម្មវិធីខួបកំណើតវ័យ ២៨ ឆ្នាំរូបនេះ។

បើតាមការបង្ហើបពី ស្រីណៃ បានបញ្ជាក់ថាម៉ាកឡាន Lamborghini Aventador SVJ នេះ នឹងមាន ២ គ្រឿងចូលមកខ្មែរឆាប់ៗ។ សេដ្ឋីនីអនឡាញរូបនេះ មានឡានទំនើបៗជាច្រើនគ្រឿង ចតនៅក្នុងវីឡាធំស្កឹមស្កៃ៕

អត្ថបទ៖ មេរ៉ា, រូបភាព៖ Chamroeun Phannay

The post អ្នកជំនួញអនឡាញ ស្រីណៃ ទទួលបានកាដូរខួបកំណើតឡាន Lamborghini Aventador SVJ មានតែ១ គ្រឿងប៉ុណ្ណោះក្នុងស្រុកខ្មែរ appeared first on Millions times.

តម្លៃកាបូបប្រេនៗសេដ្ឋីនីអនឡាញ ស្រីណៃ មួយម៉ូដៗថ្លៃកប់ពពក

Vin Chang — Wed, 18 Dec 2024 09:26:26 +0000

អភិជនជាន់ថ្មីនៃអ្នកជំនួញអនឡាញ ស្រីណៃ នៅតែជាទីពេញនិយមនៃអ្នកលេងបណ្ដាញសង្គម ឲ្យតាមដានជីវិតហ៊ឺហាគ្រប់ Platform ទាំងហ្វេសប៊ុក តិកតុក និង Instagram។ ជំនួញគ្រឿងថែរក្សាសម្រស់កាន់តែមានទីផ្សារ លុយក៏កាន់តែហូរចូលដូចទឹក ធ្វើឲ្យម្ចាស់អាជីវកម្មអនឡាញរូបនេះ កាន់តែហាយសូឡើងៗ។

តាមដានជាមួយយើង៖ Million Times

បើនិយាយពីសម្ភារៈនិយម ស្រីណៃ តែងតែទិញកាបូបម៉ាកល្បីៗ មានតម្លៃថ្លៃ ហើយប្រភេទខ្លះជារបស់កម្រ។ ជីវិតរីកចម្រើនរបស់ ស្រីណៃ បានបង្ហាញតាមរយៈផ្ទះវីឡាធំស្កឹមស្កៃ ឡានទំនើបជាច្រើនគ្រឿង និងសម្លៀកបំពាក់ គ្រឿងអលង្ការ កាបូបស្បែកជើងតម្លៃថ្លៃកប់ពពក រួចក៏ឃើញពីការចាយជីវិតបែបហាយសូ ដោយទៅកម្សាន្តកន្លែងល្បីៗលើពិភពលោក។

ស្រីណៃ តែងមានវត្តមានចូលរួមកម្មវិធីអ្នកជំនួញអនឡាញដូចគ្នា ហើយការបង្ហាញខ្លួនពិតជាស្រស់ស្អាតជាមួយរ៉ូបតម្លៃខ្ពស់ និងជាប្រេនមកពីបរទេស។ ចំណែកជីវិតគ្រួសារទៀតសោតកាន់តែផ្អែមល្ហែម មានសុភមង្គលពីមួយថ្ងៃទៅថ្ងៃ៕

១. Hermes Kelly 25 Bag 67 Vert Fonce Shiny Alligator GHW តម្លៃជាង ៧ ម៉ឺនដុល្លារ

២. Louis Vuitton Monogram Carryall MM តម្លៃជាង ២ ពាន់ដុល្លារ

៣. BNIB Hermes Birkin 30 Gold តម្លៃជាង ២ ម៉ឺនដុល្លារ

៤. Chanel Black Quilted Leather Medium Classic Double Flap Bag តម្លៃជាង ៤ ពាន់ដុល្លារ

៥. Christian Dior Lady D-JOY Medium Bag តម្លៃជាង ៤ ពាន់ដុល្លារ

៦. Hermès Kelly 25 Nata Epsom GHW តម្លៃជាង ១៧ ០០០ ដុល្លារ

អត្ថបទ៖ មេរ៉ា, រូបភាព៖ NayNay Shanti

The post តម្លៃកាបូបប្រេនៗសេដ្ឋីនីអនឡាញ ស្រីណៃ មួយម៉ូដៗថ្លៃកប់ពពក appeared first on Millions times.

ពីអ្នកលក់អនឡាញតូចតាចម្នាក់ ស្រីណៃ ក្លាយជាម្ចាស់ក្សត្រិយ៍ក្នុងជីវិតពិត វីឡាធំល្វឹងល្វើយ ឡានទំនើបផុតលេខ

Vin Chang — Thu, 29 Aug 2024 08:22:58 +0000

នាពេលបច្ចុប្បន្នបើនិយាយពីកំពូលអ្នកលក់គ្រឿងថែរក្សាសម្រស់ដែលល្បីខ្លាំង អតិថិជនប្រាកដជាចង្អុលទៅ ស្រីណៃ។ ក្រៅពីសម្ដីចាក់ទឹកមិនលិច រូបសម្រស់ស្រស់ស្អាត អាចទាក់ទាញបានចិត្តអ្នកលេងបណ្ដាញសង្គមមកសាកល្បងប្រើផលិតផល អ្នកនាងក៏ម្ចាស់ប្រេនក្លាយជាសេដ្ឋីនីទៅហើយពេលនេះ។

២ ឆ្នាំចុងក្រោយជីវិតម្ចាស់ប្រេន Skincare រូបនេះកំពុងសោយសុខលើគំនរទ្រព្យសម្បត្តិដែលជាញើសឈាមខ្លួនខំសាងមកយ៉ាងលំបាក ៦-៧ ឆ្នាំកន្លងមកនេះ។ ដោយកាលពីចុងឆ្នាំ ២០២៣ ស្រីណៃ បានទិញឡានទំនើប Mercedes-Benz G 63 AMG BRABUS តម្លៃជាង ៧៥ ម៉ឺនដុល្លារអាមេរិក ហើយនៅឆ្នាំ ២០២៤ នេះដែរ អ្នកនាងទិញកាបូបជាង ១ ម៉ឺនដុល្លារ។

តាមដានជាមួយយើង៖ Million Times

ម្ចាស់ផលិតផលថែរក្សាសម្រស់ដែលល្បីទាំងនៅខ្មែរ និងថៃរូបនេះមិនមែនមានតែឡានទំនើប BRABUS មួយគ្រឿងឡើង ស្រីណៃ ក៏មានឡាន BRABUS នោះទេ នាងក៏នៅមានឡានស៊េរីទំនើប Bentley continental gt speed 2016 មួយគ្រឿងទៀតដែរ តម្លៃជិត ៣០ ម៉ឺនដុល្លារ។ មិនទាន់អស់ឡើយ កំពូលអ្នកលក់អនឡាញហាយសូ រូបនេះក៏មានរថយន្តគ្រួសារផ្សេង និងមានតម្លៃខ្ពស់ផងដែរ។

ចំណែកផ្ទះរបស់អភិជនរូបនេះ នៅក្នុងបុរី ជីប ម៉ុង ដែលគេស្គាល់ថាកន្លែងរស់នៅរបស់អភិជនជាច្រើន ដោយមានតម្លៃជាង ១ លានដុល្លារ។ សេដ្ឋីរូបនេះ ក៏ជាមនុស្សស្រីចាយភាពហ៊ឺហាដោយសម្ភារៈនិយមដែរ ជារឿយៗអ្នកនាងឧស្សាហ៍ទៅថៃ ទិញប្រេនលំដាប់ពិភពលោកជាច្រើននៅទីនោះ។ ម្យ៉ាងម្ចាស់ផលិតផលថែរក្សាសម្រស់ជាច្រើនប្រភេទរូបនេះ ក៏ចូលចិត្តទិញគ្រឿងពេជ្រលម្អខ្លួន តាមបែបអ្នកមាន។

មិនឲ្យខុសពីសេដ្ឋីដទៃ ស្រីណៃ ធ្លាប់ទៅសម្រាលលំហែនៅកោះម៉ាល់ឌីវ ២ យប់តម្លៃ ២ ម៉ឺនដុល្លារ ព្រមទាំងទៅកម្សាន្តនៅប្រទេសបារាំងយ៉ាងស៊ីវិល័យ ហើយប៉ុន្មានថ្ងៃទៀតក៏ត្រៀមទៅអឺរ៉ុបម្ដងទៀត ដើម្បីកាត់បន្ថយការស្មុគស្មាញក៏ដូចជា ការសាកថ្មជីវិតផងដែរ។ មិនត្រឹមតែជីវិតស្តុកស្តម្ភ ស្រីណៃ ក៏មានប្ដីចាំជួយនៅក្រោយខ្នង លើកទឹកចិត្ត និងបំពេញសេចក្ដីត្រូវការសព្វបែបយ៉ាង៕

អត្ថបទ៖ នារ៉ាវី រូបភាព៖ បណ្តាញសង្គម

The post ពីអ្នកលក់អនឡាញតូចតាចម្នាក់ ស្រីណៃ ក្លាយជាម្ចាស់ក្សត្រិយ៍ក្នុងជីវិតពិត វីឡាធំល្វឹងល្វើយ ឡានទំនើបផុតលេខ appeared first on Millions times.